მოკლე ჩართვები ყოველდღიურ ცხოვრებაში
ანუ
ცნობისმოყვარე "მე და მუზა"

      შეწუხებული მუზა სხვა დროს სხვა კლინიკაშიც წავიყვანე. მას გავუმხილე, რომ თვალით ნახულს და ყურით გაგონილს, რატომღაც, სარკის ფილოსოფია დავარქვი. გაეღიმა; ალბათ მისი წილიც დაინახა ჩემებურ წარმოსახვაში.

      პატარა კლინიკის მოსაცდელში დავჯექი. მეხუთე ვიყავი, თუმცა ჯერ ანალიზის პასუხი უნდა ამეღო და მერე ექიმს ვწვეოდი.

      - თხუთმეტი წუთი მოიცადე, - მითხრეს სამკაციან ლაბორატორიაში და მეც ვიცდიდი. პაციენტები ემატებოდნენ. ზოგს ახლდა ვიღაც თან. ასეთები არ სხდებოდნენ: მხლებელი ხან ერთ, ხან მეორე ოთახში ყოფდა თავს და მერე თვალით ანიშნებდა ავადმყოფს; კარგა ხანს შეიხიზნებოდნენ ეკემის კაბინეტში და ღიმილიანი მუსაიფით გამოვიდოდნენ; ფულს იხდიდნენ კუთხეში მიკუნჭულ კომპიუტერთან მჯდომ პერსონასთან და რეცეპტების ფრიალით და ქაქანით გარეთ გადიოდნენ.

      - ეი, ეი! - გასძახა ერთ - ერთს პერსონამ, თქვენ არ გადაგიხდიათ, მობრუნდით!

      - წინა მოსვლაზე გადავიხადე, ეხლა მეორედ მოვედი, წესით არ მეკუთვნის.

      - ჩექი, ჩექი მაჩვენეთ!

      - მაშინ ჩექი ვერ გამოწერეთ, ჩექი არ იყო.

      - ოჰ, კარგი, კარგი... დაეჭვებით ჩაილაპარაკა ფრთხილმა პერსონამ და თავის ადგილს დაუბრუნდა.

      მოახალგაზრდაო კაცი შემოვიდა. ხელში დაგორგლილი გაზეთები დადო. ცოტა ხანში ერთი გამოაძრო და კითხვა დაიწყო. მე მსუნაგად გამექცა თვალი. კითხვა მინდოდა ლოდინის შესამსუბუქებლად. ისე, ამ კაცისგან გამიკვირდა ეს იშვიათობა, თანაც ამ საუკუნეში ასაკმომატებული მოვაჭრე ქალები თუ წაიკითხავენ ჟურნალს, ისიც ხელიდან ხელში. ამაზე მუზაც მხრებს იჩეჩავს. გაბრაზებული, წარსულთან მეტად მიჯაჭვული ხნიერები თუ კითხულობენ, თან ყველა ნაბეჭდის ჯერავთ კანონივით. ესეც წარბულის გავლენაა მგონი.

      უცნობ მომლოდინეს გაზეთი ვთხოვე, მან თავი დამიქნია, აიღეო. ადგილობრივი გაზეთი აღმოჩნდა და თან ყველა ერთი ნომერი. გადავათვალიერე, რამდენიმე საინტერესო სათაურიც ჩავიკითხე და ლაბორატორიაში შევედი, დრო იყო, პასუხი ავიღე. ისევ დავჯექი.

      - თქვენ მზია ექიმს ელით? - მკითხა გაზეთიანმა. - ჰო, - დავეთავხმე და კარებში გავიხედე. - იგვიანებს, - ჩაილაპარაკა და კითხვა გააგრძელა.

      მაღალი ქალი შემოვიდა, ასე, შუახნის; ხელზე "სუმკა" ჩამოეკიდა. ეცვა ისე რა... სიარულში ეტყობოდა, სოფლელი იყო. აღმართში ნავალი მანერა ქონდა. გაქანდა რომელიღაც ოთახში. რიგი არც მოუკითხავს. მერე გამოვიდა (ალბათ ექიმის დავალებით) და ფულის პერსონასთან მივიდა.

      პერსონა ეკითხება სახელს, გვარს. ეს პასუხობს. ის რაღაცაებს წერს, თუ ავსებს. მერე მოუბრუნდა: ასაკი? - რა? - ვერ გაიგო მაღალმა ქალმა. - რამდენი წლისა ხარ? - ხმამაღლა ჩაეკითხა. - 57 - იანი ვარ; - რამდენი წლის ხაარ? - გაუმეორა კითხვა. ქალმა ჩვენსკენ გამოიხედა და ჩერჩეტი დანეულობით იკითხა: 57 - იანი, რამდენი წლის ვაარ? რატომღაც არავის გასცინებია, არც პასუხი გაუცია; ქალს შევხედე და ვერ დავინახე ადამიანური გაგების განცდა რააღაც სისუსტისთვის; მასში აღრეულიყო რაღაცნარი სისულელე და უგუნურება, რასაც ვერ აცნობიერებდა. არც ცდილობდა ამას და ზარმაცისეულ შეურაცხყოფას გვაყენებდა თითქოს. 58 - ისა ხარ, - "წავეშველე". - ჰო, 58 - ისა ხარ, - "წავეშველე". - ჰო, 58 - ის, - უპასუხა.

