განა შეიძლება ქრისტიანი ადამიანი, ქრისტეს მიმდევართა შესაკრებლების, ტაძრების აშენების წინააღმდეგი იყოს?! ანდა, როგორ წარმოგიდგენიათ, პირველ დევნილ ქრისტიანებს რომ შესძლებოდათ ისე თავისუფლად შეკრებილიყვნენ დიდ სახლებში, როგორც დღეს ჩვენ გვაქვს ამის საშუალება, განა არ გაიხარებდნენ?! ესეც ხომ ფაქტია, რომ არ არსებობს საღმრთო ლიტურგიაზე უფრო აღმატებული მსახურება დედამიწაზე - ეს უკანასკნელი ხომ სწორედ რომ ტაძრებში აღევლინება?! მაგრამ ერთი რამ კი მაფიქრებს და ცოტა მადარდებს კიდეც.

      რამდენიმე კვირის წინ იყალათოში გახლდით, ბებიის სამშობლო სოფელი სწორედ იქ მაქვს. იყალთოს აკადემიაც ჩვენი სახლიდან ფეხით 30 წუთის სავალზეა და არ დავიზარე გადასვლა. ეს ის აკადემიაა, ესოდენ დაფასებული და მთავარპროსპექტსახელდებული შოთა რუსთაველი რომ სწავლობდაო, გადმოცემა ასე გვაუწყებს. თუმცა აკადემიამდე იყო მონასტერი, რომლის დამფუძნებელიც ცამეტ ასურელ მამათაგან ერთ-ერთი, ზენონ იყალთოელია. ცნობისთვის, სწორედ ასურელ მამებს უმადლის საქართველოს ეკლესიაცა და სახელმწიფოც ჩვენს ქვეყანაში - პირველი (ეკლესია) სამონასტრო ცხოვრების შემოღება-დაფუძნებას და მეორე (სახელმწიფო) ქრისტიანული კულტურის, როგორც თანამედროვე ევროპული სახელმწიფოების ფასეულობების მთავარი განმსაზღვრელის, დამკვიდრებას. ზენონ იყალთოელი ამავე ტაძარში განისვენებს. უკვე მოგვიანებით, XI-XII საუკუნეში მონასტერში კათალიკოსი არსენი სასწავლო-სამეცნიერო ცენტრს, აკადემიას აფუძნებს. საზოგადოდ ცნობილი ამბავია, რომ ეკლესია-მონასტრები სასწავლო ცენტრების ფუნქციებსაც ითავსებდნენ და ამ მიმართულებით, გელათის აკადემიასთან ერთად, საქართველოში, ერთ-ერთი მძლავრი კერა სწორედ იყალთო იყო. არსენ იყალთოელი ერთ ხატზე, იოანე ჭიმჭიმელთან და ეფრემ მცირესთან ერთად, საქართველოს ეკლესიის სიბრძნედ არის წარმოდგენილი (იხ. ხატი).

      რატომ გიყვებით ამ ყველაფერს. ბარელიეფი აკადემიის ნანგრევებთან გვამცნობს:

იყალთო, მონასტერი, აკადემია, კახეთი, ტაძარი, ბლოგი, Qwelly

აქ ცხოვრობდა
და მოღვაწეობდა
დიდი
არსენ იყალთოელი

იხილეთ „აბალახებული აკადემია

      მაშინ როდესაც სატელევიზიო რეკლამებში გვეუბნებიან, რომ ამა და ამ ქუჩაზე, რომელიმე ქალაქის ცენტრში მშენებარე ტაძარს ესაჭიროება შემწეობა; მაშინ როდესაც თბილისის ყოველ ახალ მიკრო-ში ახალი ტაძარი შენდება კორპუსებში მოსახლეობის რაოდენობაზე გათვლით; მაშინ როდესაც გასულ კვირას ახალი, საკმაოდ დიდი ტაძარი გაიხსნა ახალციხეში და მთავრობა და მხედრობა ერთად იწონებდა თავს; მაშინ როდესაც კახეთის მხარეშივე ონიქსით მოპირკეთებული, მოიატაკებული მრავალმილიონიანი ტაძარი ზარ-ზეიმით გავხსენით და ამ ყოველივეთი ვხარობთ, ცოტა სირცხვილის გრძნობა მეუფლება იყალთოს მონასტერში შესვლისას. ბოლოს რესტავრაცია 2009 წელს ჩაუტარდაო. ტაძრის წინ რაღაც დარბაზია აშენებული, ავტოსადგომის ქვემოთ, ალბათ ტურისტების ნაკადს ელოდნენ და მოსასვენებელ-წასახემსებელ-სავაჭრო ობიექტი გაუხსნეს ან მუზეუმს ხსნიდნენ მაგრამ იყალთოში ტურისტები არ დადიან და ისიც უპატრონოდაა მიგდებული. ეტყობა კახეთში მაყაშვილები აღარ არიან ან იმდენი ფული აღარ აქვთ, როგორც ადრე, შაჰ-აბასისგან დანგრეული იყალთო როცა აღადგინეს...

      ფაქტია, იცოდა ზენონმა სამონასტრედ კარგი ადგილის არჩევა. დაბალი მთის კალთაზე, მდინარის პირას, ერთდროულად გრილსა და თბილ მხარეში, ყველაზე ნაყოფიერ კუთხეში, ღვინის სამშობლოში - კახეთში დააფუძნა მონასტერი. რა უნდა ინატროს ქრისტესთვის გათითოდმყოფებულმა კაცმა ამაზე უკეთესი?! არ ვიცი დღეს იყალთოს მონასტერში სამონასტრე ცხოვრება არის თუ არა, მაგრამ იქაურობას ბერებისა არაფერი ეტყობოდა (თუ ყველას უქმობის აღთქმა არ აქვს დადებული) - ბალახი ჭამდა ეზო-კარს.

      ტაძარს ფოტოებში კი გაჩვენებთ:

ტაძრის ჩრდილოეთი ფასადი

იყალთო, მონასტერი, აკადემია, კახეთი, ტაძარი, ბლოგი, Qwelly

თაღი საკურთხევლის თავზე

იყალთო, მონასტერი, აკადემია, კახეთი, ტაძარი, ბლოგი, Qwelly

გუმბათი

იყალთო, მონასტერი, აკადემია, კახეთი, ტაძარი, ბლოგი, Qwelly

ჩრდილოეთი მხარე

იყალთო, მონასტერი, აკადემია, კახეთი, ტაძარი, ბლოგი, Qwelly

სამხრეთი მხარე

იყალთო, მონასტერი, აკადემია, კახეთი, ტაძარი, ბლოგი, Qwelly

      ვტოვებდი ტაძარს და მეფიქრებოდა - ნუთუ მართლა მხოლოდ შენებაში უნდა იყოს ვნების სიმძაფრე და არა სხვისი აშენებულის მოვლასა და დაფასებაში?

ნახვა: 215

ტეგები: Qwelly, აკადემია, ბლოგი, იყალთო, მონასტერი, ტაძარი, ქრისტიანობა

ლაშა: აგვისტო 15, 2020||7:40pm

და ამის ფონზე, ტაო-კლარჯეთში ქართულ მონასტრებზე პრეტენზიები რომ მახსენდება, კიდევ უფრო მირთულდება ცქერა.

ლაშა: სექტემბერი 20, 2020||3:17pm

#qwellynews: ნაქულბაქევში, წმინდა გიორგის სახელობის დედათა მონასტრის მიმდებარედ, ეკურთხა, წმინდა სპირიდონ ტრიმიფუნტელის სახელობის საკათედრო ტაძარი. 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

საკალათბურთო ამინდი

გამოაქვეყნა Breezespring_მ.
თარიღი: მაისი 19, 2022.
საათი: 5:30am 0 კომენტარი

The challenge for the developers was to impose NBA 2K in the history of video simulation games. But, the latest game was a disappointment due to its shaky gameplay and troubling flaws in shooting optimization. It's good to know that the developers of NBA 2K22 have been able to learn through their failures.

Released in September, Visual Concept's latest creation is a celebration of what is currently the NBA season. In no way is it surprising that fans from all over the world are…

გაგრძელება

Most Elden Ring players have likely seen the famed red-haired helmet

გამოაქვეყნა Nfkjasfas_მ.
თარიღი: მაისი 18, 2022.
საათი: 7:00am 0 კომენტარი

These slashes also infuse with blood loss and fire damage, which could quickly initiate the deadly proc to reduce blood loss on your opponents Elden Ring Runes. This well-known status effect immediately causes potentially many thousands of point of injury every time it is activated, making it a guaranteed way to win most PvP fights.

If you've managed the way you load out to keep the overall weight of equipment low and you'll be able to maintain an advantage on your adversaries in most…

გაგრძელება

მეინსტრიმული პატიმრები

გამოაქვეყნა Giorgi_მ.
თარიღი: მაისი 17, 2022.
საათი: 11:24pm 0 კომენტარი

      სავარაუდოდ, მაისმა ვერ გაიაზრა რომ მაისია და კვლავინდებურად ცდილობს იმარტოს. ხან ცივა, ხან ცხელა, ახლა კიდევ 19-20 მაისს საქართველოში წვიმა და ქარია მოსალოდნელიო. ქვეყნის შიგნით, დღის მთავარი ამბავი ნიკა გვარამიას დაკავებაა. დაკავებები ძალიან ხმაურიანად გამოგვდის. ასევე ღარიბაშვილის ევროპული ტურნე და ცხადია არავის დავიწყებია უკრაინის ომიანობა. ლარის ამბავი - 1 დოლარის ღირებულება - 2.9769 ლარია.…

გაგრძელება

ფინეთი ევროპაში და სააკაშვილი საავადმყოფოში

გამოაქვეყნა Giorgi_მ.
თარიღი: მაისი 12, 2022.
საათი: 11:30pm 0 კომენტარი

      როცა ჩვენს ქვეყანაში სამუშაო დღე არ არის, დღის მთავარი ამბები საზღვარგარეთიდან ისმის. ცხადია, მსოფლიოს მთავარი ამბავი კვლავ უკრაიანში მიმდინარე ომი და მის გარშემო მსოფლიო გამოხმაურებებია. ამას დაემატა, ომიანობი ფონზე, ფინეთის საკითხი და მისი ევროპული მომავლის გარკვევა, რაზეც რუსეთი ამბობს რომ საფრთხეა. საქართველოში მთავარი ამბავი მიხეილ სააკაშვილის ჯანმრთელობა და მისი ვივამედში სამკურნალოდ გადასვლაა. ლარის ამბავი - 1 დოლარის ღირებულება -…

გაგრძელება

Qwelly World

free counters