მახსოვს შარშანდელი "მე". შარშანწინდელიც მახსოვს და იმის წინანდელიც...სულ პატარაც... დღეს სხვა "მე" ვარ. სხვა არ ნიშნავს აუცილებლად უფრო მაღალს ან დაბალს... უბრალოდ სხვა გარემოში და დროში, სხვა გარემოებებით და გრძნობებით, სხვა თვალებით და სხვა გულითაც... უბრალოდ სხვა მე, ახალი და სხვანაირი ამ ახალ გზაზე... ახალ გზაზე იმიტომ, რომ ის წინა მთავარი გზა სულ სხვა გზებად დაიყო და მეც ერთს გავყევი, არა იმიტომ რომ რაღაც მინიშნება მივიღე ან ლოგიკურად გადავწყვიტე, უბრალოდ შევხედე თითოეულს და ბრმად მივყევი ერთს, ისე რომ არც კი ვიცოდი იმ გზის ბოლოს რა მელოდა, არც ახლა ვიცი. ალბათ იმ გზის ბოლოსაც სხვა გზები გამოჩნდება ახალი. ისევ ავირჩევ ერთ გზას, ისევ ბრმად. იმ გზასაც ექნება დასარული თავისი გაგრძელებით და ასე... დაუსრულებლად? ალბათ იქნება დასასრულიც, მაგრამ ამ დასრულსაც აუცილებლად ექნება გაგრძელება, თუმცა არც ის ვიცი როგორი...

      მთელი ეს გზა წინ რომ მიდიხარ, უკანაც იყურები და ხან გეჩვენება რომ ძალიან შორს ხარ საწყისი წერტილიდან, ხანაც იმდენად ახლოს, რომ სულ რამდენიმე ნაბიჯი გაშორებს. როდესაც მხოლოდ წინ იყურები, თითქოს რაღაც ფინიშისკენ მიიწევ, მაგრამ არც ის ჩანს, მხოლოდ წინ მიიწევ, სადაც მუდამ გზები იყოფა, მუდამ მოძრაობ,მაგრამ ზოგჯერ მაინც უძრავი ხარ ამ მოძრაობაშიც...

      ეს გზა სხვადასხვა ადგილებზე გადიოდა...თუმცა რამდენიმე მათგანი წარუშლელად აღიბეჭდა გონებაში...

      ერთ-ერთი პირველი სასიამოვნოდ, რომ მახსენდება მუდამ ის გზაა, სოფლის ორღობეში რომ გადიოდა, სადაც ბევრი მაყვლის ბუჩქი იყო და სულ სირბილით გავიარე, ისე რომ ერთი ბუჩქიდან მეორესთან მივრბოდი და მთელი სხეული მაყვლის სურნელით და ფერით იყო გაჟღენთილი.

      ერთხელ ზღვის სანაპიროზე ვიარე, მახსოვს. მიყვარს მზე და ზღვა. თუმცა შორიდან ვეტრფი ორივეს. სანაპიროდან ტყეში ისე შევედი, რომ არც მზის სხივი მომკარებია და არც ზღვას შევხებივარ. მხოლოდ დავტკბი სხივთა ლაღი თამაშით ზღვასთან. ჩემს თვალწინ მაცდურად ბრწყინავდნენ ტალღების ქიმზე სხივები, მაგრამ მე ზურგი ვაქციე და ტყეში შევედი... ტყეში დიდხანს ვიარე. ის სავსე იყო ახალი, ერთმანეთისგან განსხვავებული, მაგრამ სასიამოვნო შეგრძნებებით და შთაბეჭდილებებით...

      ერთხელაც უდაბნოში ვიარე დიდხანს და ვიღაცამ წყალი მომაწოდა... არ ვიცი რამდენ ხანს ვიარე, მაგრამ ქვიშის ნაცვლად რომ სისველე იგრძნეს ფეხებმა მესიამოვნა. სიგრილემ და წვიმის წვეთებმა გონს რომ მომიყვანა ტალახიან გზაზე მივდიოდი და ღიმილი ამ ადგილით გამოწვეულმა უსიამოვნო შეგრძნებამ შეცვალა, რომელიც ჯერ კიდევ უცნობი იყო. უცნობი იყო გრძნობაც და გზაც, რომელიც ალბათ უნდა გამევლო.

      ყოველი გავლილი გზის შემდეგ ვიცოდი, რომ იქ არასდროს დავბრუნდებოდი. ვიცოდი, არც იმ გზებთან დაკავშირებული ისტორიები განმეორდებოდა და არც ისეთი "მე", როგორიც ვიყავი იმ კონკრეტულ გზებზე...

ნახვა: 258

ტეგები: Qwelly, აწმყო, ბლოგი, გზა, მომავალი, ფუმფულა, ქველი, წარსული

ლაშა: აპრილი 24, 2016||10:00pm
გზები ზოგჯერ ბრუნდება ფუმფულავ, აი ჩვენ კი აღარ, როგორც შენ დაწერე. ამიტომაა ყოველი მომენტი უნიკალური ჩვენი მონაწილეობით.
ლაშა: მაისი 15, 2016||12:08am

"ყველაზე გრძელი გზა ის არის, რომ წახვალ და უკან ვეღარ დაბრუნდები". 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბუნდოვანი დეტალები და ფრენების რუკა

გამოაქვეყნა Giorgi_მ.
თარიღი: ივლისი 9, 2020.
საათი: 11:19pm 2 კომენტარი

      ნელ-ნელა იწყება ავიაფრენების და საზღვრების გახსნა და ახალი ქვეყნები ჩნდებიან ჩვენს ტურისტულ რუკაზე, თუმცა ჯერ არავინ იცი ვინმე ჩამოვა თუ არა. ქვეყნის შიგნით კი ამერიკისგან დასამსახურებელ 15%-ზე დაობენ და ერთმანეთს ეკამათებიან. შაქარაშვილის საქმეზე კი ყოველ დღე ახალი აბდა-უბდა დეტალები ჩნდებიან.

საქართველოს და მსოფლიოს ამბები / 9 ივლისი, 2020

      კორონას ტურისტული კარანტინი და შეზღუდვა-რეგლამენტები - მარინა…

გაგრძელება

ფეხბურთელის საქმე გაფართოვდა - ახალი ფიგურანტები, აშშ-ს 60 მლნ დოლარი და გახსნილი ფრენა

გამოაქვეყნა Giorgi_მ.
თარიღი: ივლისი 8, 2020.
საათი: 11:00pm 0 კომენტარი

      ივლისი ისე დაიწყო, ქველინიუსი ვერ დაბრუნდა. საბედნიეროდ, კორონა არაფერ შუაშია და გარკვეული ხარვეზების გამო შეგვიწყდა ნიუსების შეგროვება, მაგრამ დღეიდან ვბრუნდებით მომავლის იმედით. დავიწყოთ ამ კვირის ამბებიდან ვიდრე დღევანდელ დღემდე. შაქარაშვილის საქმე ერთ-ერთ გახმაურებულ საქმედ იქცევა. ბევრი გაურკვევლობისა და დამალული ამბების ან გამოგონილი სიუჟეტების გამო, გამოძიება ძალიან იწელება და რთულდება. დღის მეორე ამბავი ამერიკისგან 60 მლნ-ს დაკარგვის…

გაგრძელება

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:00pm 12 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

Qwelly World

free counters