      მუზას გავხედე. მაინტერესებდა მისი გაგება. ის უყურებდა ქალს გულაჩვილებული, გაოცებული. ელოდა ამას მგონი. გამოვტყდები, ვერ ვუთანაგრძნე ქალს, ავადმყოფობამაც არ გაახსენა ასაკი - მეთქი.

      ზურგი ამტკივდა ჩაქცეულ მდივანზე ჯდომით. წამოვდექი, გავივლი - მეთქი. გამოვედით. დავუყევით პარალელურ ქუჩისკენ. მე და მუზა ადამიანებს ვაცქერდებოდით. უმრავლესობას იმ ქალის გამომეტყველება ქონდა, ასაკი რომ არ იცოდა. ხალხი თავის ფიქრებთან იყო ჩაძირული, როგორც უფსკრულში და რომ სახელები გცოდნოდა და დაგეძახა, მგონი არავინ გამოიხედავდა ამ უფსკრულიდან. მუზა შეწუხებული მიყურებდა. მგონი ის ვერცერთ მხატვარს ვერ შთააგონრბდა ამ ადამიანების დახატვას. გენიოსის ფუნჯსაც გაუჭირდებოდა მათი შინაგანი განწყობის გადმოცემა.

      "ფახ, ფახ, ფუხ", - მომესმა მაღლიდან. ავიხედე. 40 - ოდე წლის ქალს მესამე სართულის აივანზე ნოხი გადმოეკიდა და გამეტებით ურტყამდა პლასტმასის საფერთხს. მტვრის კორიანტელი ცხვირ - პირში უბრუნდებოდა. ისევ ხალხს გავხედე; რამდენი მშიერი მსუქანი დადიოდა. ერთ დღეს ყველას მოუწევს კლინიკასა თუ სააავადმყოფოში მისვლა. აფთიაქებში კი სულ ხალხმრავლობაა. ქუჩებში კი აფთიაქეის რიგი. ჩვენც აფთიაქში შევედით. პატარა მაგიდასთან 3 - 4 სკამი იდგა. იქ მოხუცი მომლოდინეები ისხდნენ. ერთმა რიგში მდგომმა კომპიუტერთან მჯდომს(სადაც სალაროც იყო), რეცეპტი გაუწოდა, თან დააყოლა: მომიანგარიშეთ ჯერ, ვნახო ფული თუ მეყოფაო. გოგონამ თითები "აათამაშა", დაძებნა, დაიანგარიშა. - მაშინ 10 დღისა გამომიწერეთ, - უთხრა მყიდველმა. - იცით, ოთხშაბათობით ფასდაკლებაა და მაშინ მოდით, მიახარა გოგონამ. - არა, მძიმე ავადმყოფია და სასწრაფოდ მჭირდება, - იყო პასუხი.

      დამძიმებული ვიყავი. ჩემი ექიმთან ლოდინი გადამავიწყდა. ხვალზე გადავდე. გარეთ გამოვედით. ტროტუარზე ციგნები ისხდნენ, პირდაპირ ძირს. კალთაში პატარა ბავშვები ეჯდათ მოსავსავე თავებით. მოზრდილები იდგნენ და ისედაც შეწუხებულ გამვლელებს აწუხებდნენ გამაბეზრებელი ხელის შვერითა და თხოვნით. აგერ ვიღაცას ხელში საფუარით გაბერილი პური უჭირავს და იქვე, ქუჩაში ჭამს. სულერთია, ვინ რას იტყვის. ნამდვილი "გენდერული თანასწორობა" ასაკთანაა. არავინ აქცევს ყურადღებას უფროს - უფროსობას. ეს ტერმინი მხოლოდ სამსახურშია. ქუჩაში კი ნამდვილი დავიდარაბაა: გოგონები, ბიჭები დაურიდებლად კამათობენ და ბილწსიტყვაობენ. ყურს იყრუებენ მათთვის გაუგებარ სიმღერებით. მშობლიურზე კი იგინებიან და ამით სიტყვაუხვობენ; ეტყობა დიდი ნახტომია ბოლო 20 - 25 წლების თაობათა გონებაში: დედის შეგინებამ დისიმილაცია განიცადა; საკუთარს იგინებიან. თავის დაცვითი შიშის სინდრომია ნამდვილად. საბოლოოდ ყოველი ადამიანი დღე მხოლოდ თავდაცვაზე ზრუნვითაა დაკავებული. მათ თავდაცვას სჭირდება ბაზარი, მაღაზია, აფთიაქი პოლიკლინიკა, საავადმყოფო... ყველგან თავს იცავენ სიკვდილისაგან, არა გარდაცვალებისაგან.

      მოვიხედე. მუზა წასულიყო. ასეთ ხალხს მუზა რად სჭირდება?

2015. ნოემბერი

ნათელა გორგოშაძე-დუმბაძისა

ნახვა: 652

ტეგები: Natela_Gorgoshadze-Dumbadze, qwelly, ასაკი, ბლოგი, გაზეთი, დახმარება, დღიური, მე_და_მუზა, მოკლე_ჩართვა, მოკლე_ჩართვები, მეტი...ნათელა_გორგოშაძე-დუმბაძე, ქველი, ყოველდღიური_ცხოვრება, ყოველდღიურობა, შველა, ჩანაწერი, ჩანახატი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

Three ways to get Final Fantasy XIV Gil for players

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

      ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება -…

გაგრძელება

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 1 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

Qwelly World

free counters