პოლიტიკურად მოძრავი ხაზარაძე, პუტინის „სიმპატიური“ გამოსვლა და ღამის აქციები

      ეს დღე მაინც დავიწყოთ ახალი ამბით - ხაზარაძემ პოლიტიკაში ფულის ხარჯვა დაიწყო და საზოგადოებრივ მოძრაობას აფუძნებს. დღეს პუტინის გამოსვლაც მნიშვნელოვანი იყო ქართული საინფორმაციო სამყაროსთვის და ცხადია, გვერდს ვერ ავუვლით გუშინდელ ღამეს. გუშინდელი, მრავალფეროვანი აქციების დღე, რუსთაველის სააქციო ღამით დასრულდა, გუშინ - ერთნი პრაიდის წინააღმდეგ, მეორენი კი ანტისაოკუპაციო აქციად მოინათლნენ. სახალხო დამცველი ამბობდა - დღეს მთავარი ამოცანაა, რომ არ მოხდეს ფიზიკური დაპირისპირება საქართველოს მოქალაქეებს შორის, რისი ძალიან მაღალი რისკები არსებობს. ლომჯარია მართალი აღმოჩნდა და პარლამენტის შენობის წინ ფიზიკური დაპირისპირებაც მოხდა. მიუხედავად ყველაფრისა, ანტისაოკუპაციო აქციის მონაწილეებმა და "თბილისი პრაიდის“ მოწინააღმდეგეებმა მთელი ღამე რუსთაველის გამზირზე გაატარეს.

საქართველოს და მსოფლიოს ამბები / 9 ივლისი, 2019/

      დავიწყოთ ანტისაოკუპაციო აქციით, რომლებიც შიმშილს აგრძელებენ - ანტისაოკუპაციო აქციის მონაწილეები პოლიციას მიმართავენ, რომ პარლამენტის წინ მოშიმშილეების უსაფრთხოება დაიცვან. ანტისაოკუპაციო აქციის მონაწილეები პოლიციას სთხოვენ, მონაზონი სიდონია მოშიმშილეების კარვებთან უსაფრთხოდ მიაცილონ. პარლამენტის შენობის წინ ფიზიკური დაპირისპირება მოხდა. ანტისაოკუპაციო აქციაზე დაანონსეს, რომ ისინი „თბილისი პრაიდის“ საწინააღმდეგო აქციაზე მივლენ და დიალოგს გამართავენ. ანტისაოკუპაციო აქციის ერთ-ერთი ორგანიზატორი სასულიერო პირებს მოუწოდებს, რომ მათაც გვერდით დაუდგნენ. მოსწავლე-ახალგაზრდობის სასახლის წინ ანტისაოკუპაციო აქცია გვიან ღამით ისევ განახლდა, მისი მონაწილეები პოლიციას პირობის დარღვევაში ადანაშაულებდნენ. უკვე გამთენიისას - ანტისაოკუპაციო აქციის ერთ-ერთი ორგანიზატორი - პოლიცია არ გვაძლევს საშუალებას, რომ ჩვენი მხარდამჭერები ჩაგვენაცვლონ. რუსთაველის გამზირზე პოლიციამ კორდონი გახსნა და ანტისაოკუპაციო აქციის მონაწილეებმა პარლამენტთან გადაინაცვლეს. შოთა დიღმელაშვილი - "თბილისი პრაიდის" მოწინააღმდეგეებთან ლაპარაკი შეიძლება და ვაპირებთ, რომ ვილაპარაკოთ. შოთა დიღმელაშვილი - „პრაიდის" კონტრაქცია არ არღვევს შეთანხმებას, პოლიცია არღვევს, არ გვიშვებს პარლამენტის წინ. ირმა ნადირაშვილი - მივმართავ შსს-ს, დააბრუნოს აპარატურა, რომლითაც მიტინგი უნდა გახმოვანდეს - შსს დაბრუნდა იმ დროში, როდესაც მას კახა თარგამაძე ხელმძღვანელობდა.

      ანტიპრაიდის აქცია - „თბილისი პრაიდის“ საწინააღმდეგო აქციის მონაწილები პარლამენტის წინ შეკრებას მომდევნო დღეებშიც გეგმავენ. ლევან ვასაძის განცხადებით, 2 ძირითადი მოთხოვნა აქვთ - გაუქმდეს ანტიდისკრიმინაციული კანონი და შემუშავდეს გარყვნილების საჯარო პროპაგანდის ამკრძალავი კანონი. ლევან ვასაძე - არჩილ თალაკვაძისთვის ამერიკის ელჩს რომ დაეძახებინა, ხალათით და შლოპანცებით გაიქცეოდა. სანდრო ბრეგაძის ინფორმაციით, რუსთაველის გამზირზე ფიზიკური დაპირისპირება ახალგაზრდების შეურაცხყოფას მოჰყვა. დიმიტრი ლორთქიფანიძე - სახელმწიფო ხელისუფლების წყარო ხალხია და როცა ამის უარყოფა ხდება, ხალხი ხელში იღებს ძალაუფლებას, ეს გინდათ? „თბილისი პრაიდის“ საწინააღმდეგო აქციის მონაწილეები პოლიციის კორდონთან მივიდნენ და ხმამაღალი მუსიკა გააპროტესტეს, რომელიც ანტისაოკუპაციო აქციაზე ისმოდა. გურამ ფალავანდიშვილმა ანტისაოკუპაციო აქციის ორგანიზატორებს დალაპარაკებაზე „დროებით“ უარი უთხრა. გურამ ფალავანდიშვილი - არ ვაპირებთ ხელი შევუშალოთ დეოკუპაციის თემაზე პროტესტს - მთავრობის წინააღმდეგ პროტესტს გავაგრძელებ, მაგრამ კონტრაქცია პარლამენტთან არ მინდა. დავით ბერძენიშვილი - ღამის კლუბების თაობას გახარია ვერ დაღლის - „პრაიდის“ საწინააღმდეგო ჯგუფი მაშინ გამოჩნდება, როცა ხელისუფლება გამოიძახებს. სოფო კილაძე - ლევან ვასაძე აბსოლუტურად დამოუკიდებლად მოქმედებს - პოლიტიკური სპეკულაციაა იმაზე საუბარი, თითქოს ხელისუფლება მასთან ალიანსშია. სერგი კაპანაძე - შსს-მ კიდევ ერთხელ სცადა გამოეყენებინა მის დაქვემდებარებაში მყოფი პრორუსული ძალები, რომ სამშვიდობო მანიფესტაცია დაეშალა. ანრი ოხანაშვილი ვასაძის მოთხოვნაზე - თალაკვაძესთან შეხვედრის პრობლემა არ არის, თუმცა ულტიმატუმების ენა დიალოგს ხელს არ შეუწყობს. თამარ ხულორდავა - ანტიდისკრიმინაციული კანონის გადახედვაზე და მით უფრო გაუქმებაზე, სერიოზულ საუბარს არ დავიწყებდი.

      რუსული გამოხმარება - რუსი დეპუტატი - საქართველოს ალტერნატივა რუსი ტურისტებისთვის აფხაზეთი, აზერბაიჯანი და სომხეთი შეიძლება გახდნენ. ალექსეი პუშკოვი - საქართველოს თავისი ღვინო და წყალი შეუძლია გაუგზავნოს ნატოელ მოკავშირეებს - ქართველები ჭაში ჩაფურთხებას უნდა გადავაჩვიოთ. რუსეთის დუმის დეპუტატი - ჩემი წინადადებაა, გამოვისყიდოთ „რუსთავი 2“ და სახელიც გადავარქვათ - მაგალითად, „ბაგრატიონი 1“ ვუწოდოთ. დუმის თავმჯდომარე - ქართული ღვინის გარეშეც გავძლებთ. ვლადიმერ პუტინი სანქციების დაწესებაზე - მე ამას არ გავაკეთებდი ქართველი ხალხის პატივისცემის გამო. ვლადიმერ პუტინი გიორგი გაბუნიაზე - ერთი ვიღაც გამოვიდა და რაღაც დააბრეხვა - „დიდი პატივია“ მისთვის სისხლის სამართლის საქმის აღძვრა. ვლადიმერ პუტინი - მე ვარწმუნებდი სააკაშვილს, მიხეილ ნიკოლოზის ძევ, არ დაუშვათ აფხაზეთსა და სამხრეთ ოსეთში სამხედრო მოქმედებები, მეთანხმებოდა - „კი, კი არავითარ შემთხვევაში“ და რა ქნა? - წავიდა იქ ომით. ვლადიმერ პუტინი - 1918 წელს საქართველომ გერმანიის ჯარების დახმარებით მოახდინა აფხაზეთის ოკუპაცია, 1919-1920 წლებში კი უფრო სასტიკად იქცეოდა ოსეთში - ეს იგივეა, რაც გენოციდი.

      პუტინმა, რა ჰქმნა?! - ირაკლი მენაღარიშვილი - პუტინის განცხადების გულწრფელობის, სანდოობის შეფასება მას შემდეგ დავიწყოთ, რაც დამდგარი ფაქტი გვექნება. დავით ზალკალიანი - ვლადიმერ პუტინის გადაწყვეტილება ერთადერთი სწორი გადაწყვეტილებაა და შეიძლება მხოლოდ და მხოლოდ მიესალმო. მამუკა არეშიძე - პუტინის განცხადება პოლიტიკური მანევრია, რომლითაც ქართული საზოგადოების გული მოიგო. გიორგი ოთხმეზური - ვლადიმერ პუტინის განცხადება ისტორიული ფაქტების ამოყირავებაა. რომან გოცირიძე - სანქციების გამოცხადება ივანიშვილისთვის ფეხის დადება იქნებოდა, პუტინს კი არ აწყობს ივანიშვილის წაქცევა.

      პრეზიდენტის ბრიფინგი - სალომე ზურაბიშვილი - მივმართავ ძალებს, ვინც სტაბილურობას პოლიტიკური მიზნების გამო საფრთხის ქვეშ აყენებს - პატრიოტიზმი ქვეყნის დესტაბილიზაციაზე არ გადის. მივმართავ რუსეთის ხელმძღვანელობას: არ აჰყვეს ესკალაციას. ვანო მაჭავარიანი - ის, რომ სალომე ზურაბიშვილი რუსეთის ხელისუფლებას ესაუბრება და არა საკუთარ მოსახლეობას, პოლიტიკური ანომალიაა. დავით ბაქრაძე - სამწუხარო რეალობაა, რომ რუსეთის პრეზიდენტი უფრო ადეკვატური აღმოჩნდა ვითარების შეფასებისას, ვიდრე საქართველოს პრეზიდენტი და ხელისუფლება.

      დეპუტატი საქართველოში - უკრაინელი დეპუტატი - შვებულებას საქართველოში გავატარებ, რათა მხარი დავუჭირო თქვენს ქვეყანას.

      ხაზარაძე პოლიტიკაში - მამუკა ხაზარაძე ახალ საზოგადოებრივ მოძრაობას აფუძნებს. მამუკა ხაზარაძე - თუ ამ ქვეყნის მოქალაქე ხარ, თუ მისთვის გული გიძგერს, არ შეიძლება ამ ყველაფერს გულგრილად უყურო, არ შეიძლება შენი ენერგია, საქმე, ყველაზე მთავარს არ მოახმარო - სამშობლოს. ლევან ბოძაშვილი - მამუკა ხაზარაძის მოძრაობა გაფილტრავს პოლიტიკურ ცხოვრებას პარაზიტებისგან. გიგა ბოკერია - არ ვიცნობ, რა შინაარსი აქვს ხაზარაძის მოძრაობას - თუ საკვანძო ღირებულებებში ეს მოძრაობა დგას პრინციპულ საკითხებზე იმავე პოზიციებზე, მაშინ ძალიან კარგი. ვახტანგ ძაბირაძე - ველოდი, რომ მამუკა ხაზარაძე პოლიტიკაში შეაბიჯებდა - ხელისუფლებამ ხაზარაძისგან თავად შექმნა დასავლური ტიპის ლიდერი. თინა ხიდაშელი - მამუკა ხაზარაძეს ორი არჩევანი ჰქონდა: ან სახლში წასულიყო და ხმა არასდროს ამოეღო, ან აქტიური გამხდარიყო - მან ლოგიკური გადაწყვეტილება მიიღო. სოფო კილაძე მიიჩნევს, რომ მამუკა ხაზარაძის გადაწყვეტილება საზოგადოებრივი მოძრაობის დაფუძნებაზე, პოლიტიკური პარტიის შექმნისკენ გადადგმული ნაბიჯია. რომან გოცირიძე - მამუკა ხაზარაძის საზოგადოებრივ-პოლიტიკურ ასპარეზზე გამოჩენა ეთანხმება ჩვენი პარტიის პრინციპს - ყველა ერთის წინააღმდეგ! ირაკლი კობახიძე მამუკა ხაზარაძის მოძრაობაზე - ვისაც სახელმწიფოსთვის სარგებლის მოტანა უნდა, ყველას წარმატებებს ვუსურვებ. ბიზნესასოციაციის დირექტორი - მამუკა ხაზარაძის გადაწყვეტილება ნიშნავს, რომ მას აქვს სურვილი პოზიტიური წვლილი შეიტანოს ქვეყნის განვითარებაში. ფადი ასლი - სულ ახლახანს მივწერე მამუკა ხაზარაძეს და ვუთხარი, რომ მხარს ვუჭერ - დავიღალე იმით, რასაც ქვეყანაში ვხედავ, ჩვენ გვჭირდება ალტერნატივა. ლევან კობერიძე მამუკა ხაზარაძის მოძრაობაზე - ნებისმიერ ძალასთან ან საზოგადოებრივ ჯგუფთან, რომელიც ქვეყანასა და ხალხზე იზრუნებს, თანამშრომლობა გამორიცხული არ არის. დავით ჭიჭინაძე - მევახშეებით ახალი პოლიტიკური სახეები არ იქმნება, ხაზარაძე პოლიტიკაში თავის გადასარჩენად შემოდის. ხათუნა ლაგაზიძე - მამუკა ხაზარაძეს აქვს რესურსი საზოგადოებაში „დამცველის“ იმიჯი შეიქმნას - დრო და ნიშა ახლა მისთვის ძალიან ხელსაყრელია.

      უკრაინული ნიუსები საქართველოზე ან ქართველებზე - უკრაინელი დეპუტატი გავრილოვზე - მაინტერესებს, რატომ დაუშვით მისი საქართველოში შემოსვლა და პროვოკაციის მოწყობა - უკრაინაში პუტინის აგრესიის მხარდამჭერებს ჩამოსვლა არ შეუძლიათ. უკრაინელი დეპუტატი - სააკაშვილს რადაში შესვლის მცირე შანსი აქვს, მაგრამ ეს იმას არ ნიშნავს, რომ ის არ იქნება ფიგურა უკრაინულ პოლიტიკაში.

      კადიროვთან პასუხობანა - დავით უსუფაშვილი რამზან კადიროვს - საკუთარი ხალხის სირცხვილი თავად ხარ - არსად გემალები არც შენ და არც პუტინს, თბილისში ვცხოვრობ.

      დოლარის ატოცი - კომერციულ ბანკებში ერთი აშშ დოლარის ღირებულება 2.97 ლარს აჭარბებს. სავალუტო ჯიხურებში ერთი აშშ დოლარის ღირებულება 2.93 ლარია. გიორგი კეპულაძე ლარის კურსზე - რუსულ ბაზარზე დამოკიდებულება დამღუპველია.

