ალბათ თვეც გავიდა რაც ბოლოს ბლოგში რამე გამოვაქვეყნე. ზაფხული თავისებური უღონობით გამოირჩევა, მაგრამ ეგ თურმე აქ, დედამიწაზეა ასე. შორეულ სამყაროში მხოლოდ ახლა შეგვახედეს და ცხადია, გვერდს ვერ ავუვლიდი, უბრალოდ არ შემეძლო არ გამომექვეყნებინა და ლოგიკურად, ვერც სხვა რამეზე მექნებოდა პოსტი, გარდა იმ უზენაესი შემოქმედის საოცარ ქმნილებაზე რასაც სამყარო, კოსმოსი ჰქვია. ორშაბათს ნასას ტელესკოპმა სახელად „ჯეიმს ვებმა“ მთელი მსოფლიო აალაპარაკა იმ მაღალი რეზოლუციის, გარჩევაობის ფოტოებით, რომლებითაც პირველად გვაჩვენა სამყარო ასე სრულად და თვალწარმტაცად. ამერიკის პრეზიდენტმა, ჯო ბაიდენმა გამოამზეურა პირველი ფოტო და სიამაყით ამცნო მსოფლიოს მეცნიერების ახალი წარმატების, წინსვლის შესახებ.

      სულ ოთხი ფოტო გვაქვს ოფიციალურ ნასას გვერდზე და ერთიც გრაფიკული სქემა აირების განაწილების შესახებ. ცხადია, ყოველ ახალ ფოტოს ამ პოსტში განვაახლებთ ხოლმე.

1. სამყარო კოდით SMACS 0723

კოსმოსი, სამყარო, ქველი, ბლოგი, qwellyland, qwelly, nasa, ნასა, ჯეიმს ვების ფოტოები

      ნასას, ჯეიმს ვების კოსმოსურმა ტელესკოპმა გადაიღო შორეული სამყაროს ყველაზე ღრმა და მკვეთრი ინფრაწითელი გამოსახულება, რასაც კი უარსებია დღემდე. გამოსახულება ცნობილია როგორც Webb's First Deep Field, გალაქტიკათა გროვა კოდური სახელწოდებით SMACS 0723. ამ ერთ ფოტოში გალაქტიკების აურაცხელი რაოდეობაა მოჩანს. მათ შორის ყველაზე პატარა ობიექტებიც კი, რომლებიც ოდესმე აქამდე დაფიქსირებულა. საოცარი კი იცით რა არის? რასაც ამ ფოტოზე ხედავთ, ეს სამყაროს ის მცირე მონაკვეთია, რომელიც მთელს კოსმოსს, ერთი ხელისგულისოდენა ნაწილზე ფარავს.

2. სამხრეთის რგოლის (ბეჭდის) ნისლეული

კოსმოსი, სამყარო, ქველი, ბლოგი, qwellyland, qwelly, nasa, ნასა, ჯეიმს ვების ფოტოები

კოსმოსი, სამყარო, ქველი, ბლოგი, qwellyland, qwelly, nasa, ნასა, ჯეიმს ვების ფოტოები

      ამ სცენის ცენტრში მოკაშკაშე ვარსკვლავი უკვე ათასობით წელია რაც უხვად გასცემს გაზისა და მტვრის ნაფრქვევებს ყველა მიმართულებით (თურმე) და NASA-ს ჯეიმს ვების კოსმოსურმა ტელესკოპმა მხოლოდ ახლა, პირველად გამოავლინა, რომ ეს ვარსკვლავი მტვერით არის დაფარული. ორმა კამერამ გადაიღო ამ პლანეტარული ნისლეულის უახლესი სურათი, რომელიც კატალოგირებულია როგორც NGC 3132 და არაფორმალურად ცნობილია როგორც სამხრეთის რგოლის ნისლეული. ის ჩვენგან დაახლოებით 2500 სინათლის წლის მანძილზეა.

3. სტივენის კვინტეტი (პეგასის თანავარსკვლავედში)

კოსმოსი, სამყარო, ქველი, ბლოგი, qwellyland, qwelly, nasa, ნასა, ჯეიმს ვების ფოტოები

      ეს საოცრება კინომოყვარულებს უკვე გვინახავს. „მშვენიერი სიცოცხლე“ სწორედ ამ კადრით იწყება, როდესაც ადამიანთა ლოცვას შეისმენენ და ჯორჯ ბეილის დასახმარებლად ბჭობასაც მოაწყობენ. ღმერთი სწორედ ერთ-ერთი ვარსკვლავია და ანგელოზსაც ამ ვარსკლავიდან გზავნის - კვინტეტის წევრებიდან. ის ფილმი 1946 წელს გამოვიდა, ხოლო 2022 წელს ჯეიმს ვებმა გადაიღო მილიონობით მოკაშკაშე ვარსკვლავი რომელიც ამ კვინტეტში ყველაზე ჰარმონიულ მუსიკას - სამყაროს ქმნის.

4. კარინას ნისლეული

კოსმოსი, სამყარო, ქველი, ბლოგი, qwellyland, qwelly, nasa, ნასა, ჯეიმს ვების ფოტოები

      ბოლოსთვის შემოვიტოვე ყველაზე შთამბეჭდავი კადრი - ამ ფოტოზე კი ვარსკვლავების დაბადებას ხედავთ, პირდაპირი მნიშვნელობით. კარინას უზარმაზარი ნისლეულის ამ უბანზე, ჯეიმს ვების ტელესკოპმა სწორედ ის ეპიზოდი დააფიქსირა, როგორ იბადება პატარ-პატარა ვარსკვლავები. ამ მთის ფორმის ფართო ველზე სამყაროს არაერთი მშვენიერება დაბადებულა.

P.S. ფოტოები აღებულია ნასას ოფიციალური ვებ გვერდიდან უმაღლესი რეზოლუციით.

ნახვა: 39

ტეგები: Qwelly, qwellyverse, ბლოგი, კოსმოსი, ნასა, ჯეიმს_ვები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

A variety of online games attempt to take over your life

გამოაქვეყნა MacMillanwu_მ.
თარიღი: სექტემბერი 29, 2022.
საათი: 12:00pm 0 კომენტარი

While you're making your way to Lumbridge and begin to explore the town, all of the stage-playing addicts could be your in the future. It's intoxicating. "More than the other games I've played, the avatar is me - it's an amalgamation from the entire that I've accomplished in and is important to us gamers."

A variety of online games attempt to take over your life, but RuneScape is the maximum sincere about it. The magic isn't the quests or stories. If people talk about the…

გაგრძელება

ლუკაშენკოს ხავერდოვანი სეზონი და სამასპინძლო აქციები ლარსთან

გამოაქვეყნა Giorgi_მ.
თარიღი: სექტემბერი 28, 2022.
საათი: 11:30pm 0 კომენტარი

      გუშინ რომ სოხუმის დაცემა გაიხსენეს, დღეს ბელარუსის პრეზიდენტი სწორედ აფხაზეთში ჩავიდა ოფიციალური ვიზიტით და დაარღვია საქართველოს სახელმწიფოს კანონი. აქამდე ჯერ კიდევ მეგობართა სიაში იმყოფებოდა ოფიციალურ დონეზე მაინც. დღეს ასევე აქციები მოეწყო ლარსთან და ხოშტარიას დროამ „მასპინძლობა“ გაუწია რუსეთიდან გამოქცეულებს, რომლებაც რატომღაც დეზერტირებს ეძახიან ანუ ჯობდა ეომათ?! დღის მთავარ ამბებში კვლავ ომბუდსმენიც ფიგურირებს და კალაძის თბილისიც. დღეს…

გაგრძელება

სოხუმის დაცემის დღეს რუსების შემოსვლის აქტუალობა

გამოაქვეყნა Giorgi_მ.
თარიღი: სექტემბერი 27, 2022.
საათი: 11:30pm 0 კომენტარი

      რუსეთში გამოცხადებული სამხედრო მობილიზაცია არის მეინსტრიმული მთავარი თემა საქართველოშიც, რადგან ბოლო დღეებია ვრცელდება კადრები კილომეტრიანი რიგების და საცობების ჩვენს ჩრდილოელ მეზობელ-მტერთან - გამორბიან და გამორბიან ომს განრიდებული რუსები და ახლა აქ მთავარი თემა ისაა, უნდა მივიღოთ თუ საზღვარი ჩავუკეტოთ. დღეს ასევე სოხუმის დაცემის დღეა და როგორც სექტემბრის ყოველ მიწურულს, დღესაც კადრები, მოგონებები, ყვავილები და გახსენებები ისმოდა-იკითხებოდა…

გაგრძელება

ჰიჯაბის ბუნტი

გამოაქვეყნა Tamila Moshiashvili_მ.
თარიღი: სექტემბერი 25, 2022.
საათი: 10:13pm 0 კომენტარი

      ბოლო კვირაა ირანში არეულობებია - ბუნტი, რევოლუციის, გადადგომის მოთხოვნები და ა.შ. ყველაფერი კი მას შემდეგ დაიწყო, რაც ირანის მორალის პოლიციამ მაჰსა ამინი ჰიჯაბის არასწორად ტარების გამო დააპატიმრა, შემდეგ კი ამინი გარდაიცვალა. ამას მთელი ირანის მასშტაბით აქციები მოჰყვა. აქციების მონაწილეები ჰიჯაბებს წვავენ და ყვირიან: „სიკვდილი დიქტატორს!“ ამ ფონზე ინტერნეტში არაერთი ფოტო კოლაჟი მომზადდა, სადაც ქალების ფოტოებს წარწერა აქვთ - ქალები ირანში…

გაგრძელება

Qwelly World

free counters