ძიუდოისტების პროტესტი, დაბალი პროცენტები ბანკებს, უსაფრთხოების პაკეტები, ოსეთის ჩაკეტილობა და განათლების გეგმა

      ნარკოპოლიტიკა ისევ პრობლემებშია გახვეული, არადა გაზაფხული ისედაც მრავალსურნელოვანია და რაღა საჭიროა სხვა, არ ვიცი. მაგრამ არის ისე, როგორც არის და გარდაცვლილი ახალგაზრდების კვალდაკვალ მძაფრდება ანტინარკოტიკული განცხადებები - მაგრამ მარტო სიტყვები, არაფერს შველის. ამას გარდა, ძიუდოისტები აჯანყდნენ პრეზიდენტის წინააღმდეგ. ფინანსთა მინისტრმა პროცენტების დაწევა იწყებაო, დაგვაიმედა და ოსებმა კი, ჩაკეტილობა არჩიეს.

საქართველოს და მსოფლიოს ამბები / 7 მაისი, 2018 /

      ფინანსები, ეკონომიკა და ამ თემაზე მიჯაჭვული ბანკების საქმე - კომერციული ბანკებისთვის ახალი რეგულაციები დღეიდან ამოქმედდა. კომერციული ბანკებისთვის დაწესებული ახალი რეგულაციები, რომელიც ძალაში დღეიდან შევიდა, სწრაფ და ონლაინ სესხებზეც გავრცელდება. მამუკა ბახტაძე - ნურავის ექნება ილუზია, რომ ჭარბვალიანობის პრობლემის გადასაჭრელად უკან დავიხევთ, პირიქით, ამას გავაკეთებთ ძალიან სწრაფად და პრინციპულად. მამუკა ბახტაძე - მინდა მოვუწოდო ოპონენტებს, ნუ ხარჯავენ დროს, ახალი სამართლიანი თამაშის წესები საქართველოში აუცილებლად დადგინდება. მამუკა ბახტაძე - აუცილებლად დასაწესებელია ჭერი ე.წ. ეფექტურ საპროცენტო განაკვეთზე. მამუკა ბახტაძე - საქართველოში იქნება უპრეცედენტო 1%-იანი, დაბალი საგადასახადო გარემო. მამუკა ბახტაძე - ჩვენმა საერთაშორისო ვიზიტებმა კიდევ ერთხელ დაადასტურა, რომ გვაქვს სრული მხარდაჭერა იმ რეფორმების მიმართ, რომელსაც ვახორციელებთ.

      აქცია, რომელსაც ვერ დაშლი, თუ ორი თავი არ გაქვს - ძიუდოისტები დღეიდან ფართომასშტაბიანი აქციით იმუქრებიან და მუქარის აღსრულება დღეს დაიწყეს. საქართველოს ძიუდოს ფედერაციის რიგგარეშე ყრილობა 10 მაისს გაიმართება. საქართველოს ძიუდოს ფედერაცია, მწვრთნელების, მსაჯების და კლუბების წარმომადგენლების განცხადება გაავრცელა, სადაც საუბარია იმ ცვლილებების შესახებ, რაც ქართულ ძიუდოში დავით ქევხიშვილის პრეზიდენტობის პერიოდში მოხდა. ვარლამ ლიპარტელიანი - დავით ქევხიშვილთან ჟურნალისტების თანდასწრებით შეხვედრა გვსურდა, თუმცა, დღეს კაბინეტში არ იმყოფება. მიხეილ ყაველაშვილი - დავით ქევხიშვილი არ უნდა გადადგეს. მიხეილ გიორგაძე - ძიუდოს ფედერაციაში სიტუაცია მწვავეა და საკითხი სიღრმისეულ შესწავლას საჭიროებს. ვარლამ ლიპარტელიანი - ჩვენ არც ერთი ნაბიჯით უკან არ ვიხევთ და ვაგრძელებთ ბრძოლას სიმართლისთვის.

      პარლამენტის საქმეებიდან - საკანონმდებლო პაკეტი, რომლის საფუძველზეც სამოქალაქო უსაფრთხოება და საგანგებო სიტუაციების მართვა ახალ მოდელზე გადადის, პარლამენტში ინიცირებისთვის მზად არის. ამ პაკეტის მიხედვით - სახანძრო უსაფრთხოების წესებისა და პირობების დარღვევაზე ადმინისტრაციული სანქციები მკაცრდება. სახელმწიფო სახანძრო ზედამხედველობას დაქვემდებარებული ობიექტების ნუსხა იზრდება. საზოგადოებრივ მაუწყებელს შესაძლოა დაეკისროს ვალდებულება, საგანგებო სიტუაციის დროს ქვეყნის მთელ ტერიტორიაზე, საზოგადოების დროული ინფორმირება უზრუნველყოს. წყალზე ადამიანის სიცოცხლის დაცვის და უსაფრთხოების წესების დარღვევა 1 000 ლარიდან 3 000 ლარამდე ოდენობით დაჯარიმებას გამოიწვევს. სახანძრო უსაფრთხოებას დაქვემდებარებული ობიექტების მშენებლობის ნებართვის გაცემის პროცესში სახანძრო უსაფრთხოების მოთხოვნების შესრულებაზე დასკვნა სავალდებულო ხდება.

      ოსური პროტესტი და ჩაკეტილობა - გორისა და ატენის მიტროპოლიტი ანდრია „სამხრეთ ოსეთის“ დე ფაქტო ხელისუფლების განცხადებას, რომ ქართული მართლმადიდებლური ეკლესიის წარმომადგენლებლის და მრევლის სოფელ აძვისთავში გადასვლის სურვილი პროვოკაციაა, გაუგებარს უწოდებს. სასულიერო პირი იმედოვნებს, რომ მომავალ წლებში ქართველები და ოსები წმინდა გიორგის დღესასწაულს ერთად იზეიმებენ. მიტროპოლიტი ანდრია - მივდიოდით ბავშვებთან და ქალებთან ერთად ტაძარში და ეს თუ შეიძლება ჩაითვალოს პროვოცირებად, გაუგებარია. ჩაკეტილი ცხინვალი - მიხეილ ჯანელიძე ე.წ. საზღვრის ჩაკეტვაზე - ჩვენ გამოვიყენებთ ყველა სამშვიდობო ბერკეტს, ინსტრუმენტსა და საერთაშორისო ფორმატს, რათა შეზღუდვები რაც შეიძლება მალე გაუქმდეს. ქეთევან ციხელაშვილი ცხინვალის რეგიონის დე ფაქტო ხელისუფლების გადაწყვეტილებას პროვოკაციას უწოდებს. ოკუპირებული ცხინვალის რეგიონთან ადმინისტრაციული საზღვრის დროებით ჩაკეტვის საკითხს ინციდენტების პრევენციისა და მათზე რეაგირების მექანიზმის ფარგლებში განიხილავენ.

      ქალაქის სიახლეებიდან - მეტროსადგური „გურამიშვილი“ გაიხსნა. თბილისის 10-ვე რაიონში გზის მორეცხვის სამუშაოები დაიწყო. „სითი პარკმა“ თბილისის მერიის წინააღმდეგ ბრიტანული იურიდიული კომპანია „ფრეშ ფილდი“ დაიქირავა. კახა კალაძე - „ნაციონალური მოძრაობის“ წევრები მიწისქვეშა პარკინგთან დაკავშირებით ათას სისულელეს საუბრობენ. კახა კალაძე უფასო სასადილოებზე - თუ ვინმეს დანაშაული აქვს ჩადენილი, ოპოზიციის მითითება მე და ჩემს გუნდს ნამდვილად არ გვჭირდება. კახა კალაძე - დედაქალაქის მერიაც აიყვანს იურისტებს „სითი პარკის“ წინააღმდეგ. კახა კალაძე - სამწუხაროდ, უამრავი ავარიული შენობა გვაქვს ქალაქში, ჩვენ ეტაპობრივად ვეცდებით ყველა უბანში შევიდეთ და გავალამაზოთ.

