დანომრილი კანდიდატები, საერთაშორისო მეგობრობა, უროუმინგო ევროპა, მართვა ქუჩებში და მიშა დაუკავებელი

      დღეები ითვლიან სექტემბერს და მერხები ელოდებიან მოსწავლეებს, თუმცა ვიდრე სწავლას მოწყურებული თაობა წიგნებს შეუდგება და ეროვნული სასწავლო გეგმის მიხედვით იხელმძღვანელებს, იქამდე, ქვეყნის მაღალრეიტინგული ნიუს პორტალები წერენ და წერენ. ჰოდა წავიკითხოთ:

საქართველოს და მსოფლიოს ამბები / 13 სექტემბერი, 2017/

      თუ არჩევნებზე მიდიხართ, მაშინ პირველი ნიუსი სათქვენოდ. უკვე განისაზღვრა, რომელ პარტიას და პარტიის წარმომადგენლეს, რა ნომერი ექნება ამ არჩევნებზე. ჯერ ვნახოთ წინასწარრეგისტრირებული ნომრები:

  • №1 - „მოძრაობა სახელმწიფო ხალხისთვის“
  • №2 - საარჩევნო ბლოკი “ბაქრაძე, უგულავა - ევროპული საქართველო“
  • №3 - ბლოკი „ლორთქიფანიძე, კუკავა-თავისუფალი საქართველო“
  • №5 - ბლოკი „ერთიანი ნაციონალური მოძრაობა“
  • №6 - „რესპუბლიკური პარტია“
  • №7 - „თამაზ მეჭიაური ერთიანი საქართველოსთვის“
  • №8 - „დავით თარხან-მოურავი, ირმა ინაშვილი - საქართველოს პატრიოტთა ალიანსი“
  • №10 - „შალვა ნათელაშვილი - საქართველოს ლეიბორისტული პარტია“
  • №12 - „საქართველოს კომუნისტური პარტია - სტალინელები“
  • №15 – „მშრომელთა სოციალისტური პარტია“
  • №17 – „საქართველო“
  • №22 – „მერაბ კოსტავას საზოგადოება“
  • №28 - „ზვიადის გზა უფლის სახელით“
  • №41 – „ქართული ოცნება - დემოკრატიული საქართველო“
  • №42 - საინიციატივო ჯგუფი - მერობის კანდიდატი ალექსანდრე ელისაშვილი

ხოლო შემდეგ, წილისყრით მინიჭებული ნომრები:

  • №4 – „გაერთიანებული დემოკრატიული მოძრაობა“ 
  • №9 - „მემარცხენე ალიანსი“
  • №11 – „ეროვნულ-დემოკრატიული მოძრაობა“
  • №13 - „ჯონდი ბაღათურია - ქართული დასი“
  • №14 – „საქართველოს ერთობისა და განვითარების პარტია“
  • №18 – „ტრადიციონალისტები“
  • №20 – „შენების მოძრაობა“
  • №23 – „ახალი ქრისტიან-დემოკრატები“
  • №27 - ბლოკი „გიორგი ვაშაძე-ერთობა ახალი საქართველო“
  • №29 – „ახალი მემარჯვენეები“
  • №31 – „თავისუფლება - ზვიად გამსახურდიას გზა“
  • №34 – „მამულიშვილთა ორდენი სამშობლო“
  • №37 - „სოციალისტური საქართველო - კომუნისტები“
  • №38 - ბლოკი „სახალხო-ხალხის ერთსულოვნება“
  • №39 – „პროგრესულ-დემოკრატიული მოძრაობა“

      ცხადია, სხვა საარჩევნო ამბებიც ამ ბლოკში უნდა იყოს. გრძელდება წარდგენებიც - გიორგი კვირიკაშვილმა აჭარაში მერობის კანდიდატები წარადგინა. გოგი წულაია - ქუთაისში წყალი წყალს მიაქვს და თან წაღებულია მილიონობით ლარი. ”ნაციონალური მოძრაობის” მაჟორიტარი დეპუტატობის კანდიდატები ზუგდიდის სოფლებში თხილის მოსავლის ზარალს შეისწავლიან. სახელმწიფო აუდიტის სამსახური ალექსანდრე ელისაშვილის და ”ნაციონალური მოძრაობის” საჩივრებს სწავლობს.

      წავალ მაგრამ საჯარო სექტორში დავრჩებიო. ამასთან, მივდივარ, მაგრამ უკვალოდ არაო - დავით ნარმანია - ბოლო წლებში ბევრი რამ გაკეთდა იმისთვის, რომ თბილისი პროგრესული, პერსპექტიული და საცხოვრებლად ჯანსაღი ქალაქი ყოფილიყო.

      არჩევნების ბლოკის შემდეგ, გავაგრძელოთ უფრო ზედა საფეხურზე დაჯილდოებებით - მაკკეინის ინსტიტუტის საერთაშორისო ლიდერობისათვის აღმასრულებელი დირექტორი კურტ ვოლკერი, საქართველოს პრეზიდენტმა გიორგი მარგველაშვილმა ოქროს საწმისის ორდენით დააჯილდოვა. გიორგი კვირიკაშვილი კურტ უოლკერს - თქვენ საუბრობთ მშვიდობიანი გზით ხელისუფლების შეცვლის შესახებ; უკაცრავად, მაგრამ მე ვერ ვუწოდებ 2012 წლის არჩევნებს და მთელ წინასაარჩევნო პროცესს მშვიდობიანს.

      კვირიკას სხვა გამოსვლებიც უნდა ვახსენთ - გიორგი კვირიკაშვილი - ჩვენი სასამართლო სისტემა გაუმჯობესებას მოითხოვს, თუმცა, ვვითარდებით იმ მდგომარეობიდან, რომელიც ხუთი წლის წინ მემკვიდრეობით გვერგო. საერთო სასამართლოების მოსამართლეთა სადისციპლინო კოლეგიის 2 წევრის ასარჩევი კონკურსი დღეს დაიწყო.

      კონსტიტუციის თემა არ უხვევს მეინსტრიმიდან - „ერთიან ნაციონალურ მოძრაობას“ კონსტიტუციის პროექტთან დაკავშირებით სამი ძირითადი წინადადება აქვს. გიგა ბოკერია - ირაკლი კობახიძემ შანსი ოპოზიციას კი არ უნდა მისცეს, შანსი უნდა მისცეს ნორმალური კონსტიტუციის მიღებას.

      მარშელი პატრიოტები არ ნებდებიან და გუშინ რუსთაველზე შეიკრიბნენ, მაგრამ ამაოდ - „ქართველთა მარშის“ აქციაზე ლადო სადღობელაშვილი დააკავეს. ადვოკატის ინფორმაციით, ლადო სადღობელაშვილი ნაცემია. ლადო სადღობელაშვილის საქმეზე სასამართლო დღეს იმსჯელა. ლადო სადღობელაშვილი - დაკავების დროს პატრულის მანქანში ჩემზე ფიზიკური ზეწოლა განხორციელდა, ნეკნის მიდამოებში ჩალურჯებები მაქვს.

      რუკაზე ჩვენი ადგილი და მისია გამოჩნდა - დავით საგანელიძე - საქართველოს სახით რუკაზე გაჩნდა ქვეყანა, რომელსაც თავისუფალი ვაჭრობის რეჟიმი მსოფლიოში წამყვანი ბაზრების მქონე ყველა სახელმწიფოსთან ექნება.

      საერთაშორისო მეგობრობებიდან - ქეთევან ციხელაშვილი - პრეზიდენტ დონალდ ტრამპის პირობებში აშშ-სთან თანამშრომლობამ ახალი, დამატებითი დინამიკა შეიძინა. დახმარების უნიკალური საშუალება - შეშფოთება გრძელდება - აშშ შეშფოთებულია ე.წ.სამხრეთ ოსეთში და აფხაზეთში გამშვები პუნქტების დახურვით და რუსეთს მოუწოდებს, ამ რეგიონებიდან თავისი სამხედროები გაიყვანოს. ქეთევან ციხელაშვილი - გადაუჭრელი კონფლიქტი არის რუსეთისთვის მთავარი ბერკეტი როგორც სამეზობლოში, ასევე მის მიღმა. ლევან იზორია ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილეს, ბრიჯიტ ბრინკს შეხვდა. ქეთევან ციხელაშვილი - აშშ-მ კიდევ ერთხელ დააფიქსირა, რომ მიუღებელია საქართველოს შუაგულში, საოკუპაციო ხაზთან ბარიკადების მშენებლობა.

      მართივს მოწმობის მსურველებო, განგაშია! იჩქარეთ - მართვის მოწმობის გამოცდის რეალურ მოძრაობაში ჩატარება 2018 წლის პირველი ნახევრიდან დაიწყება.

      შესაძლო კარგი ნიუსი - ევროკავშირი საქართველოსთვის როუმინგის ტარიფების გაუქმებას გეგმავს.

      დაკავებებში არის ხოლმე ერთგვარი იუმორი - გარემოს დამცველებმა ბაკურიანის სატყეო უბნის მაჭარწყლის სატყეოს ტერიტორიაზე, უკანონო სახერხი დანადგარი აღმოაჩინეს.

      ევროპისკენ გზაში ვარ და აზია გვაძლიერებს - აზიის განვითარების ბანკის წარმომადგენელი - ჩვენ მოხარული ვართ საქართველოს მთავრობასთან თანამშრომლობით.

      ინტერნეტი ყველგან - გიორგი კვირიკაშვილი - თუშეთში უკვე სწრაფი ინტერნეტი არსებობს, რაც მცირე სასტუმროებს დაეხმარება, თანამედროვე ტექნოლოგიების გამოყენება შეძლონ.

