დალოცვის, მილოცვის, მოკითხვისა თუ დამშვიდობების თანდართულ ტექსტად იქცა - წარმატებებს გისურვებ (უნდა იყოს წარმატებას, მაგრამ დღეს გრამატიკაზე არ ვისაუბრებ). წარმატების გაგება სხვადასხვაგვარია და ინტერნეტსაც თუ გადაქექავთ, ადვილად აღმოაჩენთ წარმატების საიდუმლო რეცეპტებს, შეგონებებს, წარმატებულობის ხერხებს და მრავალ სხვას (წარმატების აკადემიაც კი არსებობს თურმე).


(წყარო)

      სხვადასხვა კულტურებში და სხვადასხვა ეპოქაში სხვადასხვა რამ ითვლება წარმატებად და წარმატებულად, მეტიც უმეტესწილად ინდივიდუალურ დონეზე განიხილება ვისთვის რა არის წარმატება, მაგალითად 5 წლის ბავშვის წარმატებაა 7-8 სტროფიანი ლექსების ცოდნა? ალბათ კი. ოდესღაც წარმატებულ აქტად ჩაივლებოდა თუ გლეხის გოგო თავადიშვილზე გათხოვდებოდა, წარმატებულობისთვის იყვნენ განწირულნი ისინიც, ვინც მაღალი სოციალური სტატუსის ოჯახებში იბადებოდნენ. მოკლედ, ასეთი სიბუექტური მიდგომების მიუხედავად, ყოველ დროში არსებობს რაღაც ზოგადი შეხედულება ვინ არის წარმატებული. მაგალითად, წარმატებულია თუ არ არა ბილ გეითსი? კი, რა თქმა უნდა, ის ხომ უმდიდრესი ადამიანია მსოფლიოში; წარმატებულია თუ არა, ბარაკ ობამა - დიახ, ის ხომ ამერიკის პრეზიდენტია; წარმატებულია თუ არა თქვენი ქალაქის მერი? რა თქმა უნდა - ის ხომ ქალაქის მერია. ესაა ზოგადი "კლიშეები", რომლითაც ჩვენ მსჯელობას ვავითარებთ ხოლმე. ამ ყოველივეზე დაკვირვებით, შეიძლება ჩამოვთვალოთ ის ძირითადი მახასიათებლებით, რაც წარმატებულობას განაპირობებს: ("წარმატებულობის" სოციოლოგიური კვლევები ხშირად ტარდება და თუ დაინტერესება იქნება, შესაძლებელია მათი მოძიება)

  1. მაღალი სოციალური სტატუსი (იქნება ეს მმართველობითი ორგანოს წარმომაგენელი, აღიარება საზოგადოებისგან, ცნობადი სახე და ა.შ.)
  2. ეკონომიკური მდგომარეობა.

      უფრო ვიწრო დონეზე, წარმატებით თვითკმაყფილებას სჭირდება პროფესიული წარმატებაც - ანუ იმ საქმით მოპოვებული სოციალური სტატუსი და ეკონომიკური მდგომარეობა, რომელი საქმეც მოგწონს და რისი კეთების სურვილიც გაქვს.

      ასე და ამგვარად, შეიძლება თქვენს ანგარიშზე შვეიცარიის ბანკში არ ირიცხებოდეს მილიარდები, მაგრამ შეიძლება ფილარმონიის სცენაზე კარგი შოუ დადგათ, შემდეგ რამდენიმე გადაცემაში მიგიწვევენ, ცოტას გაგაპოპლარულებენ, მერე სამსახურსაც გამოკრავთ ხელს ნორმალური ანაზღაურებით და ეს უკვე წარმატებაა. შემდეგ წარმატების ზედა საფეხურები - უკეთესი პოზიცია სამსახურში, მერე უკეთესი სამსახური, მეტი ანაზღაურება და ა.შ.

