კინომანიას ცოტა ჩამოვშორდი, მაგრამ მიუხედავად ამისა, ბოლო დროს რამდენიმე ძველი და შეიძლება ითქვას, კარგი ფილმიც ვნახე. ერთი კია, ამ ფილმებში არც ისეთი იყო ისეთი, საქებრად, დასაწერად ან სარეკომენდაციოდ რომ გამომდგარიყო. გუშინ კი ერთმა ფილმა ჯერ ღამე გამათენებინა და შემდეგ, საახალწლო ქეიფივით მეორე დღეზეც გადმომყვა. ფილმი მეორე მსოფლიო ომში, ებრაელთა ტყვეობის საშინელ ამბებს უკავშირდება და არც მეტი, არც ნაკლები უფლის გასამართლების ამბავს გვიამბობს - სათაურიც ასე ჰქვია - ღმერთი სასამართლოზე (God on Trial). ფილმი 2008 წელს გამოვიდა და სატელევიზიო დრამის პროდუქტად იყო წარდგენილი ბაფთაზეც. რეჟისორი ენდი დე ენომი გახლავთ. მთავარ როლში კი ცნობილი მსახიობები: დომინიკ კუპერი, სტელან სკარშგორდი, რუპერტ გრეივზი და ენტონი შერი მონაწილეობენ.

      ღმერთის მიერ ებრაელებთან დადებული ხელშეკრულების დარღვევის გამო, უფლის გასამართლებაზე გადაღებული ფილმი რამდენიმე მიმართულებით არის მნიშვნელოვანი. მართალია ფილმი თავიდან ბოლომდე ებრაული ნარატივით არის წარმოდგენილი, მაგრამ ისეთ გლობალურ თემებსაც ეხება როგორიცაა თავისუფლება, მორალი, ზნეობა, ღირსება. რჩეული ერის ისტორიის რჩეულობა და სასოწარკვეთილების ჟამს გაჩენილი ის უპასუხო კითხვები, რომელზე პასუხიც, ერთი შეხედვით მარტივად ისმის ამბიონებიდან. მინდა ერთი ეპიზოდი მოვიყვანო ფილმიდან.

================

      მე ჰოგენიდან ვარ (აახენთან ახლოს არის). ნაცისტების დამსჯელი რაზმი გამოჩნდა. ვიხსენებ და თითქოს უკვე ასი წელი გავიდა. მათ სინაგოგის კარი გამოამტვრიეს. თორა და რჯულის კიდობანი დაწვეს. შემდეგ ჩვენ შეგვყარეს სინაგოგაში. გვეგონა ცოცხლად დაგვწვავდნენ (ნეტავ ასე ექნათ). ბავშვები წაიყვანეს. მე სამი შვილი მყავს. უფროსი ახლა 7 წლის გახდებოდა. ისინი ისეთი კარგები იყვნენ... მაგრამ ახლა ამას მნიშვნელობა არ აქვს. ბავშვები სატვირთოში ჩასვეს. უკან მივსდევდი და ვყვიროდი - გთხოვთ, ბავშვები დამიბრუნეთ. გთხოვთ!

      როგორც ჩანს ერთმა ოფიცერმა გაიგო ჩემი ძახილი, გააჩერა სატვირთო, ჩამოვიდა და მკითხა:

      - რომლებია შენი შვილები?

      გამიხარდა, მე მეგონა უკან დამიბრუნებდა და სამივეზე მივუთითე. უფროსი ტიროდა. დანარჩენი ორი... თუმცა ამაში არ იყო საქმე.

      მითხრა - რა კარგი ბიჭები არიან. აი, მისმინე რას გეტყვი - აირჩიე ერთი! დაადე თითი. აირჩიე ერთი და შეგიძლია ის ერთი დაიტოვო.

      გაოგნებული შევყურებდი. ბიჭებმა გაიგონე ეს სიტყვები. მომიტრიალდნენ, შეშინებულები ხელს მიშვერდნენ და ხმამაღლა ტიროდნენ - გთხოვ მამიკო, მე ამირჩიე, მე ამირჩიე, მამიკო, გთხოვ მამა, მე ამირჩიე, მამიკო, მამა.

      ...

      ახლა, აქ ერთმა ადამიანმა თქვა, რომ ჩვენ ყოველთვის გვაქვს არჩევანი. მე რომელი უნდა ამერჩია? უმცროსი? უფროსი? ყველაზე ღონიერი და ჯანმრთელი? თუ ყველაზე სუსტი?

      - რომელი აარჩიე?

      - და რომელი უნდა ამერჩია?

      - რთულია თქმა.

      - სასამართლომ მოისმინა, რომ ჩვენ სავარაუდოდ, თავისუფალი ნება გვაქვ...

      - მაგრამ მე არ მჭირდება თავისუფალი ნება. მე მიყვარდა ჩემი შვილები...

      - რა თქმა უნდა. ...

      - თქვენ ჩემს თავისუფალ ნებაზე საუბრობთ. და რაში მდგომარეობდა ის? რა არჩევანი მქონდა მე? ოფიცერს ჰქონდა არჩევანი და არა მე. სად იყო ამ დროს ჩემი თავისუფალი ნება?

===================

      მთავარი მოსამართლისა არ იყოს, მართლაც რთულია უპასუხო. ამ დიალოგს სხვა დიალოგებიც მოსდევს კითხვებით, კითხვებით, კითხვებით და რაბინი ცდილობს უპაუხოს მათ, მაგრამ გრძნობს რომ თავადაც აკლდება არგუმენტები. იობის მოშველიებით და უფლის გულგრილობაზე თვით ბიბლიური კამათებით, მხოლოდ ის დაუმატა სიკვდილის მომლოდინე ებრაელებს, რომ კიდევ უფრო დაამძიმა მათი გულები.

      როგორ დამთავრდება ღმერთის სამსჯავრო ამას არ დავასპოილერებ, ნახეთ ფილმი და როგორც ტრადიციულად ვწერდი, ვისაუბროთ კომენტარებშიც. ერთი კია - იგივე მამა, რომელიც წეღან თავისუფალი არჩევანის არსებობას ეჭვქვეშ აყენებდა, მოგვიანებით იტყვის:

      ძალიან მინდა, რომ დასასრული მშვენიერი იყოს.

უფლის გასამართლება, ღმერთის გასამართლება, სასამართლო, ბლოგი, კინომანია, qwelly, kinomania, god on trial

ნახვა: 114

ტეგები: Qwelly, ბლოგი, იუდაიზმი, კინომანია, რწმენა, ღმერთი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონასგან ჩაკეტილი სვანეთი და კანდიდატების ჭიდილი

გამოაქვეყნა Giorgi_მ.
თარიღი: აგვისტო 10, 2020.
საათი: 10:49pm 0 კომენტარი

      წინათ გასაჭირისა და შეჭირვების დროს ხალხი მთაში გარბოდა, ამჯერად ყველაზე მაღალი მთა ჩაიკეტა და იქიდან გამოქცევას ლამობენ. ის ორი კინკილა ტურისტიც კარანტინის ზონებში გადაიყვანეს - სვანეთში კორონას გავრცელებამ მისი ჩაკეტვა გამოიწვია. თბილისში კანდიდატებს ერთმანეთს აჯიბრებენ. ბაჩალიაშვილის საქმე ისევ პირადი ინფორმაციების გამომზეურებას მიყვება.

საქართველოს და მსოფლიოს ამბები / 10 აგვისტო, 2020

      კორონა მაღალ…

გაგრძელება

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 2 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:00pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

Qwelly World

free counters