ყველა ამბავი გადაწონა გარეჯის ამბავმა და რუკების დაკარგვის-პოვნის ნიუსებმა. დაკავებულ ექსპერტებს ბრალი წარედგინათ და ახლა მხოლოდ გასაჩივრებები და სასამართლოების კვირები გველის. დღის მთავარი ამბავი სწორედ ეს იყო და მასთან ერთად საარჩევნოდ საჭირო განცხადებები. კორონას სტატისტიკას რაც შეეხება, 1 ბევრეულს გადაცდა შემთხვევების რაოდენობა - დადასტურებული შემთხვევა - 10225, გამოჯანმრთელებული - 5553, გამოჯანმრთელებული - 5553. ერთი აშშ დოლარი ოფიციალურად 3.2233 ლარი ღირს.

საქართველოს და მსოფლიოს ამბები / 8 ოქტომბერი, 2020

      #Covid19GEO - საქართველოში კორონავირუსის 472 ახალი შემთხვევა გამოვლინდა და 318 პირი გამოჯანმრთელდა, 3 ადამიანი გარდაიცვალა. სამივე შემთხვევა აჭარაში დაფიქსირდა. გიორგი გახარიამ კლინიკების წარმომადგენლებთან შეხვედრაზე რეანიმატოლოგთა ჯგუფის შექმნაზე ისაუბრა, რომელიც მძიმე პაციენტების მართვას უხელმძღვანელებს. პრემიერი მოქალაქეებს მოუწოდებს, მაქსიმალურად ისარგებლონ აპლიკაციით - Stop Covid, რომელიც მათ ინფიცირებულ პირთან შესაძლო კონტაქტის შესახებ აფრთხილებს. თენგიზ ცერცვაძე - ქვეყნის ხელმძღვანელობა და პირადად პრემიერი არის მთავარი შემოქმედი იმ დიდი წარმატებისა, რომ ქვეყანა ყველაზე უკეთ უმკლავდება კოვიდ ინფექციას, ევროპისა და ჩრდილოეთ ამერიკის მასშტაბით. კორონავირუსის 472 ახალი შემთხვევიდან 230 აჭარაში, 134 - თბილისში დაფიქსირდა. აჭარაში კორონავირუსისგან კიდევ 230 პაციენტი გამოჯანმრთელდა. მარინა ენდელაძე - თბილისში კორონავირუსის შემთხვევები იმატებს, ჯერ დრამატული და ტრაგიკული არ არის, მაგრამ ძალიან ფრთხილად უნდა ვიყოთ. ლია ლაზარაძის განცხადებით, ლოკალური აფეთქება, რომლის ეპიდემიოლოგიური კერაც გორში, კომბინატის დასახლებაში იყო, ნაწლავურ ვირუსულ ინფექციას უკავშირდებოდა. აჭარაში გარდაცვლილ სამივე პაციენტს სხვა თამხლებ დაავადებებთან ერთად, პნევმონია და სუნთქვის მწვავე უკმარისობა აღენიშნებოდათ. ოკუპირებულ ცხინვალში კორონავირუსის 12 ახალი შემთხვევა გამოვლინდა. ქუთაისის მეცხრე საჯარო სკოლის მოსწავლეს კორონავირუსი დაუდასტურდა.

      სტატისტიკა მონაცემების ცოდნის გარეშე - „საქსტატის“ ინფორმაციით, 2019 წელს ქალების საშუალო თვიური ხელფასი 869.1 ლარით, ხოლო კაცების - 1 361.8 ლარით განისაზღვრა.

      ამბები არჩევნების მოტივაციით - მედეა მეტრეველი - გიგი გიგიაძის მისამართით გაკეთებული შეფასებები საჯარო სამსახურში დასაქმებულებზე ზეწოლასა და დაშინებას ისახავს მიზნად. გიორგი კანდელაკი - წყალტუბო „ოცნების“ აღვირახსნილი კორუფციის სიმბოლოა და მას გარდამტეხი ცვლილებები სჭირდება. სერგი კაპანაძე - ეს არის ამ ხელისუფლების ხელწერა, მათ არ შეუძლიათ არც ღირსეული სამოქალაქო პოზიციის დაჭერა და მითუმეტეს, არც კრიტიკის ატანა. თეონა ჭალიძე - ნომერი 27-ის არჩევის შემთხვევაში, თქვენ მაძლევთ ძალას ეფექტურად დავიცვა იმ ადამიანების ინტერესები, ვისაც ეს ყველაზე მეტად სჭირდება. მამუკა ტუსკაძე - ჩემზე ზეწოლას ბესო ზედელაშვილი ახორციელებს, ხოლო ჩემი პარტიის ერთ-ერთი ლიდერის შვილს სამსახურიდან დათხოვნით ემუქრებიან. ვახტანგ კალოიანი - ბათუმი ღირსია, რომ ჰყავდეს მისი მოქალაქეების მიერ რეალურად არჩეული მერი და არა შუშის კოლბაში დანიშნული ჩინოვნიკები. გრიგოლ ვაშაძე - 23 დღე რჩება არჩევნებამდე, 23 ნაბიჯი, რომ საქართველოს მოქალაქემ ამ სახელმწიფოს მოაშოროს არაეროვნული, არაპროფესიონალური, სამარცხვინო ხელისუფლება. დავით ბაქრაძე - ყველა მეკითხება - გვეშველება რამე? გვეშველება 23 დღეში, ოღონდ, ერთად უნდა დავდგეთ და ერთად უნდა მოვიტანოთ ცვლილებები ქვეყანაში. ბიძინა ივანიშვილი - ნუ ავყვებით პროვოკაციებს, მოვთოკოთ ემოციები, რომ მშვიდად მივიდეთ არჩევნებამდე და მშვიდად გავაგრძელოთ ცხოვრება საქართველოს წარმატებისთვის. „ქართული ოცნება“ დამაჯერებლად იმარჯვებს, ყველა კვლევა ადასტურებს, რომ საპროგნოზო მაჩვენებელი 54-დან 60%-მდე მერყეობს და რიგ შემთხვევებში, 63%-საც კი აჭარბებს.

      ანაკლიის კონსორციუმი - 2021 წლისთვის შემოთავაზებული ბიუჯეტის პროექტის თანახმად, საქართველოს მთავრობა პორტის პროექტთან დაკავშირებული ახალი ტენდერის წარმატებას თავადვე აყენებს ეჭვქვეშ. ეს იმიტომ, რომ არცერთი სანდო ინვესტორი არ მიიღებს მონაწილეობას ტენდერში ისეთ გარემოებებში, როცა მიმდინარეობს საარბიტრაჟო დავები იმასთან დაკავშირებით, თუ როგორ მოექცა მთავრობა ADC-ს და უცხოელ ინვესტორს - ბატონ ბობ მეიერს.

      მუხთარლის დაბრუნება - ორგანიზაციის „უფლებები საქართველოდან“ ინფორმაციით, ჟურნალისტი აფგან მუხთარლი თბილისში ჩამოდის.

      აშშ-ს საელჩო - ვიზიარებთ საქართველოს შეშფოთებას ჟენევის მოლაპარაკებების რაუნდის გაუქმებასთან დაკავშირებით, რაც ერთი მონაწილის არდასწრების გადაწყვეტილებამ გამოიწვია.

      ფინანსები და ეკონომიკები - ფინანსთა მინისტრი მიიჩნევს, რომ ლარის კურსთან დაკავშირებით საქართველოს ეროვნული ბანკი ადეკვატურად მოქმედებს. ფინანსთა მინისტრი - ვვარაუდობთ 5-პროცენტიან ეკონომიკურ ზრდას. საქართველოს 500-მილიონიანი სესხის მომსახურება წლიურად 100 მლნ-ზე მეტი უჯდება, მიღებული იქნება გადაწყვეტილება, სესხს დაფარავს თუ რეფინანსირებას გაუკეთებს. ჩვენ დღეს მთავრობას წარვუდგინეთ დადგენილების პროექტი, „საერთაშორისო კომპანიის სტატუსის განსაზღვრის, მისთვის ნებადართული საქმიანობისა და ცალკეული ხარჯების ნუსხის დამტკიცების თაობაზე“. ივლისში კანონით დადგინდა საერთაშორისო კომპანიის სტატუსის მქონე საწარმოს ცნება და ჩვენ დღეს ამ დადგენილების პროექტით, უბრალოდ, ვადგენთ დამატებით თუ რა საქმიანობებს მოიცავს ის, რა შეზღუდვები აქვს და რა შეღავათები. ეს არის ორი სფერო - IT სფერო და საზღვაო სერვისები. ფინანსთა მინისტრის მოადგილის განმარტებით, კრიტიკულად მნიშვნელოვანია, დაიწყოს ვალის ეტაპობრივად შემცირება და 2-3 წელში მინიმუმ 55%-ს ჩამოსცდეს. გიორგი გახარიას განცხადებით, საერთაშორისო სტატუსის მქონე კომპანიებს მნიშვნელოვანი საგადასახადო შეღავათები დაუწესდებათ. ნათია თურნავას განცხადებით, საოჯახო სასტუმროების სურვილის და მიმართვის შემთხვევაში, ბანკები მზად არიან სესხების რესტრუქტურიზაციისთვის.

      გარეჯის ადგილმდებარეობა - პრემიერი - საქართველო-აზერბაიჯანის საზღვართან დაკავშირებული გამოძიების პოლიტიზირება მიუღებელი და დაუშვებელია. პროკურორი - ერთმნიშვნელოვნად დასტურდება, რომ დავით გარეჯის საქმეზე ბრალდებულები განზრახ და შეგნებულად მოქმედებდნენ. ივერი მელაშვილის ადვოკატი - დღევანდელი მოვლენები მსხვერპლშეწირვას უფრო ჰგავს, ვიდრე სამართლებრივ პროცესს - საქმეში ძირითადად, სასულიერო პირების ჩვენებებია. ვერც გამოძიების დაწყების ფაქტი, რომელიც საქართველოს საშინაო საქმეა და ვერც გამოძიების შედეგად გამოვლენილი გარემოებები, ვერ დააზიანებს ორ ქვეყანას შორის სტრატეგიულ პარტნიორობას. დავით გარეჯის საქმეზე, ივერი მელაშვილსა და ნატალია ილიჩოვას ბრალი ოფიციალურად წარედგინათ. დავით ზალკალიანი - გარწმუნებთ, რომ საქართველო-აზერბაიჯანის სტრატეგიულ პარტნიორობას არანაირი ჩრდილი არ მიადგება - ყველას მოვუწოდებ, ნუ ეცდებიან საკითხის პოლიტიზირებას. ადვოკატი - ნატალია ილიჩოვას არავისთვის არაფერი დაუმალავს და ყველა რუკა, რომელსაც კომისია იხილავდა, ინტერნეტსივრცეშია გავრცელებულია და ყველგან დევს. ადვოკატი - ივერი მელაშვილი სასამართლოსთვის გირაოს შეთავაზებას არ აპირებს, ის თვლის, რომ ეს მისი ბრძოლაა და ბოლომდე იბრძოლებს - არანაირი დათმობა არ იქნება იმის გამო, რომ გარეთ იყოს. კახა კუჭავა - სამწუხაროა, როცა ვისმენთ სპეკულაციებს - იმიტომ არ უნდა გადაგვეცა აზერბაჯაინული მხარისთვის რუკები, რომ არჩევნები მოდის? თეა ახვლედიანი დავით გარეჯის საკითხზე - განვაგრძობთ პროცესს არგუმენტებზე და ისტორიულ ფაქტებზე დაყრდნობით. ირაკლი კობახიძე დავით გარეჯის საქმეზე ოპონენტების ბრალდებებზე - რაში უნდა გაინტერესებდეს პოლიტიკურ ძალას ასეთი ორკესტრირებული შტურმი, თუ რაიმე არ გაქვს დასამალი? ვატო შაქარიშვილი დავით გარეჯის საკითხზე - არ აქვს მნიშვნელობა, წინასაარჩევნოა ეს თუ, პოსტსაარჩევნო, მთავარია, ჩვენმა ქვეყანამ გაიმარჯვოს. ანრი ოხანაშვილი - წარმოუდგენელი რამ ხდება - სამშობლოს და ეროვნული ინტერესების დაცვაზე რომ პოლიტიკური ჯგუფები გვედავებიან, რაში უნდა ეწეროს ეს, ვერ ვხვდები! ზაალ უდუმაშვილი - ორი ექსპერტი, რომლებიც გუშინ დააკავეს, ბიძინა ივანიშვილის ხელისუფლების პოლიტიკური რეჟიმის მძევლები არიან. პროკურორი - ივერი მელაშვილისა და ნატალია ილიჩოვას მიმართ აღკვეთის ღონისძიების სახით პატიმრობის გამოყენებას მოვითხოვთ. მამუკა ხაზარაძე - უდაბნოს მონასტერი ისტორიულად არის არა მარტო საქართველოს კუთვნილება, არამედ თითოეული ჩვენგანის სული და ხორცი. მამუკა ჟღენტი - სააკაშვილისთვის ორგანოების მოჭმის დაბრალება უფრო გამოიღებდა შედეგს, ვიდრე დავით გარეჯის საქმეში მისი ბრალეულობა. ნუგზარ წიკლაური - ვიღაცა თუ იყო გამყიდველი, ვიღაცა ხომ იყო მყიდველი და რა გამოდის, აზერბაიჯანი იყო ჩართული სამარცხვინო და მიუღებელ ვაჭრობაში? პროკურორი - მამა კირიონი იხსენებს, რომ მელაშვილის მიერ შედგენილ რუკებში საქართველოს საზიანო პოზიცია იყო დაფიქსირებული. პროკურორი - დედანი რუკა, რომელიც ე.წ. რუსული რუკის სახელითაა მონათლული, ერთ-ერთი ბრალდებულის სამუშაო ოთახში აღმოჩნდა, რომელიც მისი მხრიდან დაიმალა და კომისიას არ წარედგინა. ივერი მელაშვილი - არსად გაქცევას, არსად მიმალვას არ ვაპირებ, ვერც გაქცეული და ვერც აქ მყოფი, მე ამისთანა ბრალდებით, ვერ ვიცოცხლებ, არ შემიძლია. ნატალია ილიჩოვა - დიდი ხანია კომისიაში ვართ და არც ერთი ქმედება არ განგვიხორციელებია კანონის საწინააღმდეგოდ - ძალიან უცხოა ბრალდება, რაც წაგვიყენეს. 14 NGO დავით გარეჯის საქმეზე: გამოძიების ინიცირება პოლიტიკურად მოტივირებულია. მელაშვილის ადვოკატი, 1 საათიც არ მაქვს მოსამზადებლად აღკვეთის ღონისძიებისთვის.

საზღვარგარეთულები:

      #WorldCorona2020 - უკრაინაში კოვიდინფიცირების რეკორდული დღიური მაჩვენებელი დაფიქსირდა. გერმანიაში კორონავირუსის 4 058 ახალი შემთხვევა გამოვლინდა და 16 ადამიანი გარდაიცვალა. სომხეთში კორონავირუსის 718 ახალი შემთხვევა გამოვლინდა და 9 ადამიანი გარდაიცვალა. რუსეთში კორონავირუსის 11 493 ახალი შემთხვევა გამოვლინდა, 191 ადამიანი გარდაიცვალა. რუსეთის პატრიარქი თვითიზოლაციაში გადავიდა.

      მარია ზახაროვა - საფრანგეთისა და გერმანიის მთავრობები რუსეთის მიმართ მუქარასა და შანტაჟის მცდელობაზე გადავიდნენ.

      რუსეთში, სამხედრო საწყობში აფეთქება მოხდა.

      ყარაბაღზე საკუთრების უფლება - აზერბაიჯანის თავდაცვის უწყება - სომხეთის შეიარაღებული ძალები დილიდან გორანბოის, ტარტარისა და აღდამის სოფლებს ბომბავენ, არიან დაჭრილები და დაშავებულები. ილჰამ ალიევი - გვსურს შევჩერდეთ, მაგრამ გვსურს ოკუპაცია შეწყდეს, სომხეთმა ოკუპირებული ტერიტორიებიდან ჯარის გაყვანის გრაფიკი უნდა მოგვაწოდოს. ნიკოლ ფაშინიანი - თუ გვსურს ეს კონფლიქტი კიდევ უფრო არ გაფართოვდეს, საერთაშორისო საზოგადოებამ მთიანი ყარაბაღის დამოუკიდებლობა უნდა აღიაროს. რეჯეფ თაიფ ერდოღანი - გენოციდსა და ოკუპაციაზე საერთაშორისო საზოგადოების სიჩუმით წახალისებული სომხეთი მოსახლეობის წინააღმდეგ აგრესიას განაგრძობს. აზერბაიჯანის გენერალური პროკურატურის ინფორმაციით, ბარდას რაიონში რაკეტები რესტორანსა და სკოლასთან ახლოს დაეცა, არიან დაჭრილები. სომხური მედია - აზერბაიჯანის არმიამ წუხელ სტეფანაკერტი დაბომბა. არაღიარებული მთიანი ყარაბაღი - კონფლიქტს კიდევ 30 ჯარისკაცის სიცოცხლე ემსხვერპლა. მარია ზახაროვა - რუსეთი ამუშავებს სომხეთისა და აზერბაიჯანის საგარეო საქმეთა მინისტრების მოსკოვში შეხვედრის შესაძლებლობას.

      ამერიკული დებატები - სატელევიზიო დებატების დროს „დემოკრატების“ ვიცე-პრემიერობის კანდიდატმა, კამილა ჰარისმა დონალდ ტრამპის ადმინისტრაციას აშშ-ის ისტორიაში ყველაზე დიდი მარცხი უწოდა. კამილა ჰარისი მაიკ პენსს - იცოდით, რომ ვირუსი აშშ-შიც გავრცელდებოდა, თუმცა მარტამდე არაფერი იღონეთ, „რესპუბლიკელებს“ სამოქმედო გეგმა დღესაც არ აქვთ. დონალდ ტრამპი - ვირტუალურ დებატებში მონაწილეობას არ მივიღებ.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 36

ტეგები: qwellynews, ამბები, ბლოგი, ნიუსები, ოქტომბერი, სიახლეები

Kakha: ოქტომბერი 9, 2020||10:56am

არადა კარტოგრაფია გარეჯა_ში სასიცოცხლოდ მნიშვნელოვანია, აგერ ბერებმაც კი იციან, გის_ის გამოყენება, რა დაემართათ 2007 წელს ერთი ჯიბის GPS მაინც ქონოდათ დაადგენდნენ ეგრევე საზღვარს, მაგრამ მგონი მაშინ ყარაბაღზე, არ გვეხვეწებოდა აზერბაიჯანი, ოღონდ სომხურ ტვირთს ნუ გააატარებ და დავით გარეჯას კიარა ბაქოდან რამდენიმე ლიტრ ნავთობს გამოგატანთო ) იღბალი უნდა ყველაფერს ) #ომის_სიკეთე და შეშინებული მეზობლები ) 

ლაშა: ოქტომბერი 11, 2020||6:22am

სავარაუდოდ, არც ახლა გვეხვეწება აზერბაიჯანი რამეს, უბრალოდ აქ არჩევნებია თუ არჩევნებისა და ფულისთვის მიშამ ომი დაიწყო, ამან რომ აზერბაიჯანთან ცოტა წააკომფლიქტოს, რა გაფუჭდება? მით უფრო, რომ ძალუმად გვიმტკიცებენ საზღვრის საქმე ქვეყნის შიდა საქმეაო. 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მოჯანსაღებული კორონა და თითქმის დამეგობრებული ოპოზიცია

