კინომანიის კატეგორიაში, ჩემს ბლოგზე ძველადმოხვედრილთათვის, ვისაც რამდენიმე ფილმის განხილვაზე თვალი მოუკრავს ალბათ გაუკვირდება, აქამდე რატომ არ დაწერეო, ხოლო ახადმოხვედრილები უბრალოდ გაოცდებიან, რა ფილმებზე საუბრდი იქამდე, თუ სერბი რეჟისორი, მსახიობი და მუსიკოსი, ემირ კუსტურიცა არ გიხსენებიაო.

სერბეთი, იუგოსლავია, მიწიქვეშეთი, კინომანია, ემირ კუსტურიცა, ქველი, ბლოგი, Qwelly, blog, Underground, Emir Kusturica

      მოკლედ, ცოდვა გამხელილი სჯობსო და კუსტურიცასთან რამდენიმე კვირის წინ პირველად შევიჭყიტე და ეს შეწყიტება იყო, ჩემი მეგობრის, ალბათ შარშან გაზაფხულზე ნარჩევი და მას შემდეგ დაბუქმარქებული "მიწისქვეშეთი" (Underground), სერბულად Подземље.

      ფილმი ხანგრძლივია, დაახლოებით ორსაათნახევარი და მოიცავს ისტორიას მეორე მსოფლიო ომიდან 90-იანი წლების გარიჟრაჟამდე. ფილმი გადაღებულია 1995 წელს და ფილმის სამშობლოდ მიჩნეულია იუგოსლავია.  

      ტრადიციული შეკითხვა - რატომ უნდა უყუროთ ამ ფილმს?

      IMDb-ს რეიტინგს მოვიყვანდი მიზეზად (საკმაოდ მაღალი რეიტინგი აქვს 8,1), მაგრამ არ შეიძლება. ბოლო დროს IMDb-ს რეიტინგები პანტა-პუნტით იწევს არცმაინცდამაინც ღირსსახილველ სერიალებსა და ფილმებზე. აი, კინოკრიტიკოსები კი ერთმნიშვნელოვნად იღვრებიან ქება-დიდებით მიწისქვეშეთის მიმართ. ჩემს შთაბეჭდილებებს რაც შეეხება, პირველ რიგში ვიტყვი იმას, რომ აქ ვერ ნახავთ თქვენთვის ჰოლივუდიდან ამორჩეულ საყვარელ სახეებს, მაგრამ მსახიობები რომლებიც ამ ფილმში არიან, ოსტატობის უსაზღვრო ნიმუშებით, წარუშლელ სახეებად დარჩება თქვენს გონებაში. სახელებისა და გვარების რა მოგახსენოთ (მიკი მანოილოვიჩი, ლაზარ რისტოვსკი, მარიანა იოკოვიჩი), მაგრამ არ დაგავიწყდებათ არცერთი მათგანის სახე - ალბათ, ესეც ემირის დამსახურებით.

      ფილმი არის დოკუმენტურიც, მხატვრულიც, მისტიკურიც, კომედიურიც, ფენტეზიც, მელოდიურიც და უსაზღვროდ დრამატულიც. ოღონდ, ეს ყველაფერი ხანგრძლივობის ხარჯზე არა - თითოეული ეპიზოდი მოიცავს ყველა ამ ჟანრს (კიდევ შეიძლება რაიმეს მიმატება, მაგალითად დეტექტივი).

      მუსიკა, რომელიც ისმის ფილმში, პირველი 10-15 წუთი აუტანელია, მაგრამ როცა აცნობიერებ რომ მთელი ფილმის განმავლობაში ამის მოსმენა მოგიწევს, ეჩვევი და უკვე მოგწონს კიდეც. რას ვიზამთ, კუსტურიცას თავისი ბენდი ჰყავდა და ფილმებში დააპორწიალებდა (პრინციპში შეიძლება ახლაც დაჰყავს - 2016_ში მისი ახალი ფილმის "ირმის ნახტომზე" (On the Milky Road) პრემიერა იქნება).

      მეორე მსოფლიო ომი იწყება და როგორც სჩვევია ხოლმე ომებს, გადატრიალებებსა და არეულობებს და განსაკუთრებით საბჭოეთში შეიძლებოდა ამის მოხერხება - ყაჩაღები, ბანდიტები და მკვლელები, სახელმწიფო გმირები ხდებიან, ერთი იმიტომ რომ "დაიღუპა" და მეორე იმიტომ, რომ დაღუპულის მეგობარი იყო ამით "გაპიარდა".