      მიშა დაუკავებელი (ჩემი ექსკლუზივია) - უკრაინის შსს - მიხეილ სააკაშვილის დასაკავებლად საკმარისი საფუძველი არ არის. სამაგიეროდ, ჩვენს ქვეყანაში პოლიტიკაში ჩაბმის მსურველ ლენიდ ჩერნოვეცკიზე ძებნაა გამოცხადებული. დავუბრუნდეთ ჩვენს ექს პრეზიდენტს - ადვოკატის განცხადებით, მან ზუსტად არ იცის, სად იმყოფება ამჟამად მიხეილ სააკაშვილი. მიხეილ სააკაშვილი დღეს ლვოვიდან ჩერნივციში გაემგზავრება.

საზღვარგარეთულები:

      რუსულ-სირიული შეხვედრა - რუსეთის თავდაცვის მინისტრი სირიის პრეზიდენტს ბაშარ ასადს შეხვდა.

      ბენიამინ ნეთანიაჰუ - ისრაელი მხარს უჭერს ქურთი ხალხის კანონიერ ძალისხმევას თავიანთი სახელმწიფოებრიობა შეიძინონ.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 160

ტეგები: qwellynews, ბლოგი, ნიუსები, სექტემბერი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

სააღდგომო ეპისტოლე 2021

გამოაქვეყნა ლაშა_მ.
თარიღი: მაისი 2, 2021.
საათი: 1:50pm 0 კომენტარი

      სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია II - ისა

      ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის ყოველნო წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამამულენო,

ეპისტოლე, პატრიარქის ეპისტოლე, პატრიარქის სააღდგომო ეპისტოლე, სააღდგომო ეპისტოლე 2021,Qwelly, ბლოგი, qwellynews

ქრისტე…

გაგრძელება

ვნებული და გამარჯვებული

გამოაქვეყნა ლაშა_მ.
თარიღი: აპრილი 30, 2021.
საათი: 11:40pm 0 კომენტარი

      ვნების სახარებებს მედავითნის გვერდით ვუსმენდი. ცნობისმოყვარეობა მძლევდა და შიგადაშიგ თვალს ვაპირებდი მისი საკითხავებისკენ და ოდესღაც ნასწავლი ხუცური ასოების მოხაზულობებს ვიხსენებდი და სიტყვების ამოკითხვას ვცდილობდი. ბოლო სამი სახარება იყო დარჩენილი. ამ დროს უკვე ის ეპიზოდები იკითხება, როდესაც მაცხოვარი ჯვარზეა გაკრული, ნაცემი, ნაწამები წყალს ითხოვს... „შენი სხეულის თითოეულმა ნაწილმა ივნო ჩვენთვის“ - ამოიკითხა მედავითნემ.…

გაგრძელება

ჯარის იუბილე და კანონებით ჯახი პარლამენტში

გამოაქვეყნა Giorgi_მ.
თარიღი: აპრილი 29, 2021.
საათი: 11:31pm 0 კომენტარი

      წინასააღდგომო ბოლო #qwellynews კვლავ საპარლამენტო კინკლაობას მიეძღვნება. კანონებით ომი დაიწყო პარლამენტში და მთავარმა გუნდმა კვლავ ახალი კანონი დაამტკიცა, რომელიც კრიტიკის და აშშ-ს საელჩოს შეშფოთების მიზეზიც გახდა. დღეს ასევე იუბილარია ქართული ჯარი და ის უკვე 30 წელს ითვლის. კოვიდპანდემია საქართველოში ასეთია - დადასტურებული შემთხვევა - 308834, ბოლო დღე-ღამეში - 1433, გამოჯანმრთელებული - 289976, ბოლო დღე-ღამეში - 1160,…

გაგრძელება

ამნისტიის კანონი და ჯანდაცვის საათი პარლამენტში

გამოაქვეყნა Giorgi_მ.
თარიღი: აპრილი 28, 2021.
საათი: 11:00pm 0 კომენტარი

      დღესაც ამნისტია აერთიანებდა ოპოზიციასა და პოზიციას და იგივე ამნისტია აპრობლემებდა ყველაფერს. ასევე დღეს, ჯანდაცვის მინისტრის საათი გამოვიდა პარლამენტში და მას უსმენდნენ. - კოვიდპანდემია საქართველოში ასეთია - დადასტურებული შემთხვევა - 307401, ბოლო დღე-ღამეში - 1551, გამოჯანმრთელებული - 288816, ბოლო დღე-ღამეში - 878, გარდაცვლილი - 4077, ბოლო დღე-ღამეში - 17; კარანტინის რეჟიმში - 221. სულ აცრილია - 41801, დღიურად აცრილია - 1706. დოლარის ფასი…

გაგრძელება

Qwelly World

free counters