დილით, ადრიანად გამეღვიძა მაგრამ შუქი არ იყო... ცოტა სიცხიანს წიგნის ყოველი აბზაცის წაკითხვის შემდეგ თვალები მეწვოდა, ფანჯრიდან იგრძნობოდა გარეთ ავდარი, თოვლ-ჭყაპი და ათასი უბდურება უნდა ყოფილიყო, ამიტომ გადავწყვიტე Qwelly_სთვის რაიმე პოსტზე მეფიქრა და ასეთი რამ მოვიფიქრე... 

       კარგი იქნებოდა ყოველი გავლილი თვე რომ შემეფასებინა და მნიშვნელოვანი მოვლენები ამომეკრიბა. თქვენც ამას გირჩევთ. მოდი დავიწყოთ და თუ რამე გამომრჩება რაც თქვენთან ერთად გარდამხდენია, შემახსენეთ თუ არადა, თქვენ თქვენი დაწერეთ. 

       ყველაფერი დაიწყო ზუსტად ისე, როგორც უკვე ბოლო 10 წელია იწყება (უფრო ადრეც, მაგრამ ისინი კარგად არ მახსოვს). უთოვლო პირველი იანვარი, მილოცვები და დღეგრძელობები, სატელევიზიო გადაცემებიც იგივე (უბრალოდ თითოოროლა განსხვავებული სახე), სუფრის წევრებად მხოლოდ მე, დედ-მამა და ბებია და მამაპაპური ღვინის სმა, სადღეგრძელო, ლამაზი ისტორიები, კამათი მამასთან და ა.შ. 

       ჰო, წელს ახალი ნაძვის ხე მქონდა: 

       მომდევნო რამდენიმე დღეც არ იყო მაინცდამაინც უალკოჰოლო და მშრალად ჩავლილი, მაგრამ სანერვიულო და საჩხუბარო ბევრი მქონდა. მოგეხსენებათ იმ ხანად გავრცელდა სურვილების შესრულების უცნაური მეთოდი - მცხეთაში, წმინდანის საფლავზე მისვლა და თხოვნა. ამ დღეების წყალობთ ფეხით შემოვიარე მცხეთა. თან უბრალოდ შაბათ-კვირის მსახურებები დაემთხვა და სასიარულოც მრავლად იყო. 

       მწუხარებას ლხინი ცვლისო და ...

       მერე იყო შობა - ყველაზე დიდებული და ლამაზი ღამე მთელს იანვარში. მადლი მახარობელსას გალობით, მადლითაღვსილებმა გავათენეთ ის ღამე და მეორე დღეს უკვე ცუდი ამბები დაიწყო, როგორც წერეთელი ამბობდა, მაგრამ ხანგრძლივ ეს სოფელი გაახარებს ვინმეს განაო? ჰოდა, პატრიარქის ეპისტოლის გარჩევა-ვანხილვას მომდევნო რამდენიმე კვირის განმავლობაში ვარიდებდი თავს, მაგრამ ახლო მეგობრებთან საუბრისას ამ თემას მაინც ვერ გავურბოდი. 

       წელს, როგორც გასული წლის იანვარში, რამდენიმე საათში შემოსულთა რეკორდული მაჩვენებელი დაფიქსირდა Qwelly_ზე. ამჯერად ლიკუნას ვიდეოს წყალობით - გორული შუაგზური სიყვარული...

       ჩვენ, ქართველები ხომ იმითაც გამოვირჩევით რომ ერთი წლის განმავლობაში ორი ახალი წელი გვაქვს. ახლა ტკბილად მახსენდება, მაგრამ იმ წუთას მეც გული გადამიქანდა, როცა მხიარულმა ფოიერვერკმა ისე შეაშინა ჩემი ორი ძმიშვილი, თითქმის ერთი საათის განმავლობაში პირდაუხურლად ტიროდნენ.

       (P.S. "პირდაუხურლად" - ეს არ ვიცი რანაირი სიტყვაა, მაგრამ გამოდგება)

       მერე სწავლაც დაიწყო უნივერსიტეტში და ერთ კვირაში გამოცდებიც.

