მარიხუანა ლეგალიზებულია, ტაქსები ლიცენზირებული, გამოძიება ბოლო შტრიხებისკენ მიდის, მანქანები გამოუსადეგარი და სტატისტიკა საინტერესო

      საინფორმაციო სიახლეები დღის ბოლოს ისევ დაბრუნდა. ვერ ვიტყვი რომ დიდებული ახალი ამბავით ვიწყებთ ახალ სეზონს, მაგრამ რაც არის ეგ არის - მარიხუანას მოხმარება ლეგალიზებულია. რაც შეეხება ზაფხულის მთავარო პროლემას სიცხეს - ამინდის პროგნოზმა თბილისისთვის პირველივე დღეს არ გამართლდა - 30 ივლისიდან 1-ელ აგვისტომდე საქართველოს ცალკეულ რაიონებში ხანმოკლე წვიმაა მოსალოდნელი. იქამდე, დღევანდელმა სიცხემ, კინაღამ მგზავრებიც შეიწირა, რადგან ვაკეში ავტობუსის მძღოლმა სიცხისგან გონება დაკარგა.

საქართველოს და მსოფლიოს ამბები / 30 ივლისი, 2018 /

      მოწიეთ, ოღონდ არ ატაროთ - საკონსტიტუციო სასამართლომ მარიხუანას მოხმარებაზე სანქციები გააუქმა. ზურაბ ჯაფარიძე - საქართველოში მარიხუანას მოხმარება არის სრულად ლეგალური. 2018 წლის 30 ივლისს საქართველოს საკონსტიტუციო სასამართლოს პირველმა კოლეგიამ დააკმაყოფილა საქართველოს მოქალაქეების ზურაბ ჯაფარიძის და ვახტანგ მეგრელიშვილის კონსტიტუციური სარჩელი (რეგისტრაციის №1282) საქართველოს პარლამენტის წინააღმდეგ. მოსარჩელე მხარე დავობდა საქართველოს ადმინისტრაციულ სამართალდარღვევათა კოდექსის იმ ნორმის კონსტიტუციურობის თაობაზე, რომელიც აწესებდა ადმინისტრაციულ პასუხისმგებლობას ნარკოტიკული საშუალება - მარიხუანას მოხმარებისათვის. მოსარჩელეთა განმარტებით, მარიხუანას მოხმარება არ წარმოადგენს საზოგადოებრივი საფრთხის მატარებელ ქმედებას. კერძოდ, მას შეუძლია ზიანი მიაყენოს მხოლოდ მომხმარებლის ჯანმრთელობას, რომელიც თავადვე იქნება პასუხისმგებელი დამდგარ შედეგზე. ისეთი ქმედებისათვის პასუხისმგებლობის დაწესებას, რომელიც მხოლოდ საკუთარი თავის დაზიანებისკენ არის მიმართული და არ იწვევს საზოგადოებისთვის საშიშ შედეგებს, არ გააჩნია ღირებული საჯარო ინტერესი. ამასთან, საკონსტიტუციო სასამართლომ აღნიშნა, რომ მარიხუანას მოხმარებისათვის პასუხისმგებლობის დაწესება კონსტიტუციის შესაბამისია იმ შემთხვევებში, როდესაც მოხმარების კონკრეტული ფაქტი ქმნის საფრთხეებს მესამე პირებისთვის. მაგალითისთვის, სასამართლომ მარიხუანას მოხმარებისთვის პასუხისმგებლობის დაწესება გამართლებულად მიიჩნია მაშინ, როდესაც აღნიშნულ ქმედებას ადგილი აქვს სასწავლო, სააღმზრდელო და საგანმანათლებლო დაწესებულებებში, ზოგიერთი სახის საზოგადოებრივი თავშეყრის ადგილზე, მაგალითად, საზოგადოებრივ ტრანსპორტში, არასრულწლოვანთა თანდასწრებით და ა.შ.“, - ნათქვამია სასამართლოს განცხადებაში. ბექა წიქარიშვილი - სასამართლოს გადაწყვეტილება არ ნიშნავს, რომ თუკი ერთი ღერი მარიხუანა გვექნება, არ დავისჯებით.

