დღეს, საკვრიაო ქადაგების დასასრულს, მამაომ თქვა, რომ ხვალ, ორშაბათს, 18 იანვარს, ჩავატარებთ ღამისთევის მსახურებას, ღამისთევის შემდეგ კი არაგვში ჩავალთო. ამ სიტყვების თქმა იყო და ტაძარში ერთდროულად ჩამოიარა ბედნიერმა სახეებმაც და აციებულმაც. თვალებანთებული თუ სიცივეშეპარული მრევლი ერთმანეთს ეკითხებოდა - აპირებ ჩასვლას?! პასუხები არაერთგვაროვანი იყო: არ ვიცი; ვნახოთ; თუ ძალიან არ ეციება; თუ არ გავიყინები ჩავალ; ჩავდივარ აბა რას ვშვრები; არაა, რას ამბობ, რა ჩამიყვანს იქ! თოვლიანი ზამთარი გვაქვს და ძალიან ცივა წლევანდელ იანვარს, ეგეც არ იყოს, ზამთარში არაგვში ბანაობა? დიდი გამოწვევაა!

17 იანვარი, კვირა

---

      ესეც ღამისთევის ლოცვა. თითქოს ძალიან სწრაფად მიდის, არავის ეძინება. ყველას ერთი მოლოდინი აქვს, წირვის შემდეგ, მცხეთისთვის უჩვეულო ამბავი ხდება, შუაღამისას, ისედაც ცივსა და გაყინულ არაგვში, იანვრის თოვლიან ღამეს, წყალში შთაფვლა გველის. მეც მომარაგებული მაქვს გამშრალებისა და გათბობის დამატებითი საშუალებები. შეკითხვები იგივე, ოღონდ დაზუსტებით - "მართლა ჩადიხარ?".

18 იანვარი, ორშაბათი, ღამისთევის ლოცვა

ნათლისღება, განბანვა, არაგვი, მცხეთა, ქველი, ბლოგი, ქრისტიანობა, სარწმუნოება, სვეტიცხოველი, მრევლი, ტაძარი, დედა ეკლესია, მოგონებები, Qwelly, blog, Mtskheta, Aragvi, Svetitskhoveli, baptism, natlisgeba, ganbanva, mogoneba

      ორი დღეა არ მოუთოვია და ახლა, როცა სვეტიცხოვლის მრევლი, ფეხით, კმევითა და გალობით მთელს ქალაქს აღვიძებს და მიემართება არაგვისკენ, სწორად ახლა გათოვდა. წვრილად თოვს, წვიმასავით.

      აი, სანათლავთან მივედით. უფრო დიდი იყო წარმოდგენილი და პატარა აღმოჩნდა. მამა ისააკი უკვე წყალშია, იქვეა მამა ილია და მამა გიორგი. მცირე თათბირი და გადაწყვეტილია: აქ შთაფვლა არ გამოვა, სჯობს პირდაპირ არაგვში შევიდეთ.

      მსურველი იმაზე მეტი აღმოჩნდა ვიდრე ველოდი. კაცები, ქალები, დიდები-პატარები. ყველანი სიხარულით შედიან და უფრო დიდი სიხარულით გამოდიან არაგვიდან.

      ჩემი რიგიც დადგა. აი, შევდგი ფეხი არაგვში. ცივია, საშინლად ცივი, ცოტა კიდევ წინ, სისხლი უცბად მოაწვა გულს, ფილტვებს, საკუთარი გულის ბაგა-ბუგი ხალხის ყიჟინის მიუხედავად მაინც ჩამესმის, ჰაერი მჭირდება - მძიმედ ვსუნთქავ, კიდევ მეტი ჰაერი მჭირდება, სწრაფად ვსუნთქავ. ვიცინი, რადგან შიშმა არ ამიტანოს. წყალი უკვე წელამდეა მოსული, გული კი კისერს ებჯინება. ერთი ნაბიჯიც და ფეხქვეშ სილას ვეღარ ვგრძნობ - ცურვა არ ვიცი, ესეც დამატებითი პრობლემა. ახლა გაყინული არაგვი და ჩემი ტუჩები ერთ დონეზე არიან. სტიქარი კანზე მეკრობა, მაგრამ ერთი ხელის მოსმა საკმარისია - ფეხქვეშ მიწაა. პირველი შთაფვლა მამა გიორგისთან - სახელითა მამისათა ... ... ... ბედნიერებაა როცა სუნთქავ. მეორე შთაფვლა მამა ისააკთან - სახელითა მამისათა ... ... ... მამა ანტონი და შემდეგ მამა ილიამაც - მოდი აქ. წყლიდან ამოვდივარ, ცოტას ვბარბაცებ და სანათლავის მესერს ვეჭიდები. ვდგავარ ერთ ადგილას, მუხლებამდე წყალში და ბედნიერი სახით ვუყურებ მამებს და მათთან მისულ გულანთებულებს. ჩემი დის ხმა მესმის - აღარ ამოდიხარ?! კი, კი, მოვდივარ. დროზე გამოიცვალე.

      გამოსაცვლელიც გვქონია. ლურჯი "ბრეზენტის" კარავი. ჩემამდე ჩასულები უკვე იხდიან და იცვამენ. მეც ვიპოვე ერთი კუთხე, დავყარე პარკები და დავიწყე გახდა-ჩაცმა. ვიღაცას მოაგონდა რომ ფარნიანი ნოკია ჰქონდა და აანთო!

 - რას შვებით ხალხო, ყველაფერი ჩანს გარეთ!!

      ჩრდილების თუ სილუეტების თეატრი, სპექტაკლი "კაცების გასახდელი".

      ნოკია ძირს ეცემა და ალბათ სამუდამოდ ქრება.

      უკვე გავმშრალდი, გამოვიცვალე და ჩემი და ვიპოვე. მამები მხოლოდ ახლა ამოვიდნენ წყლიდან.

 - სოფო, ამდენ ხანს წყალში იყვნენ!

 - ჰოო, საათზე მეტ ხანს მოუწიათ წყალში დგომა.

      უკვე სახლში ვარ, მთელი სხეული მიხურს, ამბობდნენ მომავალ წელსაც იქნებაო. "ბასანოჩკები" უნდა ჩავიცვა მომავალ წელს, ფეხებზე შლამი და ბალახები საშინელება იყო.

19 იანვარი, გამთენიისას, 4:30, 2010 წელი

დაწერილია 19 იანვარს, გამთენიისას, 5:21, 2016 წელს.
სვეტიცხოველი, როგორ აღაპის კერა


      ჰო, მართლა, 18-ში, ღამით, მამა გიორგიმ დამირეკა, არაგვზე ვაპირებთ ბიჭები ჩასვლას და ხომ არ შემოგვიერთდებიო. 2011-ში არაგვზე ჩასვლა არ ყოფილა. ახლა წარსული გაცოცხლდა. ახლა კიდევ ერთხელ ვეგებებოდი ნათლისღებას სიხარულით. 

ნახვა: 433

ტეგები: Qwelly, ბლოგი, მოგონებები, მრევლი, ნათლისღება, სარწმუნოება, ქველი, ქრისტიანობა

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters