გუშინ ბეღურას ველაპარაკე... არ მინდა ახლა, შენ მისი ენა რა იციო და ასეთები... ვილაპარაკეთ და მორჩა!.. მოკლედ, ჩემნაირი სულია ისიც და ლაპარაკიც არ გაგვჭირვებია... ყოველ შემთხვევაში, ისე არ ვყოფილვართ, საერთოს რომ ვერ პოულობ, იცი ვერ გაიგებს, შენებურად რომ დაუწყო ბაასი და დიდი გაჭირვებით ცდილობ, რამე ამოღერღო ისეთი, აღმართული კედლის მიუხედავად, ცოტა მაინც რომ მიაწვდინო ხმა...

       ჰო, მოკლედ, მელანქოლიით შეპყრობილი ვიდექი ფანჯარასთან და ისიც ზუსტად ამ მდგომარეობით მოფრინდა... ერთმანეთს შევხედეთ და ეგრევე მკითხა, რამე გვეშველებაო?.. რა უნდა მეთქვა... რაც დრო გადის, თანდათან ეჭვი მეპარება-მეთქი, ძლივს გასაგონად ვუთხარი... მეც ეგრე ვარო... ჩვენ რა, ვითომ ამ დედამიწელები ვართ-მეთქი? - გავუგრძელე... მან მიპასუხა:

           - ჩვენ შემთხვევით აღმოვჩნდით აქ... გავლით ვართ...შენც იცი, რომ აქაურები არ ვართ... როგორ ფიქრობ, ჩვენ ნორმალურები ვართ თუ არანორმალურები?.

           - არც ერთი და არც მეორე... თუ...

           - მეც ეგრე ვფიქრობ...

           - ჩვეულებრივ, სიკვდილი ერთხელ მოდის, მაგრამ არის ხოლმე დღეები, როცა ჩვენ ერთხელ კი არა, მეტჯერაც ვკვდებით... ჩვენ ადამიანების განსხვავებულ სახეობას მივეკუთვნებით... მათ, დანარჩენებმა, "იციან" რა არის რეალობა, ჩვენ კი, თავი ათასობით ეჭვით და შეკითხვით გვაქვს გამოტენილი და წარმოდგენაც არ გვაქვს, რა არის რეალობა და რა - ილუზია...

           - იმათ, ზოგჯერ ისიც ავიწყდებათ, რომ ერთ დღეს, ამ სამყაროში მოკვდებიან და მერე, ჰერი ჰერიიი... ჩვენ კიდე, ხანდახან ისე ვეძლევით სასოწარკვეთილებას, გვავიწყდება, რომ ცოცხლები ვართ და რაღაცის გამოსწორების შანსი ისევ არის... თუმცა, იმდენი ხანია ველოდები ამ რაღაცის გამოსწორებას, უკვე ამაშიც ეჭვი მეპარება...

           

           - ხანდახან, ისე მინდა შორს წასვლა, ყველასგან და ყველაფრისგან... ცოტა ხნით, ერთი დიდი გაქცევა...

           - სადაც არ უნდა წახვიდე, შენს პიროვნებას მაინც ვერ გაექცევი... მთელი დედამიწაც რომ შემოირბინო, ყველგან შენი ფიქრები დაგხვდება, კლიმატის გამოცვლა არ შველის, არ აორთქლდებიან... თუმცა სიკვდილი... მაგრამ არ გვინდა ახლა ამაზე...

           - იცი, ხანდახან, მართლა გამირბენს ხოლმე გონებაში სიკვდილი... რა უნდა ბოლოს და ბოლოს, თუ სისხლის დანახვა და ყელზე თოკი არ შეგიძლია, ადგები და ფანჯრიდან გადახტები... მაგრამ წარმოიდგინე ყველაფერი...................................................... (ადგილს ვტოვებ შენი ნაფიქრისთვის)... ძლიერები იკლავენ თავს თუ სუსტები?..

           - მე მგონია, რომ თუ სიკვდილს გადაწყვეტ და ასრულებ კიდეც, ძლიერი ხარ, იმიტომ, რომ გამბედაობა გყოფნის, იმ გზას დაადგე, რომელზეც არც კი იცი, რა გელოდება, აზრზე არ ხარ და მაინც რისკავ, უკეთესის იმედით... მაგრამ ასევე მგონია, რომ ვინც სიცოცხლეს არჩევს, ისინიც ძლიერები არიან, იმიტომ, რომ ამქვეყნად ცხოვრება ბევრი სატანჯველითაა სავსე და არც აქ იცი, რა მოხდება, თუნდაც ერთ წუთში... სიკვდილს აირჩევ თუ სიცოცხლეს, არც ერთ შემთხვევაში გაქვს გარანტია, რომ წინ უკეთესი გელოდება...

           - "არა სიცოცხლე, არა სიკვდილი, არამედ რაღაც სხვა"...

           - "ხიდან ხეზე გადაფრინდა ჩიტი,

               გაზაფხულის საღამოა მშვიდი"...

წვიმა იწყება ნახე...

          

           - მმმმ... რა კარგია... გავალ და სახეს მივუშვერ..

           

           - ჰო, მეც წავალ, ვიფრენ სანამ გადაიღებდეს... მერე ისევ მოვალ და ემოციებს გაგიზიარებ...

           - კარგი დროებით... შენ ჩემზე უფრო თავისუფალი ხარ... შეგერგოს ტკბილად...

     

     გაეღიმა... მითხრა, წვიმამშვიდობისაო და გაფრინდა...

ნახვა: 233

ტეგები: Qwelly, ბლოგი, დიალოგი, პროზა, რესტლესი

mariami: ივლისი 1, 2014||9:27pm

"მაგრამ არის ხოლმე დღეები, როცა ჩვენ ერთხელ კი არა, მეტჯერაც ვკვდებით... "

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კალაძის მთავარობა საკრებულოს წინაშე

გამოაქვეყნა Giorgi_მ.
თარიღი: დეკემბერი 7, 2021.
საათი: 11:17pm 0 კომენტარი

      თბილი დეკემბერია. დღე ისეთი მზიანია რომ ზამთარსაც კი დაგავიწყებს. ასე გაგრძელდება 9 დეკემბრამდეო. პოლიტიკაშიც არაა მაინცდამაინც გაციებული ამბები - კოვიდზე ჯერ დაპირისპირებაა მმართველ-ხელმძღვანელებშიო, თან არ არის დაპირისპირებაო და ა.შ. მოკლედ, კოვიდი თავად არ წასულა, მაგრამ მართვაში გარღვევებია. დღის მთავარი თემა კალაძის მთავრობა იყო, რომელიც საკრებულოს წინაშე წარსდგა. მიშას კადრები კი ღირსების შემლახავად დასახელდა. დოლარის ღირებულება -…

გაგრძელება

ენდვოლკერის სია

გამოაქვეყნა Selena_მ.
თარიღი: დეკემბერი 7, 2021.
საათი: 6:30am 0 კომენტარი

Square Enix released a huge list of Final Fantasy XIV changes, including the upcoming MMORPG expansion package Endwalker. One thing players need to know is that new Viera bunny boys will be lucky enough to be able to Buy FFXIV Gil. In addition, players also spend some FFXIV Gil to buy items in the game.

Endwalker will provide early access to players who pre-order the expansion pack on December 3rd, and will provide regular ol’ Joe Schmoe access to everyone else on December 7th. This…

გაგრძელება

ფანტაზიის ბოლო საფეხურები

გამოაქვეყნა Selena_მ.
თარიღი: დეკემბერი 3, 2021.
საათი: 6:30am 0 კომენტარი

As Final Fantasy XIV surges in popularity during the summer months, millions of players who booked the expansion will try to log in to an already crowded server. The game developer warned of the impending overcrowding in a letter to the community. Although the current server has been optimized for a large number of new players and returning players, the lack of available hardware means that new worlds cannot be opened to accommodate a large number of players.

What the company has done…

გაგრძელება

სასამართლო, პარლამენტი და განათლების სისტემური მომავალი

გამოაქვეყნა Giorgi_მ.
თარიღი: დეკემბერი 1, 2021.
საათი: 11:30pm 1 კომენტარი

      ეს ზამთარიც მოვიდა და არც ისე ცივი პირველი დღე გვქონდა. ნიუსებში მთავარი იყო კოვიდ საქართველო, განათლების მინისტრი პარლამენტში და მისი ვრცელი გამოსვლა თავისი კომენტარებით, ცხადია აქტუალურია მიშა, სასამართლო ბედი და პარლამენტის დაკომპლექტების კანონებიც. დოლარის ღირებულება - 3.1279 ლარია.

საქართველოს და მსოფლიოს ამბები | 1 დეკემბერი, 2021

qwellynews, სიახლეები, ნიუსები, ამბები, დეკემბერი

     …

გაგრძელება

Qwelly World

free counters