არ შეიძლება დღიურში მას შემდეგ დაიწყო ჩანაწერის გაკეთება, როცა ემოცია გადაგივლის. მერე გიწევს გახსენება რას გრძნობდი, რას ხედავდი, რაზე ფიქრობდი. ახლა ზუსტად ასე ვარ, მაგრამ მახსოვს იმდენად სასიამოვნო განცდა შემოდიოდა თვალსაწიერიდან, რომ არ შეიძლება არ მოგიყვეთ.

სიყვარული

      მცხეთას თბილისში თავისი საელჩო აქვს, ესაა დიდუბის ავტოსადგომი. ელჩი და მისი თანაშემწეები სალაროს პატარა ფანჯარაში გამომწყვდეული ქალბატონები არიან, რომლებიც მხოლოდ განსაკუთრებული შემთხვევების და მგზავრების უყურადღებობისას გამოფრინდებიან ხოლმე იმ ფანჯრიდან და მგზავრებს გულიანად გამოლანძღავენ, ესეც არ იყოს მეტად მკაცრი განკარგულებები აქვთ. მაგალითად, წინა მარშრუტკის ბოლო ბილეთის გაყიდვამდე ახლისას არ მოგცემენ. ჰოდა, ყოველ დიდუბეში მისვლაზე თითოეული მცხეთელი ჯერ ნატრობს იმას, რომ მცხეთის მარშრუტკა ადგილზე დახვდეს, მერე ნატრობს იმას რომ ბოლო ბილეთის აღება არ მოუწიოს რადგან სად ჩაიჭეჭყება კაცმა არ იცის.

      გუშინ მადლიანი დღე იყო და მარშრუტკაში მეორე მგზავრი ვიყავი. ავედი, სარკემლი ყურამდე გავაღე და როგორც ყველა ძილმოყვარეს სჩვევია საზურგეზე თავმიდებულმა გადავწყვიტე საღათას მხატვრული შემოქმედებისთვის მედევნებინა გონების თვალი. მაგრამ უეცრად ჩემი ყურადღება მიიპყრო ორმა ახალგაზრდამ. ბიჭი გოგონას აცილებდა მცხეთაში (არც კი ვიცი ეს გოგო მცხეთელია თუ არა), ბიჭმა ბილეთი აიღო - იმ გოგომ ერთი შეუბღვირა, მაგრამ ხმა არ გასცა, სიტყვებით არ უსაყვედურია. შემდეგ ამოვიდა, ჩანთა ჩემს უკანა სავარძელზე მოათავსა და როცა მარშრუტკაში ხალხის სიხალვათე შეამჩნია, გადაწყვიტა თავის (სავარაუდოდ) თაყვანისმცემელთან დაბრუნებულიყო.

      აღწერილობა თუ გაინტერესებთ ვეცდები რამე გავაწყო. არაფრით გამორჩეული აღნაგობა, საკმაოდ მაღალი, თხელი სხეული, ფეხებზე ყვითელი ბოტასები, თეთრი წინდები, ელასტიკი და ზემოდან დაგრძელებულიმაისურის მსგავსი კაბა-მაიკები რომ არის - აი ის (გოგონები ელასტიკებზე რომ იცვამენ ხოლმე). ზემოთ ჟაკეტი. სახე ქართული - მოგრძო, ოდნავ ჭორფლიანი, თმა ყვითელ-სტაფილოსფრად და საკმაოდ ცუდად, უღიმღამოდ და უგემოვნოდ შეღებილი, (ეტყობოდა, თან დიდი ხნის უკან შეუღებავს). თავიდან მელირება გეგონებოდათ ისე იყო აჭრელებული და თან შიგადაშიგ შავი თმებიც მოჩანდა.

      ბიჭიც ნამდვილი „გრუზინი“, ოღონდ უღიპო, შავტუხა, მხრებში მოხრილი, გამხდარი და გასლიკული, თეთრი მოკლემკლავიანი, წარწერებიანი მაისური, ჯინსის შავრვალი და თეთრი ბოტასები, ქამარი არმანის საბმელით.

      აი, ეს ორი პიროვნება დგას ახლა ჩემს წინ, მაგრამ ყურადღებას არა ამ აღნაგობით, არამედ დგომის მანერით იქცევენ. როგორც წესი მოსაუბრეები ცდილობენ რაც შეიძლება ახლოს იყვნენ ერთმანეთთან - არაა აუცილებელი ყველას გააგებინო რაზე საუბრობ, მითუმეტეს ჩვენს დროში ხომ იცით შეყვარებულები ბუკვალურად იგებენ თითეულ სიტყვას და „პირისპირ“ ლაპარაკი - პირშიპირ ლაპარაკად იქცა - საუბრობენ თუ „კონცნაობენ“ ვერ გაიგებ კაცი, მაგრამ ესენი არა. მათ შორის დისტანცია დაახლოებით 1 მეტრი იქნებოდა. პირველად იფიქრებდი გოგო თავს იფასებს, ბიჭს არ იკარებსო, მაგრამ სახე ისე უღიმოდა და თვალები ისე უციმციმებდა, ყველაზე ცუდად დაკვირვებული თვალიც კი იპოვიდა მასში შეყვარებულს.

      ამ ფიქრებში გართული ვარ და ვგრძნობ რომ რაღაც მაკლია, რაღაც ისეთი - რაც აუცილებელია ამგვარი შეყვარებულების მოსასმენად, რომ მართლა გავიგო რა სიყვარულთან გვაქვს საქმე. მართალია თვალ-გონებას ეძინება, მაგრამ არც ისე რომ მეტრანახევრის სიახლოვეს მდგარი წყვილის თბილგამომეტყველებიანი დიალოგის სიტყვები ვერ გავიგო.

      მაშინ თვალები გავაფართოვე და... და მერე გადავეშვი ფიქრების ახალ კორიანტელში და უაზრო, გაღიმებული სახით ვუყურებდი ამ წყვილს.

      მათი სიყვარული 1 მეტრის რადიუსზეც ისეთი ვნებიანი იყო, როგორც ზემოხსენებული წყვილების „პირისპირ“ საუბრისას, მათი ერთმანეთთან დამოკიდებულებაც ისეთივე მზრუნველი, თბილი და სიყვარულით გაჯერებული და საინტერესო იყო - როგორც ჩვენ გვჩვევია ხოლმე გოგოების (ბიჭების) დაბევებისას, ცხოვრების საზრუნავად არჩევისას. მაგრამ მათი სიტყვები ჩვენი სიტყვებივით ლიტონი და არაფრის მომცემი არ იყო, არცერთ სიტყვა არ იხარჯებოდა უმნიშვნელოდ, არცერთი ფრაზა არ ქრებოდა და არ იკარგებოდა ჰაერში... არ იკარგებოდა რადგან იქ საერთოდ არ იყო სიტყვები, ფრაზები, ტექსტები.

      ჩემს წინ იდგა ორი მეტყველების უნარ მოკლებული ადამიანი - წყვილი რომელიც ნიშნებით გადმოსცემდა გრძნობებს, ემოციებს, აღტაცებს და ეჭვიანობასაც კი - ოღონდ ეს ეჭვიანობა უკვე ჩემი მისამართით იყო ასე უაზრო გამომეტყველებით და გაბდღალული სახით რომ ვიყავი მიჩერებული იმ გოგონაზე.

- აჰაა, გენაცვალე რა ხალხია, გაჭორეს ნახევარი საქართველო ისე რომ არავინ შეუწუხებიათ. - თურმე ერთ მოხუც კაცსაც შეუმჩნევია ეს წყვილი.

- აბაა, რა ცოდოები არიან - აყვა მეორე.

- რატომ არიან ცოდოები, თავისთვის საუბრობენ, არავის აწუხებენ - ჩაეჩხირა მესამე.

- მოიცა რა, ახლა კარგია აბა ამათი ცხოვრება? ესენი ხომ შეიძლება ყრუებიც არიან და სრულ სიჩუმეში ცხოვრობენ? - თავი იმართლე მეორემ.

- იქნებ ახლა ხმაურიანად საუბრობენ, თქვენ რა იცით? - იხუმრე მეოთხემ.

      კი, მართლა რა საოცარია ამათი ცხოვრება, მაგრამ ახლა ცხოვრება კი არა - გრძნობებია მთავარი. შეყვარებული წყვილის დისტანცია მათი ნიშნების უკეთ დასანახად იყო საჭირო - რომ გაეგოთ ერთმანეთის, უნდა დაენახათ კიდეც, ხოლო სიყვარული რომ ეგრძნოთ ამისთვის ჩახუტება საჭირო არ იყო. მათ მხოლოდ საუბრის დისტანცია აშორებდათ, გრძნობებით ვინ იცის იქნებ ჩვენებურ სიყვარულობანასთან შედარებით უფრო ახლოც იყვნენ ერთურთთან.

ვისწავლიდი მათ ენას, დიდი სიამოვნებით ვისწავლიდი!

- ვინმე ხომ არ არის ჩასული? დახურე კარი წავიდეთ - მძღოლური დოღრიალობით გვამცნო მესაჭემ.

      ჩვენი წყვილის ისტორიის ჩემი აღწერაც აქ მთავრდება. დამშვიდობებისას უბრალო გადაკოცვნით დასრულდა ყველაფერი. მე კი მთელი გზა კეთილი ემოცია მქონდა და საღათამაც სასიამოვნო წამებით მასიამოვნა.

აქვე, იხილეთ ფილმი - ბრმების ქვეყანა

ნახვა: 671

ტეგები: Qwelly, ამბორი, ბლოგი, განცდა, გრძნობა, ემოცია, კოცნა, მარშრკუტკა, სიყვარული

khatuna zitanishvili: სექტემბერი 17, 2014||10:21pm

გაბდღალული რას ნიშნავს :D

ლაშა: სექტემბერი 17, 2014||10:32pm

სიცილის ფორმაა khatuna :) ზოგჯერ უაზრო ღიმილი რომ რჩება ადამიანს სახეზე ან გაკრეჭილია ბოლომდე. მაგდაგვარია რა... იმერეთში იციან ასე - გაბდღალული! :D 

თა _ მო: სექტემბერი 18, 2014||11:30am

რა ხალხია მოკლედ რა, ჩუმად დგომასაც არ გაცლიან :D :D :D

მანო: სექტემბერი 18, 2014||12:20pm

lasha dzalian nichieri xar,yvelaperi gaq chaqsovili wris dros,rasac ki sheudzlia mkitxvelis yuradgeba miipros da sasiamovno gimilad sheashres saxeze <3 :D

nini: სექტემბერი 18, 2014||3:42pm

^_^ რა კარგი იყო :) ,,მძღოლური დოღრიალობით" :დდ იმერელი ხარ ლაშა?? ^_^ მომეწონა ძალიან მეტრანახევრიდან დანახული ემოციების აღწერა :დდ

თათია: სექტემბერი 18, 2014||6:17pm

ვგიჟდები ასეთ სიყვარულზე და ასეთ წყვილებზე!! :D

ლაშა: სექტემბერი 18, 2014||9:01pm

თა _ მო, რა ჩუმად, ხომ დავწერე - გამწერებულები ქაქანებდნენ :D 

მანო, უუუღრმესი მადლობა ამ კომენტარისთვის და ესოდენ გადაჭარბებული კარგი შეფასებებისთვის! ♥ 

nini არაა, მცხეთელი ვარ, მცხეთელი ვარ მაგრამ ხშირად მიწევს იმერლობა :D 

თათია, ჩემო გემრიელო, მეც მომეწონა, რაღაც სიწმინდის ბევრი ნიშანი ჰქონდა და ამიტომ უფრო :))

David Jafaridze: სექტემბერი 18, 2014||11:36pm

:) !!!!!!!!

maiko: სექტემბერი 18, 2014||11:41pm

ra kargad agtsere dzaan mometsona megona mec iq vikavi da vukurebdi mat :)

mariami: სექტემბერი 19, 2014||1:27am

მატირა

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

კანონი ოჯახური ღირებულებებით და საუმცირესობოდ, ხელმომწერების მარში და პრემიერი სომხეთში

გამოაქვეყნა Giorgi_მ.
თარიღი: მარტი 25, 2024.
საათი: 11:32pm 0 კომენტარი

დღეს საქართველოს ეკლესიის ავტოკეფალიის აღდგენის დღეა. ცხადია, ამ საკითხზე ტრადიციული მილოცვები გავრცელდა. თუმცა დღის მთავარ თემად კვლავ პოლიტიკური ამბები ლიდერობდა და საარჩევნო წელს, არჩევნებისთვის მოფიქრებული და რედაქტირებული კანონები. გამორჩეული იყო ოჯახური ღირებულებებით წარმოდგენილი კანონპროექტი ლჯბთ თემის უფლებების შემცირებით, ასევე, საარჩევნო ბარიერები, უმცირესობათა დღესასწაულები და ა.შ. დღის მთავარი…

გაგრძელება

Qwelly World

free counters