ნეგატიური პოსტების პარალელურად, ხანდახან, რამე დადებითზეც ხომ ვწერ ხოლმე? მითხრეს, გეყოს ამდენი კრიტიკა (თითქოს, დიდი კრიტიკოსი ვიყო), რამე კარგზეც დაწერე, ხომ ხდება ჩვენს გარშემო კარგი რამეებიც-ო. დავთანხმდი და ყველაზე კარგი რაც ხდება ჩვენს გარშემო, ის მოვიფიქრე მეც - სამზარეულო. ჩემი საყვარელი თემაა, პრინციპში საყვარელ თემაზე უფრო მეტად, საყვარელი საქმიანობაა და მზარეულობაზე მეტად, დაგემოვნება, მაგრამ ამჯერად მოვშორდეთ დანა-ჩანგალს და ცოტა კულინარიაზე ვიბაასოთ (ვწეროთ).

Qwelly, კულინარია, სამზარეულო, კერძები, ბლოგი

      შემომხედავს ადამიანი თუ არა, ჩემი ჰაბიტუსის პატრონს, იმავე წამს გაიფიქრებს, ამას ჭამა ეყვარება და კარგი გურმანი იქნებაო, აბა სხვაგვარად ასეთი როგორ გახდებოდაო და არ მინდა წინასწარი შეხედულებები გავამტყუნო, ამიტომ თავიდანვე მსუყედ დავიწყოთ - ქართული სამზარეულო, ანუ ხორცი, ხორცი, ხორცი (ცხორი, ცხორი ცხორის ინტონაციით). რატომ ხორცი?! იმიტომ რომ სოფლის მეურნეობაში მეცხოველეობა ყველაზე კარგად გამოგვდიოდა (სიმბოლურია, რომ მწყემსვა დღესაც კარგად გამოსდით ჩვენს პოლიტიკოსებს, დაუყრიან ცოტაოდენ თივას ხალხს, ჩამოურიგებენ ჰაერში გასროლილ დაპირებებს საკვებად არჩევნების წინ, და მერე რძე და ყველით ივსებენ მუცელს წლების განმავლობაში (ოხ ეს ნეგატიური გადახვევები)). ცხვარი, ძროხა, ღორი - ადვილად მოვიშინაურეთ (აბა ჩვენში ლომი და ვეფხვი არ იყო თორემ, ვინ თქვა რომ მაგათი ხორცი უვარგისია საჭმელად?) და მერე ვკლავდით და ვჭამდით - ასე გაჩნდა ხაშლამა. ყველაზე ავტორიტეტული საჭმელი აღმოსავლეთ საქართველოში (დასავლეთელებშიც იშვიათად მომისმენია ხაშლამის აუგი), გურმანთა ლიგის (იქნებ არსებობს) N1 კერძი. აღმოსავლეთ საქართველო ვახსენეთ და იქვე უნდა ითქვას ბოზბაში, თან ხაშლამის ნახარს რომ ცხიმს მოხდი, აი იმით მომზადებული უკეთესიაო. ვისაც არ უჭამია, კაცია ადამიანიდან მაინც ემახსოვრება ჩიხირთმა-ბოზბაშის პაექრობის ამბავი. კარგი ცხვრის მსუყე ნაჭერი ბოზბაში, ზოგჯერ სულზე უტკბესიც აღმოჩენილა-ო. კახეთში კიდევ რა უნდა მიირთვა თუ არა მწვადი, რა თქმა უნდა თონიდან ამოყრილ ცხელ პურთან ერთად. შოთის პური, იქვე გამომცხვარი, განსაკუთრებით გემრიელი გამოსდით კახელებს და აქვე გავაფართოვოთ ჩვენი არეალი - ესეც მეორე მხარე - მიწათმოქმედება ანუ ხორბალი ბეღელში. ასე შეიქმნა ხინკალი. რა შუაშია და ცომში ჩატენილი ხორცი, სხვა რა არის თუ არა ხინკალი? თუ გნებავთ, მოხარშვის გარეშე - გამომცხვარი იყოს და უფრო დიდად დაკეპილი ცომით - გამოვა კუბდარი. შემწვარი წიწილა, გოჭი და მისთანები უფრო დასავლეთის ამბავია (ჩემი ფავორიტი კუპატიც), მაგრამ დასავლეთში მეტი აქცენტი რძის პროდუქტებზე კეთდება. რძე და ყველი რომ ვახსენეთ, ეს ჩვენი მესამე მიმართულებაა და აქაც სოფლის მეურნეობის ორივე ნახსენები მიმართულება იყრის თავს, ესაა პურში ჩატენილი ყველი - ხაჭაპური. ზღვირპირეთიდან თევზიც არ უნდა დაგვკლებოდა ქართველებს, მაგრამ რატომღაც შემწვარი ან თევზი ცოცხალის გარდა, სხვა დიდი კულინარიული ქართული მიგნება არ მაგონდება (შეიძლება, კარგად მოჩხრეკვაა საჭირო).

