გიორგობის დღესასწაული ჩვენში ყოველთვის განსაკუთრებულად იზეიმებოდა და აღინიშნებოდა. ასე იყო უწინ და ასე არის დღესაც, ტექნოლოგიების ერაში. ახლა დღესასწაულმა ქართული ინტერნეტი დაიპყრო როგორც მილოცვებით, ასევე პროტესტით იმ ადათურ ტრადიციებთან, რომელიც გიორგობის დღესასწაულს ყოველთვის თან ახლდა.


(წყარო)

      ცხვრების ტყავებით და სისხლის ნიაღვრებით აღბეჭდილი უამრავი ფოტო, ზედ ცინიკურად წაწერილი - "ქართული ქრისტიანობა" და პროტესტი დახოცილი ცხოველებისა თუ ფრინველების გამო - ესაა ის მეორე მხარე, მილოცვების პარალელურად რომ ვრცელდება ინტერნეტში. არ ვიცი ეს ძველაღთქმისეული ტრადიცია როდემდე შემოგვრჩება და იმედი მაქვს სულ მალე საბოლოოდ შევიგნებთ, რომ უკანასკნელი სისხლიანი მსხვერპლი, რომელიც დაიკლა შესაწირავად, ეს იყო იესო ქრისტე და მას შემდეგ ღმრთისადმი შესაწირი მსხვერპლი არის "სული შემუსვრილი, გული შემუსვრილი და დამდაბლებული", რომელსაც ღმერთი არ შეურაცხყოფს და შეიწირავს, მაგრამ იქამდე მინდა იმ ადამიანებს გამოვეხმაურო, რომელიც ამ ტრადიციას სადღაც გვერდიდან, თითქოს ისინი ამ ქვეყნისანი არ იყვნენ, დამცინავად და აგდებულად იხსენიებენ, ტრადიციაში მონაწილეებს ბნელებს უწოდებენ და კომენტირებენ - ცხოველების ასე უმოწყალოდ დახოცვა გაგონილა?

      გასაგებია, რომ ბოლო წლებში ყველა უმცირესობის (მეტყველისა თუ უტყვის) დაცვა მოდურია და კაი ტიპური, ასევე თუკი შენს ქვეყანას ლანძღავ, ის ტრადიციებს და სხვა დანარჩენებს დასცინი მოაზროვნე გქვია, მაგრამ არგუმენტები და ფორმა (შორიდან ყვირილი, რომ ეს ქრისტიანობა არ არის, რომ ცხოველებს დაცვა სჭირდებათ და ა.შ.), რომლითაც თქვენ ამ უშნო ტრადიციას ებრძვით, სრულიად გამოუსადეგარი და მეტიც, ხშირ შემთხვევაში უარესი შედეგების მომტანია.

      მაშ რა არის საჭირო სიტუაციის გამოსასწორებლად?

      პირველ რიგში აუცილებელია თქვენ იყოთ შემზადებული ქრისტიანობის იმ მინიმალური და ძირითადი მოძღვრებებით, და რაც აუცილებელია მზად იყო ქრისტიანული ცხოვრების წესით, რომელიც გამოგადგებათ ამ ადამიანებთან ოპონირებისას. სხვა შემთხვევაში ეს ადამიანები უბრალოდ არ მოგისმენენ.

      მეორე, აუცილებელია ეს ოპონირება არ იყოს მტრული ხასიათის და ჯებირებს მიღმა საუბარი თუ შეგონება, როგორც იციან ხოლმე მავანთა ამა სოფლისათა, რომლებიც ამ საუბრებითა და "ჭეშმარიტების ღაღადებით" მხოლოდ იმის მიღწევას ახერხებენ, რომ ბევრი დამლაიქებელი და "მართალიხარ" კომენტატორი ჰყავთ (პრინციპში, მათი იდეაც ხშირ შემთხვევაში სწორედ ესაა - პირადი PR, სხვა შემთხვევაში, მზრუვნელი ადამიანი ასე არ მოიქცევა), ჰოდა თუ ნამდვილად გსურთ შედეგები, დაუახლოვდეთ და დაუმეგობრდეთ ამ ადამიანებს, რომლებიც ყოველწლიურად, გიორგობასა თუ ლომისობაზე, ცხვარ-ხარ-ძროხა-მამალ-ქათამ-ბატკნის ხოცვით ზეიმობს დღესასწაულებს. დაუმეგობრდით იმდენად, რომ თავიანთად ჩაგთვალონ.

