არჩევნების ფული, სახალხო დამცველის საქმე, არალეგიტიმური ვიზიტი, მენტალური კორეა, უკრაინა და კატალონია პროტესტში

      ფულის წარმომავლობის გარკვევა წინასაარჩევნო ანუ შემომწირველი კი გყავს, მაგრამ ამდენი რატომ გყავსო, ოღონდ ამჯერად არა მღვდლებს, არამედ პარტიებს ეკითხებიან. სახალხო დამცველს ვადა ეწურება, ამიტომ რაც შეიძლება მეტი გამოსვლა აქვს და ნიუსლისტშიც ცალკე ბლოკი დაეთმო და კიდევ:

საქართველოს და მსოფლიოს ამბები / 18 ოქტომბერი, 2017/

      არჩევნებამდე ორი დღით ადრე - ირაკლი კობახიძე - ოპოზიცია თავის შემოსავლებს და ხარჯებს მალავს. საკუთარი შემოსავლებისა და ხარჯების არასათანადო დეკლარირებას ახდენს. ირაკლი კობახიძე - საქართველოში წარსულს ჩაბარდა ის დრო, როცა ერთმანეთთან შერწყმული იყო ადმინისტრაციული და პარტიული რესურსი. ეკა ბესელია - მმართველ პარტიას ჰყავს ყველაზე მეტი მხარდამჭერი, შესაბამისად, შემომწირველთა რაოდენობაც მეტი იქნება. თამარ ჟვანია - ოპოზიციური პარტიების საბიუჯეტო დაფინანსების თაობაზე გადაწყვეტილება არჩევნების დღემდე იქნება მიღებული. ირაკლი კობახიძე - საბავშვო ბაღებსა და სხვა სტრუქტურებში ადმინისტრაციული რესურსის გამოყენება არ ხდება. სალომე სამადაშვილი - დღეს ბიზნესზე ხორციელდება ზეწოლა, რათა მათ სახელისუფლებო პარტია დააფინანსონ. ირაკლი კობახიძე - თუ ოპოზიციას უკვირს, რომ "ქართულმა ოცნებამ" ბიზნესისგან შემოწირულობის სახით 8 მილიონი მიიღო, ეს მათი პრობლემაა. მამუკა მდინარაძე - „ქართული ოცნების“ შემომწირველების რაოდენობა ჩვენი ამომრჩევლის რაოდენობის ადეკვატურია. პარტიების 17 შემომწირველი სახელმწიფო აუდიტის სამსახურში გამოკითხვაზეა დაბარებული. თინა ბოკუჩავას განცხადებით, NDI-ის იმ დარღვევების შესახებ მიაწვდიან ინფორმაციას, რაც წინასაარჩევნო პერიოდში დაფიქსირდა. თამარ ჟვანია - წინასაარჩევნო გარემო წინა წლებთან შედარებით გაუმჯობესებულია, გარკვეული პრობლემები კი სოციალური ქსელებით აგიტაციას და ადმინისტრაციული რესურსის გამოყენებას უკავშირდება. 21 ოქტომბერს ამომრჩეველი სამი სახის - ღია ცისფერს, ვარდისფერს და მწვანე ბიულეტენს მიიღებს. 21 ოქტომბრის არჩევნებს 71 ადგილობრივი, 30 საერთაშორისო და 74 მედია ორგანიზაცია დააკვირდება. NDI-ის საქართველოს ოფისის დირექტორი - ვიმედოვნებთ, რომ არჩევნების დღეს ყველა შეძლებს ხმის მიცემის უფლების განხორციელებას ძალადობისა და დაშინების გარეშე. ცესკოს სპიკერი - ამომრჩეველთა სიაში არანაირი გაორება არ არსებობს. გიორგი ვაშაძე - მზად ვარ, მე გამოვიძიო და დავდო კონკრეტული ფაქტები, რამდენ არალეგალურ ფულს ხარჯავს ”ქართული ოცნება” საარჩევნოდ. თამარ კორძაია - ადმინისტრაციული რესურსის გამოყენებაზე ხელისუფლებას არ აქვს ადეკვატური რეაგირება. ოთარ გრიგოლია - არ არსებობს არც ერთი ფაქტი იმის, რომ კერძო ბიზნესზე მიმდინარეობს ზეწოლა და ამის გამო ჩაურიცხა, ვინმემ ვინმეს ფული. აღარ არის მერი, არ ნიშნავს რომ ავტომატურად გავათავისუფლოთ უფროსობა - საია - საკონსტიტუციო სასამართლომ არაკონსტიტუციურად სცნო კოდექსის“ ის ნორმები, რაც ახალი გამგებლის/მერის არჩევისას ავტომატურად უფლებამოსილებას უწყვეტდა ყველა სამსახურის ხელმძღვანელს. მერია - თბილისის მერიამ, ადგილმონაცვლეობის საფუძველზე, დედაქალაქს კიდევ ერთი საზოგადოებრივი სივრცე დაუბრუნა.