      საპატრიარქო მედიის საქმიანობაზედ - “როგორც ცნობილია, ა.წ. 23 ივლისს „ტვ პირველის“ ეთერში ფოთისა და ხობის მიტროპოლიტ გრიგოლის (ბერბიჭაშვილი) გამოსვლამ დატოვა კითხვები, რასაც შემდეგ „რუსთავი 2“-მა სამი გადაცემა მიუძღვნა, თემა „განავითარა“ და არაერთი საერო პირისადმი გამოთქმული დაუსაბუთებელი ბრალდებები გააჟღერა. ვფიქრობთ, ყოველივე ამის მიზანი იყო, ჩრდილი მიეყენებინათ მიტროპოლიტ შიოს (მუჯირი) მიმართ საზოგადოებაში არსებული დადებითი განწყობისადმი და, სხვა მიზეზი რომ ვერ მოძებნეს, მოინდომეს მისი პრორუსულ ძალად წარმოჩენა, რომელიც, თურმე, კათოლიკოს-პატრიარქის ტახტის მოსაყდრედ მისმა უწმინდესობამ იძულებით გამოარჩია (მიანიშნებენ რუსულ ჩარევაზე) და ასევე იძულებით, დაჩქარებული წესით, უნდა მომხდარიყო პატრიარქად მისი გახდომა. ამ იდეების გამავრცელებლებმა სინამდვილეში თვითონაც კარგად იციან კათოლიკოს-პატრიარქის ხასიათი, რომ ვინმეს ზეწოლით იგი არასდროს მოქმედებს და გამორიცხულია მისი იძულება, მით უმეტეს ეკლესიისა და ქვეყნისათვის მნიშვნელოვან საკითხებთან დაკავშირებით; რა თქმა უნდა, იგივე ითქმის მოსაყდრესთან მიმართებაშიც. ხოლო თუკი წამოჭრილ თემასთან დაკავშირებით კითხვები მაინც ვინმეს აქვს, უნდა მიმართონ მეუფე გრიგოლს (ბერბიჭაშვილი), რადგან, როგორც ჩანს, რეალურად სხვამ არავინ იცის, რას და ვის გულისხმობდა იგი.

      ხორავას მკვლელობის საგამოძიებო კომისიის მუშაობა - მიმდინარე კვირას საგამოძიებო კომისია მსჯავრდებულებს, შს და იუსტიციის მინისტრებს და ყოფილ მთავარ პროკურორს გამოკითხავს. დღს მოზარდების მკვლელობის საქმეზე დანაშაულის დაფარვაში ბრალდებულთა პროცესზე გამომძიებლები იკითხებოდნენ. პროკურორი ხორავას ქუჩაზე მკვლელობის საქმეზე - ნებისმიერი პირის წინააღმდეგ შეიძლება დაიწყოს დევნა, თუ იქნება შესაბამისი საფუძველი. მოზარდების მკვლელობის საქმეზე დანაშაულის დაფარვაში ბრალდებულის ადვოკატი - მოწმეებს არანაირი ღირებული ინფორმაცია არ მიუწოდებიათ სასამართლოსთვის.

      არჩევნების გვერდითი მხარეები - „ევროპული საქართველოს“ ინფორმაციით, ადიგენის საკრებულოს მაჟორიტარ დეპუტატს ზურაბ შაინიძეს ფიზიკურად გაუსწორდნენ. „ქართული ოცნება“- ადიგენში ინციდენტი ყოფით ნიადაგზე წარმოიშვა და ყოველგვარი პოლიტიკური მოტივი გამორიცხულია. შსს-მ ადიგენში მომხდარ ფიზიკური დაპირისპირების ფაქტზე გამოძიება ძალადობის მუხლით დაიწყო.

      მანქანები საქართველოში - ჩვენს ქვეყანაში არსებული ავტოპარკის თითქმის ნახევარს 20 წელზე ზემოთ ავტომობილები შეადგენენ. თამარ ხულორდავა - ტექნიკური ინსპექტირების ამოქმედებიდან 1300-მდე შემთხვევა გამოვლინდა, როცა ტრანსპორტი აბსოლუტურად უვარგისად იქნა მიჩნეული.

      თბილისის ბიზნეს ცენტრები საერთაშორისო სტანდარტებით პირველად კლასიფიცირდა.

      ორშაბათ დაიწყო გასული დღის, კვირის ზეიმებით - ნიკოლოზ ბასილაშვილმა ჰამბურგის ტურნირი მოიგო. ნიკოლოზ ბასილაშვილი - ჩემთვის მნიშვნელოვანია, რომ ამ ტურნირის გამარჯვებული პირველი ქართველი ვარ. გურამ თუშიშვილმა და ავთანდილ ჭრიკიშვილმა ზაგრების გრან პრი მოიგეს.

      კონკურსის აუცილებლობა - დიმიტრი გვრიტიშვილი - მოსამართლეთა შესარჩევი კონკურსის ჩატარება რომ აუცილებელია, ამაზე ყველა ვთანხმდებით. დიმიტრი გვრიტიშვილი - საზოგადოების ნდობა სასამართლოს მიმართ არ არის იმდენად მაღალი, რომ სპეციფიური ღონისძიებების განხორციელება საჭირო აღარ იყოს. ნაზი ჯანეზაშვილი - პრობლემა გახლავთ ის, რომ დროულად არ ცხადდება მოსამართლეთა შესარჩევი კონკურსები და დროულად არ ხდება შტატების შევსება.

      სტატისტიკა - წასვლა მოუბრუნებლად - თამარ ხულორდავა - ევროკავშირთან უვიზო მიმოსვლით საქართველოს დაახლოებით 255 500 მოქალაქემ ისარგებლა, საზღვრიდან გამობრუნებულთა რაოდენობა კი 1.5%-მდეა. ივნისში ეკონომიკა 4%-ით გაიზარდა. მზის სატანჯველი - ზაფხულში მზისგან დამწვრობის გამო, ამბულატორიული მომსახურება 420 ადამიანს დასჭირდა. საქსტატის მონაცემებით, იანვარ-ივნისში 2995.9 ათასი კვ.მ ფართობის შენობა-ნაგებობების მშენებლობაზე 4 941 ნებართვაა გაცემული. ეკა ლალიაშვილი - თბილისში, 6 თვის მონაცემებით, ავტოსაგზაო შემთხვევების შედეგად, 46 ადამიანი დაიღუპა და 1800-ზე მეტი დაშავდა.

      ტაქსის ყოლას ნებართვა დასჭირდება და რეგულაციები დადგინდება - ეკა ლალიაშვილი - ტაქსის ფერის მოთხოვნა შეიძლება გადავდოთ, მთავარია, უსაფრთხოების მინიმალური მოთხოვნები დაკმაყოფილდეს. კომპანია „ინტერტრანსის“ დირექტორმა კიდევ ერთხელ მოუწოდა მძღოლებს, მგზავრთა გადაყვანისას მკაცრად დაიცვან უსაფრთხოების ნორმები.

      ფინანსთა სამინისტროს ნიუსები - შემოიტანეთ ტყე დღგ-ს გარეშე - საგადასახადო კოდექსში ცვლილებებით, იმპორტულ ხე-ტყეზე დღგ-ს გადასახადის გაუქმება იგეგმება. ფინანსთა სამინისტრო ივნისში 4%-იან ეკონომიკურ ზრდას მშენებლობის სექტორში ტემპის შენელებით ხსნის.

      იმრავლეთ ნებართვებით - ვახტანგ ლომჯარია - მნიშვნელოვანია, ცხოველთა გამრავლება დაექვემდებაროს შესაბამის ნებართვებსა და ლიცენზიებს.

      ქალი პრეზიდენტი და სხვა კანდიდატების დღე - ეკა ბესელია - მომწონს იდეა, რომ პრეზიდენტობის კანდიდატი, ვისაც ჩვენ მხარს დავუჭერთ, იყოს დამოუკიდებელი კანდიდატი და იყოს ქალი. გრიგოლ ვაშაძე - ძალიან „ევროპულ საქართველოს“ რომ ეძახიან თავს, ყველა უბედურება მათი გაკეთებულია - პარტიიდან გავიდნენ და ჰგონიათ, ხალხს ავიწყდება ეს დანაშაულებები. ირმა ნადირაშვილი - სამწუხაროდ, გრიგოლ ვაშაძე უპასუხისმგებლო ადამიანი აღმოჩნდა. თამარ ჩუგოშვილი - ვფიქრობ, პრეზიდენტი არჩევნების დანიშვნას აჭიანურებს იმიტომ, რომ თავისი საპრეზიდენტო დღეები ბოლომდე ამოწუროს.

      სურვილი სინოსი წინაშე წარდგენისა - მიხეილ რამიშვილი - თუ დეკანოზ გიორგი მამალაძეს საშუალებას მისცემენ, მას აქვს სურვილი წმინდა სინოდის წინაშე წარსდგეს.

      უნამუსობა გრძელდება - კრემლის პრესსამსახური - პუტინმა და ბიბილოვმა სატელეფონო საუბრისას რუსეთ-სამხრეთ ოსეთის თანამშრომლობის საკითხები განიხილეს.

საზღვარგარეთულები:

      ტრამპის მუქარა - დონალდ ტრამპი აშშ-ს მთავრობის მუშაობის შეჩერებით დაიმუქრა

      აღმოსავლეთი დასავლეთიდან - სირიის საკითხზე თურქეთის,საფრანგეთის, გერმანიის და რუსეთის ლიდერების მონაწილეობით სამიტი გაიმართება.

      მეგობრის დაკარგვა - რეჯეფ თაიფ ერდოღანი - აშშ-მა, შესაძლოა, თურქეთის სახით გულწრფელი მეგობარი დაკარგოს.

      უკრაინაზე თავმოხვეულობა - სერგეი ლავროვი - მიუღებელია, როდესაც უკრაინას თავზე ახვევენ რუსეთსა და ევროპას შორის არჩევანის გაკეთებას.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 116

ტეგები: qwellynews, ბლოგი, ივლისი, ნიუსები, სიახლეები

Kakha: ივლისი 31, 2018||7:25am

ნიუსიც ასეთი უნდა )) დაბოლება აღარ მთავრდება ციხით :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters