შესავალ სიტყვაში მხოლოდ არჩევნების თემა დომინირებს, ასევე კორონასგან გამოწვეული ახალი შეზღუდვები და დახურული სკოლა-ბაღები. კარტოგრაფიამ გარეჯიდან თბილისში, თბილისიდან კი სტრასბურგში გადაინაცვლა და იქ საჩივრდება. რაც შეეხება კორონას რიცხვებს - დადასტურებული შემთხვევა - 15327, გამოჯანმრთელებული - 7613, გარდაცვლილი - 124. რაც შეეხება ჩვენი ეკონომიკის მეტრს - აშშ დოლარის ფასი 3.2186 ლარია.

საქართველოს და მსოფლიოს ამბები / 16 ოქტომბერი, 2020

      #Covid19GEO - საქართველოში კორონავირუსის 887 ახალი შემთხვევა დაფიქსირდა, 11 პაციენტი გარდაიცვალა, 246 ადამიანი გამოჯანმრთელდა. კორონავირუსით ინფიცირების 887 შემთხვევიდან 342 - აჭარაში, 277 - თბილისში, 198 - იმერეთში დაფიქსირდა. სკოლებისა და ბაგა-ბაღების პედაგოგების შერჩევითი ტესტირება მომავალი კვირიდან დაიწყება. მარინა ენდელაძე - მოსახლეობას მოვუწოდებ, ჩაიტაროს ვაქცინაცია, ეს დაგვიცავს ორი ინფექციის ზედდებისგან, რაც კოვიდინფექციას არ დაამძიმებს. საპატრულო პოლიცია „კოვიდ 19”-ის გავრცელების წინააღმდეგ მიმართული რეკომენდაციების აღსრულების მიზნით, მეტროსადგურებთან მონიტორინგს ახორციელებს. თბილისის მერია მოქალაქეებს მოუწოდებს, საზოგადოებრივი ტრანსპორტი მხოლოდ აუცილებელი მგზავრობისთვის გამოიყენონ და უსაფრთხოების ყველა წესი დაიცვან. ოკუპირებულ ცხინვალში კორონავირუსის 30 ახალი შემთხვევა გამოვლინდა. 70-ე საჯარო სკოლის პედაგოგს კორონავირუსი დაუდასტურდა, რის გამოც სკოლაში 29 ოქტომბრამდე სასწავლო პროცესი შეწყდა. ლევან ვარშალომიძის მამა კორონავირუსით გარდაიცვალა. გედევან ფოფხაძე - საზოგადოებაში განცდაა, რომ თუ მოქალაქე კოვიდ ინფექციით ავად გახდება, მას ან არ უმკურნალობენ ან არასათანდო მკურნალობასა და მზრუნველობას მიიღებს. კორონავირუსის დადასტურების გამო, დისტანციურ სწავლებაზე 20 სკოლა გადავიდა. ეკატერინე ადამია - საწოლფონდის რაოდენობა უფრო ჭარბია, ვიდრე რეალურად ამის საჭიროება არსებობს. კორონავირუსით ინფიცირების გამო, ამ დროისთვის 21 ბაღში შეჩერდა სასწავლო-სააღმზრდელო პროცესი. ოკუპირებულ აფხაზეთში კორონავირუსის 93 ახალი შემთხვევა გამოვლინდა. ლევან რატიანის განცხადებით, მუშავდება ახალი პროტოკოლი იმის შესახებ, კორონავირუსით ინფიცირებული რომელი პაციენტები მოთავსდებიან საავადმყოფოებში.

      ამბები არჩევნების მოახლოების ფონზე - 31 ოქტომბერს საარჩევნო უბანზე მისულ ამომრჩეველს პირბადის მცირე ხნით მოხსნა ორჯერ მოუწევს, უარის შემთხვევაში კი არჩევნებში მონაწილეობის უფლება არ მიეცემა. ცესკო - კენჭისყრის კაბინა ერთი მხრიდან გახსნილი დარჩება, გახსნილი მხარე კი კედლისკენ იქნება მიმართული, რომ არ დაირღვეს ხმის მიცემის ფარულობის პრინციპი. ბადრი ჯაფარიძე - თუ ვინმეს არ აწყობს მოსახლეობის არჩევნებზე მისვლა, ეს არის „ქართული ოცნება“. გიორგი ვაშაძე გიორგი გახარიას - თუ არ გეშინია, ნებისმიერ ადგილზე მზად ვარ მოვიდე და თქვენი სახე ვაჩვენო. სერგი კაპანაძე - ივანიშვილმა იცის, რომ მისთვის ხელისუფლებაში დარჩენის ერთადერთი ბილეთი სააკაშვილია, სამწუხაროა, რომ მას ამაში ხშირად თავად სააკაშვილი ეხმარება. დავით უსუფაშვილი - დავით გარეჯის საკითხის დახურდავება პიარულ, საარჩევნო თემად, მიუტევებელია და ხალხი „ოცნებას“ ამას არ მიუტევებ. ლევან კობერიძე არჩევნების გადადების საკითხზე საპარლამენტო მსჯელობის გამართვას ითხოვს და არჩილ თალაკვაძესა და დიმიტრი ხუნდაძეს მიმართავს. „სამოქალაქო პლატფორმა 20/20“ - მოვუწოდებთ ცესკოს, სასწრაფოდ მიიღოს კენჭისყრის დღის პროტოკოლი. გია ვოლსკი - კოალიციურ მთავრობას მომავალში უნდა მივაღწიოთ მაშინ, როცა დავინახავთ, რომ ოპოზიციაში სადისტები, მავნებლები, პოპულისტები და პოლიტიკური თაღლითები არ არიან. ნიკა მელია - განათლებისა და ინტელექტის ნაკლებობას განიცდის ბატონი ღარიბაშვილი - ფაქტი, რომ ის არის თავდაცვის მინისტრი საკმარისია, რომ ეს ხელისუფლება არჩევნებში დამარცხდეს. „თავისუფალი საქართველო“ - „ოცნებისა“ და „ნაციონალების“ გამოკითხვებს უნდობლობას ვუცხადებთ. მამუკა ხაზარაძე - მიშას და ბიძინას თამაშიდან ისევ ჩვენ უნდა გამოვიყვანოთ ქვეყანა. არჩილ თალაკვაძე - ადამიანი იყო, არის და იქნება ჩვენი გუნდის ყურადღების ცენტრში, როგორც მთავარი ღირებულება, რომელზეც უნდა იყოს აწყობილი სახელმწიფოს ყველა სერვისი. კაპანაძე - ასობით შემთხვევაა, როცა „ოცნების“ წარმომადგენლები ადამიანებთან მიდიან და სამსახურის დაკარგვით, ან სოციალური დახმარების მოხსნით ემუქრებიან. ხატია დეკანოიძის შეფასებით, მმართველი გუნდი ფიქრობს, თუ როგორ მოწყვიტოს ოპოზიციური ამომრჩეველი საარჩევნო უბნებს. ვახტანგ მჭედლიძე - ეს არის ოპოზიციის ერთიანობა? ეს არის გუნდურობა? სირცხვილია მეგობრებო! გიორგი გახარია - ეს ორი კვირა ღირსეულად უნდა გავიაროთ და ღირსეულად უნდა გავიმარჯვოთ. გუბაზ სანიკიძის განცხადებით, თუ არჩევნებზე ამომრჩეველთა მცირე ნაწილი მივა, ოპოზიცია შედეგების ლეგიტიმურობის საკითხს დააყენებს. ანრი ოხანაშვილი დავით გარეჯის საქმეზე - ყველაზე მტკივნეული რაც აღმოჩნდა „ნაცმოძრაობისა" და მისი სატელიტებისთვის, იქ ახდენენ საკუთარ თვითლუსტრაციას. არმაზ ახვლედიანი - ვერასდროს, ვერასდროს ვერ მოვაგვარებთ სხვა პრობლემებს, თუ არ მოვაგვარეთ უმთავრესი – განათლების პრობლემა. გუბაზ სანიკიძე - „ქართული ოცნების“ მაქებარი კაცი, სანთლით ვეძებ და ვერ ვნახე, ახლა „პროჟექტორი“ უნდა გამოვიყენო - ესენი არჩევნებს აგებენ ოპოზიციასთან სულ ცოტა 2:1. გრიგოლ ვაშაძე - შეხედეთ აჭარას, რომელიც ლევან ვარშალომიძემ, მისმა გუნდმა დაუღალავი შრომით, პატიოსნებით, კორუფციის და ნეპოტიზმის აღმოფხვრით, შავი ზღვის მარგალიტად აქცია.

      გასაჩივრება სტრასბურგში - ლადო მირიანაშვილი - 1938 წლის 200 000-იან რუკაზე უდაბნოს და ჩიჩხიტურის მონასტრები დამაჯერებლად არის არა მხოლოდ საქართველოს საზღვრის მხარეს, არამედ მის სიღრმეში, 300 მეტრით მაინც. კომისიას ორიგინალი 200 000-იანი რუკა მოპოვებული ჰქონდა, თუმცა, ეს რუკა იყო დაუმოწმებელი და შესაძლოა, აზერბაიჯანულ მხარეს მის მიღებაზე უარი ეთქვა. მამუკა ხაზარაძე - „ქართულმა ოცნებამ” გარეჯის თემა წამოწია შეგნებულად არჩევნების წინ, რათა თავისი წარუმატებლობა გადაეტანა ძალიან სენსიტიურ თემაზე. მელაშვილის პატიმრობასთან დაკავშირებით, ადვოკატი სტრასბურგის სასამართლოს მიმართავს.

      საქართველოში 273 ათას ტონამდე ყურძენია გადამუშავებული.

საზღვარგარეთულები:

      #WorldCorona2020 - გერმანიაში კორონავირუსის 7 334 ახალი შემთხვევა დადასტურდა, რაც ქვეყნისთვის რეკორდულად მაღალი მაჩვენებელია. აზერბაიჯანში კორონავირუსთან დაკავშირებით შეზღუდვები წესდება. სომხეთში კორონავირუსის 1 465 ახალი შემთხვევა გამოვლინდა და 10 ადამიანი გარდაიცვალა. რუსეთში კორონავირუსის 15 150 ახალი შემთხვევა გამოვლინდა და 232 პაციენტი გარდაიცვალა. მედია - კორონავირუსის გავრცელების თავიდან აცილების მიზნით, მოსკოვის წინასწარი დაკავების დაწესებულებები ეჭვმიტანილებს დროებით აღარ მიიღებს. ირანში კორონავირუსის 4 552 ახალი შემთხვევა გამოვლინდა და 265 ადამიანი გარდაიცვალა.

      ბელარუსმა სვეტლანა ტიხანოვსკაიაზე ძებნა გამოაცხადა.

      ომის თემა - სომხეთის თავდაცვის უწყება - აზერბაიჯანმა ჩრდილოეთის მიმართულებით მასიური შეტევა დაიწყო. ილჰამ ალიევი - აზერბაიჯანი მთიანი ყარაბაღის დამოუკიდებლობას არავითარ შემთხვევაში არ დათანხმდება. არაღიარებული მთიანი ყარაბაღი - აზერბაიჯანთან ბრძოლას კიდევ 29 სამხედროს სიცოცხლე ემსხვერპლა. თორნიკე შარაშენიძე - რეგიონში ბალანსი შეცვლილია აზერბაიჯანის სასარგებლოდ - რუსეთი არ აპირებს დაუპირისპირდეს ბაქოს და ანკარას.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 32

ტეგები: qwellynews, ამბები, ბლოგი, ნიუსები, ოქტომბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