      მომავლის პენსიები - საპენსიო სააგენტოს დირექტორი - მკაცრად და კვალიფიციურად გაკონტროლდება საინვესტიციო და ოპერაციული რისკები. ლევან ვეფხვაძე - ნდობის გარეშე საპენსიო ფონდი ვერ იმუშავებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 23

ტეგები: qwellynews, ამბები, ბლოგი, ივლისი, ნიუსები, სიახლეები

Kakha: ივლისი 10, 2019||6:47pm

საპენსიო სააგენტო მალე განაცხადებს, მოულოდნელი და გაუთვალისწინებელი რისკების გამო შემოიფლანგა ფული (( ჩემი გაათმაგებული პენსიის იდეაც ჩაიწყრება წყალში :D

Kakha: ივლისი 10, 2019||11:18pm

მე მაინც ანგელა მერკელზე ვდარდობ, ამდენჯერ ცდილობს დაგვაიგნოროს და გვაიგნორებს ხელი ხელ ჩაკიდებული ლუდით და თევზით ხვდება ვლადიმერს და დღეს კიდევ გაუმეორა ამ ხელ ფეხის კანკალმა, არც მინდა ვიფიქრო რა მოხდებაა ჩრდილოეთის ნაკადი2_ის განხორციელებაში ხელი შეუშალოს ამან 

George: ივლისი 10, 2019||11:27pm

გარწმუნებ, რომ მიზერულია შანსი ჩრდილოეთის ნაკადი2-ის ჩაშლისა (სანქციების ქვეშაც მუშაობენ ფირმები)..და თუ ტრამპის ძმაკაცის ფირმას წილს მისცემენ - არც სანქციები იქნება!

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

სააქციო-საგამოძიებო ნიუსები, ბიძინა და მისი ოცნება, არჩევნები და მოსამართლეების რვიანი

გამოაქვეყნა Giorgi_მ.
თარიღი: ივლისი 17, 2019.
საათი: 11:29pm 0 კომენტარი

      ვიდრე ზაფხულის სიცხე დაბრუნდებოდეს, მთავარ ამბებში ისევ ივნისია და ივნისის გამოძიებები, ასევე ქართული ოცნების ბათუმური შეკრება და სამართლის მაძიებელი მარადიული მოსამართლეების არჩევა - მრავალია…

გაგრძელება

თემიდას კლანი, გოგებაშვილის განათლება, გადამეტებული პოლიციელობანა და კალაძის ქალაქი

გამოაქვეყნა Giorgi_მ.
თარიღი: ივლისი 16, 2019.
საათი: 11:00pm 0 კომენტარი

      ტემპერატუა 20 ივნისის საქმეზე ჯერ კიდევ ინარჩუნებს ჩერნობილის გრადუსს - დაკავებების ორმხრივი სერია მიმდინარეობს პარალელური აქციებით. ასევე თბილისს აქვს ახალი ანონსები, ხოლო აზერბაიჯანს ახალი…

გაგრძელება

ზაფხულის განზოგება - ვლაქერნობა, დაკავებული პოლიციელები, გარეჯის პრობლემა და დედა ენა სკოლებში

გამოაქვეყნა Giorgi_მ.
თარიღი: ივლისი 15, 2019.
საათი: 11:30pm 1 კომენტარი

      შუა ზაფხულის შუა დღე - ზუგდიდში ვლაქერნობა აღინიშნა, ხოლო ამინდს რაც შეეხება საქართველოში უახლოესი დღეების განმავლობაში ნალექიანი ამინდია მოსალოდნელიო. ბარემ მომავალზე ვსაუბრობთ და ისიც ვთქვათ,…

გაგრძელება

ცოცხალი მინდორი

გამოაქვეყნა Tamila Moshiashvili_მ.
თარიღი: ივლისი 14, 2019.
საათი: 11:03pm 0 კომენტარი

      სიმწვანის სიურეალისტური გამოსახვა ჩვენს ყოველდღიურ, ცოცხალ გარემოში ემერიკ ჩანთიერის (Émeric Chantier) მორიგი გატაცებაა და თავისი სკულპტურები სწორედ ამ მიმართულებით არის წარმოდგენილი.…

გაგრძელება

Qwelly World

free counters