      აქამდე დავწერე ის, რაც ისედაც ყველამ იცის, მაგრამ არსებობენ ისეთი "წარმატებულებიც", რომლებმაც ამ ყველაფერზე უარი თქვეს და წარმატების ისეთი გზა შემოგვთავაზეს, რომელსაც პრინციპში წარმატება (ჩვენი გაგებით) არც მიესადაგება. ეგეც არ იყოს, მათი შემოთავაზებული წარმატება - რჩეულობა (როგორადაც ისინი იხსენიებენ), იმდენად განსხვავებული და გასაოცარია, ზოგჯერ დააეჭვებს კაცს - საერთოდ რეალურია კი?!. მაგრამ პასუხი ცალსახაა - დიახ, რეალურია, უბრალოდ როგორც სხვა დანარჩენი მათ გარშემო, წარმატებაც და რჩეულობაც იმდენად აღემატება ამ მსოფლიოს აზროვნებას, რომ გვიჭირს გაგება, დაჯერება და შესრულება.

      დღეს მათე მოციქულის ხსენების დღეა. მოციქულების ან მოციქულთასწორთა ხსენების დღეს, საღმრთო ლიტურღიაზე სამოციქულოს დროს პავლე მოციქულის კორინთელთა მიმართ პირველი ეპისტოლე იკითხება. ყოველთვის ასეა და გარდა ამ ეპიზოდის შესწავლისა, ტაძარშიც არაერთხელ მომისმენია ეს ამონარიდი. დღევანდელი დღეც არ იყო გამონაკლისი, მხოლოდ, დღეს განსაკუთრებით ამეკვიატა ეს ეპიზოდი და გზაშიც და სახლშიც ბევრი მაფიქრა, მერე შემომეწერა კიდეც. აი რას წერს პავლე მოციქული კორინთელებს:

      "ღმერთმან ჩუენ მოციქულნი უკანაჲსკნელად გამოგუაჩინნა ვითარცა სასიკუდინენი, რამეთუ სახილველ ვიქმნენით სოფლისა და ანგელოზთა და კაცთა. ჩუენ სულელ ქრისტესთჳს, ხოლო თქუენ ბრძენ ქრისტეს მიერ; ჩუენ უძლურ, ხოლო თქუენ ძლიერ; თქუენ დიდებულ, ხოლო ჩუენ გინებულ. ვიდრე აქა ჟამადმდე გუშიისცა და გუწყურისცა და შიშუელ ვართ და ვიქენჯნებით, და განუსუენებელ ვართ და ვშურებით, რამეთუ ვიქმთ ჴელითა ჩუენითა. მაგინებელთა ჩუენთა ვაკურთხევთ; ვიდევნებით და თავს-ვიდებთ; მგმობართა ჩუენთა ულოცავთ; ვითარცა ნარჩევნი სოფლისანი შევიქმნენით, ყოველთა ნასხურ მოაქამდე." (1 კორ. 4, 9-13). როგორც ნახეთ აქ არც პატივზე საუბრობს პავლე მოციქული, არც დიდებაზე, არც ეკონომიკურ კეთილდღეობაზე, მგონი "ვარსკვლავობასა" და "ცნობადობაზეც" არ აკეთებს აქცენტებს, არამედ სრულიად ამოტრიალებულ აზრს აყალიბებს - გვშია, გვწყურია, არ გვაცვია, ვიდევნებით, ვშრომობთ, გვაგინებენ და ჩვენ ვაკურთხებთ, გვგმობენ და ჩვენ ვლოცავთ და სწორედ ამიტომ ვართ ნარჩევი სოფლისაო.

      რაღა მაქვს სათქმელი ანდა მოციქულ პავლეზე უკეთ როგორღა უნდა ვთქვა რამე?

