blog, chanter, dead, lovely, post, qwelly, qwellyblog, qwellypost, svetitskhoveli, ბლოგი, გამოსამშვიდობებელი, გარდაცვალება, გუჯა ოსეფაშვილი, დღიური, მგალობელი, მოგონება, პოსტი, სვეტიცხოველი, სვეტიცხოვლის მგალობელი, შალვა ოსეფაშვილი, შენ ხარ ვენახის მგალობელი, ჩანაწერი, ძია გუჯა

     ჰო, 45 წელი განგვასხვავებდა მე და ძია გუჯას, მაგრამ მაინც ჩემი ძმაკაცი იყო ვიდრე კარგი, ჭკვიანი, დამჯერი და ეკლესიით თვალებანთებული, სუფთა გულის ბავშვი ვიყავი...

     დიდი ხანია ძია გუჯა ავადმყოფობდა... წელს მცხეთობასაც ვერ დაესწრო სვეტიცხოველში... დღეს უწმინდესი იყო, საღმრთო ლიტურღია აღასრულა სხვა ეპისკოპოსებთან ერთად... ილია (ძია გუჯას შვილი) წირვაზე არ მოვიდა... სამაგიეროდ ბიჭებმა მოიტანეს ცუდი ამბავი - ილიას მამა გარდაეცვალაო...

     არ ვიცოდით ილიასთან ავსულიყავით და გვერდში დავდგომოდით თუ წირვაზე გვეგალობა, ბოლოს ილომ ჩადით წირვაზეო... ძია გუჯას სული შევავედრეთ უფალს... მაგრამ მთელი წირვა მაინც მის გახსენებაში გავატარე... ჩემი ძმაკაცი - ჰო, ასე დაგვარქვა ჯერ ილიამ და მერე გუნდის ყველა წევრმა... ჩვენთან ასეა, რამდენიმე თაობის მგალობელბი ვართ, ძია გუჯა ყველაზე უხუცესი იყო, ყველაზე უმრწემესი თაობისა კი მე და ჩემი რამდენიმე მეგობარი გახლდით, რომელთაგან ძია გუჯასთან ძმაკაცობა მე მხვდა წილად...

     ბევრ რამეს დავწერ და მოვყვები მასზე, საუბარი იცოდა წყაროს წყალივით და არც სიტყვაძუნწობას უჩიოდა... პირველად კი მაინც თავისებური სიჯიუტით დაგვამახსოვრა თავი... ასეა, ბავშვები დანაშაულს არ ივიწყებენო ჰოდა მეც მოვყვები...

     ჯერ კიდევ საკვირაო სკოლაში ვიყავით, როდესაც ბავშვებმა სამწვადე ვიყიდეთ და არაგვის პირას, ჭალაში, ძია გუჯას ნაკვეთში გადავწყვიტეთ ქეიფობანა... ბატონი შალვა (ასე ერქვა ნათლობის სახელი ძია გუჯას) გულითადად გვიმასპინძლდებოდა, მაგრამ ამ გულითადობაში იმდენი ქნა რომ სულ მლაშე მწვადი გვაჭამა... იხტიბარს არ იტეხდა - საერთოდ არ აქვს მარილიო...

     ჭალაზე ერთი ღამე განსაკუთრებით მახსენდება... მაშინ უკვე დიდი გუნდის წევრი ვიყავი... მაშინაც ამ კურთხეულ ჭალაში მოვულხინეთ მგალობლებმა, ცხვრის ჩაქაფულს მივირთმევდით, ვსვამდით და ვღიღინებდით გულიანად... უკვე კარგად ჩამობნელებულიყო, ახალზაფხულგაცილებულზე ჯერ კიდევ აგვისტოს თბილი ღამეები გამოგვყოლოდა, მაგრამ არაგვისპირის სუსხმა თავისი გაიტანა და შეგვცივდა... მე და ძია გუჯა ადრე წამოვედით... ირგვილ მხოლოდ ბაყაყების ყიყინი, წყალში ტყლაპატყლუპი და მოუსვენარი ჭრიჭინების ხმა ისმოდა... მოვდივართ და მიამბობს ეს ენაწყლიანი კაცი ისტორიებს - როგორ ნადირობდა მწყერზე, როგორ დაჰყავდა მამას ვენახში სამუშაოდ, რას ასწავლიდა, როგორი იყო მცხეთა, რა არის ეს ცხოვრება... მოვსეირნობდით და მეც მიხაროდა როცა ამ ადამიანს ვუსმენდი და ხანდახან თითოოროლა სიტყვას შევაწევდი... როდესაც გამოვცდით ჭალებს და სვეტიცხოვლისკენ ასახვევს მივუახლოვდით, უცბად ძია გუჯა შეჩერდა, სვეტიცხოვლისკენ მიბრუნდა და გაშეშდა, გაირინდა... მის სახეზე საოცარი სითბო და ნეტარება იგრძნობოდა... სიტყვები არ იყო საჭირო... ისედაც დაინახავდით რას გრძნობდა ამ დროს... რა სითბო იღვრებოდა მის გულში... ბოლოს ხელები ზეცად აღაპყრო, მადლობა ღმერთოო ერთი შეჰღაღადა და პირჯვარი გადაიწერა... მერე მომიბრუნდა - ნახე რა მშვენიერია ჩემი სვეტიცხოველიო... რა დიდებულია და როგორი საკმარისია იმისთვის რომ ადამიანმა სიყვარულით ცხოვრება შეძლოო... მაშინ, მეც განსაკუთრებულად შემიყვარდა სვეტიცხოველი... მართლაც თვალწარმტაცი სანახავი იყო ბნელ ჭალაში მდგარი დიდებული, მხარბეჭიანი ვაჟკაცი, ძია გუჯას სვეტიცხოველი... მერე, კიდევ ვისაუბრეთ, მომიყვა როგორ ნადირობდა მთებში... როგორ უნახავს ირემი... როგორ ამოუყვანია მამას ცხენი... ძალიან უყვარდა ძია გუჯას თავისი მშობლები...

     ერთი დიდი ბედნიერება იყო გესმინა მისთვის როცა გიყვებოდა ვაზს როგორ უნდა მოფრთხილებოდი და როგორ უნდა მოგევლო მისთვის... სხვა ნეტარება გელოდათ თუ თავისი ახალგაზრდობის ამბებს მოიგონებდა, სტუდენტობას, ჟურნალისტობას და მრავალ სხვას...

     მოსაყოლის მეტი რა არის, ჩვენს გუნდში ძია გუჯას ჩემზე ახლოს ბევრიც იცნობდა და საერთო ისტორიებიც უფრო ბევრი აქვთ, მაგრამ მე დღეს ჩემსას ვიხსენებდი და გული მწყდებოდა რომ ბოლო დროს მე და ჩემი ძმაკაცი აღარ ვიყავით ისე ახლოს როგორც უწინ... უწინ როცა ახალი მგალობელი მერქვა... როცა ძია გუჯას ჩაძახებულს ამოვძახებდი ხოლმე...

     ნასვამი ძია გუჯა? აი ეს ის მომენტი იყო როცა ნახავდით მოსიარულე სიყვარულს... ადამიანს რომელიც ნასვამი იყო და მხოლოდ მაშინ შეეძლო ბოლომდე გამოეხატა ის დიდი სიყვარული რაც მის გულში დაბუდებულიყო და ვეღარ ეტეოდა...

     დღეეს??? დღეს ვნახე ძია გუჯა რომელსაც არ დავიმახსოვრებ!!! დღეს ვნახე ავადმყოფობისგან დასუსტებული, უფერული, გამომშრალი და უღონო ძია გუჯა! არა ის ასეთი არ იქნება ჩვენს გონებაში... აი, მე გამოვართმევ ილიას ფოტოს და დავდებ და ნახავთ როგორი სიცოცხლით სავსე ძია გუჯა უნდა გვახსოვდეს ყველას!

blog, chanter, dead, lovely, post, qwelly, qwellyblog, qwellypost, svetitskhoveli, ბლოგი, გამოსამშვიდობებელი, გარდაცვალება, გუჯა ოსეფაშვილი, დღიური, მგალობელი, მოგონება, პოსტი, სვეტიცხოველი, სვეტიცხოვლის მგალობელი, შალვა ოსეფაშვილი, შენ ხარ ვენახის მგალობელი, ჩანაწერი, ძია გუჯა

მადლობა მას ყველა ლამაზი მოგონებისთვის!

     აქამდე სვეტიცხოველში უგალობდა უფალს, ახლა სასუფეველში შეასხამს ხოტბას სამებას, ერთარსებას და განუყოფელს!

     ღმერთმა წმინდათა თანა განუსვენოს!!!

ნახვა: 978

ტეგები: Qwelly, ბლოგი, გარდაცვალება, მგალობელი, მოგონება, სვეტიცხოვლის_მგალობელი

makuna: ოქტომბერი 27, 2013||6:55pm

მეგონა გამოკეთდა, მაგრამ ...  ნათელში იყოს მისი სული . 

BrOliKa: ოქტომბერი 27, 2013||7:05pm

;( ;( ;( მართალია არ ვიცნობდი, მაგრამ ნაამბობმა ამატირა :)

მარი: ოქტომბერი 27, 2013||10:01pm

..მართლა ძალიან დამწყდა გული ძიას გამო..ლაშ ისე მოკლედ და კონკრეტულად გადმოეცი და აღწერე შენი განცდები რომ ემოციებით დავიმუხტე :( :( :( :(

tsira: ოქტომბერი 27, 2013||10:30pm

ნათელში ამყოფოს უფალმა.

ino: ოქტომბერი 27, 2013||10:40pm
ნინო შემხვდა დღეების წინ.. :/
ლაშა: ოქტომბერი 27, 2013||11:20pm

ino დღეს დილით გარდაიცვალა... გუშინ ჯერ კიდევ ყველაფერი იმედიანად იყო... 

ლაშა: ოქტომბერი 27, 2013||11:21pm

MaRi ეს მართლა ძალიან მოკლეა :)

ძალიან ტკბილი საუბარი იცოდა და კარგადაც დაგამახსოვრებდა... სადღეგრძელოები? ეს ნამდვილი ხელოვნება იყო... ცხოვრების შეფასება? ეს კარგ გაკვეთილებად გამოადგებოად ყველას... მოკლედ რა...

მარი: ოქტომბერი 27, 2013||11:41pm

ლაშა: ხო შენ ისე გულწფელად გადმოეცი შენი გრძნობები უკვე მიხვდი რო ძალიან ბევრს ნიშნავდა შენთვის )

ლაშა: ოქტომბერი 28, 2013||4:58pm

მარინის მადლობა ლამაზი კომენტარებისთვის :* ჩემზე მეტადაც ჩემო კარგო, ჩემზე მეტადაც უყვარხართ და იცნობდნენ :(

ლაშა: ოქტომბერი 29, 2013||12:28am

     მაპატიეთ თუ თავი შეგაწყინეთ, მაგრამ მთელი ემოცია, გულისყური და გონება ამ პიროვნებისადმი მაქვს მიპყრობილი, განსაკუთრებით როცა მოსაღამოვდება და გარემო გვაგრძნობინებს გარდაცვალების "მშვენიერებას"...

     ბევრი ცრემლიანი სახე, ბევრი დამწუხრებული და ბევრი ატირებული ვნახე დღეს, ლამაზი მოგონებები, ლამაზი ისტორიები, სითბო სხეულში... 

     მაგრამ ყველგან და ყოველთვის გამორჩეული მადლიანი სიტყვით მამა ისააკმა ყველას გვაგრძნობინა, დიახ დიახ, კი არ გვთიხრა ან გვიქადაგა, არამედ გვაგრძნობინა რომ ხვალ და ზეგ ჩვენც იგივე მოგველის... 

     ბატონმა შალვამ ერთ ასეთი სწავლებაც დამიტოვაო - იხსენებდა მამა ისააკი - არ მესმის ადამიანების რომლებიც ამბობენ სიტყვას მიყვარდაო. ვერ ვიტან ამ სიტყვას და არც მესმის, თუკი ადამიანი ერთხელ შეგიყვარდა, ის როგორ აღარ უნდა გიყვარდესო, როგორ უნდა თქვა ვინმეზე - მიყვარდაო! 

     ეს სიტყვები მეც მომისმენია მისგან, მაგრამ ალბათ ასე ბევრი არ მიფიქრია როგორც მამაოს... მადლიანი სიტყვები გულს ისე ხვდებოდა, იმდენს გაგრძნობინებდა რომ არ შეგეძელო არ გაგხარებოდა - "დიდ ხარ შენ უფალო და საკვირველ არიან საქმენი შენი"! 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

კანონი ოჯახური ღირებულებებით და საუმცირესობოდ, ხელმომწერების მარში და პრემიერი სომხეთში

გამოაქვეყნა Giorgi_მ.
თარიღი: მარტი 25, 2024.
საათი: 11:32pm 0 კომენტარი

დღეს საქართველოს ეკლესიის ავტოკეფალიის აღდგენის დღეა. ცხადია, ამ საკითხზე ტრადიციული მილოცვები გავრცელდა. თუმცა დღის მთავარ თემად კვლავ პოლიტიკური ამბები ლიდერობდა და საარჩევნო წელს, არჩევნებისთვის მოფიქრებული და რედაქტირებული კანონები. გამორჩეული იყო ოჯახური ღირებულებებით წარმოდგენილი კანონპროექტი ლჯბთ თემის უფლებების შემცირებით, ასევე, საარჩევნო ბარიერები, უმცირესობათა დღესასწაულები და ა.შ. დღის მთავარი…

გაგრძელება

Qwelly World

free counters