მოვედით და მხიარულ იყვენით,
რამეთუ განმზადებულ არს ქორწილი!

      ცხრა წლის წინ ცრემლები იყო და ცხრა წლის შემდეგაც პირველი ემოცია ცრემლიანი გამოდგა, ასეთი ყოფილა კაცის ბუნება - სიცოცხლე უყვარს და გულს უფრთხილდება, ცრემლებზე კი არ დარდობს, თუნდაც ნიაღვრად იდინონ, ოღონდ გული კი მოიოხოს. არა, დღეს ტირილი არ შეიძლება, დღეს ქორწილია!

      არც ძველი ამბების მოსაყოლი წერილია და არც ახლის, ერთი იმიტომ რომ ახალი არაფერი მაქვს სათქმელი და მეორე იმიტომ, რომ აღარც შვენის მის არჩეულ გზას ბევრი საუბარი.

      როცა არაფერია განსაკურნავი, დროც არაფერს კურნავს და ეს სიბრძნის ბრახა-ბრუხიც აუფერულებს ზოგერ ემოციებს. გულწრფელობა მოითხოვს ვაღიარო, არ ყოფილა ადვილი - „ყოველმან, რომელმან დაუტევა სახლი გინა ძმანი ანუ დანი ანუ მამაჲ ანუ დედაჲ ანუ ცოლი ანუ შვილნი ანუ აგარაკნი სახელისა ჩემისათჳს, ას წილად მიიღოს და ცხორებაჲ საუკნოჲ დაიმკჳდროს“. ყოველ შემთხვევაში, აქ იმათზე არაფერი წერია, ვისაც ტოვებენ და ვისგანაც მიდიან. მათ განცდებზე არაფერს ამბობს წმინდა წერილი. გულწრფელობა იმასაც მოითხოვს, რომ ვაღიარო - არ შემიძლია იმას ვგრძნობდე, რასა გონება მეუბნება; ისე ვგრძნობდე, როგორც ვიცი რომ მართებულია, და ისე მესმოდეს მისი, როგორც მასწავლიდნენ. ცხრა წელი ცოტა არ უნდა ყოფილიყო შესამზადებლად, მაგრამ აკი უკვე დავწერე - გული და გონება აცდენილიათქო.

      მოკლედ, წინა ღია წერილში მონატრება იყო (მაინც მომენატრე ხომ ხედავ?!), ახლა მხოლოდ სურვილებია!

      გახსოვს 10 ქალწულიდან მხოლოდ ხუთი რომ გამოდგა გონიერი? ის ხუთნი სიძეს ელოდნენ, მხოლოდ მასზე ფიქრობნენ და ვიღაცისთვის ცოტა ცუდადაც კი მოიქცნენ - თავისიანებს არ გაუყვეს ზეთი. გისურვებ გონიერებას! უფალთან ყველა მხოლოდ ერთი-ერთზე რჩება და ქორწილში კი სწორედ გონიერებს ეპატიჟებიან. ეგეც არ იყოს, უკვე უთხარი მოძღვარს - „მნებავს განშორებაჲ სოფლისაგანო!“ ახლა შესრულება მოგიწევს.

26 აგვისტო, 2020 წელი, ატენის სიონი

      იმ წელს ღმრთისმშობლის ტაძრად მიყვანებას დავტოვეთ მონასტერში, ახლა ღმრთისმშობლის მიძინებას შეეგება ახალი კაცი, ახალი ადამი - მონაზონი შუშანიკი!

ცხონდი დედა-დედაო!

ნახვა: 133

ტეგები: Qwelly, ბლოგი, მონაზვნობა, წერილი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მოდა კორონას ხანაში

გამოაქვეყნა Tamila Moshiashvili_მ.
თარიღი: ოქტომბერი 24, 2020.
საათი: 10:59pm 0 კომენტარი

      იტალიური დიზაინი ანტიკური ხანიდან ცნობილი, პოპულარული და დაფასებულია. თანამედროვე სამყაროშიც ბევრი არაფერი შეცვლილა - იტალიური დეფილეები, მოდის კვირეულები, დიზაინერები და მოდელები მსოფლიოს მოდის სტანდარტს ქმნიან. ცნობილი ბრენდები მათ გარშემო ტრიალებს, მაგრამ კორონამ აქაც შეიტანა თავისი კვალი. დეფილე ძალიან განსახვავებულად და დისტანციის სრული დაცვით ჩატარდა - საუბარია მოსკინოს (Moschino) კოვიდ-დეფილეზე. წარმოიდგინეთ ამდენი ახალი…

გაგრძელება

ტერაქტიც საარჩევნოა, კოვიდიც, ავტობუსებიც და ყველაფერი არჩევნებს უტრიალებს

გამოაქვეყნა Giorgi_მ.
თარიღი: ოქტომბერი 23, 2020.
საათი: 11:28pm 0 კომენტარი

      საარჩევნოდ ტერორისტული ამბავი თუ ასეთ გამოხმაურებებს გამოიწვევდა და ამდენი დღე დარჩებოდა მეინსტრიმში, ბევრი ვერ წარმოიდგენდა ალბათ, მაგრამ ფაქტია ასე მოხდა. კორონა უკვე 1700 კაცს ითვლის ყოველდღიურად, უფრო ჩაშლილი კოვიდ ამბავი ასეთია - დღეის მდგომარეობით დადასტურებული შემთხვევა - 24562, გამოჯანმრთელებული - 9751, გარდაცვლილი - 183, კარანტინში - 4408. ლარის ამბავი - აშშ დოლარის ფასია 3.2202 ლარი.

საქართველოს და მსოფლიოს ამბები / 23…

გაგრძელება

ტერორისტი სამეგრელოში და არჩევნებამდე ერთ კვირაზე ცოტა მეტი

გამოაქვეყნა Giorgi_მ.
თარიღი: ოქტომბერი 22, 2020.
საათი: 10:30pm 2 კომენტარი

      რთული და დაძაბული იყო ზუგდიდის ტერორისტული აქტი - საქ. ბანკში შევარდნილმა 4 მილიონი ჩაიდო და წავიდა, მაგრამ ინტერნეტ სივრცეს დიდი ხანია ამდენი არცერთ თემაზე არ უხუმრია რაც გუშინდელმა ტერაქტმა გამოიმუშავა. დღის მთავარია ამბავი დღესაც ეს იყო, კორონა უკვე 1500-ზეა ასული და არჩევნებამდე 10-ზე ნაკლებ დღეში, მხოლოდ ურთიერთბრალდებებია დარჩენილი. ადგილობრივი კორონა რიცხვებში - დადასტურებული შემთხვევა - 22803, გამოჯანმრთელებული - 9401, გარდაცვლილი -…

გაგრძელება

დაკარგული სახეები

გამოაქვეყნა nunu qadagidze_მ.
თარიღი: ოქტომბერი 21, 2020.
საათი: 2:30pm 0 კომენტარი

      - მე ერთხელ ძალიან მაგრად გამიმართლა...

      ასეთი სიტყვები ანკესივითაა, აუცილებლად მიიპყრობს ყურადღებას. აბა, ვინ არ ოცნებობს ასეთ რამეზე? მეც ძალაუნებურად მივუგდე ყური. ვიღაც ჭაღარა მამაკაცი ყვებოდა თავის ამბავს, ხის მერხზე ჩამომჯდარი.

      - აეროპორტში ვიყავი, საქონელს ველოდებოდი. სტიუარდესა მყავდა ერთი შეგულებული. გამოაცხადეს, რეისი იგვიანებსო. მოსაცდელ დარბაზს მივაშურე, იქ მებუფეტესთან მქონდა რაღაც ანგარიშები…

გაგრძელება

Qwelly World

free counters