ახალ, 2015 წელს გილოცავთ, მეგობრებო! სასწაულების მომტანი თუ არა, ამ წელზე ბევრად კარგი ყოფილიყოს! პირველად ვხვდები ახალ წელს მარტო, თანაც სამსახურში, მაგრამ, მიუხედავად ამისა, მაინც მშვენიერ განწყობაზე ვარ! ასეთი ჩუმი ახალი წელი ჯერ არ მინახავს. ცოტა არ იყოს გული დამწყდა, უძრაობა რომ შევნიშნე ჩვენს დედაქალაქში ამ დღესასწაულს, ლამის ჩვენს ახალ მთავრობას ვუსაყვედურე და უცებ, გავხედე განათებულ მეტეხს, რა დიდებულია, ღმერთო! როგორ ამაყად აუწვდენია თავისი გრძელი კისერი ზეცისკენ და ისე უშიშრად გადმოჰყურებს დედამდინარესა, თითქოს აღარც ახსოვს მის თავზე გადამტყდარი ათასი ცეცხლი და მახვილი და არც არასდროს უნახავს იმ ათას ბევრთა ქართველთა ტანჯვა - წამება და მათი სისხლით შეფერილი მტკვარი! _ მაგრამ, რა შეაშინებს, როცა გვერდით ასეთი დიდეული ვაჟკაცი დარაჯობს? - ბეჭებმაღალი, ძლიერი მკლავისა და გულის პატრონი. ისიც ამაყად გადმოჰყურებს მტკვარს, მის განუყრელ მეგობართან ერთად. ქართველსა და არაქართველს, ყველას ერთნაირად, სალამს უძღვნის და უმასპინძლებს თავის ციხე-ქალაქში.

     დრონი მეფობენ და არა მეფენიო ტყუილად უთქვამთ, ვუყურებ და მიკვირს, განა ასეთი ვინ იყო ეს დალოცვილი მეთქი, ეს ამხელა უგრძნობი ქვაც რომ გააცოცხლა და გული და ქართველობა შეინარჩუნა და მთელი ეს დრო და ალბათ კიდევ ბევრი წელი, მამაშვილური სიყვარულითა და მზრუნველობით, მეფური სიამაყითა და სიმტკიცით დარაჯობს და კიდევ მრავალ წელს უდარაჯებს ჩვენს მშვიდ ძილს?! თავად მუდამ ფხიზელი, არვის უთმობს გარიჟრაჟს ტფილისის გაღვიძებას, ჯერ თავის რაშს შემოსძახებს - შეკაზმავს უცებ და მეტეხს, ჯვრის მამასა და ბრძენთაბრძენ ნარიყალას: თავის დიდი ხნის მეგობრებს გამოაფხიზლებს ფრთხილად, მშვიდობიან დილას უსურვებს და სიონისკენ გაემართება ქვეითად - მათი ნახვით გახარებული და გულსავსე ტფილისის დილის გრილი და ტკბილი ჰაერით, მასაც მიუალერსებს ნაზად, შენი ტკბილხმიანი ზარების წკრიალს ნუ მომაკლებო - დაუბარებს და გამობრუნდება უკან, თავის სამყოფელზე, ამხედრდება ისევ თავის რაშზე, სანამ ვინმე გაიღვიძებს ადამიანის ნაშიერთაგან, მანამ უნდა მიაწსროს, რადგან არ უნდა, თურმე, ამ უცნაურად ძლიერსა და დიდებულს, ვინმემ დაინახოს, ან გაიგონოს მისი ფეხის ხმა, ყოველი ქცევა თუ ფიქრი მისი; არც სურვებია ვინმე მიუხვდეს, როგორ უყვარს თავისი სახლი, ქალაქი მისი, როგორ ზრუნავს და როგორ ეალერსება ყოველ ღამითა და გარიჟრაჟს და რატომ უბრუნდება ისევ ძველ ალაგს და ქვად იქცევახოლმე. უცნაურია, ღმერთმანი! მაგრამ თან მესმის მისი: ყველაზე დიდებული ხომ სწორედ ესაა, შეინარჩუნო დიადი სული გულით უბრალომ!

     მრავალჟამიერ მეფევ ბატონო! - ვინ იფიქრებდა, რომ ერთად შევხვდებოდით ახალ წელს მე და თქვენ? - მიხარია და ვღელავ კიდეც: ეგებ არ გინდა სიმარტოვე დამითმო, თანაც ამ დღესასწაულს? ფიქრი გაგტკბობია ნისლად დაღვენთილი, ვხედავ. თანაც რად გიღირს ჩემთან მარტოობა, რომელი კარგი მოსაუბრე მე ვარ, ანდა პოეტი ვინმე, შენი საკადრისი ლექსი რომ მოგიძღვნა, არც მასხრობა შემიძლია შენ გასართობად, თუმც კი, არა მგონია, ამის სურვილი გქონდეს ფიქრით დაღლილს, მაგრამ, მეფეო, მომიტევე რომ არ გშორდები, მეც ვერვინ ვნახე ამ საზეიმო ღამეს ჩემი თანამგზავრი, ვერც ფიქრთა თანაზიარი. აღარც მეფე - დედოფალთა დარბაზებიდან ისმის საზეიმო

     ხმაური, არ ჩანან სახლში, წავიდნენ მგონი, ოღონდ არ ვიცი სად, ან რამდენ ხანს არ დაბრუნდებიან. - ეგებ იცოდე? აუკეციათ ლამაზ - ლამაზი სპარსული ხალიჩებიც, ასე რომ ამშვენებდა მათ დიდებულ კედელ - აივნებს.

     მომნატრებია ასეთი ღამე, მშვიდი, ფიქრით და ვარსკვლავით სავსე! სიჩუმის ჰანგზე მომენატრა ჩემი ბავშვობა, დედა, ბებია, მამა,ძმა, ჩემი ოჯახი, ჩემი ყვარელი, ჩემი სოფელი და საქანელა - დაუღალავი, ჩემთან ერთად ფრენის მსურველი! - და თქვენ როგორი ბავშვობა გქონდათ, მეფევ ბატონო? - რა გენატრებათ ყველაზე მეტად წარსულ დროიდან? ან ვის ინატრებთ ახლა, ამ ღამით, თქვენ გვერდით იყოს? სასწაულების ღამე არის, თქვენ ხომ გწამთ მისი?..... - ოჰ, კარგი! ამის მეტად აღარ მოგაცდენთ!

მრავალჟამიერ, მეფევ ბატონო, მრავალჟამიერ!

მზია ხუციშვილი

14 იანვარი, 2015 წელი. ღამის 0:20 სთ. მეტეხის ქუჩა.

ნახვა: 388

ტეგები: alone, blog, happy new year, king, new year, night, qwelly, tbilisi, time, ახალი წელი, მეტი...ბლოგი, გილოცავთ ახალ წელს, დრო, დღესასწაული, დღიური, ვახტანგ გორგასალი, თბილისი, მეტეხი, მეფე, მილოცვა, მტკვარი, ქველი

ლაშა: იანვარი 14, 2015||3:10am

ახალი წლის გატარებაც ასე უნდა, სადაც მეფეა, სამეფო კარიც იქაა, ჰოდა სამეფო დარბაზობაზე ყოფილხარ მზია :) 

ლაშა: იანვარი 14, 2015||3:16am

ჰო მართლა, ახალ წელს გილოცავ :)) 

mziko khutsishvili: იანვარი 14, 2015||3:28am

გმადლობ,მეც გილოცავ! :D

Kakha: იანვარი 14, 2015||11:29am

გილოცავთ ყველას ახალ წელს, მრავალს დაესწარით!!

mziko khutsishvili: იანვარი 15, 2015||12:23pm

გმადლობ, კახა,  გაიხარე! მეც გილოცავ! :) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კანონიერების გამოკვლევა, დაპირისპირება დმანისში და ბერობიდან განყენება

გამოაქვეყნა Giorgi_მ.
თარიღი: სექტემბერი 21, 2021.
საათი: 11:16pm 0 კომენტარი

      უპირველესად გილოცავთ ღმრთისმშობლის შობას. დღის მთავარი პოლიტიკური ამბები კი უკავშირდება საარჩევნო დებატებს. დღეს მეინსტრიმში იყო ასევე სისხლიანი ბანერები, დმანისში არეულობა, ფარული ჩანაწერების კანონიერება თუ უკანონობა, მგზავრობა თბილისში და სივერაგე ოკუპაციაში. ვალუტის კურსი - 1 აშშ დოლარი - 3.1163 ლარია.

საქართველოს და მსოფლიოს ამბები | 21 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:00pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

Qwelly World

free counters