       სიხარული იყო 16 იანვარიც. ჩემს თეონას და ჩემს რატის პატარა გიორგი შეეძინათ და ჩემი ბაბალეც აღფრთოვანებულია თავისი ახალი გასართობით. ვიმედოვნოთ დეიდა ინოს ჯაფა შეუმსუბუქდა ☺

       როგორც წესი, იანვარში უდიდესი სიხარული ყოველთვის საეკლესიო დღესასწაულებს უკავშირდება. ახლაც ასე იყო - 19 იანვარი - ნაღლისღება, მართალია რამდენიმე წლის წინ, როცა ღამისთევით ვიზეიმეთ ეს დღესასწაული, უფრო ბევრი და კარგი მოგონება დამრჩა, მაგრამ არც წელს იყო ნაკლები სიხარული. ეს დღე კიდევ იმით გამოირჩა, რომ ჩემი ბიძაშვილის შვილის დაბადების დღე ამ დღეს აღვნიშნეთ და შესანიშნავი საღამოც გავატარე მის საყვარელ ადამიანებთან ერთად. მართალი მასპინძლები ძალიან გავაბრაზე სულ რაღაც 2 საათიანი დაგვიანებით, მაგრამ სიყვარულს ხომ ვერაფერს მოუხერხებდნენ? ასე რომ მიმიღეს. იმავ დღის წყალობით Qwelly_ს კიდევ ერთი წევრი შეეძინა და ამან უფრო გამამხიარულა. 

       22 იანვარს - ჩემი "ლოდომ დიჟი კაცუნა" უკვე 4 წლისაა. მხიარულების და გადარეულობის დღის შემდეგ, საღამოს ოჯახურ გარემოში დავლოცეთ და დღეგრძელობა, მზენათელობა ვუსურვეთ თორნიკეს. 

       ჩემი რამდენიმე მეგობარიც სწორედ იანვარში მოევლინა ქვეყნიერებას, ამიტომ ეს თვე კიდევ უფრო განსაკუთრებულია.

       ორივე გამოცდა წარმატებით ჩავაბარე ← ეს რომ არ დამეწერა, ჩემი ამპარტავნება მოკვდებოდა ☺

       რა თქმა უნდა თვე ისე როგორ გაივლიდა იმაზე გულსატკენი ამბებიც არ ყოფილიყო, რაც დავწერე, არც ეს თვე იყო გამონაკლისი და არც მე და ჩემი საახლობლო. Qwelly_ზეც, მეგობრებშიც და პირად ცხოვრებაშიც იყო დღეები და წუთები როცა ძალიან მეტკინა გული, მაგრამ როგორც წესი ცუდის მოგონებას იშორებენ ხოლმე, ჰოდა მეც არ დავწერ ამ ტკბილმოსაგონარ პოსტში! 

       კიდევ ერთი კარგი ამბავი ისაა რომ დღეს თოვლი მოვიდა! მაგრამ იქვე ცუდიც - უკვე 31 იანვარია! და როგორც მუდამ მცარ გზაზე მდგარი სინოპტიკოსები იწყებიან მომდევნო თვე უფრო და უფრო ყინვიანი იქნება! 

       ბებია ამბობს - ვიდრე მარტი წინ გაქვს ზამთარს ნურც აძაგებ და ნურც აქებო. მეც ამ შეგონებით დავასრულებ ამ დღეს და დაველოდები როდის ჩადგება ხეში წყალი! 

მეორე მეთორმეტედი →

ნახვა: 406

ტეგები: Qwelly, ბლოგი, თვე, მოგონებები, ქველი, შეჯამება

jana: იანვარი 31, 2014||5:12pm

 მინდა თამამად ვთქვა რომ,საოცარი გადმოცემის უნარი გაქვს :* :* :*

ლაშა: იანვარი 31, 2014||5:59pm

დიდი მადლობა jana ! :) :* :* :* :* ♥ 

tsira: იანვარი 31, 2014||6:09pm

შენი ბებო მინდა ვნახო.

jana: იანვარი 31, 2014||6:27pm

ლაშა 19იანვრის მოგონებებში რაღაც გამოგრჩა და ისიც აღიარე ბარემ :) :)

ლაშა: იანვარი 31, 2014||7:23pm

jana ვაღიარო? :O კიდევ ერთი მინიშნება მჭრიდებაააა :) 

nino usenashvili: იანვარი 31, 2014||7:29pm

ლაშა ასეთი ჩანაწერებით ადვილად შემოიტყუებ ჩემნაირ ხალხს :)) ხო თუ ეს შენი ნაძვის ხეა, მალე აღარ იქნება და შენს კარალიოკის ხიანად მაგასაც მოვიპარავ : )

jana: იანვარი 31, 2014||8:23pm

 რატომაც არ უნდა აღიარო :) ისე არ მეგონა ეგ დაგავიწყდებოდა :) და კიდე რისი მინიშნება გჭირდება მაგას ვერ ვხვდები :)

