თქვენ არ ვიცი როგორ ფიქრობთ მკითხველნო, მაგრამ ჩემი აზრით ძალიან ალოგიკურია გინდოდეს მსოფლიო კაცობრიობის გამოხსნა და დაიბადო იმპერიის მიყრუებული პროვინციის ერთ-ერთ სოფელში, ბოსელში, ბაგაში, მაშინ როდესაც ხარ ის ერთადერთი გამონაკლისი, რომელსაც გაქვს არჩევანი - დაიბადო იქ, იმ ადგილას, სადაც გინდა და როცა გინდა. და შეგიძლია იმპერატორად აღიზარდო, იმპერატორისავე სასახლეში და მართო მსოფლიო იმავე ღირებულებებით, რომლებსაც მოგვიანებით, ბოსელშიდაბადებული, ასე სათითაოდ უქადაგებ ადამიანებს და გიწევს მთებზე ბღოტიალი ან გემზე ღამის გათევა ხშირად შიმშილსა და წყურვილშიც კი. არადა, შეგიძლია იმპერატორი იყო და გამოსცე ისეთი დადგენილებები, რომლებიც სამყაროს უკეთესს გახდიდა, მე პირადად შესანიშნავად მაქვს წარმოდგენილი 9 ნეტარება რომის იმპერატორისაგან ნათქვამი, როგორ დაიწყებდა ხალხი ამ ყოველივეს შესრულებას და რამდენი საუკუნით ადრე გვექნებოდა უკეთესი სამყარო - დღევანდელი საოცნებო ევროპა. ბოლო-ბოლო ყოვლისშემძლე ბრიუსიც ხომ გვინახავს?!
კარგი, არ გინდა იმპერატორობა და რელიგიურ სფეროში არჩევ მოღვაწეობას? ხომ შეგიძლია დაიბადო ერთდერთი მონოთეისტური ღმერთის მიმდევართა ლიდერის ოჯახში? იყო სინედრიონის თავმჯდომარე და ხალხი დააყენო შენს რჯულზე, რატომ იწყებ ქვემოდან და ირთულებ გზას? გიწევს გაიქცე, დაბრუნდე, იშრომო, განკურნო - გაგინონ, გააცოცხლო - მოგკლან, გდევნონ, გაწამონ რისთვის, რატომ? როცა ამის გარეშე შეგიძლია ყველაფერი მართო ზემოდან? არა, ძალიან ალოგიკურია ეს ყოველივე.
აგერ შეხედეთ საქართველოს - ქვეყანა ჭაობშია და საზოგადოება დღენიადაგ მთავრობების ქებასა ან გინებაშია, წინა მთავრობისა თუ ახლის. ამ საზოგადოების უდიდესი ნაწილი, ფიქრობს რომ ქვეყნის მთავარი უბედურება, ზემოთ - მთავრობაშია. ამიტომ ან გარბიან ამ ქვეყნიდან, ან უბრალოდ აგინებენ და აგინებენ. ისე, რომ იცოდე უფალო, „ქართველი ხალხი“ ბრძენია და ისინი როცა ფიქრობენ, რომ სათავეშია პრობლემა, ე.ი. მართაც სათავეშია პრობლემა, მაგრამ შენ მაინც გადაწყვიტე ბოსელში დაბადებულიყავი. ჩვენთან მთავარია დაგჭირდეს, გამოიყენო და როცა ხედავ რომ საჭირო აღარ არის, მიაგდო და დაივიწყო, შენ კიდევ პირიქით - იქით დასდევდი ყველას, ოღონდ რამე გეშველოთო. ალოგიკურია უფალო.
მეორე ნაწილში, რომელიც შენ დაადგინე სამყაროს გაჭირვების ტალკვესად, ერთადერთ დაუმარცხებელ ადგილად და ეს მართლაც ასეა, ის უნდა იყოს სათავე გაუმჯობესებისა, იქ უარესი ამბებია - ერთადერთი კრებულიდან, რომელმაც უნდა უშველოს ამ ქვეყანას, ხალხი პანტაპუნტით გარბის და გაქცეულები ტრიალდებიან და ისევ იმ კრებულს აგინებენ. რატომ, იმიტომ რომ ეს ხალხიც ფიქრობს რომ პრობლემა კვლავ ფულით გაუმაძღარ მმართველებშია, რომლებიც თავისას ქადაგებენ და არა ღმრთისას. და ამ ბრძენი ხალხის ფონზე, შენ მაინც იმ კუთხიდან იყავი, რომლიდანაც სიკეთე არავის ენახა, როგორც შენი მოციქული ამბობდა და კვლავინდებურად ქვემოდან ცდილბდი შეგეცვალა. ხომ ვამბობ, არავის ესმის უფალო შენი, რადგან ძალიან ალოგიკური ხარ. ყოველშემთხვევაში, ჩვენ საერთოდ არ გვესმის შენი.
და მე არ მიკვირს დიდი ინკვიზიტორისა. ინკვიზიცია იქით იყოს და ამ სამყაროშიც იგივე ბედი გელოდა თუ ისევ „არაამქვეყნიურ არს მეუფება ჩემიო“ იტყოდი.
თითქმის იგივე სატკივარი:
ფოტო ალბომიდან: საგრადა ფამილია
მე კი მგონია, რომ პრობლემა ჩვენშია... უფალმა მრავალნაირი გზა დაგვანახა და გვასწავლა.. ამქვეყნიურ მეუფეებს მისცა უფლება ემართათ ზექვეყნები, გამოეცათ კანონები, მაგრამ არა! ჩვენ მაინც ჩვენებურ "სწორ" გზას ვირჩევდით.. თვალხილული ბრმები ვართ!
ავტორი ვინ არის???
p.s. პრობლემები უფრო სხვა რამეშია ვიდრე დაბადების ადგილმდებარეობაში
პრობლემა რამდენიმეა, დავიწყოთ პირველი აბზაციდან : სრულიად ქართული კითხვაა, რომელზეც ასევე ქართველურ პასუხს ეძებენ ! თუ ადამიანს სხვაგან არ უცხოვრია და *საზღვარგარეთი*( გთხოვთ მიაქციოთ ყურადღება ამ უმახინჯეს (sic- ვიტყოდი ქვეცნობიერს, მაგრამ აღრევა შესისლხორცებულია გენეტიკურად, ვინაიდან კუნძული წყნარ ოკეანეში და პარიზი, ლჰასა და ბუჯუმბორაც - და მთლიანად სამყაროც- მინუს მისი ერთი მემილიონედი აღიწერება ამ ხელოვნურად შექმნილი სიტყვით (პ.ს.-მეცხრამეტე საუკუნემდე მშობლიურ ენაში არ გხვდება)) ტერმინს ) მხოლოდ ტელევიზორში აქვს ნანახი - ბუნებრივად მიაჩნია, რომ ნებისმიერი ჰომო საპიენსი ოცნებობს იმპერატორობაზე (ისინი ხომ ჩვენ გვგვანან - ოღონდ უფრო მახინჯები და ნაკლებად ნიჭიერნი - ერთი სიტყვით : არაწილხვედრისეულნი არიან)...
წესით ღირებულებათა სისტემის მსხვრევა შოკს იწვევს, მაგრამ პოსტს ცოტაოდენი ხალხი კითხულობს, კომენტარებს უფრო მცირედნიც კი.. ( ყველაზე დიდი საშინელება კი ისაა, რომ წამკითხველები თანხმობის შემთხვევაშიც არ მივლენ ზემოდარჭერილ შოკამდე, ვინაიდან რაა მათთვის ციფრები ??? ( ციფრები კი ასეთია: დღეს - დედამიწაზე მცოვრებთაგან ერთმა მილიარდმა არც კი იცის, რომ ოდეზღაც არსებობდა იმპერატორის თანამდებობა ! პლუს ერთ მილიარდზე მეტს (ამჟამად ჩინელებს ვგულისხმობ) - არასდროს *წამითაც* არ უოცნებია არა მხოლოდ იმპერატორობა, არამედ კომუნისტური პარტიის გენერალური მდივნობაც ! პლუს ერთ მილიარდს (ნამდვილ ჰინდუს) ამაზე ოცნებაც დიდ ცოდვად მიჩნია( და თუ შემთხვევით ეს სიზმარში დაესიზმრათ - გაცილებით უფრო დიდ განწმენდას იტარებენ ვიდრე ძილში დაცემის მერე) !!! ... მერწმუნეთ , უფრო პატარა ციფრებით კიდევ 3 მილიარდს შევაგროვებ, მაგრამ გავჩერდები მხოლოდ ერთ ისტორიულზე - რომის იმპერიის აყვავების დროს დედამიწაზე *ბინადრობდა* დაახ. 100 მილიონი ადამიანი და მათგან 20(!) ერთეულს თუ უოცნებია იმპერატორობაზე !!! (პ.ს. - ბოლო ფრაზა რთულად იკითხება 4 მილიონ *პოტენციალურ* პრეზიდენტის მიერ)
რიცხვებზე მომაგონდა, ტიგრანა ჩიოდა, 4 მილიარდი ტიგრანას გაძლება არ გინდაო და ჩვენ 4 მილიონ *პოტენციალურ* წილხვედრისეულ პრეზიდენტს როგორ უძლებს ეს ქვეყანა.
ამდენი ვკრიფე, რომ პირველ აბზაცზეც დასკვნა ვერავის გაეგო ?( ჯგირ, მარტივად : მაცხოვრის შობა ბოსელში ალოგიკურია მხოლოდ ქართული მენტალობისთვის
სამწუხაროდ, ასე პირდაპირ ნათქვამიც არ გამოიღებს დიდ შედეგს, რადგან თქვენი თქმისა არ იყოს "პოსტს ცოტაოდენი ხალხი კითხულობს, კომენტარებს უფრო მცირედნიც კი" ((
იმის გამო, რომ ადამიანი ღმერთს დაშორდა, დაკარგა მასთან კომუნიკაცია, ერთ დღესაც აღმოაჩინა რომ ღმერთის გადაწყვეტილებები ალოგიკურია. ეს აღმოჩენა თან აღაფრთოვანებს და თან კიდევ უფრო აშორებს ღმერთთან. არადა, თუ შემოქმედია, მაშინ ქმნის ისე, როგორც უნდა და შესაბამისად, ქმნის კანონს ისე, როგორც ლოგიკურია.
ჰოდა, იმის კვლევა-ძიების ნაცვლად, ესა თუ ის გადაწყვეტილება რატომ მიიღო ღმერთმა, ადამიანმა მოიფიქრა რომ ღმერთი ალოგიკურია და მისი გაგება შეუძლებელი.
კომენტარი
Welcome to
Qwelly
გამოაქვეყნა taoaxue_მ.
თარიღი: აპრილი 18, 2024.
საათი: 6:30am
0 კომენტარი
0 მოწონება
Spotting Extraction Points: Extraction points are marked by Blue Headstones that emerge from the ground. Listen for the telltale sound of rumbling rocks, signaling the proximity of an extraction point.
Activating the Portal: Approach the Blue Headstone and interact with it by pressing the "F" key on your keyboard. This will open a blue portal, your ticket to safety.
Entering the Portal: Once the portal is active, step into it to initiate the extraction process. Keep an eye out…
გაგრძელება
გამოაქვეყნა millan Myra_მ.
თარიღი: აპრილი 13, 2024.
საათი: 10:00am
0 კომენტარი
0 მოწონება
In the realm of gaming, the allure of microtransactions often beckons players of promises of rare loot, powerful weapons, and legendary mounts. But are these investments truly worth the cost? Today, we embark on a journey into the world of Night Crows, a popular online game, to unravel the mysteries behind its microtransaction system.
Meet Nathan Pay, a seasoned gamer and host of the Blan Crypto channel. With a passion for exploring the depths of virtual economies, Nathan dives…
გაგრძელება
გამოაქვეყნა millan Myra_მ.
თარიღი: აპრილი 10, 2024.
საათი: 11:00am
0 კომენტარი
0 მოწონება
In the blink of an eye, the procedure changed into the following: mine ores make smelt of ore to forge bronze daggers chicken execution, then sell the rest to the greedy clerk at the shop, and use the cash to buy tools. And on and so forth it goes on. As of now I've consumed all the energy drinks available I have available . I've never had to fight this intensely in my entire life to get rid of chickens. I took another bottle of red bull, knowing it…
გაგრძელება
გამოაქვეყნა Giorgi_მ.
თარიღი: აპრილი 8, 2024.
საათი: 11:30pm
0 კომენტარი
2 მოწონება
აპრილის შხაპუნა და ცოტა მომაბეზრებელი წვიმების ფონზე, აქტიური პოლიტიკური დღის წესრიგი გვაქვს. პრინციპში ამის მოლოდინი ისედაც იყო და წინაპირობაც, რადგან დღეს „გამჭვირვალობა“ პარლამენტის ბიუროს სხდომაზე გავიდა განსახილველად, ხოლო პარლამენტის წინ აქციები გაჩაღდა. დღეს 1 აშშ დოლარის ოფიციალური ღირებულება 2.6777 ლარია.
© 2024 George. •
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია