ტვიტერმა საკონტროლო გასროლით გამანადგურა, როდესაც თავის იმიჯს კიდევ ერთხელ უღალატა და გაფავორიტების ვარსკვლავი შეცვალა გულით და მოწონებად აქცია მთელი გაფავორიტებული მიკრობლოგეთი.

ძველმოდური რჩევები, რჩევა, სიყვარული, შეყვარებული, დღიური, ბლოგი, ქველი, პირველი კოცნა, კალენდარი, qwelly, blog, kiss, flowers, lovers, love, rchevebi, sheyvarebuli, siyvaruli, dzvelmoduri

      მაგრამ ახლა ამაზე არ ვაპირებ საუბარს. აქედან მხოლოდ გული და მის გარშემო განვითარებული მოვლენები მესაჭიროება.

      დიახ, დღეს მეც გადაღეჭილ თემაზე - სიყვარულზე დავწერ, უფრო სწორედ რამდენიმე რჩევა იმ მამაკაცებს, რომლებმაც გაცვეთილი გულის სამყაროში გადაწყვიტეს ძველმოდური გოგო შეჰყვარებოდათ.

      მეგობრებო, მამაკაცებო, ბიჭებო და კიდევ ჩვენს სქესთან დაახლოებულო სხვა ადამიანებო, ვიდრე ძველმოდური გოგოს შეყვარებას გადაწყვეტთ, გირჩევთ ტელეფონში კალენდრის "შემხსენებლების" ფუნქცია კარგად გქონდეთ ათვისებული, რადგან თქვენ ბევრი დეტალის დამახსოვრება დაგჭირდებათ.

      • ზუსტად უნდა შეძლოთ და აღწეროთ ის ადგილი, სადაც პირველად დაინახეთ;

      • აუცილებელია გახსოვდეთ რა ეცვა როცა პირველად შეამჩნიეთ;

      • პირველი სიტყვები რომლითაც გამოელაპარაკეთ;

      მოკლედ, საწყის ეტაპებზე ყველაფერი პირველი უნდა გახსოვდეთ, მათ შორისაა - პირველად ხელის ჩაჭიდება, პირველი სეირნობა, პირველი ყვავილ(ებ)ი, პირველი ვახშამი (აუცილებელი არ არის სანთლის შუქზე, ასეთ დროს ვახშამში კრეკერი, ჩიფსი და მისთანებიც იგულისხმება), პირველად ნათქვამი მიყვარხარ (ეს განსაკუთრებული კატეგორიისა, აქ არა მარტო თარიღი უნდა იცოდეთ, არამედ ადგილი, დრო, საათი, ჩასაცმელი, ვარცხნილობა და მაძღარი იყავით თუ არა, ეგეც კი), პირველი ჩახუტება, პირველი კოცნა, პირველი მეგობარი რომელიც გააცანით და ა.შ.

      ურთიერთობის მომდევნო ეტაპებზე დასამახსოვრებელი ნიუანსები იცვლება. ახლა სავალდებულო არ არის იყოს პირველი, უბრალოდ უნდა იცოდეთ რა არის მნიშვნელოვანი და რა არ უნდა დაივიწყოთ. ასე მაგალითად:

      • დედამისის დაბადების დღე;

      • მისი ძმის ან დის დაბადების დღე;

      • სიყვარულის დღე (ზოგადი) და სიყვარულის დღე (თქვენი პირადი - დამიჯერეთ გექნებათ);

      • რა არ უყვარს (საჭმელი, სასმელი, ჩასაცმელი, ადგილი, სასაუბრო თემები და სიტყვებიც კი), მართალია ეს ახლა ბუნებრივად გეჩვენებათ - რომ ვინც მიყვარს, რაც მას არ უყვარს ამას რა დამახოვრება უნდა, ამას რა დამვიწყებსო, მაგრამ დამიჯერეთ შეიძლება დაგავიწყდეთ და უცბად მიაჩეჩოთ ნაბეღლავი და დაალევინოთ კიდეც (პირადი გამოცდილება).

      ეს ყველაფერი საერთო სარგებლობის მომტანი რჩევებია, არის კიდევ ისეთები, რომლებიც მხოლოდ თქვენ გამოგადგებათ - მაგალითად, ეცადეთ გამოიმუშაოთ მოსმენის მაგრამ არ გაგების უნარი. ეს განსაკუთრებით მაშინ დაგჭირდებათ, როდესაც თავის სამეზობლო-სადაქალო-საჭორაო თემებზე დაიწყებს საუბარს.

      ამ ეტაპზე იდეების დეფიციტს განვიცდი, მაგრამ დამიჯერეთ ეს ის ანა-ბანაა, რომელიც უნდა გახსოვდეთ ვიდრე თანამედროვე სამყაროში ძველმოდური გოგოს შეყვარებას მოიწადინებთ.

ინსპირაცია:

ნამდვილი ქალი

ნახვა: 498

ტეგები: Qwelly, ბლოგი, დრომოჭმული_რჩევები, დღიური, კალენდარი, რჩევები, სიყვარული

Maiko: ნოემბერი 20, 2015||10:31pm

ეს "ძველმოდურობა" ცუდია თუ კარგი?? :D

BrOliKa: ნოემბერი 20, 2015||10:32pm
შემეცოდეთ ნამდვილი ტირანი უნდა იყო ამდენი რამე, რომ იკითხო :D :D
ლაშა: ნოემბერი 20, 2015||10:43pm

მაიკო, არ მგონია აქ "ცუდი" ან "კარგი" გამოდგეს, უბრალოდ ასეთი როგორიც არის :D

BrOliKa, ეჰ, გაივსო ტირანებით ეს ქვეყანა :D :P

BrOliKa: ნოემბერი 20, 2015||10:52pm
მარიკო ახალმოდურებს უფრო სხვა რამ იზიდავთ და ამაშია საქმე :D ხო ეხლა ყველა შეყვარებულიანი გოგო თუ რაიმე ახალ პუნქტს აღმოაჩენს ისეთს რაც ჯერ არ უკითხავს და გამოუცდია იციან თუ არა მათმა შეყვარებულებმა კითხვებს მიაყრიან :D ასე, რომ შენ კი არ დაეხმარე თავსატეხი გაუჩინე ხალხს :D
Maiko: ნოემბერი 20, 2015||11:15pm

შეიძლება კიდევ დავამატოთ რამოდენიმე პუნქტი და აი მაშინ მართლა ტირანებად ჩაითვლებიან:D:D:D

BrOliKa: ნოემბერი 21, 2015||12:34am
აბა? შენი აზრით რა შეიძლება დაემატოს? :D
Kakha: ნოემბერი 21, 2015||10:36am

მე ვფიქორბ რომ აქ ძველმოდურობა ზედმეტია, ეს ყოველთვის ასე იქნება, ცუდი არაა, ასეც უნდა იყოს დადებითი ამასაც აქვს თავისი :DD

BrOliKa: ნოემბერი 21, 2015||10:49am
კახ მთლად ნუ უსაყედურებ ეხლა ცოდოა :D ახალმოდურები სამაგიეროდ მანქანებსა და ვილებს იმახსოვრებენ შეყვარებულისას ოღონდ თავად, რომ არაფერი გამორჩეთ :D :D :D
Kakha: ნოემბერი 21, 2015||11:03am

არ ვსაყვედრუობ უბრალოდ მოვუწოდებ უფრო ღრმად ჩაიხედოს ამ საქმეში :DD ჩემი პირადი მოსაზრების მიხედევით არასდროს არ შეიცვლება ის რაც დასაბამიდან ქონდა (ხასიათი) ქალს :D ვილები და მანქანები ყოველთვის იყო, ვიღაცას რომში უნდოდა კეისარის კარზე ცხოვრება და კარგი ეტლით ესეირნა არაფერი არ შეცვლილა მასე მერე :DD ამის გამო შეეძლო არ ესაყვედურა ისინი რაც უკვე ჩამოთვლილია პოსტში დასამახოსვრებელი თარიღები თუ გაცნობის დღეები :DD 

BrOliKa: ნოემბერი 21, 2015||1:42pm
მადლობა ადმინუს ვიცოდი შენი იმედი, რომ უნდა მქონოდა :D არაფერია სახალისოა ეს ყველაფერი :D თან წინ კიდევ რამდენია დასამახსოვრებელი :D :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დარდი პანდემიაზე, ეკონომიკაზე, კარტოგრაფებზე და მოახლოებულ წვიმებზეც

გამოაქვეყნა Giorgi_მ.
თარიღი: ნოემბერი 27, 2020.
საათი: 10:57pm 0 კომენტარი

      მარხვის დაწყების წინ, პატრიარქმა მოძღვრებს ლოცვა-კურთხევა მისცა საჭიროების შემთხვევაში რძის პროდუქტების მიღებაზე კურთხევა გასცენ. ხვალიდან შეზრუდვების ამოქმედება იწყება, ამიტომ დღევანდელი პარასკევი, რომელსაც შავი პარასკევიც წამოეწია, დედაქალაქის სრული პარალიზების მიზეზი გახდა - ყველა საყიდლებს ეშურებოდა. მომავალი დღეები წვიმიანი იქნებაო, ამბობენ სინოპტიკოსები - 2 დეკემბრამდე მცირე წვიმაა მოსალოდნელი. კოვიდს რაც შეეხება - 123470 დადასტურებული,…

გაგრძელება

ირმის ნახტომი (ზღაპარი - ლეგენდა)

გამოაქვეყნა nunu qadagidze_მ.
თარიღი: ნოემბერი 27, 2020.
საათი: 3:30pm 0 კომენტარი

      ცის თაღი იძროდა მისი ნაბიჯებიდან, ელვას აკვესებდა ჯიღა თვალებით, ფართოდ განტოტვილი რქებით კი თითქოს მთელ სამყაროს შესდგომოდა დედაბოძად.

      აზავერი მოდისო, დაურბენდა ეს ძახილი ცის ბინადრებს, ისინიც დიდის ამბით მოემზადებოდნენ მის დასახვედრად. ფარშევანგი მაშინვე კუდს გაშლიდა, რათა საზეიმო ელფერი მიეცა სასურველი სტუმრის მობრძანებისთვის. მგელიც უკუდგებოდა, ოღონდ აშკარად გამომწვევი ნაპერწკლები უხტოდნენ თვალებში. გველი განზე გასრიალდებოდა,…

გაგრძელება

დაწესებული შეზღუდვები და ბიუჯეტიდან დაფინანსება

გამოაქვეყნა Giorgi_მ.
თარიღი: ნოემბერი 26, 2020.
საათი: 11:00pm 0 კომენტარი

      შეზღუდვები დაწესდა და აღსრულება 28 ნოემბრიდან დაიწყება. შეზღუდვები კი განსაკუთრებული სიმკაცრით არ გამოირჩევა, თუმცა ქალაქები მაინც დააშორა ერთმანეთს. დღის მთავარი თემა პრემიერის გამოსვლა და დაწესებული შეზღუდვები იყო. ოპოზიციამ, ცხადია, არც დაწესებული შეზღუდვები მოიწონა და არც პარლამენტში შესვლაზეა თანახმა - ერთადერთი რასაც თანხმდება საბიუჯეტო დაფინანსებაა. კოვიდს რაც შეეხება - მთლიანი რიცხვები - 118690 დადასტურებული, აქედან გამოჯანმრთელებული…

გაგრძელება

ახალი შეზღუდვების მოლოდინი და საიქიოს წასული მარადონა

გამოაქვეყნა Giorgi_მ.
თარიღი: ნოემბერი 25, 2020.
საათი: 10:00pm 3 კომენტარი

      ყოველდღიურად ანონსდება მომავალი შეზღუდვები, ლოკდაუნები, პრობლემები, ჩაკეტვები და ეკონომიკურ კოლაფსსა და სიცოცხლის გადარჩენის შუა ხაზი. თავის მხრივ, პანდემიაშეშინებულზე ოპოზიციაც დაცხრა და ჯერ შიდა გარკვევაშია და შემდეგ მთავრობასთანაც დაალაგებს. საპატრიარქომაც გააკეთა განცხადება. ვირუსის რიცხვები - 114889 დადასტურებული, აქედან გამოჯანმრთელებული - 95581, გარდაცვლილი - 1085, კარანტინში - 2071. რაც შეეხება ეკონომიკის მეტრს - დოლარი - 3.3193 ლარი…

გაგრძელება

Qwelly World

free counters