      არ მინდა ფილმი ოდნავადაც კი მოგიყვეთ, რადგან თითოეული ეპოზოდი - ეს არის მრავალი ემოცია თქვენს გონებაში და ყველა ემოცია მხოლოდ სიამოვნების გამომწვევი:

      მაგალითად, ფილმის დასაწყისში ნახავ, როგორ შეიძლება სახლს დაცემულმა ჭურვებმაც კი ვერ შეგაწყვეტინოს ორი ძირითადი ინსტიქტი - ჭამისა და გამრავლებისა (არადა, ჩვენ ჰოლივუდიდან ვიცით, რომ როცა ბომბი ვარდება, უმალ ყველაფერი ჩერდება და საომარ სიტუაციაზე გადადის, მაგრამ ემირმა ზღაპრებში ცხოვრობთო).

      ნახავთ, როგორ შეიძლება იყოს სიყვარული უღალატობის მიზეზი და ღალატის გამართლება.

      ფილმიდან გაიგებთ იმასაც, რა ძალაა გამოგონილი სამყარო, რომელიც არცაა აუცილებელი რომ იყოს ფერადი.

      და გზაგასაყარი ათენსა და ბერლინს შორის?!

      მოკლედ, ძალიან ბევრი რამის ნახვაა შესაძლებელი ამ ფილმში და თუ აქამდე არ მიკარებიხართ კუსტურიცას, გირჩევთ დაიწყოთ. ხოლო, მათ ვისაც ნანახი გაქვთ, ეპიზოდების გახსენებაში გიწვევთ - სასიამოვნო დროს გავატარებთ მჯერა.

      ჩემი მომავალი გაჩერებაა - თეთრი კატა, შავი კატა.

ნახვა: 380

ტეგები: Qwelly, ბლოგი, იუგოსლავია, კინომანია, კუსტურიცა, მიწიქვეშეთი, სერბეთი, ფილმი, ქველი

Kakha: ივნისი 30, 2016||2:35pm

90_იანი წლების ჩვენი ქვყანას გავდა ჰო:D

ლაშა: ივნისი 30, 2016||3:23pm

ყაჩაღების გმირებად და "ხელმწიფეებად" ქცევაში ხო ? 1 - 1_ში მასე იყო :D 

ნატალი: ივლისი 7, 2016||1:51pm

ხოლო ვისაც ნანახი გაქვთ კუსტურიცას ფილმები, შეგიძლიათ ნახოთ მეორედ, მესამედ, მეათედ, მეასედ... შეუძლებელია კუსტურიცა მოგბეზრდეს. :)

ლაშა: ივლისი 7, 2016||1:57pm

მობეზრებას ვინ ჩივის, ყოველ ნახვაზე რამე ახალი არ იპოვო - ფაქტობრივად შეუძლებელია )) 

ნატალი: ივლისი 7, 2016||2:00pm

კი და კუსტურიცას ფილმებში კიდევ ის მიყვარს რომ უარყოფითი პერსონაჟებიც კი საყვარლები არიან. :) მუსიკას რაც შეეხება ყურსი მიჩვევა უნდა, ასე ვთქვათ ,,დამუღამება". ბრეგოვიჩის მუსიკას არაფერი შეედრება ჩემთვის...

George: ივლისი 7, 2016||3:00pm

ბრეგოვიჩიც გათვალისწინებულია    QWELLY- ზე, ნატალი - http://www.qwelly.com/video/black-cat-white-cat-bubamara

ნატალი: ივლისი 7, 2016||8:45pm

კი ვნახე ეგ პოსტიც George. :)

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ასეული შემთხვევები კორონას სარბიელზე

გამოაქვეყნა Giorgi_მ.
თარიღი: სექტემბერი 22, 2020.
საათი: 11:20pm 0 კომენტარი

      მართალია არჩევნები სულ უფრო ახლოვდება და პარტიებიც მეტ ფულს ხარჯავენ ამომრჩევლებისთვის თავის მოწონებაში, მაგრამ დღის მთავარი ამბავი ასეულობით ახალი შემთხვევაა კორონა ვირუსის ორბიტაზე. კორონამ, თავისი ახალი გააქტიურებითა და განსაკუთრებული აქტივობით შესავალ ნაწილში გადმოინაცვლა, ამ დროისათვის - კორონავირუსის დადასტურებული 3913 შემთხვევაა, მათ შორის გამოჯანმრთელებული - 1574 და გარდაცვლილი - 23. დოლარის გაფრენაც გრძელდება - 1 დოლარის ოფიციალურად…

გაგრძელება

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:30pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

Qwelly World

free counters