      ხარვეზები შემწყნარებლობაში - უჩა ნანუაშვილი - ქვეყანაში თანასწორობის მიღწევა, ტოლერანტობის და შემწყნარებლობის კულტურის დამკვიდრება კვლავ ხარვეზებით მიმდინარეობს. სახალხო დამცველი - რელიგიური უმცირესობები საქართველოში დაბრკოლებებს კვლავ აწყდებიან. სახალხო დამცველი - სავარაუდოდ სიძულვილით მოტივირებული დანაშაულების არაეფექტური გამოძიება კვლავ გამოწვევად რჩება. სახალხო დამცველი - ქალთა მიმართ ფიზიკური და ფსიქოლოგიური ძალადობა ერთ-ერთ მასშტაბურ პრობლემად რჩება. სახალხო დამცველი - შეზღუდული შესაძლებლობის მქონე ბავშვების ინკლუზიური განათლების და საზოგადოებრივი ტრანსპორტით სარგებლობის უფლების რეალიზაცია პრობლემურია. ირაკლი კობახიძე - სახალხო დამცველის კანდიდატურაზე მსჯელობა არჩევნების შემდეგ დაიწყება. სალომე სამადაშვილი არასამთავრობოებს მოუწოდებს, სახალხო დამცველის პოსტზე საკუთარი კანდიდატი დაასახელონ. მამუკა მდინარაძე - კანონში არსებობს ჩანაწერი, ვინ უნდა დაასახელოს სახალხო დამცველის კანდიდატურა, ამ ნორმაში არასამთავრობო სექტორზე საუბარი არ არის. თინა ბოკუჩავა მიიჩნევს, რომ ოპოზიციის მხრიდან სახალხო დამცველის პოსტზე საკუთარი კანდიდატის დასახელებას აზრი არ აქვს.

      კვლევის შედეგები ისეთი ხმაურიანი აღმოჩნდა, რომ თემამ აქტუალობა არც დღეს დაკარგა - ეკატერინე სხილაძე - მთავარი პრობლემაა ის, რომ სკოლებს არ აქვთ ჩამოყალიბებული სტრატეგია, თუ როგორ გამოავლინონ ბავშვის მიმართ ძალადობა.

      უარყოფითი სტატისტიკის შედეგები - საქართველო ისრაელში მცხოვრები ქართველების დასაქმებაზე მოლაპარაკებებს არალეგალებთან დაკავშირებული უარყოფითი სტატისტიკის გამო ვერ იწყებს.

      ვაკონტროლოთ თამბაქო - აკაკი ზოიძე - მთავრობა მზადყოფნას გამოთქვამს, რომ თამბაქოს კონტროლის ღონისძიებების დაფინანსება გაიზარდოს.

      მოვიხდი ცხინვალში - ე.წ. იუსტიციის მინისტრი - რუსეთის ტერიტორიაზე გასამართლებულმა ”სამხრეთ ოსეთის” ოცზე მეტმა „მოქალაქემ“ დანაშაულის მოხდა ცხინვალის კოლონიაში ისურვა

      მარტამდე გადადებული კონსტიტუცია - ირაკლი კობახიძე - პარლამენტი ახალ საკონსტიტუციო ცვლილებებს, სავარაუდოდ, 2018 წლის მარტში მიიღებს. გიგა ბოკერია - "ქართული ოცნების" პოლიტიკური დიაგნოზია ის, რომ მიღებიდან ერთ კვირაში სჭირდება საკონსტიტუციო ცვლილებებში ცვლილებების შეტანა

      არალეგიტიმური ვიზიტი ან ტურიზმი - ე.წ.სამხრეთ ოსეთის „საგარეო საქმეთა მინისტრი“ იტალიაში "ვიზიტით" იმყოფება. საგარეო საქმეთა სამინისტრო - ე.წ. სამხრეთ ოსეთის „საგარეო საქმეთა მინისტრის“ იტალიაში ყოფნა უნდა განვიხილოთ, როგორც კერძო პირის ვიზიტი, რომელსაც ლეგიტიმაცია არა აქვს.

      მენტალური ჩრდილოეთ კორეა, ანუ საქართველო - ირმა ინაშვილი - ის, რაც ხდება დღეს ჩრდილოეთ კორეაში, იგივეა, რაც ხდება საქართველოში მენტალურად.

      გარდაცვალება - გარდაიცვალა მოქანდაკე გოგი ოჩიაური.

საზღვარგარეთულები:

      შეიარაღებული მომიტინგეები? - ვიქტორ კონონენკო - კიევში აღმოჩენილია იარაღის სამალავი, რომელიც, შესაძლოა, მიტინგზე გამოეყენებინათ. უკრაინელი დეპუტატი, რომელიც მომიტინგეებს ალყაში ჰყავდათ მოქცეული, მიხეილ სააკაშვილის ჩარევის შედეგად გაათავისუფლეს. უკრაინის გენპროკურორი - ჩვენი ამოცანაა აქციის მონაწილეების უსაფრთხოების უზრუნველყოფა, კარვების დაშლას ადგილი არ ექნება. უკრაინის შსს-ს წარმომადგენელი - პარლამენტის წინ დაახლოებით 200 მომიტინგე იმყოფება. დიმიტრი პესკოვი - კიევში ვითარება არასტაბილურია, კრემლი მოვლენების განვითარებას აკვირდება. უკრაინის პარლამენტის სპიკერმა მომიტინგეებს პარლამენტისკენ მიმავალი გზების გათავისუფლება მოსთხოვა. უკრაინელი დეპუტატი - სააკაშვილს ხელისუფლების ნებისმიერ ფასად ხელში ჩაგდება სურს. უკრაინის პრემიერი - გუშინდელ აქციაზე მოვიდა ხალხი, ვისაც ცვლილებები სურს, მაგრამ იყვნენ ისეთებიც, ვისაც ხელისუფლებისთვის ბრძოლის წყურვილი ამოძრავებს. პოლიციამ კიევში საპროტესტო აქციის მონაწილეების წინააღმდეგ გაზი გამოიყენა.

      კატალონია არ შოშმინდება - კატალონიაში საპროტესტო აქციებზე ასი ათასობით ადამიანი გამოვიდა. ესპანეთის ვიცე-პრემიერი - თუ კატალონია დამოუკიდებლობის გამოცხადებაზე უარს არ იტყვის, გამოვიყენებთ ავტონომიური სტატუსის შეჩერების შესაძლებლობას. კატალონიის საგარეო პოლიტიკის საბჭოს ხელმძღვანელი - კატალონიის საკითხის ძალისმიერი გზით გადაჭრა ევროკავშირში ფინანსურ არასტაბილურობას გამოიწვევს.

      ყარატო - ხმა ამოიღე - ყატარის საგარეო საქმეთა მინისტრი - საუდის არაბეთის ხელისუფლება ხალხს ყატარის ხელისუფლების წინააღმდეგ პროტესტისკენ უბიძგებს.

      რეჯეფ თაიფ ერდოღანი - ერაყის ქურთულ ავტონომიას კირკუკის პროვინციაზე არავითარი ისტორიული უფლებები არ აქვს

      წამყვანი პრეზიდენტი რუსეთს - ტელეწამყვანმა ქსენია სობჩაკმა პრეზიდენტობის სურვილი გამოთქვა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 132

ტეგები: qwellynews, ბლოგი, ნიუსები, ოქტომბერი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბუნდოვანი დეტალები და ფრენების რუკა

გამოაქვეყნა Giorgi_მ.
თარიღი: ივლისი 9, 2020.
საათი: 11:19pm 0 კომენტარი

      ნელ-ნელა იწყება ავიაფრენების და საზღვრების გახსნა და ახალი ქვეყნები ჩნდებიან ჩვენს ტურისტულ რუკაზე, თუმცა ჯერ არავინ იცი ვინმე ჩამოვა თუ არა. ქვეყნის შიგნით კი ამერიკისგან დასამსახურებელ 15%-ზე დაობენ და ერთმანეთს ეკამათებიან. შაქარაშვილის საქმეზე კი ყოველ დღე ახალი აბდა-უბდა დეტალები ჩნდებიან.

საქართველოს და მსოფლიოს ამბები / 9 ივლისი, 2020

      კორონას ტურისტული კარანტინი და შეზღუდვა-რეგლამენტები - მარინა…

გაგრძელება

ფეხბურთელის საქმე გაფართოვდა - ახალი ფიგურანტები, აშშ-ს 60 მლნ დოლარი და გახსნილი ფრენა

გამოაქვეყნა Giorgi_მ.
თარიღი: ივლისი 8, 2020.
საათი: 11:00pm 0 კომენტარი

      ივლისი ისე დაიწყო, ქველინიუსი ვერ დაბრუნდა. საბედნიეროდ, კორონა არაფერ შუაშია და გარკვეული ხარვეზების გამო შეგვიწყდა ნიუსების შეგროვება, მაგრამ დღეიდან ვბრუნდებით მომავლის იმედით. დავიწყოთ ამ კვირის ამბებიდან ვიდრე დღევანდელ დღემდე. შაქარაშვილის საქმე ერთ-ერთ გახმაურებულ საქმედ იქცევა. ბევრი გაურკვევლობისა და დამალული ამბების ან გამოგონილი სიუჟეტების გამო, გამოძიება ძალიან იწელება და რთულდება. დღის მეორე ამბავი ამერიკისგან 60 მლნ-ს დაკარგვის…

გაგრძელება

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:00pm 12 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

Qwelly World

free counters