გამოაქვეყნა Giorgi_მ.
თარიღი: ნოემბერი 24, 2020.
საათი: 10:54pm 0 კომენტარი

      გასული კვირა 90 ათასის ფარგლებში დავასრულეთ - დღევანდელი მონაცემი კი 100 000-ს გასცდა - ცხადია, როგორც მიხვდით ეს კორონას ამბავია. დღის მთავარი თემა კლავ პანდემიამ ჩაიგდო ხელთ. ორდღიანი გამომზეურება წვიმით შეიცვლებაო ამბობენ და ხვალ და ზეგ, ნალექიანი ამინდია მოსალოდნელი. კორონა ვირუსის ქართულ-მოქალაქეობრივი სტატისტიკა - 111818 დადასტურებული, აქედან გამოჯანმრთელებული - 92215, გარდაცვლილი - 1051, კარანტინში - 2102. დოლარი 3.3193 ლარი…

გაგრძელება

პარკიპელაგი - მოტივტივე კუნძულები

გამოაქვეყნა Tamila Moshiashvili_მ.
თარიღი: ნოემბერი 22, 2020.
საათი: 10:52pm 0 კომენტარი

      მთელს მსოფლიოში, უამრავი კუნძულია, რომლის ყიდვაც შეგიძლია და დასახლება, მაგრამ ზოგჯერ გამოუსაგარი და შეუძლებელი ხდება კუნძულზე ცხოვრება. ოცნებების ასასრულებლა კი კოპენჰაგენში ხელოვნური კუნძულები შექმნეს, რომელსაც სადაც გინდა იქ წაიღებ. მოტივტივე კუნძულების პარკი სულ მალე გაიხსნება კოპენჰაგენის ნავსადგურში. დანიურმა კომპანიამ, სტუდიო ფოკსტროტმა (Studio Fokstrot) და ავსტრალიელმა არქიტექტორმა მარშალ ბლეჩერმა (Marshall Blecher) მოიფიქრეს…

გაგრძელება

პოპულარობა ტერორიზმით, მეორე ტური და ელჩობა ოპოზიციაში

გამოაქვეყნა Giorgi_მ.
თარიღი: ნოემბერი 20, 2020.
საათი: 10:30pm 0 კომენტარი

      ერთ კვირაში შემოდგომაც მიილევა. მიწურულს კი თოვლმა გაამშვენა წითელი ფოთლების ფრენა და ნარნარი. კორონასგან მიყენებული ლეტალური ზიანი არ კლებულობს, ინფიცირებულების რაოდენობაც იზრდება. ხვალ ისევ არჩევნებია და ოპოზიცია ისევ უარზეა. ტერორიზმი კი უფრო და უფრო პოპულარული ხდება. ვირუსი სტატისტიკა - 96860 დადასტურებული, აქედან გამოჯანმრთელებული - 77932, გარდაცვლილი - 894, კარანტინში - 2226. დოლარი 3.3073 ლარი ღირს.

საქართველოს და მსოფლიოს…

გაგრძელება

არჩევნები უკორიდოროდ იქნება, დღგ დაბრუნდება და თოვლიც უფრო მოიმატებს

გამოაქვეყნა Giorgi_მ.
თარიღი: ნოემბერი 19, 2020.
საათი: 11:00pm 0 კომენტარი

      პირველი თოვლით დავსაჩუქრდით ნოემბერში - თბილისში უკვე ჩამოთოვა, ჯერ მხოლოდ წავკისსა და წყნეთში, მაგრამ ალბათ მალე რუსთაველზეც მოთოვს. იქამდე კი აქციებით დაიფარება ეს ქუჩა - ამას პროგნოზირებენ ოპოზიციონერები. იცოდით რომ კეთილდღეობით ვცხოვრობთ? - საქართველომ 2020 წლის „კეთილდღეობის ინდექსში“ შეფასების 100%-იანი შკალიდან 61.8% მიიღო და სარეიტინგო პოზიცია 53-ე ადგილზე შეინარჩუნა. ვირუსი სტატისტიკა - 93092 კოვიდ დადასტურებული, აქედან…

გაგრძელება

Qwelly World

free counters