      კიდევ არის ერთი - საცივი, რომელსაც ჩვენში ტრადიციულად ამზადებენ ინდაურით, მაგრამ რამდენ ენციკლოპედიაშიც არ ჩავიხედე, არსად არ წერია, რომ ინდაური მაინცდამაინც ქართული ფრინველია. ამიტომ კოლუმბამდე რითი ვამზადებდით საცივს, ჩემთვის გამოცანაა.

      მოკლედ, მთელი ჩვენი ქართული ტრადიციული სამზარეულო, ამ სამი ფუძის გარშემო ტრიალებს და გვთავაზობს ვერსიებს (აქ უკვე ფანტაზიის და მარჯვე ხელების ამბავია) - ხორცი; ყველი და ცომი; ხორცი და ცომი.

      საინტერესოა, როდის გაჩნდა ქართულ სამზარეულოში იდეალი, დათუნია, ნაპოლეონი, ზანგის ღიმილი (ჰო, ვიცი რომ რასისტულია) და სხვა ნამცხვრები? ზოგადად, ქართული ტკბილეული რომელია - ნიგვზიანები? შეიძლება, კაკალი კავკასიაში ოდითგან ყოფილა გავრცელებული.

ღია კითხვა: რომელია თქვენი ფავორიტი ქართული კერძი და რატომ?

ნახვა: 357

ტეგები: Qwelly, ბლოგი, კერძები, კულინარია, სამზარეულო

BrOliKa: ოქტომბერი 16, 2016||10:34pm
ხაჭაპური იმიტომ, რომ ყველზე ვგიჟდევი :D
ლაშა: ოქტომბერი 17, 2016||6:32pm

ხაჭაპური და კერძი რაღაც ცუდად ხვდება ყურს. კერძი ცოტა უფრო მძაფრად უნდა ჟღერდეს, მაგალითად ყაურა

BrOliKa: ოქტომბერი 17, 2016||6:41pm
კარგი მაშინ ღომი და ხარჩო :D იმიტომ, რომ მეგრელი ვარ :D თან ძალიან გემრიელია ერთად :D
თათია: ოქტომბერი 17, 2016||8:05pm

რა ნოყიერი პოსტია ლაშ! აღარ მშია :D  მე განსაკუთრებულად მიყვარს ხინკალი, აბედნიერებს :D

ლაშა: ოქტომბერი 17, 2016||8:20pm

სამეგრელოში უფრო გემრიელადაც შეიძლება მოლხენა, ივდრე მარტო ღომი და ხარჩო. წიწილა და ელარჯი რითია ნაკლები? ))

თათი, ხინკალი უფრო აბედნიერებს თუ რაჭა? :D

BrOliKa: ოქტომბერი 17, 2016||8:36pm
კიდევ ბევრია ბაჟეში ჩადებული თევზი სასურველია სკუმბრია :D ყველაფერი მიყვარს მე მგონი :D
თათია: ოქტომბერი 17, 2016||9:38pm

ამ შემთხვევაში ხინკალი :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 0 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

როგორ იღებენ ფინალური ფანტაზია XIV მოთამაშეები Taffeta Cloth?

გამოაქვეყნა Selena_მ.
თარიღი: ნოემბერი 24, 2021.
საათი: 6:30am 0 კომენტარი

Players who have entered the charm of Final Fantasy XIV must have heard of Taffeta Cloth suits, which are known for their attractive appearance. To make this suit, players need Taffeta Cloth, which is specifically for Taffeta Shawl and Loincloth. Any craftsman in Final Fantasy XIV will know that rare crafting materials usually require a lot of polishing. Taffeta Cloth is no exception. Player retainers are the only way to Buy FFXIV Gil.

To obtain Taffeta Cloth, Final Fantasy XIV…

გაგრძელება

აზარტული თამაშების აკრძალვები, სოც. გარემო და დასჯილი პრეზიდენტი

გამოაქვეყნა Giorgi_მ.
თარიღი: ნოემბერი 22, 2021.
საათი: 11:23pm 1 კომენტარი

      როგორც ჩანს თბილი გიორგობა გვექნება და ზამთარსაც, მეტწილად თბილად შევხვდებით. ვნახოთ, როგორ გამართლდება სინოპტიკოსების პროგნოზი. ქვეყანაშიც დათბა და აქციებიც კვლავ ანონსდება. მსჯავრდებული პრეზიდენტი უკეთ არისო და მის სტუდია კვლავ აქტიურია, პრემიერი და მისი ინიციატივები იყო დღეს მეინსტრიმული, განსაკუთრებით აზარტული თამაშები და სოც. დახმარებები. დოლარის ღირებულება - 3.1134 ლარია.…

გაგრძელება

Qwelly World

free counters