      განათლებასაც აქვს სამოქმედო გეგმა - მიხეილ ჩხენკელმა განათლების სამინისტროს სამოქმედო გეგმა წარადგინა. გეგმის მიხედვით ზოგად განათლებაში შემდეგი სიახლეები იქნება: მასწავლებლების მხარდაჭერა და მათი პროფესიული განვითარება; მოსწავლეების ხარისხიანი სახელმძღვანელოებით უზრუნველყოფა; სისტემის განვითარება – ზოგადი განათლების სისტემა შეფასდება ადგილობრივი და საერთაშორისო სპეციალისტების მიერ; მოზარდებში შემოქმედებითი აზროვნების განვითარება; ტექნოლოგიების დანერგვა სკოლებში - იგეგმება Microsoft-ის საგანმანათლებლო პროექტ Minecraft Education Edition-ის სკოლებში დანერგა; სოფლის სკოლების ახალი სიცოცხლე; პრემიერი - ჩვენი ერთ-ერთი უმნიშვნელოვანესი ამოცანაა, სკოლასა და ზოგადად, განათლების სისტემაში ძალადობისგან თავისუფალი, უსაფრთხო სასწავლო გარემოს შექმნა. გიორგი კვირიკაშვილი - ახალგაზრდებს გააჩნიათ სხვანაირი ხედვა, თამამი იდეები, თამამი გადაწყვეტილებების მიღების სხვაგვარი უნარი, რაც მნიშვნელოვანია ქვვეყნის აღმშენებლობისთვის. გიორგი კვირიკაშვილი - სკოლაში ძალიან ბევრი სამუშაო გვაქვს და აუცილებლად უნდა ვიმოქმედოთ სწორად დაგეგმილი, თანმიმდევრული ნაბიჯებით.

      ნარკოტიკები კლავს - ეკა ბესელია ნარკოტიკული ნივთიერებების მოხმარების შედეგად გარდაცვალების შესახებ - განგაშის ზარებია შემოსაკრავი. აკაკი ზოიძე - ახალი ნარკოტიკული საშუალებები, რომელთაც ახალგაზრდების სიცოცხლე ემსხვერპლა, კლუბური თუ არაკლუბური მსუბუქი ნარკოტიკების საფარქვეშ ვრცელდება. დიმიტრი ხუნდაძე - თხოვნით მივმართავ ყველა მედიასაშუალებას, სახელმწიფოსთან ერთად აწარმოეთ ძლიერი ანტინარკოტიკული პროპაგანდა. სახალხო დამცველი - მნიშვნელოვანია, სახელმწიფოს ნარკომომხმარებლების მიმართ ლიბერალური მიდგომა ჰქონდეს. ოთარ კახიძე - საჭიროა ერთიანი პოლიტიკის შემუშავება, რომ ნარკოტიკების გამსაღებლების მიმართ სახელმწიფოს გზავნილი უმკაცრესი იყოს. ნინო ბურჯანაძე - აშკარაა, რომ ხელისუფლებაში მყოფი მაღალჩინოსანი მფარველობს ნარკობიზნესს. ნარკოპოლიტიკის ლიბერალიზაციის თაობაზე პარლამენტში ინიცირებული პაკეტის განხილვის ვადამ ერთი თვით გადაიწია. დავით სერგეენკო - ნებისმიერი ნაბიჯი ნარკოტიკის მიწოდებისა და მოხმარების შემცირებისკენ უნდა იყოს მიმართული. აკაკი ზოიძე - ნარკოტიკები, რომელიც ე.წ. კლუბური თუ მსუბუქი ნარკოტიკების საფარქვეშ ვრცელდება, სასიკვდილო შხამია და საათების განმავლობაში კლავს. ეკა ბესელია - ხელისუფლებას არ აქვს რეპრესიული პოლიტიკა მომხმარებლების მიმართ და არის შეურიგებელი ნარკორეალიზატორების მიმართ. გიგა ბუკია - შემოტანილია პირდაპირ საწამლავი, რომელიც ნებისმიერი რაოდენობით მიღების შემთხვევაში კლავს - ნუ მიიღებთ ნურანაირ ნარკოტიკს. შინაგან საქმეთა სამინისტროს ინფორმაციით, 7 ნარკორეალიზატორი დააკავეს. სერგო რატიანი - იმაზე უარესი არაფერი შეიძლება ხდებოდეს, როდესაც რეალურად, სამართალდამცავებმა და საზოგადოებამ არ იციან, როგორ ნარკოპოლიტიკას ატარებს ხელისუფლება.

      ნარდის მსოფლიო ჩემპიონატი? - ნარდში საერთაშორისო პირველობა გაიმართა.

საზღვარგარეთულები:

      პუტინი აკურთხეს - რუსეთში დღეს პუტინის ინაუგურაციის ცერემონია გაიმართა. კვლევის თანახმად, პუტინის მთავარ წარმატებად მოქალაქეები ქვეყნისთვის „უდიდესი და გავლენიანი სახელმწიფოს სტატუსის“ დაბრუნებას ასახელებენ. ვლადიმერ პუტინი რუსეთის პრეზიდენტის მოვალეობის შესრულებას შეუდგა. ვლადიმერ პუტინმა რუსეთის პრემიერის პოსტზე კვლავ დიმიტრი მედვედევი წარადგინა.

      თურქეთის ციხეების გავსება გრძელდება - ფეთჰულაჰ გიულენის ორგანიზაციასთან კავშირების გამო იზმირში 72 ადამიანი დააკავეს. და არც ევროკავშირზე ამბობენ უარს - რეჯეფ თაიფ ერდოღანი - თურქეთს არასოდეს უთქვამს უარი ევროკავშირში გაწევრიანების იდეაზე. თურქეთში, საქართველოს სამი მოქალაქის პროსტიტუციაში იძულების წესით ჩართვის ბრალდებით 18 პირი დააკავეს.

      ლიტვა ადიდასმა აღაშფოთა - ლიტვა Adidas-ის პროდუქციაზე საბჭოური სიმბოლიკის დატანით აღშფოთებულია.

      მოლდოვა ნატოს არ წყალობს - იგორ დოდონი - ვიდრე მე ვარ პრეზიდენტი, მოლდოვაში ნატო-ს ბაზები არ იქნება.

      ირანის კიდევ ერთი მიწისძვრა - ირანში მიწისძვრის შედეგად 82 ადამიანი დაშავდა.

      მშვიდი ასადი - ისრაელის ენერგეტიკის მინისტრი - მიუღებელია ის, რომ ასადი მშვიდად ზის სასახლეში და ირანს საშუალებას აძლევს, სირია ისრაელზე თავდასხმებისთვის ბაზად აქციოს.

      ისრაელინიუსი - იერუსალიმის მერმა ქალაქში პირველი საგზაო ნიშანი დადგა წარწერით - „აშშ-ს საელჩო“

      სომხური სამთავრობო ცვლილება - ნიკოლ ფაშინიანი - ყოფილი ხელისუფლების წარმომადგენლების მიმართ ვენდეტა არ იქნება, ასევე, ჩემს მთავრობაში არ იქნებიან ოლიგარქები. სომხეთის პრეზიდენტი - ეს არის გარდამტეხი და საპასუხისმგებლო მომენტი სომხეთის მომავლისთვის - სომხეთის პრეზიდენტი არმენ სარქისიანი იმედოვნებს, რომ ქვეყნის პოლიტიკური ძალები, პრემიერმინისტრის არჩევისას, გონიერებას გამოიჩენენ.

      ჰასან რუჰანი - ირანი გააფთრებით შეეწინააღმდეგება აშშ-ს მხრიდან წნეხს, თუკი ის შეეცდება ირანის გავლენის შეზღუდვას როგორც ახლო აღმოსავლეთის რეგიონში, ისე მსოფლიოში.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 274

ტეგები: qwellynews, ბლოგი, მაისი, ნიუსები, სიახლეები

ლაშა: მაისი 7, 2018||10:48pm

სამოქმედო გეგმაში რომ განათლების შეფასებაა ჩაწერილი, ეგეც არანაკლებ საინტერესო ამბავია ))

vako: მაისი 8, 2018||8:54pm
თითქოს იქამდე არ იცოდნენ ბასიანზე მტკვარზე ან ჯემ ფესტზე ან სარრთოდ რა ხდებოდა და როგორ იყიდებოდა და იღებოდა ფაქტი ყოველდღიურად მამულიჩა რო ბარიგაა რგ ვაფშე ვინმემ არ იციის? თიზტქოს ამხაფხულს ანაკლიაში არ გარდაიცვალა პერედოზით ახალგაზრდა გოოგო ეხლა ყველამ თავი დაიდებილა ამათი ძუკნა...
დედა თურმე ქვეყანაში რა ხდება და ამათ არაფერი არ იციან :DD
vako: მაისი 8, 2018||9:04pm
შსს-ს არავინ დაუჭერია აბოლებენ ხალხს და თუ ვინმეს აიყვანენ ეგეც უბრალოდ ფაქტის დამდებია იგივე ფოსტალიონი და არა ბარიგა მთავარ ბარიგებს აფარებენ ხელს !

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters