მაისის მიწურულს, ცოტა მზემაც გამოანათა და ქვეყნის დღის ნიუსებიც უფრო გამოცოცხლდნენ ან გამოცხელდნენ.

საქართველოს და მსოფლიოს ამბები /30 მაისი, 2017/

      არ წყდება საუბრები ეგრედწოდებული ციანიდის საქმის და შეიძლება უკვე თამამად ითქვას, ციანიდის სკანდალის გარშემო. დღეს დეკანოზ მამალაძს სასამრთლო გაიმართა, სადაც მამაომ ძველი ადვოკატების დატოვებაც ითხოვა და მოსამართლე დაეთანხმა და სახაზინო ადვოკატებზეც არ თქვა უარი. მომდევნო სხდომა კი 9 ივნისს იქნება. მამაოს სასამრთლოს ამბავი ამით სრულდება, მაგრამ საპატრიარქოს იურისტის განცხადებები პატრიარქის შესაძლო მკლელების შესახებ, მართლაც ხმაურიანი აღმოჩნდა. შეგახსენებთ, ედიშერ ქარჩავამ მეუფე პეტრეს ბრალი დასდო პატრიარქის მკვლელობის სურვილში. დეკანოზი კახაბერ გოგოტიშვილმა გუშინვე განაცხადა ამის პასუხად, რომ ბატონმა ედიშერმა საბუთი უნდა წარმოადგინოს... ვიღაცამ მითხრა, სადღაც თქვეს და ყურში ჩამჩურჩულეს, არგუმენტად არ მიიღება. ჯარჯი წიკლაური, პროკურატურიდან, საპატრიარქოს იურისტის განცხადებაზე - გამოძიება ჩატარდება ყველა შესაძლო ვერსიის გადამოწმების კუთხით. პროკურორსვე განცხადებიდან - იმედია, ადვოკატები ბრალდებულის ყოველ მოწოდებაზე არ დატოვებენ სასამართლო სხდომებს და არ გააჭიანურებენ განხილვებს.

      50 მილიონის საქმე, ესეც საპატრიარქოს უკავშირდება, მამალაძის ადვოკატი მიხეილ რამიშვილი აცხადებს, რომ გრანტების მოძიებაზე ხელშეკრულება დეკანოზმა გიორგი მამალაძემ პატრიარქის მიერ გაცემული მინდობილობით გააფორმა. უჩა ნანუაშვილი ფიქრობდა, ე.წ. ციანიდის საქმის სასამართლო განხილვას დაესწრებოდა, მაგრამ მოსამართლემ უარი განუცხადა.

      სახელმწიფო აუდიტის სამსახური - საბიუჯეტო ორგანიზაციების მიერ განხორციელებული შესყიდვები ხარვეზებით ხასიათდება. გარკვეულ შემთხვევებში ადგილი აქვს პრემიის და დანამატის თანამდებობრივ სარგოზე მეტი ოდენობითა და დაწესებულ ლიმიტზე მეტი სიხშირით გაცემას. რიგ სახელმწიფო უწყებებში, ბალანსზე აღრიცხულია ისეთი ავტოსატრანსპორტო საშუალებები, რომელთა გამოყენება მთელი წელი არ მომხდარა. საქართველოს სახელმწიფო ვალის აღრიცხვის არსებული პრაქტიკა არ შეესაბამება საერთაშორისოდ აღიარებულ მოთხოვნებს. საგარეო საკრედიტო რესურსით დაფინანსებული გარკვეული პროექტების ფარგლებში შეფერხებებით ხორციელდებოდა დაგეგმილი თანხების ხარჯვა.

      კონსტიტუციაში რა ხდება და, არჩილ თალაკვაძე საკონსტიტუციო ცვლილებების პროექტის განხილვის პროცესში მაჟორიტარული სისტემის შენარჩუნებაზე მსჯელობას არ გამორიცხავს.

      სააპელაციოს თავმჯდომარის არჩევის ამბავზე, პრეზიდენტის საპარლამენტო მდივანს აზრი ჰკითხეს: „ფაქტია, რომ სისტემა, რომელიც დღეს მუშაობს, აძლევს საშუალებას რამდენიმე ადამიანს, შეითავსოს უამრავი თანამდებობა, გადაწყვეტილება მიიღოს საზოგადოების მონაწილეობის, ჩართულობის გარეშე“ - ანა დოლიძემ იუსტიციის უმაღლესი საბჭოს მიერ სააპელაციო სასამართლოს თავმჯდომარედ მიხეილ ჩინჩალაძის დანიშვნასთან დაკავშირებით განაცხადა. „თვითონ მოსამართლეებს უნდა მიეღოთ გადაწყვეტილება, ვინ იქნებოდა მათი ლიდერი“, იქვე დასძენს ანა. ისევ ანა დოლიძე - ევროპის საბჭოს აქვს საკმაოდ მაღალგანვითარებული კრიტერიუმები, როგორი უნდა იყოს ეროვნული კონკურსი - გამჭვირვალე, სამართლიანი და არა დისკრიმინაციული. იუსტიციის უმაღლესი საბჭოს წევრად და დამოუკიდებელ ინსპექტორად ასარჩევად არანაკლებ 5 წლის გამოცდილება იქნება საკმარისი.

      აქვე, იუსტიციის უმაღლესი საბჭოს თემის გარშემო, არასამთავრობო სექტორმა იუსტიციის უმაღლესი საბჭოს მონიტორინგის ყოველწლიური ანგარიში პროტესტის ნიშნად არ წარადგინა, რაზეც ნინო გვენეტაძემ მიუგო - პრობლემები ნამდვილად გაგვაჩნია, მაგრამ პრობლემების დაძლევას სჭირდება დრო.

      მოსამართლეების თემა: სოფიო კილაძე - „ევრსასამართლოს მოსამართლეობის კანდიდატების შეფასებისას ძირითადი კრიტერიუმები იყო პროფესიონალიზმი და მაღალი მორალური ღირებულებები“. არანაკლებ 3-წლიანი სამოსამართლეო გამოცდილების მქონე მოსამართლეები, უვადოდ დანიშვნამდე, გამოსაცდელი ვადით აღარ დაინიშნებიან.

      ნატოში ისევ გველიან ან გველოდებიან თუ როგორც არის, როუზ გოტმიოლერი ამბობს, რომ ნატო განაგრძობს საქართველოს, როგორც განსაკუთრებული ასპირანტი ქვეყნის, მხარდაჭერას. ლევან იზორია - ჩვენი საბოლოო მიზანია საქართველო გახდეს ნატო-ს სრულუფლებიანი წევრი.

      საქართველოს პოლონეთის პრეზიდენტი ანდჟეი დუდა ეწვია, გიორგი აბაშიშვილი სტუმრობის მიზეზებსა თუ თემებზე საუბრობს: „პოლონეთის პრეზიდენტის ვიზიტისას საუბრის ძირითადი თემები შეეხება საქართველოს შემდგომ სვლას ევროინტეგრაციის გზაზე“. განათლების მინისტრიც ეხმაურება ამ თემას, ალექსანდრე ჯეჯელავა - პოლონეთის პრეზიდენტის ვიზიტი არის საქართველოს პოლიტიკური მხარდაჭერის კიდევ ერთი დადასტურება.

      ქართულ შეიარაღებაში არსებულ საბჭოთა წარმოების ტყვიამფრქვევს PKM ამერიკული ანალოგი M-240 ჩაანაცვლებს და დღეს უკვე მოაწყვეს ტესტირება, კრწანისში. ტყვიამფრქვევის შესაძლებლობების დემონსტრირებას ლევან იზორია და იან კელი დაესწრნენ.

      ჩვენი პრეზიდენტი, გიორგი მარგველაშვილი - ქართველ და უკრაინელ ხალხის საერთო საფრთხეებზე საუბრობს. არ მოვწყდეთ პრეზიდენტს, ქალთა მიმართ ჩადენილი დანაშაულებისა და შვილად აყვანასთან დაკავშირებულ კანონებს პრეზიდენტმა ხელი მოაწერა.

      ემანუელ მაკრონმა რუსული საინფორმაციო საშუალებები Russia Today და Sputnik გააკრიტიკა. რუსეთის პრეზიდენტი კი ჟურნალისტებს სთხოვს, მსოფლიო ეკონომიკაში არსებული შეზღუდვების მოხსნისთვის იბრძოლონ. სიტყვა პასუხის რეჟიმში არ გეგონოთ, მაგრამ ისევ მაკრონი: მსოფლიოში მნიშვნელოვანი პრობლემის მოგვარება რუსეთის მონაწილეობის გარეშე შეუძლებელია.

      საქსტატი - 2017 წლის პირველი ოთხი თვის საშუალო ეკონომიკურმა ზრდამ 4,2 % შეადგინა. რა ამის პასუხია და, ჩვენს ეკონომიკას, ამჯერად მინისტროს მოადგილე გამოეთიშა - ქეთევან ბოჭორიშვილმა თანამდებობა დატოვა.

      მოლდოვა რუსეთუმეობაშიც წინ მიიწევს - მოლდოვაში ხუთი რუსი დიპლომატი „პერსონა ნონ გრატად“ გამოაცხადეს. მოლდოვას პრეზიდენტი მისი ქვეყნიდან რუსი დიპლომატების გაძევების ფაქტს გმობს.

      ირმა ინაშვილი მიწების საქმით გამოცოცხლდა დღის ამბებში: „მიწების აზიური წარმოშობის პირებზე გასხვისება ზრდის ალბათობას, რომ ეს მიწები ტერორისტული საქმიანობისთვის იქნას გამოყენებული“.

      ოსური მედია გვიტევს - ოსური მედია და ადგილობრივი „ხელისუფლება“ ახალგორში ქართველი სასულიერო პირების, მათ შორის მეუფე ისაიას მსახურებას არაკანონიერად და დაუშვებლად მიიჩნევენ.

      საფრანგეთის მაკრონიზაცია პარლამენტში შეაღწევს: გამოკითხვის თანახმად, საფრანგეთის საპარლამენტო არჩევნების პირველ ტურში პრეზიდენტ ემანუელ მაკრონის მოძრაობა ლიდერობს.

      „რომპეტროლ საქართველოს“ მფლობელი ჯგუფის, “KMG International”-ის გენერალური დირექტორი საერთაშორისო ძალოსნობის ფედერაციის ვიცე-პრეზიდენტად აირჩიეს.

      მხრებზე პრობლემა გვაქვს როგორც ჩანს, კიდევ ერთი მხარდაჭერა - ამჯერად ამერიკისგან - მაიკლ ტერნერი - ჩვენ მყარად ვდგავართ საქართველოს გვერდით.

      ოკუპირებულ ტერიტორიებზე რუსეთის უკანონო ქმედებების საკითხზე პარლამენტმა შესაძლოა რეზოლუცია მიიღოს, ჯერ კარგად არ გადაუწყვეტიათ.

      “თავისუფალი საქართველო” კონსტიტუციური პროექტის საჯარო განხილვაში მიიღებს მონაწილეობას.

      პროკურატურის მუშაკთა ქცევის მარეგულირებელი ეთიკის ახალი კოდექსი კანონიერ ძალაში შევიდა.

      ბაღდადში მოხდარ ტერაქტზე პასუხისმგებლობა „ისლამურმა სახელმწიფომ“ აიღო.

      ალეკო ელისაშვილი - გარევაჭრობას ძალიან ბრიყვულად ვებრძვით.

      შსს-მ განსაკუთრებით დიდი ოდენობით ნარკოტიკი ამოიღო.

      საბურთალოზე, მშენებარე კორპუსიდან მამაკაცი გადმოვარდა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 123

ტეგები: qwellynews, ბლოგი, მაისი, ნიუსები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კაპიტოლიუმის დაცვა

გამოაქვეყნა Tamila Moshiashvili_მ.
თარიღი: იანვარი 17, 2021.
საათი: 6:46pm 1 კომენტარი

      უკვე დიდი ხანია, ამერიკას ასეთი რამ არ უნახავსო, ასეთი სირცხვილი არ უგემია და ასეთი უსუსური არ ყოფილაო - ასეთი შეფასებები ისმოდა ტრამპის მხარდამჭერების კაპიტოლიუმში შეჭრის შეფასებებში. ეს ამბავი, მართლაც იანვრის მთავარი ნიუსი იყო და სულ მალე, შეჭრილი „აჭრილები“ მსოფლიოს ვირუსულად მოედნენ, გაპოპულარულდნენ და გავარსკვლავდნენ.…

გაგრძელება

შეცვალე შენი ცხოვრება - გაუხსენი გზა პირად განვითარებას

გამოაქვეყნა EFTcheat_მ.
თარიღი: იანვარი 15, 2021.
საათი: 2:30pm 0 კომენტარი





Sometimes we reach a point in our life whenever we are ready for change and self improvement. Items aren't going so well for all of us, or painful or disappointing events seem to be to keep repeating themselves in our lives. You know very well what I mean; such things as continually choosing the wrong partner or the wrong job, or maybe it's just the feeling you are stuck in a rut with absolutely nothing exciting to look forward to on the horizon. A person start to think, "I need…

გაგრძელება

რელიგიური არეულობა ჩოხატაურში და საპარლამენტო მანდატები

გამოაქვეყნა Giorgi_მ.
თარიღი: იანვარი 14, 2021.
საათი: 10:24pm 0 კომენტარი

      როცა ქვეყანას ორი ახალი წელი აქვს ნაბახუსევი უფრო დიდხანს გრძელდება და დღის ამბები ცოტა უინტერესო ხდება. დღეს ზეიმის დღე იყო მრავალი მიმართულებით - ბასილი დიდი ხსენების დღე, დროშის დღე, თეატრის დღე და ბითლზის დღეც კი. ჩოხატაურში კი რელიგიური არეულობაა. რაც შეეხება კორონავირუსს - დადასტურებული შემთხვევა - 244612, გუშინ დილის შემდეგ - 1357; გამოჯანმრთელებული - 228359, გუშინ დილის შემდეგ - 748; გარდაცვლილი - 2867, გუშინ დილის შემდეგ - 21;…

გაგრძელება

ეპისტოლე, დანატოვარი და პროკურატურის ანგარიში - ხელოვნური ინტელექტი გამოძიებაში

გამოაქვეყნა Giorgi_მ.
თარიღი: იანვარი 12, 2021.
საათი: 11:00pm 0 კომენტარი

      როცა მრავალთათვის მთავარი პიროვნება ხარ სამმართველოში, წასვლა და მოსვლა მარტივი არ არის. ბიძინას წავსლის მეორე სერია, წასვლიდან მეორე დღესაც აქტუალური იყო, დატოვებული კობახიძეც კი მრავალთა განხილის მიზეზი გახდა. დღეს აქტუალური იყო პროკურატურაც და მთავარი პროკურორი შოთაძეც. რაც შეეხება ვირუსს - დადასტურებული შემთხვევა - 241637, გუშინ დილის შემდეგ - 1857; გამოჯანმრთელებული - 227208, ბოლო 24 საათში - 993; გარდაცვლილი - 2820, გუშინ დილის შემდეგ -…

გაგრძელება

Qwelly World

free counters