პომპეო საქართველოზე ბახტაძესთან, თბილისის გადაკეთება, ინსპექტორი, ბოკერია და ოქრუაშვილის ახალი პარტია

      დღის ამბები მოწყენილი დღეებივით მიეწყო, სიგრილეს და სიმშვიდეს მრავალფეროვანი ამბებიც მოყვა. გამოკვეთილ სიახლეებს რაც შეეხება, ძირითადად თბილისის ამბავს უკავშირდებოდა, ინსპექტორს, ოქრუაშვილი ახალ პარტიას, მაგრამ მთავარი თემა მაინც პომპეოს ქართული გამოსვლები იყო.

საქართველოს და მსოფლიოს ამბები / 11 ივნისი, 2019/

      თბილისის მშენებლობა - კახა კალაძე - მიდგომა, რაც თბილისში წლების განმავლობაში იყო, რომ ვაშენებ სადაც მინდა, როგორც მინდა და რამდენსაც მინდა, კატეგორიულად მიუღებელია. თბილისის მერიის ეკონომიკური სამსახურის უფროსი - ინვესტორებისგან ინტერესი მაღალია და ყველაფერს ვაკეთებთ, რომ ეს ინტერესი შევინარჩუნოთ. კვლევის მიხედვით, გაზრდილია დედაქალაქში ჰაერის დამაბინძურებელ ნაწილაკთა რაოდენობა, რომლებიც ჯანმრთელობისთვის საშიშია. კახა კალაძე - ვერეს ხეობის სახიფათო ზონებში მშენებლობები არ მიმდინარეობს. კახა კალაძე - მეტროსადგურების მდგრადობის კვლევა 2019 წლის ბოლოს დასრულდება. კვლევის თანახმად, წერეთლის გამზირზე, ჰაერში მტვრის მცირე ზომის ნაწილაკების PM10-ის საშუალო რაოდენობა წლიურ საშუალოზე მაღალია. კახა კალაძე - ჭავჭავაძის გამზირის სარეაბილიტაციო სამუშაოები ძალიან მაგრად მიმდინარეობს.

      ინსპექტორის არჩევა - განათლების სამინისტრო სამივლინებო ხარჯებთან დაკავშირებით განმარტებას აკეთებს. ლევან გოგიჩაიშვილი უმრავლესობას - დღეს მხარი უნდა დაუჭიროთ ლონდა თოლორაიას, რომელიც ადეიშვილის გაზრდილი პროკურორია, რომლის დროსაც განსაკუთრებულად აწამებდნენ არასრულწლოვნებს. ლევან გოგიჩაიშვილი - ლონდა თოლორაია მაშინ იყო პროკურორი, როცა "სნიკერსის" ქურდობის გამო, ბავშვებს 10 წლით ციხეში უშვებდნენ - “ოცნებამ" ადეიშვილის მემკვიდრეობა შეისისხლხორცა.

      ოქრუაშვილის პარტია - კახა კალაძე ირაკლი ოქრუაშვილის პოლიტიკურ გაერთიანებაზე - ყველა პოლიტიკოსს მოსახლეობა პასუხს 2020 წლის არჩევნებზე გასცემს. სოსო რობაქიძე - სირცხვილი იქნება თუ გუბაზ სანიკიძე „ნაცების“ ოჯახში ამოყოფს თავს, ისე როგორც შალვა შავგულიძე აღარც ადვოკატია, აღარც კაცი და აღარც პოლიტიკოსი. გუბაზ სანიკიძე - სოსო რობაქიძეს პატივს ვცემ, მაგრამ თუ რაიმე პრეტენზია აქვს, ივანიშვილის სასამართლოს მიმართოს. ირაკლი ოქრუაშვილმა პოლიტიკური მოძრაობა „გამარჯვებული საქართველოს“ პრეზენტაცია გამართა. გიგა ბოკერია - ოქრუაშვილის პარტიის შექმნა არ მიმაჩნია მნიშვნელოვან მოვლენად - ამ პარტიასთან არასდროს ვითანამშრომლებთ. ირაკლი ოქრუაშვილი - თუ სოსო რობაქიძეს ჩემთან საუბარი უნდა, იცის სად მომძებნოს - სიტყვებს ვარჩევ, არ გადავიდე ზღვარს, მაგრამ რაღაცებს საზღვარი აქვს.

      წითელა მოუშორებელი - პაატა იმნაძე - ჯერჯერობით წითელა თავს არ გვანებებს.

      ისტორიული ხარაგაული - ხარაგაულში არქეოლოგებმა შუა პალეოლითის ძეგლი აღმოაჩინეს.

      პრეზიდენტი და პრემიერი საერთაშორისოდ - Associated Press-ი სალომე ზურაბიშვილზე - ქართველი ლიდერი ნატო-ს მომავალს ხედავს, რუსეთის მიმართ კი, ხისტ ხაზს ეძებს. სალომე ზურაბიშვილი - დეოკუპაციისთვის საქართველოს სჭირდება საერთაშორისო საზოგადოებისა და პარტნიორების მტკიცე მხარდაჭერა. მაიკლ პომპეო - პრეზიდენტ ტრამპისა და აშშ-ის მთელი მთავრობის სახელით ვაცხადებ, რომ თქვენ არ მოგაკლდებათ აშშ-ის მხარდაჭერა ნატო-ში გაწევრიანების გზაზე. მაიკლ პომპეო - იმედს გამოვთქვამ, რომ საქართველო დაასრულებს პორტის პროექტს. მამუკა ბახტაძე - საქართველო-ამერიკის თანამშრომლობის დონე უსაფრთხოების სფეროში დღეს უპრეცედენტო ნიშნულზეა. მაიკლ პომპეო - პორტის პროექტი თავიდან აარიდებს საქართველოს რუსეთისა და ჩინეთის ეკონომიკის ზეგავლენას, მათ არ აქვთ კეთილი სურვილები მთელი გულით. მაიკლ პომპეო - დღევანდელი საუბრისას მოვუწოდე საქართველოს, გააუმჯობესოს სასამართლოს სისტემა და დაადასტუროს, რომ მისი დემოკრატია მოიცავს თავისუფალსა და სამართლიან არჩევნებს. საქართველოსადმი ჩვენი სამხედრო მხარდაჭერით, მთელი რეგიონის უსაფრთხოება მიიღწევა. გიგა ბოკერია მაიკლ პომპეოს განცხადებაზე - დიდი პოლიტიკური ფასი დაუჯდება ხელისუფლებას, თუ მთავარი პარტნიორის მხრიდან ასეთი მკაფიო გზავნილის შემდეგ ანაკლიის პროექტს ჩააგდებს. ეკა გიგაური მაიკლ პომპეოს განცხადებებზე - ასეთი მაღალი ტრიბუნიდან ასე მკაფიოდ კონკრეტული საკითხები, მე მგონი, პირველად იყო ნახსენები. მამუკა ბახტაძე - ჩვენ გვინდა მეტი ინვესტიცია, მეტი ვაჭრობა და მეტი ამერიკის შეერთებული შტატები საქართველოში.

      საგანმანათლებლო მივლინებები - განათლების სამინისტრო სამივლინებო ხარჯებთან დაკავშირებით განმარტებას აკეთებს.

      უგანაჩენობა უპროკურორობაში - ზვიად კუპრავას საქმეზე, სადაც გადაწყვეტილება უნდა გამოცხადებულიყო, პროკურორი არ გამოცხადდა. ზვიად კუპრავას რამდენიმე დეპუტატი თავდებში უდგება.

      ბოკერია პარლამენტში - ზაზა პაპუაშვილი ირაკლი კობახიძეს - ან გააძევეთ ბოკერია დარბაზიდან, ან რაც მოხდება, პასუხისმგებლობა თქვენ დაგეკისრებათ, ვინც ამას იტანთ. გია ვოლსკი - გიგა ბოკერია, შე ყეყეჩო ადამიანო! ქვეყანაში ბევრია ისეთი ადამიანი, რომელსაც თქვენგან განსხვავებით, ყავარჯნებით არ გაუუპატიურებია მამაკაცი. ოთარ კახიძე ვოლსკის - „ნაცმოძრაობის“ დეპუტატები რომ იყვნენ და დღეს თქვენი პარტიული კოლეგები არიან, ისინი არ მონაწილეობდნენ იმ საშინელ რაღაცებში და ჩვენ ვმონაწილეობდით? ადა მარშანია „ქართულ ოცნებას“ - ფაშისტური რეჟიმის ბობოლა წარმომადგენელი ფაშიზმზე გელაპარაკებათ თქვენ, ახია თქვენზე. ზაზა პაპუაშვილი ოპონენტებზე - ზიზღის, დამცირების და შეურაცხყოფის ენა მათი მოგონილია - ამაზე პასუხი არ გაეცეს, ეს ყოვლად წარმოუდგენელია. თამარ ჩუგოშვილი - ძალიან აგრესიული ოპოზიცია გვყავს - არიან ადამიანები, რომელთაც პარლამენტში ხულიგნობის ნიშნები შემოაქვთ.

      ენერგეტიკა და სანდოობა - „ნავთობისა და გაზის კორპორაცია“ - J.P. Morgan შეფასებით, „საქართველოს ნავთობისა და გაზის კორპორაცია“ ქართულ ბაზარზე ყველაზე მაღალი სანდოობით სარგებლობს.

      მაშველი გოგონები - ზღვაზე დამსვენებელთა უსაფრთხოებას წელს მაშველი გოგონებიც დაიცავენ.

საზღვარგარეთულები:

      ტომოსი უკრაინაში - უკრაინის მართლმადიდებლური ეკლესიის საპატიო პატრიარქი ფილარეტი - ამ ტომოსს ჩვენ ვერ მივიღებთ - მისი არსი რომ გვცოდნოდა, ხმას არ მივცემდით ავტოკეფალიას.

      ვატიკანის გმობა - ვატიკანი - ვგმობთ მოსაზრებას, რომ ინდივიდებს საკუთარი სქესის არჩევა თავად შეუძლიათ.

      მექსიკა და ამერიკა - მიგრანტების ნაკადის შესაჩერებლად, მექსიკა ლათინური ამერიკის ქვეყნებს თანამშრომლობისაკენ მოუწოდებს.

      ბრიტანეთის არჩევნები - დიდი ბრიტანეთის მმართველი პარტიის ლიდერის არჩევნები ოფიციალურად დაიწყო.

      უკრაინული დასუფთავება - ვლადიმირ ზელენსკის მოთხოვნით, 13 გუბერნატორი გაათავისუფლეს. უკრაინის საკონსტიტუციო სასამართლომ რადას დათხოვნაზე ვლადიმირ ზელენსკის განკარგულების განხილვა დაიწყო.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 20

ტეგები: qwellynews, ამბები, ბლოგი, ივნისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ეკონომიკური ანონსები, მერიის ბლოკები და პარადობანა

გამოაქვეყნა Giorgi_მ.
თარიღი: ივნისი 19, 2019.
საათი: 11:23pm 0 კომენტარი

      ივნისი აგრძელებს არამდგრად ამინდებს. ამჯერად ივნისის მესამე დეკადა იქნება წვიმებით სავსე. რაც შეეხება იქამდელ პერიოდს, დღეს ისევ მარში და ანტიმარში გამოსვლები და ლოზუნგები ისმოდა, იყო ასევე…

გაგრძელება

საჭადრაკო სვლა მინისტრებში და ღირსეულ-უღირსთა გამოსვლები

გამოაქვეყნა Giorgi_მ.
თარიღი: ივნისი 18, 2019.
საათი: 11:30pm 0 კომენტარი

      როცა დღის მთავარი ამბები მხოლოდ ორ პულასად იყოფა, თითქოს საინტერესოც არაფერია. მთელი დღე მხოლოდ სერგეენკოს გადაყენების (უფრო სწორად, ადგილმონაცვლეობის) და ე.წ. ღირსების მარშის ამბები ისმოდა. ვინ…

გაგრძელება

პიარით პიარი, წასვლა-დარჩენა ჯანდამცველისა და განათლება ბლოკჩეინებზე

გამოაქვეყნა Giorgi_მ.
თარიღი: ივნისი 17, 2019.
საათი: 11:00pm 1 კომენტარი

      დღე ძალზედ უინტერესო და უსიამოვნოდ ჩაივლიდა ნიუსლენტებისთვის, რომ არა მონდომებული რაგბისტების გამარჯვება ფიჯის ნაკრების წინააღდეგ. დღის ეს ბოლო სასიხარულო ამბავი, სულ რამდენიმე წუთს ითვლის. იქამდე…

გაგრძელება

კიდობანი და ნოეს თვალები

გამოაქვეყნა nunu qadagidze_მ.
თარიღი: ივნისი 17, 2019.
საათი: 2:30pm 0 კომენტარი

ვინ გადაურჩა წარღვნას (გაგრძელება)

კიდობანი

      რაღაცას…

გაგრძელება

Qwelly World

free counters