ინტერვიუ ნათელმხილველთან, რომლის შესახებაც მხოლოდ ის შეგვიძლია ვთქვათ, რომ სმაიდა ჰქვია

          - წარმოშობით ქართველი არ გახლავართ, აქაურმა ცოლ-ქმარმა მიშვილა. რიგიდან ჩამომიყვანეს, დედაჩემი იქ მივლინებით იმყოფებოდა. სამი წლის ვყოფილვარ, როდესაც საქართველოს მიწაზე დავდგი ფეხი. როცა წამოვიზარდე, აქაურმა მშობლებმა გამიმხილეს სიმართლე, ძალიან დიდ პატივს ვცემ მათ ამის გამო.

       მიუხედავად იმისა, რომ ბალტიისპირეთიდან ვარ, ჩრდილოელი ადამიანისათვის დამახასიათებელი გარეგნობა არ მაქვს. რაღაც აზიურიც მირევია, ასე მეუბნებიან სხვებიც. შესაძლოა ჩემმა აქაურმა დედამ იცოდა ყველაფერი ჩემი წარმომავლობის შესახებ, , მაგრამ არასოდეს არაფერი უთქვამს.

      - სმაიდა, სანამ ხილვების შესახებ ვისაუბრებდეთ, აღვნიშნავ, რომ როგორც გავიგე, ძალიან გიყვართ ბუნება. ალბათ არც ესაა შემთხვევითი.

      - შემთხვევით არაფერი ხდება. ბუნება მართლაც ძალიან მიყვარს, ბავშვობიდან მიყვარს ცხოველები. ვიცი, ამაში განსაკუთრებულს ვერაფერს დაინახავთ, მაგრამ უცნაური ის გახლავთ, რომ თითქოს ცხოველებს ჩემი ენა ესმოდათ. კარგი პროფესიონალი მომთვინიერებელივით ორ წუთში შემეძლო დამეშოშმინებინა გაავებული ძაღლი, ამისი არაერთი შემთხვევა მქონია, გავიხსენებ კიდევ ერთ ამბავს: კოჯორში ვისვენებდით. 32 – 33 წლისა ვიქნებოდი. ეზოს გადაღმა მოდის ადგილობრივი მცხოვრები მამაკაცი და მოუძღვება ცხენს. მეზობელი შეხვდა და საუბარი გაუბა. ძალიან ლამაზი ცხენი ჰყავდა. გამოვედი ეზოდან, მივედი, მივეფერე, გავუბი ლაპარაკი. ამასობაში მისი პატრონი და მეზობელი გამოემშვიდობნენ ერთმანეთს, მიუბრუნდა პატრონი ცხენს, მოქაჩა, წავედითო. ცხენი დადგა, ადგილიდან არ იძვროდა, თან მე მიყურებდა. ისევ მივეფერე, არ იძვრის ადგილიდან, მიყურებს. „ მონუსხე?“ - მეკითხება პატრონი. ისევ მიეძალა წასასვლელად. ცხენი ჩემსკენ გამოიწია, ისევ თვალებში მიყურებდა, მივხვდი, რომ რაღაც უნდა მემოქმედა, თორემ პატრონი ჩხუბს დამიწყებდა.  – „წადი“ - ვუბრძანე, - „გაჰყევი პატრონს“. ცხენმა თავი ჩაღუნა, მიტრიალდა პატრონისკენ და ნელ-ნელა გაჰყვა.

      - ხილვების უნარის მქონე ადამიანს ალბათ ბუნებისა და ცხოველებისაც უნდა ესმოდეს. ახლა მოგვიყევით, როდის გააცნობიერეთ პირველად, რომ ზემგრძნობელობა გახასიათებთ და ხილვებიც გაქვთ?

     - თავიდან სიზმრებით დაიწყო ყველაფერი. ახლობელ ოჯახში ვიყავი სტუმრად. ახალი წლის დღეები იყო, ვიქეიფეთ და დავრჩი კიდეც მეორე დღემდე. მასპინძლები ახალგაზრდა ცოლ-ქმარი იყვნენ, ორი წლის ბავშვი ჰყავდათ. მათი ნათესავი სტუმრობდა კიდევ მათთან იმ დღეს. მე და იმას ცალკე ოთახში გვეძინა. დაღლილი ვიყავი და ღრმად ჩამეძინა, მაგრამ ვნახე ძალიან მკაფიო სიზმარი: ვითომ ბალიშიდან თავი წამოვწიე, შევყურებ წინა კედელს, საიდანაც გამოდის ახალგაზრდა ქალის ფიგურა, ნელ-ნელა მიახლოვდება. ნაკვთებიც გავარჩიე, ძალიან ლამაზი სახე ჰქონდა, დიდი ლურჯი თვალები. გამაოცა მისმა სილამაზემ და არა გამოჩენამ. მერე უეცრად ხელები გამოიწვდინა ჩემსკენ, თანდათან იზრდება ეს ხელები, იზრდება თავიც და ბოლოს ეს ლამაზი ჩვენება საშინელ კოშმარად იქცა. მოდის მისი უზარმაზარი ტორები ჩემი სახისკენ, შიშისგან გული ამიჩქარდა, ცოტაც და უკვე მეხება, უცბად ხმამაღლა შევკივლე: „უშველეთ! ბავშვი იხრჩობა!“ და გამეღვიძა. ისე მიკივლია, ყველა გამოვაღვიძე, დაზაფრულები წამოვარდნენ და გვესმის ბავშვის ხროტინი. თურმე პატარას გვერდზე გადაბრუნებულს ისე ჩასძინებია, სახე ბალიშზე ედო და იხრჩობოდა. ეცა დედამისი, შემოაბრუნა, ბავშვმა ამისუნთქა და მშვიდი ფშვინვა ამოუშვა.

      - ანუ თქვენმა სიზმარმა თუ ხილვამ იგი გადაარჩინა . . .

      - ალბათ ბავშვის მფარველი ანგელოზი მოვიდა ჩემთან, ანუ მე გავხდი მისთვის იოლი გამტარი და ამ სახით მომაწვდინა ხმა, რომ პატარას საფრთხე ემუქრებოდა.

     - ალბათ დასაშვებიცაა, რომ სიზმარს ხანდახან ხილვაც ვუწოდოთ . . .

     - დიახ. მე კიდევ ერთ ამბავს გავიხსენებ: 22 – 23 წლის წინ, როცა ქვეყანაში ჯერ კიდევ არ იყო ძალიან არეული სიტუაცია, ასევე სიზმარში ვხედავ ძალიან ცხადად, რომ თბილისის ქუჩები ულამაზო, იეროგლიფებმოხატული ხალხითაა სავსე, ჯუჯებს ჰგავდნენ. „ყველგან შეაღწიეს“ - მეუბნება ვიღაცის ხმა, - „ყველგან ბატონობენ“. სულ მალე სამოქალაქო ომი დაიწყო და მოგეხსენებათ რა წლები მოჰყვა ამას. იმ სახემოხატული უშნო ხალხის სახით მე ვნახე, რომ ქვეყანაში ცუდი ენერგია მოვიდა.

      ზემოთხსენებული სიზმრების შემდეგ გაიარა ორმა წელიწადმა, ხილვები ცხადად დამეწყო. ვთქვათ, ვუყურებ ვინმეს ან რამეს , ვაკვირდები და უცბად თვალწინ სულ სხვა რაღაც წარმომიდგება ხოლმე.

      - სახელდობრ როგორ? სივრცე იცვლება თუ ცალკეული ფიგურები?

      - ერთ მაგალითს მოგიყვანთ: მეგობარ ქალთან ვიყავი სტუმრად. რძალი ჰყავდა ორსულად, მეორე თვეში იყო. ვზივართ, ვსაუბრობთ. ჩემდაუნებურად თვალი გამიშტერდა, ვხედავ, პატარა ბიჭუნამ გაირბინა ოთახში და გაქრა. ჯერ შემეშინდა,ეს რა დავინახე - მეთქი და მერე უეცრად ვთქვი: ამათ ბიჭი ეყოლებათ. მართლაც ცხრა თვის თავზე ბიჭი გაჩნდა.

      - რჩევებისთვის მოუმართავთ თქვენთვის?

      - დიახ. ერთხელ ნაცნობთან მივედი ოჯახში. ამბავი დამახვედრა, მეორე ბინა რომ მქონდა, გავყიდეო. აღებულ ფულს საქმეში უპირებდა დაბანდებას. ჩემი ახალი ბიზნეს-პარტნიორი უნდა გაგაცნო - მეუბნება. მართლაც მალე მოვიდა მისი სტუმარი და უცბად ვხედავ: ოთახში შემოდის ქალი, რომელსაც აქვს უზარმაზარი პირი და არ აქვს . . .  ტუჩები. გული კინაღამ წამივიდა შიშისგან. თვალები დავხუჭე, რამდენიმე წამის მერე გავახილე და ვხედავ არაფრით გამორჩეული გარეგნობის ქალს. ამოვისუნთქე, კოშმარი რომ გაქრა, მაგრამ ცუდად მენიშნა. სტუმარი მალე წავიდა და ნაცნობს მოვახსენე ჩემი ხილვის შესახებ. თან დავამატე, ხომ იცი, ამას შემთხვევით არ ვნახავდი და ამ ადამიანს ნუ ენდობი, თავი შეიკავე მაგასთან თანამშრომლობისგან-მეთქი. შენი კი მჯერა - მეუბნება, - მაგრამ იქნებ შენი ჩვენება სულ სხვა რამეს მიანიშნებს, ძალიან სანდო ადამიანი ჩანსო.  მაინც ვურჩიე დრო გაიყვანე, გედოს ჯერ ეგ ფული, არ ყვირის-მეთქი. არ დამიჯერა, ანდო ფული იმ ბიზნეს-ლედის. ისე ყველაფერი კარგად აგვიხდეს მე და თქვენ, როგორც იმას ჩემი ნათქვამი აუხდა, თან სულ მალე. ის ქალი ფულიანად დაიკარგა.

      - თქვენ აღნიშნეთ, რომ 90 - იან წლებში გქონდათ ხილვა, რამაც ქვეყანაში მომავალ მოვლენებზე მიგანიშნათ. ამ ბოლო დროს არ გქონიათ მსგავსი ხილვა?

      - მქონდა ახლო წარსულში, ერთი წელიც არ იქნება გასული. რუსთაველის პროსპექტზე ვიყავი, რუსთაველის თეატრის მოპირდაპირე მხარეს მივდიოდი. უცბად თავბრუ დამეხვა. შევჩერდი, ჩემდაუნებურად თეატრის შენობას დავუწყე ყურება. ვხედავ: თეატრი გამქრალა, მის ადგილზე დგას უზარმაზარი, შენობის ტოლი ფარშევანგი და ნელ-ნელა შლის თავის ასევე ძალიან დიდ კუდს, გვერდით პატარა ფარშევანგები არიან მიყუჩულნი და თითქოს ელიან, რას იზამს ეს გიგანტი. ასე გაგრძელდა რამდენიმე წამს თუ წუთს, ვერც გეტყვით. მერე უცბად გაქრა, ყველაფერმა ჩვეული სახე მიიღო.

      - შეგიძლიათ გვითხრათ რაზე მიანიშნებს ეს ხილვა?

      - ორნაირად შეიძლება აიხსნას. ამბობენ, ფარშევანგი სიზმარში ან ყავის ნალექზე მკითხაობის დროს დიდ წარმატებას ნიშნავს.  ასე არ გახლავთ სამწუხაროდ. ფარშევანგი გარეგნულ სილამაზეზე და შინაგან სიცარიელეზე მიუთითებს. რადგან თბილისის ცენტრში, რუსთაველის პროსპექტზე ვნახე ეს ხილვა, ნიშნავს:  ყველაფერი, რაც ხდება, ფარშევანგივით გაპრანჭულია  და ამასთან ყალბი, ხელოვნური. . .

      - დიაგნოზი თუ დაგისვამთ ადამიანისთვის?

      - კი, ასი გრამის შემდეგ. ( იცინის ). რატომღაც ცოტას რომ დავლევ, ადამიანის აურის დაზიანებულ ადგილებს კარგად ვხედავ. ეს სრულიად შემთხვევით აღმოვაჩინე. თანამშრომლებთან ერთად დავლიე, დამეწყო ხილვა და ორს უტყუარი დიაგნოზი დავუსვი. თუმცა მიმაჩნია, რომ ეს ძალიან საფრთხილო საკითხია და მთლიანად ჩემს თავზე ვერ ავიღებ, მეშინია.

      - ხალხს იღებთ?

      - ძალიან იშვიათად. რაღაც არ მაძლევს უფლებას, ბოლომდე ამ საქმეს მივსდიო. ალბათ იმიტომ, რომ ხილვები ხშირად თავისით მომდის და არა შეკვეთით. არც მე ვეძალები. მთავარია, ხანდახან მაინც ვახერხებ, ვინმეს დავეხმარო და ვანუგეშო.

 

ნახვა: 259

ტეგები: Qwelly, ბლოგი, ინტერვიუ

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

საერთო კანდიდატის გამონახვა და ცვლილებების დამტკიცების პრობლემა

გამოაქვეყნა Giorgi_მ.
თარიღი: ივნისი 3, 2020.
საათი: 11:11pm 1 კომენტარი

      ივნისის სითბო ქარმა და წვიმა-გრიგალმა გადაფარა, მაგრამ ხვალ ისევ გამოიდარებს. პოლიტიკური ასპარეზი და ნიუსები სრულად ეთმობა არჩევნებისთვის სამზადისს და კანონპროექტის დამტკიცებას. ოპოზიციას კანდიდატის პრობლემები აქვს, მთავრობას კანონპროექტის მიღების, რურუას თორაძეების საქმის და ჯანდაცვის მინისტრის დროის გამონახვის.

საქართველოს და მსოფლიოს ამბები / 3 ივნისი, 2020

      კოვიდ-ამბები - მარინა ეზუგბაია - ინფექციურ…

გაგრძელება

ტყის კოდექსის დამტკიცება, რურუა კონსტიტუციის მეტერი, კორონას ახალი კლასტერები

გამოაქვეყნა Giorgi_მ.
თარიღი: ივნისი 1, 2020.
საათი: 11:00pm 0 კომენტარი

      ყველაზე თბილი სეზონი ქრისტიანული ზეიმით და ბავშვთა დღით დაიწყო და ალბათ ყველაზე ლოგიკური გადასვლაა ზაფხულის სეზონზე. ცხადია დღი მთავარი ამბები ასეთი ხალისიანი და ბედნიერი არ ყოფილა. დავიწყოთ საამინდო ამბებით - ივნისის პირველი ხუთეული წვიმიანი, თუმცა ცხელ-თბილი იქნებაო. ჩვენთან კორონას ახალი კლასტერები ვლინდება, მაგრამ აკრძალვები მაინც მცირდება - მეტიც, რესტორნები ამუშავდნენ. ტყის კოდექსიც დაამტკიცეს და რურუას პატიმრობა წყვეტს ახლა…

გაგრძელება

დაბარებული პრემიერის ვრცელი გამოსვლა, ლუგარის რუსული რევიზია და გამოხმაურებები

გამოაქვეყნა Giorgi_მ.
თარიღი: მაისი 28, 2020.
საათი: 11:00pm 2 კომენტარი

      გილოცავთ ამაღლების დღესასწაულს! დამოუკიდებლობის დღე გადაგორდა თუ არა, კვირის მთავარ ამბად იქცა პრემიერ მინისტრის საპარლამენტო სტუმრობა. ბოლო ორი დღეა ყველა სიახლე ამ სტუმრობის გარშემო იტრიალებდა, რომ არა ჩრდილო მეზობელი და მეორე მთავარი თემა - ლუგარის ლაბორატორიის რუსეთული ჩაკირკიტება. კოვიდ სტატისტიკა - საქართველოში: 738 შემთხვევა, გამოჯანმრთელებული - 573, გარდაცვლილი - 12. მსოფლიოში: დადასტურებული შემთხვევა - 5 929 312, გამოჯანმრთელებული -…

გაგრძელება

დამოუკიდებლობიდან 102-ე წელი!

გამოაქვეყნა Giorgi_მ.
თარიღი: მაისი 26, 2020.
საათი: 10:53pm 2 კომენტარი

      წვიმები წვიმებს მისდევენ მიდიან, მაგრამ ამ სიმღერის გაგრძელება არ გამოვა, რადგან დღეიდან, დაპირებისამებრ გამოიდარა. ახლა მთავარი ამბავი - კორონა უკან დაიხიე! საქართველო დამოუკიდებელია! გილოცავთ დამოუკიდებლობის დღეს! თვის ბოლომდე კოვიდ სტატისტიკა - საქართველოში: 732 შემთხვევა, გამოჯანმრთელებული - 537, გარდაცვლილი - 12. მსოფლიოში: დადასტურებული შემთხვევა - 5 643 071, გამოჯანმრთელებული - 2 408 433, გარდაცვლილი - 349 940, სამკურნალო - 2 990…

გაგრძელება

Qwelly World

free counters