ეს ამბავი, ორი დღის წინ მოხდა. ის-ის იყო კიბეები ჩავირბინე, ნაგვის ურნაში სახლიდან წამოღებული „პარკები“ ჩავყარე და გაჩერებაზე მარშრუტკის მოლოდინისთვის მოვემზადე, რომ ჩემს წინ პატრულის პატარა, ლამაზი, მოსკუპული მანქანა გაჩერდა. ახალგაზრდა ბიჭები ჩანდნენ. შუშა ნელ-ნელა ჩამოუწიეს. ვიფიქრე, რაიმეს კითხვა ან ადგილის მისწავლება ენდომებათ-მეთქი.

      - გამარჯობა, პირადობა თან გაქვთ?

      - დიახ - ვეცადე ხმაშიც კი კეთილგანწყობა შემმჩნეოდა.

      - თუ შეიძლება რომ მომცეთ?

      - ახლავე - ვუპასუხე და ჯიბეების მოქექვას შევუდექი - რაშია საქმე?

      - პირბადე არ გიკეთიათ.

      - უიჰ, კი. ახლავე. - სრულიად გულწფელად გავიკვირვე და დავეთანხმე - იცით, ახლა ჩამოვედი გაჩერებაზე და... ახლავე... ახლავე... - ვიდრე პირადობას მოვიძიებდი, ჯერ პირბადე ამოვიღე გულის ჯიბიდან და პირზე ავიფარე. შემდეგ პირადობაც მივაწოდე - ინებეთ.

      - აქამდე ხომ არ დაჯარიმებულხართ?

      - არა, კანონმორჩილი მოქალაქე ვარ. რა მოხდა, ჯარიმას მიწერთ?

      - დიახ, კანონი ასეთია, ღია და დახურულ სივრცეში სავალდებულოა პირბადის კეთება.

      - უკაცრავად, მართლა მაჯარიმებთ? მიმოიხედეთ, აქ ხომ არავინ არის?

      - მაგას არ აქვს მნიშვნელობა, კანონი ასეთია.

      - ხალხო, მიმოიხედეთ, 200 მეტრის რადიუსში არავინ დადის. რისთვის მაჯარიმებთ?

       მართლა, ავტომობილიც კი არ ჩანდა არსად, არათუ ადამიანი. ძაღლებიც კი სადღაც გაქცეულიყვნენ.

      - ბატონო, მომისინეთ, კანონი ამას არ ითვალისწინებს.

      - რას, რომ მარტო მდგომ ადამიანს, გაჩერებაზე პირბადე თუ არ უკეთია, ის ვერავის დაავირუსებს ან ვერავისგან დავირუსდება?

      - დიახ, ჩვენ კანონი უნდა დავიცვათ.

      - აჰამ, კანონის აღსრულება ხომ ზრუნვის გამოხატულებაა. დიდი მადლობა.

      - არა, მადლობა რა შუაშია, უბრალოდ...

      - როგორ არ არის შუაში. - სიტყვა არ დავამთავრებინე - თქვენ ახლა ზრუნავთ ჩვენზე და ასრულებთ გეგმას და ავსებთ ბიუჯეტს ან პრემიებს. კიდევ ერთხელ დიდი მადლობა.

      წუთიერი დუმილი.

      - რას ველოდებით? - ვკითხე მე.

      - ვამოწმებთ დაჯარიმებული ხომ არ ყოფილხართ აქამდე.

      - როგორც უკვე გითხარით, არა.

      კიდევ რამდენიმე წუთი და ხელში 20 ლარიანი ჯარიმა მეჭირა, კოპირებად ყვითელ ფურცელზე ამობეჭდილი და ჩემი ხელმოწერით დამშვენებული.

პირბადე, ჯარიმა, კანონი, პატრული, სამართალდამცავი, კანონდამრღვევი, ბლოგი, Qwelly, blog, Covid19, რეგულაცია

------------------------------------

      დღეს იმავე გაჩერებაზე ზუსტად 45 წუთი ვიდექი. ერთმა მარშრუტკამ უარი მითხრა, რადგან გადავსებული იყო და მეორე კიდევ 30 წუთის შემდეგ უნდა მოსულიყო, ამიტომ იუმედოდ ველოდი.

      მზე იშვიათად იჭყიტებოდა, მთელი ღამის წვიმის შემდეგ სუსხიანი დილა იყო, ამიტომ ცხვირსახოცი ხელიდან არ გამიგდია. მოგეხსენებათ, ცხვირის მოწმენდა პირბადით შეუძლებელია. პირბადე მოვიხსენი და დავინახე როგორ შემოუხვია პატრულმა ჩემს ქუჩაზე. ვიფიქრე, ახლა ამანაც რომ გააჩეროს და დამაჯარიმოსთქო, თუმცა ეს ირონიული და ხუმრობით გაფიქრებული იყო.

      ცხვირი მოვიწმინდე და ზუსტად იმ წამს გააჩერა პატრულმა.

      - პირბადე არ გიკეთიათ - მოურიდებლად მითხრა.

      ახლა სხვები იყვნენ, ჩვეულებრივი, ნამდვილი პატრულის მანქანით.

      - ხომ ხედავთ, ხელში მიჭირავს პირბადეც და ცხვირსახოციც. შეგიძლიათ ვიდეოში გადაამოწმოთ რომ ცხვირს ვიწმენდდი.

      - კი მაგრამ მე რომ მოვედი პირბადე გეკეთათ?

      - როგორ მეკეთებოდა, ხომ გითხარით რასაც ვაკეთებდი?

      - კარგი კარგი, ეგ კანონში არ წერია. აქამდე დაუჯარიმებიხარ?

      - კი ორი დღის წინ. - მოკლედ მოვუყევი იმ დღის ამბავი.

      - რა ქნან, მაგათაც ავალებენ კონტროლს თორემ კი არ გვეხალისება.

      - რა ხალისი უნდა, მარტო მგომი კაცი რომ არ უნდა დააჯარიმონ?

      - ეგ კანონში არ წერია - გამიმეორა ერთმა.

      - აჰა, ე.ი. ხშირად არღვევ კანონს? - მკითხა მეორემ, რომელიც მანქანიდან გადმოსული სიგარეტის წყურვილს იკლავდა.

      - უკვე ორ დღეში ორჯერ - გავიხუმრე მეც.

      - კარგი, კარგი. ორმოცლარიანს ხომ არ დავუწერთ ახლა? - გადაულაპარაკეს ერთმანეთს. როგორც მივხვდი, სამადლობელოდ მქონდა საქმე.

      მიმოვიკითხე და გავარკვიე - პირველი ჯარიმა 20 ლარიანია, მეორე 40, მერე 60 და ა.შ.

      - გაიკეთე პირბადე და აბა შენ იცი კარგი დღე.

      - დიდი მადლობა, თქვენც ასევე - კარგი დღე და ნაკლები ჯარიმები - მივაძახე მაგრამ ალბათ ვეღარ გაიგეს.

------------------------------------

      ჰო მართლა, კინაღამ დამავიწყდა. უკვე საღამოს, სახლში რომ ვბრუნდებოდი, ბოლო, 8 საათიან მარშრუტკას გამოვყევი. 30-ნი ვიყავით 20 კაციან ტრანსპორტში. პატრული იდგა მცხეთის შემოსასვლელში, მაგრამ მარშრუტკიდან ყველა პირბადიანი ჩამოვიდა, ასე რომ...

ნახვა: 45

ტეგები: COVID19, Qwelly, ბლოგი, კანონი, კოვიდი, პირბადე, პოლიცია

ლაშა: მარტი 23, 2021||10:45pm

კითხვა გულწრფელი ინტერესით საკითხში გარკვეულ ადამიანებს (იურისტებს ან პოლიციელებს ან ნებისიერს) - თუ კანონდარღვევისას არ ზიანდება არცერთი ფიზიკური პირი, არცერთი იურიდიული პირი, არ ზიანდება სახელმწიფო, არც რაიმე ძე-ხორციელი, თავად ის კანონიც კი არ ზიანდება, რომელსაც არღვევ, რადგან ამ დარღვევის შემწრე არავინაა განმეორების ეფექტი რომ მოახდონო, მაშინ საჭიროა თუ არა, ასეთ კანონდარღვევაზე სამართალდამცავი ორგანოს რეაგირება?

Kakha: მარტი 23, 2021||11:12pm

კანონები და მისი კომენტარები ასეთია, გასაკვირი არაფერია, დავა რომელიც შენ წამოიწყე და ელოდებოდი რომ ვინმე შენ ნათქვამზე აზრით წამოგყვებოდა და ასე ხელი ხელ ჩამორთმევით დაშორდებოდით ერთმანეთს, მხოლოდ დადებით განწყობაზე მიუთითებს :D შეხედე პატრულის თვალებით ყველაფერს და მიხვდები რაშიცაა საქმე და მერე არ გაგიჩნდება უსამართლობისა და მსგავსი განცდები :D მეგონა რამე სერიოზული იქნებოდა :D 

ლაშა: მარტი 23, 2021||11:56pm

მათი თვალებითაც შევხედე მაგრამ ჩემს კითხვას მაინც ვერ ვუპასუხე. (( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

გულწრფელი სიყვარული ანუ მრწამს და გიზიარებ

გამოაქვეყნა ლაშა_მ.
თარიღი: მაისი 11, 2021.
საათი: 11:27pm 0 კომენტარი

      გულწრფელი სიყვარული იცით როგორია?

      ძალიან მოკლე ამბავი უნდა მოგიყვეთ.

      22:30 იყო, როდესაც თომას უკვე ძილისპირული ეწყებოდა და დედამისს დავუტოვე ოთახში. გამოვედი და ტელეფონზე დახვდა 8 გამოტვებული ზარი ერთი და იმავე ადამიანისგან. შეშინებულმა გადავურეკე, რა ხდება, ხომ მშვიდობაათქო.

- კი, მშვიდობაა. როგორ ხარ?

- რავიცი, ცოტა მეძინა და შენი ზარები რომ დამხვდა, შემეშინდა, დაგირეკეთო.

- არაფერი, უბრალოდ…

გაგრძელება

სამი ოპოზიციის ბლოკი, ბაბილოვის მავნებლობა და ომი აღმოსავლეთში

გამოაქვეყნა Giorgi_მ.
თარიღი: მაისი 11, 2021.
საათი: 11:12pm 0 კომენტარი

      ცოტა უინტერესო დღე გამოვიდა. ქვეყნის შიგნით, კოვიდ ამბები იყო აქტუალური და ასევე, სამი ოპოზიციის ბლოკი - პირველი ნაცები, მეორე ევრონაცები და მესამე ახალი ოპოზიცია, ანუ გახარიას გუნდის წევრობა როგორც ახალი არჩევანი. სიახლეებია ამინდის პროგნოზში - მომდევნო ორი-სამი დღის განმავლობაში, საქართველოში ტემპერატურა 35 გრადუსამდე მოიმატებს. ქვეყნის გარეთ კი ომიანობაა შუა აღმოსავლეთში. ჩვენს ქვეყანაში, 1 აშშ დოლარი - 3.4271 ლარია.…

გაგრძელება

მელიას გათავისუფლება და პრესა ჭყონდიდში

გამოაქვეყნა Giorgi_მ.
თარიღი: მაისი 10, 2021.
საათი: 11:00pm 0 კომენტარი

      დაიწყო ახალი კვირა და როგორც ჩანს, აღდგომის დღესასწაული მიულოცეს ოპოზიციას - დღეს ნიკა მელია გაათავისუფლეს. გირაო ევროკავშირმა გადაიხადა. დღეს ასევე პრესკონფერენცია გამართეს ჭყოდიდში - მეუფე სტეფანემ და მამა ანდრია ჯაღმაიძემ და ეპარქიის პრობლემებზე ისაუბრეს. ოკუპაცია კვლავ გრძელდება, ცესკოში კვლავ რეფორმები და ცვილებების მოლოდინია. ეროვნულ ვალუტას და მის ლაკმუსს დოლარს რაც შეეხება, 1 აშშ დოლარის ოფიციალური ღირებულება 3.4174 ლარი…

გაგრძელება

კალიფორნიის უნივერსიტეტის პროფესორი დიმიტრი უილიამსი

გამოაქვეყნა Weiweismart_მ.
თარიღი: მაისი 8, 2021.
საათი: 4:00am 0 კომენტარი

Cities like the dwarven city Ironforge and Wow gold classic orc town Orgrimmar were overrun in hours. Non-playable characters, who could not die as a result of particular coding, could also catch the effect, meaning any player that passed by them could get Corrupted Blood.

Once word got out, players searched frantically for news about what was happening.

"The entire world chat would burst any time a town dropped," says Nadia Heller, an ex-World of Warcraft player whose persona…

გაგრძელება

Qwelly World

free counters