გამეღვიძა.

      რამოდენიმე წამი ვერ მივხვდი სად ვიყავი. ლეპტოპი ავიღე და გადავწყვიტე აღმეწერა ის ოთახი, სადაც ახლა ვცხოვრობ. წითელი სამეული, კუთხეში საწერი მაგიდა და მასზე რამოდენიმე წიგნი დევს, წიგნები ვიცანი, კაფკა, ფამუქი და მიშელ უელბერკის რუკა და ტერიტორია. ნეტა ტერიტორიულად სად ვარ, ან რუკაზე როგორ არის ეს ადგილი აღნიშნული?! იყოს, ამაზე მერე ვიფიქრებ. Qwelly, ბლოგი, დასვენება, ზაფხული, მარტოობა, სასტუმრო, საშინელება ოთახს დავუბრუნდები. მარცხენა მხარეს კარადა დგას, ერთი კარი ღიაა და ჩემი ვარდისფერი კაბა ჩანს, მე დავკიდე. ჩალაგება მომისწრია. კარადის თავზე ჩემი ფერადი ჩემოდანი ვიცანი და მივხვდი, რომ დასვენების დრო მოსულა. პატარა აივანი, აივანზე ერთი სკამი დგას, ალბათ ჩამოვჯდები საღამოობით და წავიკითხავ, ან სულაც უბრალოდ ხედით დავტკბები. ჰოოო, ფარდები, ფარდები საერთოდ არ უხდება ამ ოთახს, იცით როგორი ფერია? გაზეთს დიდხანს მზეზე, რომ გავჩერებთ და გაყვითლდება, აი ისეთი. არ მომწონს, ამერიკულ საშინელებათა ფილმში მგონია თავი. სასტუმროს პატარა ნომერში, ჩემთვის ჩუმად ვზივარ და თვალების ცეცებით ველოდები, როდის მომიკაკუნებს ის მანიაკი, ფილმებში თავიდან ყველას კეთილი რომ გვგონია. ჩემს პირდაპირ, იასამნისფერი პორტრეტი კიდია, თვალები იმდენად გამოუკვეთავს მხატვარს, რომ ჩამოვხსენი, მზერა მაწუხებს. მაგიდაზე ხის ჩარჩო დევს, ახლა შევამჩნიე, ფოტოს გარეშე, დეკორაცია. ჩემი ფოტო ხომ არ ჩავდოთქო ვიფიქრე, მაგრამ ბოლოს ჩარჩოს მოპარვა მომიწევს და ეს უკვე ძალიან ზედმეტი იქნება, მე ხომ მიმღებიდან კალმები მოვიპარე. ტელეფონიც აზუზუნდა, გამეღიმა, როგორ გამოუთვლიათ როდის გამეღვიძებოდა.

- კარგად ვარ, ცოტა დავიძინე, ახლა გამეღვიძა, მოვწესრიგდები და გავალ, ალბათ ცოტას გავისეირნებ. ფრთხილად ვიქნები.

      მეორეჯერ აზუზუნდა ტელეფონი

- კარგად ვარ, ცოტა დავიძინე. კი, კიი ძალიან მომწონს აქაურობა. არ მეშინია, მართლა. კარგი, ღამე არ ვივლი.

      მესამეჯერ აზუზუნდა ტელეფონი

- კარგად ვარ, ცოტა დავიძინე. მართლა კარგია აქაურობა. ჰოო, ინტერნეტი არ მქონდა და ვერ "დავჩექინდი", ფოტოებს აუცილებლად გამოგიგზავნი. იქაც მივალ. ჩამოგიტან, ჩამოგიტან, როგორც დაგპირდი.

      ინტერნეტი მაქვს, არ მოგატყუებთ. მაგრამ, რატომღაც არ მინდა ვინმემ გაიგოს სად ვარ. აივანზე, რაღაც აფხაკუნდა, გავიხედე და მტრედია. დაგოგმანებს, დაბაჯბაჯებს, მითვალთვალებს, ჰოდა, ავაფრინე... ლამაზია მტრედი, მაგრამ მე თოლია უფრო მიყვარს. თოლია ჯონათან ლივინგსტონი. თქვენ ღამე მტრედი გინახავთ ოდესმე ? აი, მე დღეს დავინახე. აივანზე სამი ქოთანი დევს და არცერთში არ ყვავის ყვავილი. ხედით ვერ ვტკბები, მაგრამ ზღვის ხმა და მარილიანი სუნი ისე მსიამოვნებს, რომ თვალები დავხუჭე. ფიქრებში წავედი. ვიღაც აკაკუნებს, ჩემს თავზე გამეცინა ისე წამოვხტი, შემეშინდა. ვინ უნდა იყოს თვალებით ვიკითხე, ვინ არის ?! და როცა იქიდან პასუხი ვერ მივიღე, გული ყელში ამიბაკუნდა. კარები გავაღე, უსასრულო დერეფანი, დასკვნა ალბათ მომესმა და უკვე კარადასთან ვდგავარ. განუყრელი ჯინსით, კეტებით და მაისურით მივფრატუნებ დერეფანში. სად მივდივარ, არ ვიცი. როგორც ჩემი მეზობელი წერტილა, იტყოდა "ვალივერებ" სიტუაციას სასტუმროში. პირველ სართულზე ჩამოვედი, არ მითქვამს, რომ მეშვიდეზე ვცხოვრობ.

      ახლა ვზივარ სანაპიროზე, მარტო ჩემი ლეპტოპი ანათებს. ძალიან მომწონს, ამხელა უზარმაზარ სივრცეში ყველაზე მყუდროდ ვგრძნობ თავს. ადრე ჩემი ჩრდილისაც კი მეშინოდა, მერე მივხვდი, როცა მას ვხედავ ჩემს უკან სინათლეა და დღემდე ასე ვინუგეშებ თავს. ჰოდა, ამდენი იმიტომ ვილაპარაკე, რომ ერთ რაღაცას მივხვდი, როცა მარტოები მივდივართ სადღაც შორს, ყველასგას, ფერადი ჩანთით და წიგნებით(ზეგჯერ ესეც საჭიროა) შეგრძნებები ასმაგდება, საკუთარ თავს შიგნიდან ვათვალიერებთ და ფიქრებს ვფილტრავთ, მხოლოდ იმას ვიტოვებთ, რაც ალბათ საფიქრალია.

ჰო, მე ახლა კიდევ იმაზე ვფიქრობ ვინ დააკაკუნა ჩემს კარებზე. არა, ნამდვილად ამერიკულ საშინელებათა ფილმში მგონია თავი. ბოლოს მაინც გადავრჩები.

ნახვა: 230

ტეგები: Qwelly, ბლოგი, დასვენება, ზაფხული, მარტოობა, სასტუმრო, საშინელება

ლაშა: სექტემბერი 17, 2016||10:16pm

მგონი სჯობს ფარდები ჩამოხსნა, ნუ გააფუჭებინებ განწყობას უმიზეზოდ.

გოგონა ყვავილის სახელით: სექტემბერი 18, 2016||12:42pm

ერთი მინუსი შეიძლება ქონდეს ამ ადგილს და ჯობია ფარდები დავტოვოთ. 

ლაშა: სექტემბერი 18, 2016||5:30pm

ქართული საშინელებათა რეალითის გმირობა სასიამოვნოა ალბათ? 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დრაკონის კოსმოსური კვერცხები

გამოაქვეყნა Tamila Moshiashvili_მ.
თარიღი: აპრილი 11, 2021.
საათი: 11:27pm 1 კომენტარი

      ყველა ნამდვილ მეოცნებეს აუცილებლად უფიქრია კოსმოსში გაფრენაზე. მრავალფეროვანი, უსასრულოდ ვრცელი სამყაროსთვის თვალის შევლებაზე. ოცნება რეალისტური მას შემდეგ გახდა, რაც უკვე მარსზეც კი დავიწყეთ ადგილების შემოკავება, რაც მათი რელიეფის და მარსიდან გადაღებული ფოტოების სურათები ჩვენი ყოველდღიურობის ნაწილი გახდა. ნასას მისიებმა კოსმოსის ჩვენი ხელოვნების ნაწილად აქცია, ამიტომ მეოცნებე ხელოვანები ცდილობენ კოსმოსი მათ გარშემო შექმნან. ჩვენი დღევანდელი…

გაგრძელება

ფოსგრაფია ანუ სინათლის აღბეჭდვა

გამოაქვეყნა Tamila Moshiashvili_მ.
თარიღი: აპრილი 10, 2021.
საათი: 11:17pm 0 კომენტარი

      მზის სხივზე ლამაზი რა უნდა იყოს? მაგრამ მისი აღბეჭდვა ცოტა რთულია. განსაკუთრებით სხივის მოძრაობის აღბეჭდვაა რთული, მისი ხვეულების ან სწორხაზოვნობის. მზის სხივის შემდეგ, ბუნებრიობიდან უკვე ხელოვნურ სინათლეზე უნდა გადავინაცვლოთ. აქ შედარებით მარტივად არის საქმე, მაგრამ დღეს რაც უნდა გაჩვენოთ ისეთი სინათლეა, რომელიც ფოტოაპარათითაა დახატული და არა სხივით. ბრაზილიელმა ფოტოგრაფმა ვიტორ შიეტიმ (Vitor Schietti) სრულად მოიცვა სინათლის ბუნება…

გაგრძელება

Nerubian Swarmer -- After the Helm of Domination shattered

გამოაქვეყნა Weiweismart_მ.
თარიღი: აპრილი 9, 2021.
საათი: 4:00am 0 კომენტარი

Blizzard is inviting World of Warcraft: Shadowlands players to choose which mount they get Wow gold classic after the expansion releases on October 27.

Mounts, that are an vital way of transport in the massive world of Azeroth, are becoming a favorite part of the MMO experience: many players accumulate as many as you can whilst others excitement after super rare ones.

In Q1 2021, Blizzard will be adding a new mount to the game -- and this time players get to select which one of…

გაგრძელება

ხარება, როგორც გამოხსნის ზეიმი

გამოაქვეყნა ლაშა_მ.
თარიღი: აპრილი 7, 2021.
საათი: 9:41pm 0 კომენტარი

      ეს დღესასწაული ასეთ მცირე ბლოგს არ იმსახურებს, მაგრამ ახლა ემოციამ ისე მომაბჯინა ყელში ბურთი, რომ მეტი ვერ დავწერე. დღეს ხარებაა ხალხო, ხარება...

      ეს სამყარო არსებობს სამ კატეგორიაში - დრო, სივრცე, მატერია (ნებისმიერი თანმიმდევრობა მისაღებია, რადგან ერთმანეთის გარეშე უბრალოდ არ არსებობენ). ყველაფერი რაც ამდენი საუკუნის მანძილზე მეცნიერებამ, ამ ღმრთაებრივმა ანარეკლმა გვასწავლა, ამ სამი კატეგორიიდან ერთ-ერთის შემეცნებაა - ან დროის,…

გაგრძელება

Qwelly World

free counters