გემოვნებაზე დავას აზრი აქვს იმდენად, რამდენადაც სრულიად შესაძლებელია გემოვნების დახვეწა. მაგრამ ჩემი ბლოგის იდეა, არა ვისამე გემოვნებაზე საუბარი, არამედ მათემატიკური (რიცხვითი) სიზუსტით იმის გადმოცემაა, რაც სამწუხაროდ მიხვედრილობაში დაიკარგა.

      ვაპირებ, თანამედროვე, სმარტფონების სამყაოში საზოგადოდ გავრცელებულ იდეას შევეხო. იდეას იმის შესახებ, რომ აპლიკაციები უკეთეს ფოტოებს იღებენ, ვიდრე ძირითადი ფოტოკამერა.

      ფოტოკამერის სიკარგე იზომება გამოსახულებით, გამოსახულება კი პიქსელებით.

რა არის პიქსელი?

      გამოსახულების მინიმალური შესაძლებელი ელემენტი, რომელიც ტექსტისა და გრაფიკის ციფრულ ფორმაში გარდაქმნისას მიიღება და რომელიც კომპიუტერის მიერ სხვებისაგან დამოუკიდებლად იმართება. ტელეფონის ან კომპიუტერის დისპლეის გრაფიკულის მინამლური ნაწილი. პიქსელებისგან შედგება გრაფიკული გამოსახულება ან შრიფტი. პიქსელის ზომა განსაზრვრავს გრაფიკულობის ხარისხს. რაც უფრო მცირეა პიქსელი, მით უფრო მაღალია გრაფიკულობის ხარისხი. ასე წერია ლექსიკონში.

      რას ნიშნავს ეს რთული ფრაზა. პიქსელი არის ტელევიზორის ეკრანზე ანთებული თითოეული ნათურა. წარმოიდგინეთ ნახატი, რომელიც დახატულია არა გადაბმული ხაზებით, არამედ წერტილებით. ან მაგალითად ლურჯი ფონი, არა ფუნჯის ჩამოსმითაა დახატული, არამედ ფუნჯის ხშირი მიდებით.

დაახლოებით ასე:

      განსხვავება არის თეთრი ადგილები. ეს თეთრი ადგილებია სწორედ ჩამქვრალი ლურჯი ნათურები. რაც უფრო ახლო-ახლოს არის ნათურები მიწყობილი, გამოსახულებაც მით უფრო მკვეთრია. შესაბამისად, რაც უფრო პატარაა ნათურების ზომა, მით მეტი შესაძლებლობაა მათი ახლოს მიწევისა, და მით უკეთესია გამოსახულებაც. მრგვალი ნათურები ოთხკუთხედით შეიცვალა და დაპატარავდა. პიქსელებიც სწორედ ოთხკუთხედებად გამოისახება (ჭავჭავაძეზე პიქსელის შენობასაც ამიტომ ჰქვია პიქსელი. იქ თითოეული ფანჯარა არის 1 პიქსელი).

      ეს შესავალი დამჭირდა იმისთვის, რომ მეთქვა - ფოტოკამერის ხარისხს და უმჯობესობას ზომავენ პიქსელებით. გაგიგონიათ ალბათ შეკითხვა - რამდენ მეგაპიქსელიანია შენი აპარატი? და იქიდან პასუხობენ; 5; 7; 13; 15; 20; 22 და ა.შ. (მეგა-საზომი ერთეულია, იმავე მიმართებით როგორც გრამი და კილო-გრამი).

      რაც უფრო მაღალია პიქსელის რიცხვი, მით უფრო ახლო-ახლოს არის ნათურები ერთმანეთთან და მით უფრო მკვეთრია გამოსახულებაც.

      ახლა კი აპლიკაციების ამბავი.

      რეტრიკამოყვარენი ამბობენ რომ უკეთეს ფოტოებს იღებსო, რაც მირაჟია და არ შეესაბამება რეალობას, მარტივი მიზეზის გამო - არცერთ აპლიკაციას, პროგრამულ უზრუნველყოფას არ შეუძლია გააუმჯობესოს ტექნიკის ფიზიკური მონაცემები. ანუ თუ ფოტოკამერა არის 13 მეგაფიქსელიანი, ვერცერთი პროგრამა, ფოტოკამერის 13 მეგაფიქსელს (რაც დამოკიდებულია ლინზასა და სხვა დანარჩენებზე) ვერ აწევს 15-მდე და ა.შ. აქედან გამომდინარე, შეუძლებელია იმაზე კარგი ფოტო გადაიღოს ნებისმიერმა აპლიკაციამ, ვიდრე ეს თავად ორიგინალ, ძირითად კამერას ძალუძს.

      მაშ, რატომაა რომ უკეთესი გამოსახულებაა აპლიკაციებით გადაღებისას? ამის მიზეზია ერთგვარი მირაჟი, ერთგვარი და ცუდი ხარისხის ფოტოშოპი. დავიწყოთ კონკრეტული მაგალითით:

      ცდისთვის მე გადავიღე მონიტორის ფოტოები და შემოგთავაზებთ საწყის მდგომარეობაში თითოეულს, თავისი ხარისხითა და ძირითადი მახასიათებლებით. დავაყენე ტელეფონსი რეტრიკა, ბესთმი და დავიწყე გადაღება.

ძირითადი კამერა:


ფოტოს დასახელება: 20161114_135536
ფოტოს გაფართოება: (სიგანე) 3264x2448 (სიმაღლე)
ტევადობა: 2560 კილობაიტი

Retrica:


ფოტოს დასახელება: IMG_20161114_135304345
ფოტოს გაფართოება: (სიგანე) 2048x1536 (სიმაღლე)
ტევადობა: 498 კილობაიტი

BestMe:


ფოტოს დასახელება: BestMe_20161114135433
ფოტოს გაფართოება: (სიგანე) 2047x1536 (სიმაღლე)
ტევადობა: 120 კილობაიტი

      ეს ორი აპლიკაცია ყველაზე რეიტინგულია როგორც გუგლ მაკრეტზე, ასევე iOS_ში და ამიტომ შევარჩიე. ასევე არის ქენდი და ათასი სხვა. ყველა ერთ პრინციპზე მუშაობს.

      როგორც ხედავთ, გარდა პროგრამის ლოგოს და წარწერის ავტომატური მიტყებებისა (ესეც მშისვნლეოვანი პრობლემა უნდა იყოს მოფოტოგრაფეებისთვის, მაგრამ ხშირად არ აქცევენ ყურადღებას), რიცხვებში მონაცემები მკვეთრად განსხვავდება. განსაკუთრებით ტევადობის კუთხით, რაც უპირველესი მახასიათებელია ხარისხისა. ეს იგივეა, აიღოთ 5 კილო კარტოფილი და გაუნაწილოთ 200 ადამიანს, ან აიღოთ 5 კილო კარტოფილი და გაუნაწიოთ 5 ადამიანს.

      ფერები უფრო მკვეთრია, კონტრასტულია (რეტრიკას შემთხვევაში), გეთანხმებით, მაგრამ ეს ხარისხის დაკლებით მიიღწევა, რაც ვფიქრობ უარესია. ამის ნაცვლად სჯობს ფოტოები დაამუშავოთ, თუნდაც ისეთი მარტივი ფოტოშოპ კომპიუტერული პროგრამით, როგორიცაა PhotoScape.

არსებობს სატელეფონო ფოტოშოპებიც და მათ შორის ყველაზე რეიტინგულია - Snapseed, რომელიც ფოტოების დამუშავების მრავალმხრივ შესაძლებლობას იძლევა. 

Snapseed შედეგი:


დასახელება: 20161114_135536_01
გაფართოება: (სიგანე) 2309x1732 (სიმაღლე)
ტევადობა: 895 კილობაიტი

      როგორც ხედავთ, სატელეფონო აპლიკაციებიც, ჯერ-ჯერობით, ხარისხზე მეტად ზრუნავენ ვიზუალზე (ზემოთ წარმოდგენილ აპლიკაციებთან შედარებით, Snapseed უკეთ ამუშავებს და ხარისხიც და ზომაც შედარებით უკეთესია). არც გაემტყუნებათ - ისინი სმარტფონები არიან და ყველაზე მეტად სწორედ სისმარტე ჰმართებთ.

      ასე, რომ დაივიწყეთ, წაშალეთ, ნუ ამძიმებთ ტელეფონს, ააინსტალირეთ და ნუ იტყუებთ თავს რეტრიკებით უკეთეს ფოტოს ვიღებთო. 

P.S. ფოტოს კომპიუტერული დამუშავების შემდეგ, იქნება ეს Photoshop cc, Photoscape თუ ნებისმიერი სხვა, ფოტოს ტევადობა, წონა, ყოველთვის(!) იმატებს და ეს ლოგიკურიცაა - გამოსახულება თუ უმჯობესდება, წონაც მატულობს. ასე არ ხდება სატელეფონო დამუშავებისას, პირიქით - კლებულობს. იქნებ დასვათ კითხვა, რატომ?! სადაა აქ ლოგიკა?

ნახვა: 317

ტეგები: Qwelly, კომპიუტერი, სელფი, ფოტოგრაფია, ქველი

Kakha: ნოემბერი 14, 2016||5:47pm

ედობ ფოტოშოპო ლაითრუმი ნუ დაჩაგრეთ ძალიან გამოყენებადია (მათ ვინც არ იცის ციფრულის კაბელის შეერთება კომპზე და სხვა არაფერი ) :D

ლაშა: თებერვალი 23, 2017||5:53pm

დასახელებული პროგრამაც სმარტფონებისთვისაა?

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:20pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

Qwelly World

free counters