ლაშა: იანვარი 31, 2014||10:20pm

jana მინიშნება იმისა, თუ რა არის საღიარებელი :D თორემ განა პრობლემაა რომ ვაღიარო :D 

ლაშა: იანვარი 31, 2014||10:25pm

nino usenashvili კომპლიმენტის გარეშე - არც ისე ბევრია "შენნაირი" :) :) 

რაც შეეხება ჩემს ხეებს - კარალიოკი წაიღე და ნაძვის ხე დამიტოვე თუ შეიძლება :P :D 

jana: იანვარი 31, 2014||10:26pm

მეტი ისეთი საინტერსო იქ, რაც შეიძლება აქ დაწერო არაფერი მომხდარა :) უბრალოდ როგორც კი წავიკითხე თვალში მომხვდა იმ საინტერესო ამბის გამოტოვება :) :) :)

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

უზენაესი გამარჯვება რუსეთზე და ცივი აცრა

გამოაქვეყნა Giorgi_მ.
თარიღი: იანვარი 21, 2021.
საათი: 11:03pm 0 კომენტარი

      დავაში გამარჯვებული ქვეყნის სტატუსი გვაქვს - რუსეთს მოვუგეთ. მართალია ომიც მოვუგეთ 2008-ში, მაგრამ აღმოჩნდა რომ არ მოგვიგია. ახლა კი სტრასბურგში მოვუგეთ - უზენაესი სამართლის სახელით მოღვაწე ამ ორგანიზაციაში. ქვეყანა ამ გამარჯვებას ზეიმობს, იქით კოვიდის ვაქცინაციას იწყებს, აქეთ ელიაშვილის ოპოზიციონერობას განიხიავს. მელაშვილისა და ილიჩოვას საქმის გამოძიებაც დასრულდა. ბაიდენი - პრეზიდენტია! რაც შეეხება კორონავირუსს - დადასტურებული შემთხვევა -…

გაგრძელება

გირჩულ-ელისაშვილური ტანდემი, პანდემიის შემცირება და ნავალნის დაპატიმრება

გამოაქვეყნა Giorgi_მ.
თარიღი: იანვარი 18, 2021.
საათი: 10:30pm 3 კომენტარი

      როცა შიდა ამბებში აქტიურობა კლებულობს, გარედან მეტი ნიუსი ისმისო, უთქვამთ. ასე იყო დღესაც - ნავალნის რუსეთში ჩასვლა და მისი დაპატიმრება ჩვენი პოლიტიკური ამბების ნაწილიც გახდა და შეფასებებიც ისმოდა ქართულ ინტერვიუებში. ქვეყნის შიგნით ელისაშვილის და გირჩის დამეგობრების და დანარჩენ ოპოზიციასთან კინკლაობის ამბავია. რაც შეეხება კორონავირუსს - დადასტურებული შემთხვევა - 247915, გუშინ დილის შემდეგ - 110; გამოჯანმრთელებული - 234636, გუშინ დილის შემდეგ…

გაგრძელება

კაპიტოლიუმის დაცვა

გამოაქვეყნა Tamila Moshiashvili_მ.
თარიღი: იანვარი 17, 2021.
საათი: 6:46pm 1 კომენტარი

      უკვე დიდი ხანია, ამერიკას ასეთი რამ არ უნახავსო, ასეთი სირცხვილი არ უგემია და ასეთი უსუსური არ ყოფილაო - ასეთი შეფასებები ისმოდა ტრამპის მხარდამჭერების კაპიტოლიუმში შეჭრის შეფასებებში. ეს ამბავი, მართლაც იანვრის მთავარი ნიუსი იყო და სულ მალე, შეჭრილი „აჭრილები“ მსოფლიოს ვირუსულად მოედნენ, გაპოპულარულდნენ და გავარსკვლავდნენ.…

გაგრძელება

შეცვალე შენი ცხოვრება - გაუხსენი გზა პირად განვითარებას

გამოაქვეყნა EFTcheat_მ.
თარიღი: იანვარი 15, 2021.
საათი: 2:30pm 0 კომენტარი





Sometimes we reach a point in our life whenever we are ready for change and self improvement. Items aren't going so well for all of us, or painful or disappointing events seem to be to keep repeating themselves in our lives. You know very well what I mean; such things as continually choosing the wrong partner or the wrong job, or maybe it's just the feeling you are stuck in a rut with absolutely nothing exciting to look forward to on the horizon. A person start to think, "I need…

გაგრძელება

Qwelly World

free counters