არჩევნები 2020 - წინა ღამე

გამოაქვეყნა Giorgi_მ.
თარიღი: ოქტომბერი 30, 2020.
საათი: 11:34pm 0 კომენტარი

      ვიდრე მეათე მოწვევის პარლამენტის დეპუტატებს აირჩევს ქვეყანა, არჩევნების წინა ღამე ყველაზე გრძელიაო, უთქვამთ ანტიკურ ცესკოელებს. დღეც სრულად ხვალინდელ არჩევნებს მიეძღვნა, თუმცა იყო გუშინდელი ავტოსაგზაო შემთხვევა და ტრაგედია, იყო მოსამართლეების კონფერენცია, ფინანსები და ყარაბაღზე მოლაპარაკებებიც. კოვიდის სტატისტიკა - დადასტურებული შემთხვევა - 37263, გამოჯანმრთელებული - 19810, გარდაცვლილი - 285, კარანტინში - 3070. ლარის ფასი - აშშ დოლარი 3.2327…

გაგრძელება

(ა)პოლიტიკური აქცია

გამოაქვეყნა თამუნა ქადაგიძე_მ.
თარიღი: ოქტომბერი 29, 2020.
საათი: 11:30pm 1 კომენტარი

ეს ქოცია

და ის კი ნაცია,

გადაირია მთელი ნაცია?!

მაგრამ ჩვენი ძმა პაოლო

ერთი უბრალო კაცია.

გავიდა ერთხელ მიტინგზე,

არც აცხელა,

არც აცია;

ყურის დაგდება უნდოდა,

მაგრამ ხალხს გაუტაცნია.

რა ქნას ბატონმა პაოლომ?

ერთი უბრალო კაცია.

გამორჩეულად არასდროს

არც ახურავს, არც აცვია;

და მოუწია მიტინგზე

პოლიტიკური აქცია;

სიტყვით გამოსვლაც მოსთხოვეს

შეიქნა გაწა - მაწია. .…

გაგრძელება

გაერთიანებული ოპოზიციის ყრილობა, კოვიდის წინსვლა და გადახდილი კომუნალურები

გამოაქვეყნა Giorgi_მ.
თარიღი: ოქტომბერი 29, 2020.
საათი: 11:00pm 0 კომენტარი

      არჩევნებამდე ერთი დღეღა რჩება და ცხადია, ყველაზე ვრცელი ამბავი სწორედ მას მიეძღვნა, თუმცა დილა პრემიერმა დაიწყო და მთავრობის გეგმები გაგვაცნო, საღამო კი ნაციონალური მოძრაობის ყრილობამ დაასრულა თავისუფლების მოედაზე. კორონაც არსად წასულა, შემთხვევები მატულობს და სტატისტიკა ასეთია - დადასტურებული შემთხვევა - 35567, გამოჯანმრთელებული - 16904, გარდაცვლილი - 273, კარანტინში - 3324. ლარის ფასი - აშშ დოლარი 3.2338 ლარია.

საქართველოს და…

გაგრძელება

მოდა კორონას ხანაში

გამოაქვეყნა Tamila Moshiashvili_მ.
თარიღი: ოქტომბერი 24, 2020.
საათი: 10:59pm 1 კომენტარი

      იტალიური დიზაინი ანტიკური ხანიდან ცნობილი, პოპულარული და დაფასებულია. თანამედროვე სამყაროშიც ბევრი არაფერი შეცვლილა - იტალიური დეფილეები, მოდის კვირეულები, დიზაინერები და მოდელები მსოფლიოს მოდის სტანდარტს ქმნიან. ცნობილი ბრენდები მათ გარშემო ტრიალებს, მაგრამ კორონამ აქაც შეიტანა თავისი კვალი. დეფილე ძალიან განსახვავებულად და დისტანციის სრული დაცვით ჩატარდა - საუბარია მოსკინოს (Moschino) კოვიდ-დეფილეზე. წარმოიდგინეთ ამდენი ახალი…

გაგრძელება

Qwelly World

free counters