რეზოლუცია მკვლელობაზე, ქალების ჩაგვრა გაეროს კვლევაში, წინმჯდომის არჩევნები და ევროპაში შელახული ქართული რეპუტაცია

      მარტის მოღრუბლული, ცივი და მარტისთვის დამახასიათებლად არეული ამინდების ფონზე, რამდენიმე მნიშვნელოვანი ამბავი მაინც იყო დღის სიახლეებში. მაგალითად, პირველ ადგილზე კვლავ ტატუნაშვილის გადმოსვენების საქმეა, რომელშიც უკვე საპატრიარქოც ჩაერთო, შემდეგი მსხვილი თემაა ვიზალიბერალიზაციის შედეგები და გაფუჭებული რეპუტაცია, ამასვე მოსდევს აქტუალურობით გაეროს კვლევა ქალებზე ძალადობის შესახებ. მოკლედ,

საქართველოს და მსოფლიოს ამბები / 6 მარტი, 2018 /

      ტატუნაშვილის გადმოსვენების საქმე - მამუკა მდინარაძე არ გამორიცხავს, რომ არჩილ ტატუნაშვილის საქმეზე უმრავლესობისა და უმცირესობის რეზოლუციები ერთ დოკუმენტად ჩამოყალიბდეს. ქეთევან ციხელაშვილი - საქართველოს მთავრობის სამშვიდობო კურსი არის თანმიმდევრული და ურყევი. ფილიპ ხაჩიროვი - ტატუნაშვილის სიკვდილის მიზეზად გულის უკმარისობა დასახელდა - რომ მჯეროდეს ამ ვერსიის, გეტყოდით კი, რომ არ მჯეროდეს, გიპასუხებდით - არა. პრემიერი - მეგობრები, რომლებიც კომუნიკაციაში არიან ჩართული, გვიდასტურებენ, რომ კვირის ბოლოს არ უნდა გადაცდეს არჩილ ტატუნაშვილის ცხედრის გადმოსვენება. Amnesty International - რუსეთმა და ცხინვალის დე ფაქტო ხელისუფლებამ ტატუნაშვილის სიკვდილთან დაკავშირებით, სწრაფი და მიუკერძოებელი გამოძიება უნდა უზრუნველყოს. ეკა ბესელია ტატუნაშვილთან დაკავშირებულ რეზოლუციაზე - მთავარია, დოკუმენტს ჰქონდეს არამხოლოდ შეფასების შინაარსი, არამედ მკვეთრი ეფექტი. იან კელი - მე კიდევ ერთხელ მოვუწოდებ მოსკოვს და ცხინვალს, გაათავისუფლონ ორი დაკავებული და დააბრუნონ გარდაცვლილი არჩილ ტატუნაშვილის ცხედარი. გიორგი გახარია - იმედი გვაქვს, რომ არჩილ ტატუნაშვილის ცხედრის გადმოსვენების საკითხი გონივრულ ვადებში გადაწყდება. ნილ სკოტი - ყოველ წუთს ველოდებით, რომ ტატუნაშვილის ცხედრის ოჯახისთვის გადაცემა მოხდება. თამარ ჩუგოშვილი არ გამორიცხავს, რომ არჩილ ტატუნაშვილთან დაკავშირებულ უმრავლესობის რეზოლუციაში, ოპოზიციის დასმული საკითხებიც აისახოს. „ნაცმოძრაობა“ ტატუნაშვილთან დაკავშირებულ რეზოლუციაში რუსეთისთვის სანქციების დაწესებაზე კონსულტაციების დაწყებას და კიდევ რამდენიმე წინადადების გათვალისწინებას მოითხოვს. დავით ბაქრაძე - ტატუნაშვილის მკვლელობა და ოკუპირებულ ტერიტორიებზე მიმდინარე მოვლენები პარტიული თემა არ არის, ეს ის საკითხია, რომელსაც სახელმწიფომ ღირსეული პასუხი უნდა გასცეს. არჩილ თალაკვაძე - უმრავლესობის მიზანია ტატუნაშვილთან დაკავშირებით პარლამენტმა ერთიანი, ძლიერი რეზოლუცია მიიღოს. ირაკლი კობახიძე - იმედი მაქვს, რომ შევჯერდებით ოპოზიციასთან და არჩილ ტატუნაშვილის საკითხთან დაკავშირებით ერთიანი რეზოლუციის მიღება შესაძლებელი იქნება. პასკალ მენიე - დე ფაქტო ხელისუფლებას მოვუწოდეთ, ნათელი მოჰფინონ იმ გარემოებებს, რომელმაც ტატუნაშვილის გარდაცვალება გამოიწვია. საქართველოს პატრიარქმა არჩილ ტატუნაშვილის საქმეზე რუსეთის პატრიარქისგან საპასუხო წერილი მიიღო: თქვენი წერილის მიღებისთანავე დაუყოვნებლივ იქნა მიღებული მოცემული სიტუაციისთვის ყველა შესაძლო ზომა. ადგილობრივმა ხელისუფლებამ აღგვითქვა, რომ, როგორც კი მიიღებენ გამოძიების ფარგლებში ჩატარებული კრიმინალური ექსპერტიზის მონაცემებს, ცხედარს უმოკლეს ვადაში დააბრუნებენ. ა. ტატუნაშვილის ქართული მხარისთვის გადმოცემა იგეგმება წითელი ჯვრის საერთაშორისო კომიტეტის თანადგომით. ცხინვალში აქციის მონაწილეები მოითხოვენ, არჩილ ტატუნაშვილის ცხედარი ოჯახს არ გადასცენ. არჩილ თალაკვაძე - იმედი მაქვს, მოვამზადებთ რეზოლუციის პროექტს, რომელიც გამოხატავს ერთიან ძლიერ პასუხს არჩილ ტატუნაშვილის სიცოცხლის ხელყოფასთან დაკავშირებით.

      შუალედური არჩევნები - გიგი უგულავა - გივი ჭიჭინაძეს იცნობენ, როგორც კარგ მომღერალს - თუ ის იქნება ვანისა და ხონის მაჟორიტარობის კანდიდატი, დადასტურდება, რომ „ქართულ ოცნებას“ რესურსი არ აქვს.

      ქალაქის მართვა - ბოლო ორ თვეში, თბილისის მერიის ზედამხედველობის სამსახურმა დარღვევის გამო მშენებლობა 46 ობიექტზე შეაჩერა. კახა კალაძე - ნებართვის გარეშე მშენებლობები სერიოზული პრობლემაა და ჩვენ ამას დავასრულებთ. კახა კალაძე - უახლოეს მომავალში გენგეგმასთან დაკავშირებით საზოგადოებას ჩვენს მოსაზრებებს გავაცნობთ.

      კვლევის შედეგები - კვლევა - საქართველოში გამოკითხული ქალების 22%-ს და კაცების 31%-ს მიაჩნია, რომ ცოლის ცემა გარკვეულ გარემოებებში გამართლებულია. ქალთა მიმართ და ოჯახში ძალადობის მიმართულებით რეგულაციები მკაცრდება. გიორგი გახარია - ბოლო წლების განმავლობაში, უფრო მეტი ქალი მიმართავს სამართალდამცავ ორგანოებს მათი ინტერესების. ერიკა კვაპილოვა - 50%-ით შემცირდა იმ ქალების რაოდენობა, ვინც მიიჩნევდა, რომ ქალთა მიმართ ძალადობა და ოჯახში ძალადობა მათი პირადი საქმეა. კვლევის თანახმად, საქართველოში დაახლოებით 15 000 ქალი, ორსულობის პერიოდში ფიზიკური ძალადობის მსხვერპლი გახდა. გამოკითხული ქალების 12% ეთანხმება მოსაზრებას, რომ ქალმა უნდა მოითმინოს ძალადობა, რათა ოჯახი შეინარჩუნოს.

      ბუნება და ფაროსანა - გარემოს ეროვნული სააგენტო - დასავლეთ საქართველოს მდინარეებზე, განსაკუთრებით რიონის აუზში, წყლის დონემ მნიშვნელოვნად მოიმატა. გარემოს დაცვისა და სოფლის მეურნეობის სამინისტრო - ამერიკელმა მეცნიერებმა ფაროსანასთან ბრძოლის სახელმწიფო გეგმა მოიწონეს.

      მოახლოვებული საპრეზიდენტო არჩევნები - გია ხუხაშვილი - თუ პრეზიდენტობის ქალ კანდიდატზე ვსაუბრობთ, წულუკიანზე და ზურაბიშვილზე მეტი შანსები ენძელა მაჭავარიანს აქვს. გიგი უგულავა - თუ საპრეზიდენტო არჩევნებზე ერთიანი კანდიდატი გვინდა, ფონი უნდა იყოს შესაბამისი, სამწუხაროდ „ნაციონალური მოძრაობიდან“ დესტრუქციული ტონი მოდის. ირაკლი კობახიძე - საპრეზიდენტო კანდიდატთან დაკავშირებით გუნდში კონსულტაციები აქტიურ ფაზაში არ არის შესული და კონკრეტულ კანდიდატებზე საუბარი ნაადრევია.

      ქართველები საზღვარგარეთ - გიორგი კვირიკაშვილი - ჩვენი თანამოქალაქეები სხვადასხვა გვარით მიდიან ევროკავშირის ქვეყნებში და სამწუხაროდ, ჩადიან დანაშაულს, ამიტომ ვართულებთ პროცედურას. გერმანიის საელჩო - მხოლოდ იანვარში გერმანიაში თავშესაფარი საქართველოს 700-ზე მეტმა მოქალაქემ მოითხოვა და მათგან თითქმის 100%-მა უარი მიიღო. გერმანიის საელჩო - გერმანია, შენგენის ზონაში რამდენიმე წლით შესვლას აუკრძალავს იმ პირებს, რომლებსაც თავშესაფარზე უარი ეთქვათ. ეკა ბესელიას განცხადებით, საერთაშორისო ფორმატებში საქართველოს მუდმივი დიალოგი აქვს ყველა ქვეყანასთან, რათა შენარჩუნდეს უვიზო მიმოსვლის რეჟიმი. თამარ ჩუგოშვილი - მოქალაქეებმა უვიზოდ მიმოსვლის შეთანხმების ბოროტად გამოყენება უნდა შეწყვიტონ. შს მინისტრი - უვიზო რეჟიმის შეჩერების მექანიზმის ამოქმედების საკითხი არ დგას. ირაკლი კობახიძე - ვიზალიბერალიზაცია ჩვენთვის არის როგორც პრივილეგია, ასევე პასუხისმგებლობა და ეს სათანადოდ უნდა გავიაზროთ. მოქალაქეებს, რომლებმაც უვიზო მიმოსვლის ამოქმედებამდე გვარი ერთხელ უკვე შეიცვალეს, მისი ხელმეორედ შეცვლის შესაძლებლობა აღარ ექნებათ. გერმანიის შს ფედერალური სამინისტროს წარმომადგენელი - საქართველო დაცული ქვეყანაა და ამ ქვეყნიდან თავშესაფრის მთხოვნელებს სამშობლოში დააბრუნებენ. საფრანგეთის ელჩი - საქართველოს იმ მოქალაქეების სამარცხვინო საქციელის გამო, რომლებიც კრიმინალს ჩადიან, არ გვინდა დავსაჯოთ ღირსეული ადამიანები.

      ოლიმპიადა ჩვენთან - 2030 წელს ზამთრის ოლიმპიადის ჩატარების პერსპექტივის შესწავლის მიზნით, საქართველოში საერთაშორისო ოლიმპიური კომიტეტის ექსპერტები ჩამოვიდნენ.

      წითელას ეპიდემია - წითელას გავრცელების მხრივ, კლების მცირე ტენდენცია აღინიშნება, თუმცა სპეციალისტები აცრების ჩატარებას კვლავ მნიშვნელოვანად მიიჩნევენ.

      ღვინის ჯილდოდ - საკურა - შვიდმა ქართულმა ღვინომ იაპონიაში „საკურას“ კონკურსის ჯილდოები დაიმსახურა

საზღვარგარეთულები:

      რასიზმი - The Independent - სამხრეთ აფრიკის რესპუბლიკის პარლამენტმა თეთრკანიანი ფერმერებისთვის კომპენსაციის გადახდის გარეშე მიწის წართმევას მხარი დაუჭირა

      აღმოსავლეთის მსხვილი ამბები - მაიკ პენსი - აშშ ირანს არასდროს მისცემს უფლებას, რომ ბირთვული იარაღი შექმნას. იენს სტოლტენბერგი - ნატო-ს ჯარები ერაყში დარჩება და ბაღდადის თხოვნის შესაბამისად, შეიარაღებული ძალების მხარდაჭერას გააგრძელებს. ნიკი ჰეილი - გაერო-ში ისრაელს ჩაგრავენ. შრი-ლანკას ხელისუფლებამ კანდის რაიონში ბუდისტებსა და მუსლიმებს შორის შეტაკებების გამო 10 დღით ქვეყნის მთელ ტერიტორიაზე საგანგებო მდგომარეობა გამოაცხადა. Fox News - ჩრდილოეთ კორეა თანახმაა, არ გამოიყენოს ბირთვული იარაღი სამხრეთ კორეის წინააღმდეგ და გამართოს მოლაპარაკებები აშშ-სთან.

      ვიყიდით სარაკეტო დანადგარებსო, თურქეთმა - რეჯეფ თაიფ ერდოღანი - თურქეთი უარს არ იტყვის რუსეთისგან საზენიტო-სარაკეტო სისტემების შეძენაზე.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 144

ტეგები: qwellynews, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

საზღვრებს ვირუსი აწესებს, მინისტრი პარლამენტს არ სწყალობს, მარში ტაძრებს იცავს

გამოაქვეყნა Giorgi_მ.
თარიღი: თებერვალი 24, 2020.
საათი: 10:24pm 2 კომენტარი

      ახლა ისეთი ამბავია მსოფლიო პანდემიასთან დაკავშირებით, რომ ხვალ წვიმა იქნება თუ ელჭექი, აღარავის აინტერესებს. არადა, დღეს გაზაფხულის მშვენიერი დარი იდგა. მსოფლიოს ახლა კორონავირუსი ადარდებს და რაც დრო გადის, უფრო რთული ხდება მისგან თავდაცვა - სამეზობლო იკეტება და ჩვენი ქვეყანაც ამ ჩაკეტილობას შეუერთდა. დღის მთავარი ამბავი იყო მინისტრის პარლამენტში მიუსვლელობაც, აქცია საპატრიარქოსთან და ანას ბაღის მცველები ვარკეთილში.

საქართველოს და…

გაგრძელება

პუდრიანი ბაროკო - სახიდან გვირგვინებამდე

გამოაქვეყნა Tamila Moshiashvili_მ.
თარიღი: თებერვალი 23, 2020.
საათი: 11:02pm 0 კომენტარი

      დღევანდელი ბლოგ-პოსტის ხელოვანები წყვილში მუშაობენ. და როგორც ორი და სამი კაცის ნაშრომი, შედეგიც უფრო საინტერესო და შთამბეჭდავია. წარმოშობის ამბავი არ ვიცი, მაგრამ დღესდღეობით, სანკტ-პეტერბურგში მოღვაწე ასია კოზინა და დმიტრი კოზინი (Asya Kozina, Dmitriy Kozin), თეთრი სკულპტურების ნამდვილი ოსტატები არიან. მათ კომპოზიციებში არა მხოლოდ გვირგვინებს (კორონებს) აქვთ განსაკუთრებული მნიშვნელობა, არამედ, თეთრი ფერუმარილით შერებილ პორტრეტებს.…

გაგრძელება

კიბერ ომი და კიბერ საზღვრები, ტრენდი მერაბიშვილი და გასაყიდი პარლამენტი

გამოაქვეყნა Giorgi_მ.
თარიღი: თებერვალი 21, 2020.
საათი: 11:00pm 0 კომენტარი

      სითბო მოვიდა, დაგვიანონსეს კიდეც, რომ უქმეებზე თბილი ამინდები გველის და შეგვიძლია ნელ-ნელა გაზაფხულის სურნელიც ვიგრძნოთ აქა-იქ. მოკლედ, კიბერშეტევის შედეგები იმაზე საინტერესო და ხმაურიანი გამოდგა, ვიდრე თავის დროზე თავად კიბერშეტევის ფაქტი. მსოფლიო გმობს რუსეთის მიერ კიბერშეტევას, ხოლო კარასინი გაკვირვებული კითხულობს - დადასტურდა რომ ეს ჩვენ ვქენით? ეჭვი მეპარებაო. მეორე ამბავია მერებაშვილის გატრენდებული ნიუსები. ახალი ამბავი - ქუთაისის…

გაგრძელება

თავისუფლება დასამხობად, ბიუჯეტის მთავარი გამგებელი პარლამენტში და კიბერდაუცველობა - შემოვიდნენ და გავიდნენ

გამოაქვეყნა Giorgi_მ.
თარიღი: თებერვალი 20, 2020.
საათი: 10:59pm 1 კომენტარი

      დავიწყოთ საღამოს კარგი ამბით - საქართველოს საკალათბურთო ნაკრებმა შვეიცარია დაამარცხა 2021 წლის ევროჩემპიონატის საწყისი ფეხბედნიერად დაიწყო. დღეს, ვანო მერაბიშვილისთვისაც ბედნიერი დღე გამოდგა - მან მატროსოვის ციხე 7 წლიანი პატიმრობის შემდეგ დატოვა და აქტიურად შეუდგა პოლიტიკურ საქმიანობას - გამოვიდა თუ არა, ხელისუფლების დამხობა დააანონსა. დღის მთავარი თემა იყო ფინანსთა მინისტრის საპარლამენტო გამოსვლა და უფრო ხმაურიანი და საერთაშორისო…

გაგრძელება

Qwelly World

free counters