ანტიოკუპანტური სტუმარ-მასპინძლობა, ღირსეული პარტნიორობა როგორც კონტრიბუცია, ხრუშოვის ამბოხი და მთვრალი ჩინელები

      ივლის-აგვისტოს კვირის ორშაბათი გზების გადაკეთვით და დიდი მასპინძლობით იწყება. ამჯერად ამერიკიდან ველით მნიშვნელოვან სტუმრებს და მთელი დღვანდელი ნიუსფიდი ამ სტუმრობის ამბავით არის გადატენილი. ერთი კაცი მოდის და ქვეყანა შეიძრა, გადაირევა კაცი.

საქართველოს და მსოფლიოს ამბები /31 ივლისი, 2017/

      დღის ერთ-ერთი მნიშვნელოვანი ნიუსი სტუმრებს ეხება - პრემიერ-მინისტრის მოწვევით, საქართველოს დღეს აშშ-ის ვიცე-პრეზიდენტი მაიკ პენსი, მეუღლესთან ერთად ეწვია. გადაიკეტა და შეზღუდვები დაწესდა თბილისის შემდეგ ქუჩებზე - ჭანტურია, რუსთაველი, კოჯრის გზატკეცილი. გიორგი კვირიკაშვილი - აშშ-ის ვიცე-პრეზიდენტის ვიზიტი ჩვენთვის ნიშნავს მხარდაჭერას. მიხეილ ჯანელიძე - საქართველოსა და აშშ-ს შორის პარტნიორობის ძალიან მაღალი დონეა. ლევან იზორია - აშშ-ის ვიცე პრეზიდენტის ვიზიტი მკაფიო მხარდაჭერაა ჩვენი ქვეყნის დემოკრატიული განვითარების და სტაბილურობის უზრუნველყოფისთვის. იან კელი - ვიცე-პრეზიდენტს ექნება ძლიერი გზავნილი, რომ აშშ მხარს უჭერს საქართველოს სუვერენიტეტსა და ტერიტორიულ მთლიანობას. დენიელ კოჩისი - აშშ-ის ვიცე-პრეზიდენტმა რუსეთის ქმედებებს თავისი სახელი უნდა დაარქვას და თქვას, რომ ესაა უცხო ქვეყნის ოკუპაცია. რომან გოცირიძე - მაიკ პენსის ვიზიტი გზავნილია რუსეთისთვის, რომ მას არავინ ეკითხება ჭკუას ნატო-ს გაფართოების საკითხებზე. სოფო ქაცარავა - მაიკ პენსის ვიზიტი ხელს შეუწყობს აშშ-საქართველოს შორის არსებული სტრატეგიული ურთიერთობების შემდგომ გაღრმავებას. მიხეილ ჯანელიძე - მოხარული ვართ, რომ მაიკ პენსი პირველივე ევროპული ტურნეს ფარგლებში საქართველოს ესტუმრება. მიხეილ ჯანელიძე - ტრამპის დავალებით, ვიცე პრეზიდენტის ვიზიტი, აშშ-ს მხარდაჭერის კიდევ ერთი თვალსაჩინო მაგალითია. დავით ბაქრაძე - ოკუპაცია არის ერთ-ერთი უმთავრესი საკითხი, რომელსაც ქართული მხარე მაიკლ პენსთან შეხვედრაზე დააყენებს. გიორგი აბაშიშვილი - მაიკ პენსის ვიზიტი არის გზავნილი ოკუპანტისთვის. უსუფაშვილი აანონსებს, მაიკ პენსთან შეხვედრაზე სამ ძირითად საკითხზე ვილაპარაკებო, მაგრამ რომ გადავხედე რაზე აპირებდა საუბარს - ჩვენ ვართ ამერიკის ერთადერთი ჯიგარი პარტნიორი ევროკავშირის აღმოსავლეთით და მოგვხედეთო! ნინო ბურჯანაძე - მაიკ პენსი იმ პოლიტიკურ ჯგუფებს ხვდება, ვისგანაც იმას მოისმენს, რისი მოსმენაც სურთ. ნინო ბურჯანაძე - ამერიკამ 2008 წლის ომის შემდეგ პამპერსები და წყალი გამოგვიგზავნა. ბოლო-ბოლო ამ კაცსაც ათქმეინეს რაღაც, ოღონდ ჯერ ტანილინში - მაიკ პენსი - რუსეთი საფრთხეს წარმოადგენს ნატო-ს წევრი ქვეყნებისთვის.

      მთავარსარდალმა, თუმცა არ უომია და არც აპირებს, მაგრამ მაინც ასე ჰქვია - გიორგი მარგველაშვილი - ჩვენ ვართ ერთმანეთის ღირსეული თანამებრძოლები და ერთიანად გვიჭირავს თავისუფლების და დემოკრატიის დროშა. - ეს სიტყვები წარმოთქვა „ღირსეული პარტნიორი 2017“-ის გახსნაზე. რას ნიშნავს ეს პარტნიორი და, ესაა საწრთვნელო პროგრამა, რომელიც საქართველოში მესამედ იმართება, ნატო-ს წევრი და პარტნიორი 8 ქვეყნის 2800-ზე მეტი სამხედრო მონაწილეობს. გიორგი კვირიკაშვილი - დარწმუნებული ვარ, „ღირსეული პარტნიორის“ შედეგად მიღებულ გამოცდილებას, მონაწილეები მსოფლიოში მშვიდობის განმტკიცებას მოახმარენ. ლევან იზორია - ქართველმა სამხედროებმა დაიმსახურეს ღირსეული პარტნიორის წოდება. მიხეილ ჯანელიძე - დასახელება ”ღირსეული პარტნიორი” ხაზს უსვამს, რომ ჩვენ ღირსეული პარტნიორები ვართ საერთაშორისო მასშტაბით მშვიდობისა და უსაფრთხოების საკითხებში. მიხეილ ჯანელიძე - წვრთნები, რომელშიც რვა ქვეყანა იღებს მონაწილეობას, საქართველოს მიერ მსოფლიოს სტაბილურობაში შეტანილი მნიშვნელოვანი კონტრიბუციის* აღიარებაა. დავით ზალკალიანი - წვრთნები „ღირსეული პარტნიორი“ არავის წინააღმდეგ არ არის მიმართული. დავით ბაქრაძე - საქართველოს თავდაცვითი მზაობის ამაღლების სამწლიანი პროგრამის ფარგლებში, ნავარაუდევია წვრთნა და შეიარაღებული ძალების განმტკიცება.

