შესვენებაზე საცხოვრებელ კორპუსებს შორის მოქცეულ პატარა ბაღში ვიჯექი, სავარჯიშო მოწყობილობების უკან, ჭერმის ახლადაყვავებული ხის ძირში, ცოტა გადახრილ, ფეხმოკლე, ერთდროსმწვანედშეღებილ ხის სკამზე. მზე ზენიტიდან კარგა ხნის გადასული იყო, ამიტომ არც მცხუნვარება ჰქონდა და არც მისი სხივები მაწუხებდა - ჭერამი, როგორც შეეძლო ისე მიფარავდა. ქალაქის ხმაური ჯერ კიდევ არ იგრძნობა თბილისში. სააღდგომო სურნელი ტრიალებდა - გუშინ ჩამოვიდნენ, დღეს ნაბახუსევზე არიან ამიტომ ხმაურისგან თავს იკავებენ - გავიფიქრე. ვიჯექი და ვუყურებდი ბავშვებს. ამავე სკვერში ხელოვნურსაფარიან მოედანზე 5-8 წლის ბიჭები ფეხბურთს, კალათბურთს, ხელბურთს და ჩოგბურთს თამაშობდნენ. დიახ, დიახ, ცხადია ერთდროულად - რადგან, ამ 4 სპორტის 4 ბურთი ეგდო მოედანზე და 5-ვე მოთამაშე „თავისას უბერავდა“. მერე ერთი წავიდა, თავისთვის მარილიანი ჩხირები თუ ჩიფსები მოიტანა, კოკა-კოლაც მოაყოლა, შუა მოედანზე ფეხმორთხმით ჩაიკეცა და ჭამა დაიწყო. მოთამაშეები ხან მიეპარებოდნენ და პირს „გაიმტკბარუნებდნენ“, მერე ისევ თავიათნ ბურთაობას დაუბრუნდებოდნენ და ასე გრძელდებოდა ჩიტების გამაყრუებელი ჭიკჭიკის ფონზე.

      ბოლოს, ერთი მათგანი, ყველაზე პატარა, ალბათ, ასე ხუთიოდე წლის, გამოეყო საერთო თამაშობას და სახლისკენ გაემართა. გზად იმ ადგილას უნდა გაევლო სადაც მე ვიჯექი.

- გამარჯობათ, - მომესალმა მოურიდებლად

- გამარჯობა - მივესალმე და თავი დავუკარი მეც.

- შემთხვევით, ნასოსი ხომ არ გაქვთ? - ისეთივე გაბედულებით.

      გულში კი გამეცინა ამ მოულოდნელ კითხვაზე, მაგრამ ისეთი სერიოზული სახით მკითხა, მისთვის გაღიმება ვერ გავბედე.

- არა, სამწუხაროდ არ მაქვს. - ვუპასუხე გულნატკენი სახით - ბურთი დაგეფუშათ?

- არა, ჩემმა ძაღლმა კბილები ჩაასო.

- გასკდა? მაგას ნასოსი არ უშელის.

- არა, არა, კი არ გასკდა, უბრალოდ დაფუშულია, არ გასდის მაგრამ დაფუშულია. ხომ ხვდებით?

      როგორ მეპასუხა ვერ ვხვდებითქო, როცა ასე ჯეროვნად ამიხსნა?

- კი, კი, რა თქმა უნდა - მივუგე და ვეცადე დამერწმუნებინა რომ მისი მესმოდა. 

- მე აქვე ვცხოვრობ, თქვენ?

- მე აქვე ვმუშაობ - ვუპასუხე და ხელით მივანიშნე ადგილისკენ.

- და სად ცხოვრობთ?

- მცხეთაში.

- მცხეთაში? - მკითხა განსაკუთრებული გაოცებით.

- კი, მცხეთაში.

      მცირე პაუზის შემდეგ, კიდევ უფრო გაფართოებული თვალებით შემომხედა და მეკითხება:

- მცხეთაში ცხოვრობთ?

- დიახ!

- ხინკლებს ჭამთ?

      აქ უკვე ვეღარ მოვითმინე და გულიანად გავიღიმე.

- კი ზოგჯერ ვჭამთ!

      მცირე პაუზა და ისევ:

- მწვადებსაც?

- ზოგჯერ მწვადებსაც.

- ვაა! - ესღა მითხრა, გაოცებისა და აღფრთოვანებიგან ერთი მძიმედ ამოისუნთქა და ბურთის მოსატანად გაეშურა.