      მესამე საფეხურია შეახსენოთ სხვა და განსაკუთრებით ისეთი დღესასწაულები, რომლებიც მაინცდამაინც საქეიფო პოპულარულობით არ გამოირჩევიან და ავტომატურად საკლავის დაკვლასთანაც არ ასოცირდებიან, მაგალითად მირქმა, ხარება (უმეტესად მარხვაში უწევს ხარების დღესასწაული), მათი მოსახელე წმინდანის დღე, ეცადეთ განსაკუთრებით ისეთი დღესასწაულები მიულოცოთ, რომელიც ოთხშაბათსა და პარასკევს ემთხვევა.

      შემდეგი საფეხურია ეკლესიაში მათი მიყვანა. შაბათ-კვირას მოიკითხეთ და რომ გკითხავთ: "სად ხარ, ამო ვიქეიფოთო", უთხარით - ტაძარში ვარ, ლოცვაზეთქო და ეცადეთ რამენაირად ისიც დაიყოლიოთ და მიიყვანოთ და დააყენოთ თქვენს გვერდით. ოღონდ, "მოდი ნახე მამაო რა სისულელეებს ამბობსო" - ეს არ გამოგადგებათ, რადგან მსხვერპლშემწირავი ადამიანებისთვის, მამაოები ავტორიტეტები არიან, მინიმუმ იქამდე ვიდრე მათ ტრადიციებს არ დაუპირისპირდებიან სასულიერო პირები. პარალელურად ჩაურთეთ ხოლმე ქრისტიანული ეკლესიის ის ძირითადი სწავლებები, რომელთა ცოდნაც აპრიორ აუცილებლობად მივიჩნიეთ ზემოთ.

      მომდევნო საფეხური უფრო რთული - მარხვების დაცვა. ეცადეთ მცირე მარხვებით დაიწყონ, მაგალითად, მარიამობის ორკვირიანი მარხვა, პეტრე პავლობისა მარხვა (როცა მოკლე პერიოდისაა), აღდგომის მარხვის ბოლო კვირა, აუხსენით იმ დღეების სიმძიმე.

      მეექვსე საფეხურზე, როდესაც ლომისობის დღესასწაულიც მოახლოვდება და თქვენი მეგობარი კვლავ დააპირებს ცხვრის ყიდვას დაკვლისა და შეწირვისთვის, შეგიძლიათ აგრძნობინოთ რომ ეს არ მოგწონთ და როგორც მთელი დამეგობრების პერიოდში ეუბნებოდით, თუ შეწირვაა, სჯობს სადმე სხვაგან დაიკლას, არა ტაძრის და ეკლესიის ტერიტორიაზე, და ხორცი გაჭირვებულებს დაურიგდეთ, ღმერთი ხომ სწორედ მათ მფარველობას გვთხოვს. მომდევნო წელს კი შესაძლოა უკვე ნაყოფიც ჯეროვანი გამოიღოთ, უბრალოდ ტაძარში ასვლით, სანთლის ანთებით და გულიდან ნათქვამი სიტყვებით შემოიფრაგლოთ - "წმინდაო გიორგი, შეგვეწიე, დაგვიცევ და დაგვიფარე ცოდვილნი, დაიცავ ჩემი ოჯახი, ჩემი სამეგობრო და სრულიად საქართველო, ამინ!"

      ვიცი, ვრცელია ეს ყოველივე და რთული შესასრულებელი, წასაკითხად რამდენი გამოვიდა და ახლა შესასრულებლად როგორი რთული იქნება წარმომიდგენია. თან ამ ყველაფერს კამერების თვალწინ ვერ გააკეთებთ, ვერც ფეისბუკზე დაპოსტავთ როგორ ცდილობთ ქრისტიანობასთან შეწებებული მანკიერი ტრადიციებიდან თქვენი მეგობრების გამოყვანას, არც ლაიქებს მოაგროვებთ და არც ცნობილი სახე იქნებით, მეტიც, შესაძლოა ვერც ვერავინ მიხვდეს, რომ ამ ადამიანის ასეთი ცვლილება სწორედ თქვენი დამსახურებაა, მაგრამ მერწმუნეთ შედეგები გარანტირებულად დადებითი იქნება! ეს მეთოდი ათასგზის გამოცდილი, შემოწმებული და დამტკიცებულია - ყოველთვის ამართლებდა და მაგალითებიც მრავლად მომეპოვება.