      მთელი ეპოქაა შექმნილი ამ სახლებით და ეს კანდიდატი როგორ უმოწალოდ საუბრობს - კახა კალაძე - "ხრუშოვკების" ეტაპობრივი ჩანაცვლების შესახებ ძალიან საინტერესო პროექტი გვაქვს მომზადებული. თბილისის გენგეგმაზე მომუშავე ჯგუფის ხელმძღვანელი - გენგეგმა „ხრუშჩოვკების“ ტერიტორიებზე კომპლექსური რეკონსტრუქციის ჩატარებას ითვალისწინებს. გიგი უგულავა - მერობის კანდიდატებმა არა „ხრუშჩოვკებზე“, არამედ ავარიულ შენობებზე უნდა ისაუბრონ. კახა კალაძე ე.წ. ხრუშჩოვკების ეტაპობრივ ჩანაცვლებასთან დაკავშირებით ოპონენტების მიერ გამოთქმულ მოსაზრებებს პასუხობს - თბილისის პრობლემების მოგვარებაზე საუბრის და დაგეგმვის ექსკლუზივი არავის აქვს.

      პრეზიდენტმა, ჯერ იყო და არ მიიღოთ მაგი კონსტიტუცია მასეთი ფორმითო და განვიხილოთო, რომ არ გამოუვიდა - ვეტო დაადო. ვეტოც რომ დაიძლია, ახლა პროექტი მოიფიქრა, რომელსაც პრეზიდენტის სარეზერვო ფონდი დააფინანსებს - ”მასწავლებლები კონსტიტუციაზე“. გიორგი აბაშიშვილი - სინამდვილეში არანაირი დაპირისპირება, მით უმეტეს პრეზიდენტის მხრიდან მმართველ პოლიტიკურ გუნდთან, არ არსებობს.

      სტრასბურგის მოსამართლეებიც პროგლემური ხდება - ანა ნაცვლიშვილი - იმ შემთხვევაში, თუ სტრასბურგის მოსამართლეობის შესარჩევი კომისია არსებული სახით გააგრძელებს მუშაობას, ჩვენ მის მუშაობაში არ ჩავერთვებით.

      იუსტიციის სასამართლოშიც არეულობაა - ოლიკო შერმადინი - იუსტიციის უმაღლესმა საბჭომ საქალაქო სასამართლოს სისხლის საქმეთა კოლეგიის თავმჯდომარე თანამდებობიდან კანონის გვერდის ავლით გაათავისუფლა. იუსტიციის უმაღლესი საბჭოს მდივანი ერთ-ერთი სხდომის ოქმის ჩანაწერის არარსებობას ტექნიკური მიზეზით ხსნის.

      გაყალბებული ხელმოწერის ამბავი - ადვოკატი - სააკაშვილის განცხადება მისი ხელმოწერის გაყალბებაზე, სისხლის სამართლის საქმის აღძვრის საფუძველი შეიძლება გახდეს. ადვოკატი - უკრაინის ხელისუფლება სააკაშვილს მოქალაქეობის ჩამორთმევის გასაჩივრებაში აფერხებს.

      ოქრო ვერ გაგიკეთებია კაცს თუ დეკლარირებული არ არის, რა ცივილიზაციაა ეს - ”წითელ ხიდსა” და ”ყაზბეგში” არადეკლარირებული ოქროს ნაკეთობები აღმოაჩინეს.

      გაძვირებული გაზი - ზურაბ ჭიაბერაშვილი - გაზის ტარიფის გაზრდა კიდევ უფრო გაუსაძლისს ხდის ბევრი მოქალაქის ცხოვრებას.

      გაგულავდით ზღვაზე ხალხო - შტორმმი გადავლილია - შავი ზღვის სანაპიროზე საშტორმო სიტუაცია მოიხსნა.

      კიდევ ერთი მოძალადე ციხეში - შსს-მ ოჯახში ძალადობის ბრალდებით ერთი პირი დააკავა.

      ჩვენი ღვინო ჩინელებსაც გავასინჯეთ - ჩინეთის ქალაქებში ქართული ღვინის დეგუსტაცია გაიმართა.

      დაკარგულ კარიკატურისტ ბესიკ დუღაშვილს მეორე დღეა ეძებდნენ და შემდეგ, ოჯახის განცხადებით იპოვეს - მონასტერში წასულა.

საზღვარგარეთულები:

      ამერიკის სანქციები რუსეთს ხომ? კონტრსანქციებზე რაღას იტყვიან - რუსეთი აშშ-ის დიპლომატიური წარმომადგენლობების პერსონალს 755 ადამიანით შეამცირებს. ამაზე, ამერიკელებმა „გაუმართლებელიაო“.

      ვენესუელაში გამართულ საპროტესტო აქციებზე 11 ადამიანი დაიღუპა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 142

ტეგები: qwellynews, ბლოგი, ივლისი, ნიუსები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters