პრემიერის გადადგომა და ხორავას ქუჩის გამომძიებელი დეპუტატები, დაკავებული მერი და დევნილობა უმაღლეს თანამდებობებზე

      მთავრობა აღარ გვყავს, უფრო სწორედ, მთავრობას პარლამენტის ნდობა აღარ აქვს, რადგან საკმარისია პრემიერი გადადგეს, რომ მთელი მინისტრთა კაბინეტი დათხოვნილად ცხადდება. ჰოდა, კვირიკაშვილის დღევანდელი გადაწყვეტილებით, ერთიანად გაუქმდა ყველას მინისტრობა მომავალ მინისტრამდე. ვნახოთ, ვინ გახდება პრემიერ მინისტრი. თქვენ ვისზე დადებთ ფსონს?

საქართველოს და მსოფლიოს ამბები / 13 ივნისი, 2018 /

      მთავრობის სხდომას გადაყოლილი პრემიერ მინისტრი - გუშინ ოცნების სხდომაზე ყველა ამბობდა, რომ არაფერი მომხდარაო, მაგრამ ფაქტი სახეზეა - პრემიერი გადადგა. გავიხსენოთ გუშინდელი და დღევანდელი შეფასებები ოცნების შიდა ამბებისა. გიორგი კვირიკაშვილი - ბოლო თვეების განმავლობაში პარტიის თავმჯდომარესთან განსხვავებული მოსაზრებები მქონდა. გიორგი კვირიკაშვილი პრემიერ-მინისტრის პოსტიდან გადადგა. პრემიერ-მინისტრის თანამდებობიდან გადადგომის შედეგად, მთავრობა სრული შემადგენლობით გადამდგარია. გიორგი კვირიკაშვილი - ძალიან კარგად ვიცი, როგორ უჭირს ხალხს. გიორგი კვირიკაშვილი - ვეცადე ვყოფილიყავი თითოეული მოქალაქის პრემიერ-მინისტრი. გიორგი კვირიკაშვილი - პარტიის თავმჯდომარეს უნდა მიეცეს საშუალება, გუნდი იმ შეხედულებებიდან გამომდინარე დააკომპლექტოს, რომელიც მას გააჩნია. გია ხუხაშვილი - გიორგი კვირიკაშვილის გადადგომა კანონზომიერი იყო. ზვიად ძიძიგური - ძალიან წარმატებული პრემიერ-მინისტრი იყო გიორგი კვირიკაშვილი, მაგრამ ჩვენ გვჭირდება უფრო მეტი. გია ვოლსკი - პირადად მე ამ ეტაპზე სამთავრობო ცვლილებებს ნამდვილად არ ველოდი. სულხან სალაძე - გიორგი კვირიკაშვილის გადაწყვეტილება ერთია, მაგრამ მეორეა ვინ შეინარჩუნებს მინისტრთა კაბინეტში პორტფელს. თინათინ ბოკუჩავა - არაფერი შეიცვლება, თუ ივანიშვილი ერთ თანაშემწეს მეორეთი შეცვლის. ეკა გიგაური - განახლებულ შემადგენლობაში თეა წულუკიანმა თანამდებობა არ უნდა დაიკავოს. სოფო კილაძე - ივანიშვილის პოზიციაა, რომ სიღარიბის კუთხით მძიმე სიტუაციაა, კვირიკაშვილის მოსაზრებით, ეკონომიკური გუნდის პოლიტიკა იყო სწორი - ეს იყო მათ შორის აზრთა სხვადასხვაობა. მამუკა მდინარაძე - მომავალ პრემიერთან დაკავშირებით გუნდში ჯერ გადაწყვეტილება არ არის მიღებული და ამ საკითხზე მსჯელობა ამ მომენტიდანვე დაიწყება. დავით ბაქრაძე - გიორგი კვირიკაშვილმა ღიად დაასახელა, რომ ის მიდის ბიძინა ივანიშვილთან უთანხმოების გამო. დიმიტრი ქუმსიშვილი გიორგი კვირიკაშვილს მადლობას უხდის. პრეზიდენტმა მთავრობისათვის მოვალეობის დაკისრების შესახებ განკარგულება გამოსცა. გიორგი კახიანი - ხვალ კონსულტაციები წარიმართება და ხვალვე იქნება ცნობილი პირველი შეფასებები და ვარაუდები, თუ ვინ იქნება მომავალი პრემიერ-მინისტრი. კახა კალაძე - გუშინ პარტიის თავმჯდომარემ მიუთითა იმ პრობლემებზე, რომელიც ჩვენ მიგვაჩნია, რომ პრობლემაა - ეს არის გადაწყვეტილებების ეფექტურობა და კოორდინაცია, განსაკუთრებით საპარლამენტო გუნდთან. დავით უსუფაშვილი - მთავრობის ფუნქციონირებაზე პასუხისმგებლობა უნდა აიღოს ბიძინა ივანიშვილმა. გიგი უგულავა - ოდნავ შეიარაღებული თვალითაც ჩანდა, რომ კვირიკაშვილს რამდენიმე თვეა ნაწილ-ნაწილ შლიდნენ.

      UNICEF-ის კვლევა და შედეგები - სულხან სალაძე - საუბარი იმაზე, რომ თურმე UNICEF-ის კვლევის შედეგებზე ისაუბრეს, პირდაპირ ნიშნავს, რომ ხელისუფლება ვერ აღიქვამს ისე მწვავედ იმ მოვლენებს, რომლის წინაშეც სახელმწიფო დგას. ზაქარია ქუცნაშვილი - მიკვირს, რატომ ჩათვალეს ჟურნალისტებმა, რომ UNICEF-ის მიერ წარმოდგენილი კვლევა უმრავლესობის შეხვედრაზე არ შეიძლება ყოფილიყო განხილვის თემა.

      მთავარი მიზანი ეკონომისტებისა - მამუკა ბახტაძე - ჩვენთვის მთავარია ეკონომიკური ზრდა, რომელიც ჩვენს თითოეულ მოქალაქეს შეეხება.

      გამომძიებელი დეპუტატები და ხორავას ქუჩის საქმე - ხორავას ქუჩაზე მომხდარი მკვლელობის საქმეზე შექმნილი პარლამენტის საგამოძიებო კომისიის პირველი სხდომა დღეს ქუთაისში გაიმართება. არჩილ თალაკვაძე - ხორავას საქმე და მასზე მართლმსაჯულება იქნება ბოლომდე მიყვანილი ისე, რომ არც ერთი მნიშვნელოვანი კითხვა საზოგადოებას ამ საქმესთან დაკავშირებით არ დარჩეს. ნათია მეზვრიშვილი - ყველას დაგვავიწყდა, რომ საუბარია მოზარდებზე და ითხოვენ მათ დაკავებას ისე, რომ არ კითხულობენ, გვაქვს კი დევნის დასაწყებად საკმარისი მტკიცებულებები. ნათია მეზვრიშვილი - შსს-მ ზაზა სარალიძეს მკვლელის ვინაობა უთხრა. ეკა გიგაური - სარალიძის საქმესთან დაკავშირებით გამოძიების პასუხს დიპლომატებიც ელოდებიან. ზაზა სარალიძე ნათია მეზვრიშვილს - თქვენც იმ სადისტური მკვლელობის მონაწილე ხართ. ირაკლი აბესაძე - ხორავას ქუჩაზე მომხდარი მკვლელობის გამოძიების ობიექტურობასთან და მტკიცებულებების გამოკვლევასთან დაკავშირებით კითხვის ნიშნები თავიდანვე იკვეთება. ოთარ კახიძე - მირზა სუბელიანისგან ინფორმაციის მიღება საინტერესოა, თუ გადაწყვეტილება იქნება მიღებული, ახსნა-განმარტებას მისი ადგილსამყოფელის მიხედვით ჩამოვართმევთ. „პატრიოტთა ალიანსმა“ ხორავას ქუჩაზე მომხდარი მკვლელობის შემსწავლელი პარლამენტის საგამოძიებო კომისია დატოვა. სერგი კაპანაძემ ხორავას ქუჩაზე მომხდარი მკვლელობის საქმეზე შექმნილი საგამოძიებო კომისიის შემადგენლობას გამოსაკითხ პირთა სია წარუდგინა. ხორავას ქუჩაზე მომხდარ მკვლელობასთან დაკავშირებით დროებითმა საგამოძიებო კომისიამ გამოსაკითხ პირთა სია დაამტკიცა. ხორავას ქუჩაზე მომხდარი მკვლელობის შემსწავლელი პარლამენტის საგამოძიებო კომისიის სხდომები მომავალ კვირას გაიმართება. ზაზა სარალიძე - შინაგან საქმეთა სამინისტროს აქამდეც უნდა დავებარებინე გამოკითხვაზე. ზაზა სარალიძე - გიორგი კვირიკაშვილის გადადგომა არ მითხოვია, ვითხოვდი გახარიას და წულუკიანის გადადგომას. ზაზა სარალიძე - თუ იმ კითხვებს გაეცემა ჭეშმარიტი პასუხები, რაც დღეს დავსვი, ჩათვალეთ, რომ საქმე გამოძიებულია.

      ევრპარლამენტში საქართველო და რუსეთი, და გაეროს ანსამბლეა - ფედერიკა მოგერინი - ჩვენ მიუღებლად მივიჩნევთ რუსეთის სამხედრო ყოფნის გაძლიერებას სეპარატისტულ რეგიონებში და გამყოფ ხაზებზე ფიზიკური ბარიერების აგებას. დიმიტრი ცქიტიშვილი - რეზოლუციას ევროპული პოლიტიკის წარმმართველი პარტიების აბსოლუტური უმრავლესობა მხარს უჭერს. დავით ბაქრაძე - განსაკუთრებით მნიშვნელოვანია, რომ ევროპარლამენტის რეზოლუციაში ცალკე მუხლად იქნება ასახული მხარდაჭერა ოთხოზორია-ტატუნაშვილის სიის და სანქციების მიმართ. გაერო-ს გენერალურმა ასამბლეამ დევნილების შესახებ საქართველოს მიერ ინიცირებული რეზოლუცია მიიღო. ევროპარლამენტში თემაზე “საქართველოს ოკუპირებული ტერიტორიები რუსეთის აგრესიიდან 10 წლის შემდეგ” განხილვა გაიმართა. მიხეილ ჯანელიძე - მნიშვნელოვანია, რომ რეკორდული რაოდენობის მხარდაჭერა მივიღეთ - 81-მა სახელმწიფომ მხარი დაუჭირა დევნილების საკუთარ სახლებში დაბრუნების უფლებას. მიხეილ ჯანელიძე იმედოვნებს, რომ ევროპარლამენტი ოკუპირებულ ტერიტორიებთან დაკავშირებით ხვალ მკაფიო რეზოლუციას მიიღებს.

      13 ივნისის გახსენება და კალაძე, თავისი უწყებით დღის თემაში - კახა კალაძე - სამი წლის წინ დატრიალებული უბედურება ვერეს ხეობაში გუშინდელივით გვახსოვს ყველას. კახა კალაძე - მინდა მივმართო ახალგაზრდებს, საოცარი თაობა მოდიხართ და მინდა გისურვოთ, რომ ეს თავისუფლების ჟინი არასდროს დაგეკარგოთ. თბილისის მერმა გამგებლებს დაავალა, იმ ოჯახებს დაეხმარონ, რომლებსაც უხვი ნალექის გამო პრობლემები შეექმნათ. კახა კალაძე - ჰაერის დაბინძურების თვალსაზრისით სერიოზულ პრობლემას წარმოადგენს ყვითელი ავტობუსები, ე.წ. მარშუტკები და ძველი ავტომობილები. კახა კალაძე - არავის გვსიამოვნებს ის ეკოლოგიური მდგომარეობა, რაც დედაქალაქშია, ამას სჭირდება კომპლექსური მიდგომები. თბილისში ორი ახალი საქალაქო პარკის მოწყობა იგეგმება. თბილისის მერია ორი დიდი პარკის რეაბილიტაციას იწყებს. თბილისის მერიამ გარდაბნის გზატკეცილის 24 ნომერში მცხოვრებ 27 ოჯახს ფართები სიმბოლურ ფასად დაუკანონა. კახა კალაძე - „მზიურის“ პარკი ახლანდელი ზოოპარკის ტერიტორიას დაუკავშირდება და ქალაქში ერთიანი საპარკო სივრცე გაჩნდება. პარლამენტის პლენარულ სხდომაზე 2015 წლის 13 ივნისის სტიქიის შედეგად დაღუპულებს წუთიერი დუმილით პატივი მიაგეს. კახა კალაძე - 13 ივნისი იყო ძალიან დიდი ტრაგედია ჩვენი ქალაქისთვის, ჩვენი ქვეყნისთვის. ირაკლი ბენდელიანი - თუ არის დასკვნა, სადაც მინიმალურად მაინც არის მშენებლობის რისკები, ასეთ მშენებლობებზე მერიის მხრიდან ნებართვები არ გაიცემა. პრეზიდენტი - 13 ივნისი დედაქალაქის ისტორიაში ერთ-ერთი ყველაზე დრამატული დღეა, ტკივილის დღეებში ახალგაზრდობამ სოლიდარობის წარმოუდგენელი მაგალითი აჩვენა. გიორგი ტყემალაძემ და საკრებულოს წევრებმა 13 ივნისის სტიქიის შედეგად დაღუპულთა ხსოვნას პატივი მიაგეს. 13 ივნისის სტიქიის დროს გარდაცვლილ ინდირა და ლიზი ზარანდიების ხსოვნას პატივი მიაგეს. ვეტერანების საქმეთა სახელმწიფო სამსახურის წარმომადგენლებმა 13 ივნისის სტიქიის დროს დაღუპულთა ხსოვნას პატივი მიაგეს.

      თანამდებობის პირების დაკავება - განსაკუთრებით დიდი ოდენობით ქრთამის აღების ბრალდებით საგარეჯოს საკრებულოს წევრი და ეროვნული სატყეო სააგენტოს თანამშრომელი დააკავეს. მარნეულის მერი დააკავეს. სოფო კილაძე - მნიშვნელოვანია, რომ კანონი ყველას თანაბრად შეეხოს, მერი იქნება, თუ ნებისმიერი სხვა პირი. ელენე ხოშტარია - მარნეულში მომხდარი ინციდენტი არის იმ სიძულვილის და პოლიტიკური ძალადობის გამოვლინება, რომელიც „ქართულმა ოცნებამ“ დანერგა. სალომე სამადაშვილი - მარნეულში მომხდარი ფაქტი აჩვენებს, როგორ უსწორდებიან ადამიანებს საკუთარი აზრის დაფიქსირების გამო. კახა კალაძე მარნეულის მერის დაკავებაზე - არ აქვს მნიშვნელობა "ქართული ოცნების" წევრი და ჩვენი თანაგუნდელია თუ არა, ვინც კანონს დაარღვევს უმკაცრესად აგებს პასუხს. მარნეულში მომხდარ ინციდენტში ბრალი, შესაძლოა, პარლამენტის წევრს აზერ სულეიმანოვს წაუყენონ. „ნაციონალური მოძრაობის“ დეპუტატი აზერ სულეიმანოვი პროკურატურაში გამოკითხვაზე მივა. პროკურატურა - დამამცირებელი და არაადამიანური მოპყრობის ფაქტზე დაკავებულია მარნეულის მერი, სამართლებრივი დევნა დაიწყო დეპუტატ აზერ სულეიმანოვის მიმართ. სალომე სამადაშვილი - აზერ სულეიმანოვმა განგვიმარტა, რომ შეხვედრაში მონაწილეობდა, სადაც ხდებოდა დაძაბული ვითარების გარკვევა ადგილობრივი სასულიერო პირების თანამონაწილეობით. ირაკლი კობახიძე - პარლამენტის წევრს, აზერ სულეიმანოვს დეპუტატის მანდატი არ შეჩერებია. ირაკლი კობახიძე მარნეულის ინციდენტზე - რა მოხდა, ამას გამოძიება დაადგენს, ეს არ არის ჩვენი პრეროგატივა. გია ვოლსკი თემურ აბაზოვზე - ქალაქის მერს შესაბამისი მოთმინება უნდა ჰქონდეს და ყველაფერს სამართლებრივად მიუდგეს. აზერ სულეიმანოვი ქვემო ქართლის პროკურატურაში გამოკითხვაზე მივიდა. „ქართული ოცნების“ მარნეულის მაჟორიტარი დეპუტატი - გაკვირვებული და აღშფოთებული ვარ მარნეულში მომხდარი ძალადობის ფაქტებით. აზერ სულეიმანოვი აცხადებს, რომ პროკურატურამ მას ბრალი წაუყენა.

      პარლამენტის ბიუჯეტი - 2019 წელს პარლამენტის ბიუჯეტი 54 მილიონ 696 ათასი ლარი იქნება.

      პოლიციის ძალმომრეობა - შსს - თუ დადასტურდა, რომ ჭიათურაში, პოლიციელთა მხრიდან ადგილი ჰქონდა უფლებამოსილების გადამეტებას, შსს მოახდენს შესაბამის სამართლებრივ რეაგირებას.

      უტიფრობა სპორტშიც - დე ფაქტო პრეზიდენტები ანატოლი ბიბილოვი და რაულ ხაჯიმბა მოსკოვში ფეხბურთის მსოფლიო ჩემპიონატის გახსნის ცერემონიას დაესწრებიან.

საზღვარგარეთულები:

      ურთიერთრწმენა - დონალდ ტრამპი - მე მჯერა კიმ ჩენ ინის, მას სჯერა ჩემი. დონალდ ტრამპი - მშვიდად დაიძინეთ, ჩრდილოეთ კორეა უკვე აღარ არის ჩვენი ყველაზე სახიფათო პრობლემა. დონალდ ტრამპი - ჩვენი ქვეყნის ყველაზე დიდი მტერი „ფეიკ ნიუს“ მედიაა, რომელსაც სულელები უწევენ პროპაგანდას.

      გაზი უკრაინას - პეტრო პოროშენკო - უკრაინა ტრანსანატოლიური გაზსადენიდან გაზს მიიღებს.

      მაკედონიის ახალი სახელი - იუგოსლავიის ყოფილ რესპუბლიკა მაკედონიას სახელწოდება ჩრდილოეთ მაკედონია იქნება.

      წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 135

ტეგები: qwellynews, ბლოგი, ივნისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონასგან ჩაკეტილი სვანეთი და კანდიდატების ჭიდილი

გამოაქვეყნა Giorgi_მ.
თარიღი: აგვისტო 10, 2020.
საათი: 10:49pm 0 კომენტარი

      წინათ გასაჭირისა და შეჭირვების დროს ხალხი მთაში გარბოდა, ამჯერად ყველაზე მაღალი მთა ჩაიკეტა და იქიდან გამოქცევას ლამობენ. ის ორი კინკილა ტურისტიც კარანტინის ზონებში გადაიყვანეს - სვანეთში კორონას გავრცელებამ მისი ჩაკეტვა გამოიწვია. თბილისში კანდიდატებს ერთმანეთს აჯიბრებენ. ბაჩალიაშვილის საქმე ისევ პირადი ინფორმაციების გამომზეურებას მიყვება.

საქართველოს და მსოფლიოს ამბები / 10 აგვისტო, 2020

      კორონა მაღალ…

გაგრძელება

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 2 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:00pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

Qwelly World

free counters