ფოტო აღებულია ქველიდან, წყარო

ნახვა: 282

ტეგები: Qwelly, Qwellykids, ბავშვები, ბლოგი, გახსენება, ქალაქი

თათია: აპრილი 11, 2018||12:15am

ლაშიკო უნდა დაგეპატიჟა :)))

ლაშა: აპრილი 11, 2018||12:20am

ისეთი შთაგონებული ვიყავი მეც, ეგ არც მომაფიქრდა )) მერე დაბრუნდა და მაჩვენა ის დაფუშული ბურთი, რომელსაც არ გასდის მაგრამ დაფუშულია - ნახე, ხომ კარგად არის დაბერილიო. კი მეთქი და გახარებული სათამაშოდ წავიდა. ))

თათია: აპრილი 11, 2018||12:22am

კარგად კი გამაცინეთ  :))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ცესკომ მანდატები დაარიგა, ოპოზიცია მტკიცე უარზეა, მინისტრები აქტიურობენ

გამოაქვეყნა Giorgi_მ.
თარიღი: დეკემბერი 3, 2020.
საათი: 10:44pm 0 კომენტარი

      ნატოში სულ კარგ რამეებს ამბობენ - უნდა დავახლოვდეთო, საქართველო ჩვენთვის მნიშვნელოვანიაო მაგრამ ჯერ ვერ მიგიღებთო. ცესკომ, საბოლოოდ დაადგინა შედეგები და გამარჯვებულ-დამარცხებულებიც ოფიციალურად წარადგინა. საქმე ისაა, რომ ოპოზიცია კვლავაც მტკიცეს დგას თავის უარზე, ხოლო კორონავირუსი ყველა პრობლემის სათავეს წარმოადგენს. სვანები არ გეგონოთ - კოვიდიანები - 147636 დადასტურებული, აქედან გამოჯანმრთელებული - 124568, გარდაცვლილი - 1387, კარანტინში -…

გაგრძელება

ცხოვრება კიდევ უფრო გაძვირდება!

გამოაქვეყნა Giorgi_მ.
თარიღი: დეკემბერი 2, 2020.
საათი: 11:00pm 1 კომენტარი

      ზამთრის სუსხში გაზის ფასი გაეზრდა იურიდიულ პირებს, გარდა პურის მწარმოებლებისა. სავალალო ანონსია. პური არ გაძვირდება აპრილამდე და მერე ვნახოთო. ოპოზიციამ, ვადამდელი არჩევნებია ჩვენი ერთადერთი სასაუბრო თემაო და მეორე მხრივ, პოლიტიკოსების სასამართლო საქმეებს აპროტესტებენ. ვაქცინას ველოდებით ორ-სამ კვირაში, იქამდე კი ვითვლით კოვიდიანებს - 143376 დადასტურებული, აქედან გამოჯანმრთელებული - 121621, გარდაცვლილი - 1342, კარანტინში - 1980. რაც შეეხება…

გაგრძელება

სასესხო დოკუმენტები - შესაძლებლობები და პრობლემები

გამოაქვეყნა EFTcheat_მ.
თარიღი: დეკემბერი 2, 2020.
საათი: 9:00pm 0 კომენტარი

When Notary Signing Agents go to the signing table, they bring countless pages of documents, and borrowers often have questions about them. But there is fine line between what an NSA can and cannot say, and Servicenummer often gets phone calls asking relating to this.

Whilst you may explain loan documents, you are never permitted to make clear how loan documents will affect borrowers. Yet how can you define "explain, " and how do you know when you have crossed the line?

Why…

გაგრძელება

ახალ ოცწლედში შესვლის ბიუჯეტი და კარტოგრაფია სასამართლოში

გამოაქვეყნა Giorgi_მ.
თარიღი: დეკემბერი 1, 2020.
საათი: 11:00pm 0 კომენტარი

      დეკემბერი დადგაო და არაფერიც არ შეიცვალა - ოპოზიცია ისევ ინარჩინებს პრინციპულობას შეუსვლელობაზე, მეათე მოწვევის პარლამენტი კი პირველი სხდომისთვის ემზადება და სავარაუდოდ, 11 დეკემბერს გამართავს. დღის მთავარი ამბავი 2021 წლის ბიუჯეტის განყოფა იყო და კარტოგრაფიაც კვლავ აქტუალურია. კოვიდ-პოპულაცია - 139343 დადასტურებული, აქედან გამოჯანმრთელებული - 117560, გარდაცვლილი - 1303, კარანტინში - 1978. რაც შეეხება დოლარს, მისი ფასი 3.3185…

გაგრძელება

Qwelly World

free counters