P.S. მჩხრიკავებო, ნუ დაიხვევთ ახლა ამ ამონარიდს ხელზე და ნუ იტყვით, აი ასე უნდა ცხოვრობდნენ სასულიერო პირებიო, აქ პავლე მხოლოდ სასულიერო პირებზე არ საუბრობს, არამედ ქრისტიანის ცხოვრებაა ასეთი - დევნილი და გინებული! და თუ თქვენ ქრისტიანი ხართ და ამ დღეში არ იმყოფებით (იმ სასულიერო პირებისა არ იყოს, რომლებსაც ასე აკრიტიკებთ ხოლმე), თუ ადვილად უწყობთ ფეხს ამ სოფლის მოთხოვნებს, გაქვთ დაფასება და პატივი ე.ი. თქვენთანაც არის პრობლემა და თუ საერთო სიტუაციის გამოსწორება გინდათ, რა თქმა უნდა ჯერ ქვედა საფეხურები უნდა გამოსწორდეს და მერე გამოსწორება ჭერამდეც მიაღწევს.

ნახვა: 477

ტეგები: Qwelly, აზროვნება, ბლოგი, სარწმუნოება, ფული, ქრისტიანობა, ღირებულებები, წარმატება

Kakha: ნოემბერი 29, 2015||9:16pm

ვფიქორბ დღეს წარმატებისათვის სხვა საზომიც შეგვიძლია შემოვიტანოთ ტოლფასი იმისა რაც შემოთავაზებულია, რაღაც უფრო უხილავი (პირდაპირი გაგებით) უნდა იყოს წარმატება )) საკმარისად არ ავღწერე მაგრამ მგონი არც ისე გაუგებარია, პროლოგი - სტივ ჯობსი წარმატებული ნამდვილად არ ყოფილა ეს ნადმვილად ვიცით დღეს უკვე )) და არც დიდი ადამიანია, რადგან არასრულწლოვანებს როცა მონურად ამუშავებ ამაში დიდებული არაფერია ))

ლაშა: ნოემბერი 30, 2015||1:14am

კარგი შენიშვნაა და დროული. საქმე ისაა, რომ ჯობსის "წარუმატებლობა" დრომ მოიტანა, 2011 წლის შემდეგ სხვაგვარად გადაფასდა მისი წარმატება, თორემ იქამდე ძალიანაც წარმატებულად ითვლებოდა კვლავ მისი ეკონომიკური დოვლათით, მისი "ნაწარმით" და ა.შ. )) კარგი მაგალითია წამრატებულების დროში გასაზომად, ჩვენთან ხომ საზომის უძველესი და უტყუარი საშუალება - დრო - სადღაც მიივიწყეს, მიაგდეს და მიაფუჩეჩეს, ან დააპატარავეს. )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 0 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

როგორ იღებენ ფინალური ფანტაზია XIV მოთამაშეები Taffeta Cloth?

გამოაქვეყნა Selena_მ.
თარიღი: ნოემბერი 24, 2021.
საათი: 6:30am 0 კომენტარი

Players who have entered the charm of Final Fantasy XIV must have heard of Taffeta Cloth suits, which are known for their attractive appearance. To make this suit, players need Taffeta Cloth, which is specifically for Taffeta Shawl and Loincloth. Any craftsman in Final Fantasy XIV will know that rare crafting materials usually require a lot of polishing. Taffeta Cloth is no exception. Player retainers are the only way to Buy FFXIV Gil.

To obtain Taffeta Cloth, Final Fantasy XIV…

გაგრძელება

აზარტული თამაშების აკრძალვები, სოც. გარემო და დასჯილი პრეზიდენტი

გამოაქვეყნა Giorgi_მ.
თარიღი: ნოემბერი 22, 2021.
საათი: 11:23pm 1 კომენტარი

      როგორც ჩანს თბილი გიორგობა გვექნება და ზამთარსაც, მეტწილად თბილად შევხვდებით. ვნახოთ, როგორ გამართლდება სინოპტიკოსების პროგნოზი. ქვეყანაშიც დათბა და აქციებიც კვლავ ანონსდება. მსჯავრდებული პრეზიდენტი უკეთ არისო და მის სტუდია კვლავ აქტიურია, პრემიერი და მისი ინიციატივები იყო დღეს მეინსტრიმული, განსაკუთრებით აზარტული თამაშები და სოც. დახმარებები. დოლარის ღირებულება - 3.1134 ლარია.…

გაგრძელება

Qwelly World

free counters