      ჰოდა, თუ არ აპირებთ და არ გინდათ ასე მოიქცეთ, მაშინ ენა მაინც ჩაიკმინდეთ და დადუმდით მაგ გაღმა მხარიდან მყივარლნო და იმ ადამიანებს მაინც ნუ უშლით ხელს, ვინც ასე იქცევა და თქვენი გარედან ყვირილით, მხოლოდ იმას აკეთებთ, რომ ამდენ ნაწვალებს წყალში უყრით მსხვერპლშემწირავი ადამიანების გაღიზიანებით, მათი ტრადიციების ლანძღვითა და გინებით.

      თუ ცხოველებზე დარდობთ, უამრავი საქონდაქრე, საყასბო (ე.წ. ბოინი) არსებობს საქართველოში, რომელთა დაკლული ცხოველების ხორცით დილას ვიწყებთ და რესტორნებში მუცელს ვიყორავთ, სადაც სისხლის ნიაღვრები მთებზე კი არა, 100-იან მილებში მოედინება. ჰოდა, კეთილი ინებეთ იქ დადექით დ იქ გაიკეთეთ PR!

ნახვა: 399

ტეგები: Qwelly, ბლოგი, გიორგობა, ტრადიცია, ქრისტოანობა, წარმართობა

BrOliKa: ნოემბერი 26, 2015||6:19pm
"ენა მაინც ჩაიკმინდეთ და დადუმდით მაგ გაღმა მხარიდან მყივარლნო" ზუსტად არის შერჩეული სიტყვები ლაშ და ეხლა შენ არ გამოიწვიო მათი აღშფოთება :D
Kakha: ნოემბერი 26, 2015||6:29pm

საინტერესოა ამ გაღმა მხრიდან მყვირალი ხალხის რეაქცია ასეთ შეფასებებზე :DD

BrOliKa: ნოემბერი 26, 2015||6:35pm
ვიცი ლაშას პოსტთან სელფებს გადაიღებენ და აღშფოთებიან :D
Kakha: ნოემბერი 26, 2015||7:27pm

ან გაბრაზებულ სახეზე გადაიღებენ სელფ - რეტრიკას :DD შეშფოთებაზე კი სტატუსს დაწერენ!

BrOliKa: ნოემბერი 26, 2015||7:29pm
მერე აუცილებლად მონიშნავენ, რომ გაბრაზებულად გრძნობენ თავს :D ეგენი ხომ ყველაფერს ნიშნავენ :D
ლაშა: ნოემბერი 26, 2015||8:24pm

ტყუილად ორჭოფობთ მეგობრებო, არც წაიკითხავენ ამხელა ტექსტს იმ ტიპის ადამიანები, რომლებზეც საუბრობთ. :D 

თათია: ნოემბერი 27, 2015||7:14pm

ისე, ეჭვი მეპარება ეგ ტიპის ადამიანები სელფებს იღებდნენ. :D  (სადა სცალიათ, სინზე მოხარშული ცხვრის ხორცი ელოდებათ, ცხელცხელი, ორთქლი რომ ასდის)

Kakha: ნოემბერი 27, 2015||7:16pm

თათია ისე აღწერე ყველაფერი შემტხვევით სელფი ხომ არ გაქვს გადაღებული? :D:D

თათია: ნოემბერი 27, 2015||7:19pm

კახა მე დროს ჩამოვრჩი, სად მაქვს ეგეთი ტელეფონი :D :D 

ლაშა: მაისი 6, 2016||8:37pm

დროის ჩამორცენა როგორი პრობლემური ამბავია არა? დრო თითქოს ჩვენს მორჩილებაშია, ამ დროს გვასწრებს (( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დარდი პანდემიაზე, ეკონომიკაზე, კარტოგრაფებზე და მოახლოებულ წვიმებზეც

გამოაქვეყნა Giorgi_მ.
თარიღი: ნოემბერი 27, 2020.
საათი: 10:57pm 0 კომენტარი

      მარხვის დაწყების წინ, პატრიარქმა მოძღვრებს ლოცვა-კურთხევა მისცა საჭიროების შემთხვევაში რძის პროდუქტების მიღებაზე კურთხევა გასცენ. ხვალიდან შეზრუდვების ამოქმედება იწყება, ამიტომ დღევანდელი პარასკევი, რომელსაც შავი პარასკევიც წამოეწია, დედაქალაქის სრული პარალიზების მიზეზი გახდა - ყველა საყიდლებს ეშურებოდა. მომავალი დღეები წვიმიანი იქნებაო, ამბობენ სინოპტიკოსები - 2 დეკემბრამდე მცირე წვიმაა მოსალოდნელი. კოვიდს რაც შეეხება - 123470 დადასტურებული,…

გაგრძელება

ირმის ნახტომი (ზღაპარი - ლეგენდა)

გამოაქვეყნა nunu qadagidze_მ.
თარიღი: ნოემბერი 27, 2020.
საათი: 3:30pm 0 კომენტარი

      ცის თაღი იძროდა მისი ნაბიჯებიდან, ელვას აკვესებდა ჯიღა თვალებით, ფართოდ განტოტვილი რქებით კი თითქოს მთელ სამყაროს შესდგომოდა დედაბოძად.

      აზავერი მოდისო, დაურბენდა ეს ძახილი ცის ბინადრებს, ისინიც დიდის ამბით მოემზადებოდნენ მის დასახვედრად. ფარშევანგი მაშინვე კუდს გაშლიდა, რათა საზეიმო ელფერი მიეცა სასურველი სტუმრის მობრძანებისთვის. მგელიც უკუდგებოდა, ოღონდ აშკარად გამომწვევი ნაპერწკლები უხტოდნენ თვალებში. გველი განზე გასრიალდებოდა,…

გაგრძელება

დაწესებული შეზღუდვები და ბიუჯეტიდან დაფინანსება

გამოაქვეყნა Giorgi_მ.
თარიღი: ნოემბერი 26, 2020.
საათი: 11:00pm 0 კომენტარი

      შეზღუდვები დაწესდა და აღსრულება 28 ნოემბრიდან დაიწყება. შეზღუდვები კი განსაკუთრებული სიმკაცრით არ გამოირჩევა, თუმცა ქალაქები მაინც დააშორა ერთმანეთს. დღის მთავარი თემა პრემიერის გამოსვლა და დაწესებული შეზღუდვები იყო. ოპოზიციამ, ცხადია, არც დაწესებული შეზღუდვები მოიწონა და არც პარლამენტში შესვლაზეა თანახმა - ერთადერთი რასაც თანხმდება საბიუჯეტო დაფინანსებაა. კოვიდს რაც შეეხება - მთლიანი რიცხვები - 118690 დადასტურებული, აქედან გამოჯანმრთელებული…

გაგრძელება

ახალი შეზღუდვების მოლოდინი და საიქიოს წასული მარადონა

გამოაქვეყნა Giorgi_მ.
თარიღი: ნოემბერი 25, 2020.
საათი: 10:00pm 3 კომენტარი

      ყოველდღიურად ანონსდება მომავალი შეზღუდვები, ლოკდაუნები, პრობლემები, ჩაკეტვები და ეკონომიკურ კოლაფსსა და სიცოცხლის გადარჩენის შუა ხაზი. თავის მხრივ, პანდემიაშეშინებულზე ოპოზიციაც დაცხრა და ჯერ შიდა გარკვევაშია და შემდეგ მთავრობასთანაც დაალაგებს. საპატრიარქომაც გააკეთა განცხადება. ვირუსის რიცხვები - 114889 დადასტურებული, აქედან გამოჯანმრთელებული - 95581, გარდაცვლილი - 1085, კარანტინში - 2071. რაც შეეხება ეკონომიკის მეტრს - დოლარი - 3.3193 ლარი…

გაგრძელება

Qwelly World

free counters