აფხაზეთ-ოსეთის „სახელმწიფოების“ ცნობა, მკვლელობა სრული დაუსჯელობით, სალომბარდე და საბანკო ეკონომიკა და თბილისური ამბები

      დილიდან აუხდათ სინოპტიკოსებს - სინოპტიკოსების ინფორმაციით, 29-31 მაისს საქართველოს უმეტეს რაიონში წვიმაა მოსალოდნელიო - ან შეიძლება დილით გაიხედეს და ისე თქვეს, რომ ახდენოდათ. ამას გარდა, დღის ამბები ეხებოდა ისევ ხორავას ქუჩის მკვლელობას, სირიის მიერ აფხაზეთის და ოსეთის აღიარებას, პოლიციის ძალადობას, მუხთარლის საქმეს და სხვა

საქართველოს და მსოფლიოს ამბები / 29 მაისი, 2018 /

      ნატოური და ამერიკული მხარდაჭერა - ნატო-ს საპარლამენტო ასამბლეის დასკვნით დეკლარაციაში ალიანსის წევრები საქართველოს ნატო-ში ინტეგრაციას მხარს უჭერენ. უილიამ კორტნი - აშშ-ს დათანხმების შემდეგ, საქართველოს შეუძლია, ნატო-ს სხვა მოკავშირეებიც დაითანხმოს იარაღის მიყიდვაზე. საქართველოში აშშ-ის ყოფილი ელჩი - ამერიკასთან თავისუფალი სავაჭრო შეთანხმების მომზადების ნაცვლად, საქართველო უფრო მეტს მოიგებს, თუ საინვესტიციო კლიმატს გააუმჯობესებს. აშშ-ის ელჩის მოვალეობის შემსრულებელი - აშშ-სთვის მტკიცედ მიუღებელია სირიის მიერ აფხაზეთის და ცხინვალის რეგიონის ე.წ. დამოუკიდებელ სახელმწიფოებად აღიარება. იანოშ ჰერმანი - სირიის გადაწყვეტილება ეწინააღმდეგება საერთაშორისო სამართალს და არაღიარების პოლიტიკას, რომელსაც ევროკავშირი ატარებს. ნატოს სამეკავშირეო ოფისი - სირიის გადაწყვეტილება გავლენას არ მოახდენს იმ ფართო საერთაშორისო გაგებაზე, რომ „სამხრეთ ოსეთი“ და აფხაზეთი საქართველოს ნაწილია. ევროკავშირი - სირიის მიერ აფხაზეთისა და „სამხრეთ ოსეთის“ „დამოუკიდებლობის“ აღიარება საერთაშორისო სამართალს არღვევს.

      გაურკვეველი გატაცება - ქალი, რომლის არასრულწლოვანი შვილის გატაცების ბრალდებით ცოლ-ქმარი დააკავეს, ამბობს, რომ მას არ უჩივლია და არც ის იცის, ვინ დარეკა 112-ში. ბავშვის მძევლად აყვანის ბრალდებით დაკავებულ ცოლ-ქმარს ბრალი ოფიციალურად წარედგინა.

      გამოუძიებელი მკვლელობა ხორავას ქუჩაზე - ხორავას ქუჩაზე მოზარდების მკვლელობაში ერთ-ერთი ბრალდებულის ადვოკატი - პროკურორი ინა გუგუშვილი თმების დაგლეჯით დამემუქრა. პროკურორი - ბრალდებულს დაკითხვისას არც ერთხელ არ უხსენებია, რომ მირზა სუბელიანისთვის მკვლელობის ფაქტის შესახებ ცნობილი იყო. ადვოკატი - ბრალდებულის მიერ დასახელებული ახალი გარემოებები უნდა გახდეს საფუძველი იმისა, რომ პროკურატურამ კონკრეტული პირების პასუხისმგებლობის საკითხი გამოკვეთოს. ტარიელ კაკაბაძე - ჩვენ ვითხოვთ, რომ კონკრეტული პირები პასუხისგებაში მიეცნენ და დაისაჯონ იმ ქმედების ადეკვატურად, რაც მათ ჩაიდინეს. ინგა შარაშენიძე - ველოდები სასამართლოს დადებით გადაწყვეტილებას. მაია ნიკოლეიშვილი - რასაც მე ვუყურე ორი პროკურორის მხრიდან, დავბრუნდი ძალიან ძველ დროში, როდესაც პროკურორი მუშტს ურტყამდა და დაშინებული ჰყავდა ყველა, მათ შორის ექსპერტი. მთავარი პროკურატურა - ხორავას ქუჩაზე, მკვლელობის ადგილზე ნაპოვნი მაკრატელი სასწრაფო-სამედიცინო დახმარების ბრიგადას ეკუთვნის. პროკურორი ხორავას ქუჩაზე მომხდარ მკვლელობის საქმეზე - უტყუარად დადგინდა, რომ ბრალდებულმა გ.ბ-მ ორივე მოკლულს ჭრილობა დანით მიაყენა. მთავარი პროკურატურის განცხადებით, გარდაცვლილი დავით სარალიძის ინციდენტში თანმხლებმა პირებმა გამოძიებასთან არ ითანამშრომლეს. ზაზა სარალიძე - დღეს ჩემი შვილის ტანსაცმელი, რომელიც მე პირადად არ მინახავს, საჯარო გახადეს?! ტაშს დავუკრავ, ყოჩაღ, მაგრები ყოფილან. ხორავას ქუჩაზე მოზარდების მკვლელობის საქმის პროკურორი - დღეს არ გასაჯაროვებულა არც ერთი ისეთი მასალა, რომელიც წინააღმდეგობაში მოვიდოდა კანონმდებლობასთან. ადვოკატი - ჩემი დაცვის ქვეშ მყოფზე ნიმუშის აღებისას განხორციელებული ქმედება იძულება და ძალადობაა. ზაზა სარალიძე - არავინ იფიქროს, რომ მე ამ ორი ბრალდებულის დასჯას არ ვითხოვ - კიდევ არიან პირები, რომლებმაც მონაწილეობა მიიღეს დაჭრის ფაქტში. ადვოკატი - ბრალდების მხარის დასკვნითი სიტყვა დაუსაბუთებელია და მასში მოწმეთა ჩვენებები დამახინჯებული ფორმით არის მოყვანილი. პროკურორი - დაცვის მხარის შეფასებას, თითქოსდა დასკვნითი სიტყვა დაუსაბუთებელი იყო, ვერ დავეთანხმები. პროკურორი ხორავას ქუჩის საქმეზე - ალბათ მენტალური პრობლემაა, რომ გარდაცვლილთა კლასელებიდან და მეგობრებიდან გამოძიებასთან არც ერთმა ითანამშრომლა.

      ოსეთი და აფხაზეთი დამოუკიდებელი სახელმწიფოები არიანო, სირიამ ასე გადაწყვიტა! ბიბილოვი აგრძელებს თავისას - ანატოლი ბიბილოვი - წლის ბოლომდე სულ მცირე, ერთი სახელმწიფო გვაღიარებს. დე ფაქტო აფხაზეთის და "სამხრეთ ოსეთის" ინფორმაციით, სირიამ მათი დამოუკიდებლობა აღიარა. სირიის საგარეო უწყება ოკუპირებული აფხაზეთისა და „სამხრეთ ოსეთის“ „დამოუკიდებლობის აღიარებას“ ადასტურებს. ანატოლი ბიბილოვი - სირიის მიერ სამხრეთ ოსეთის დამოუკიდებლობის აღიარება იმ შეუქცევადი პროცესის გაგრძელებაა, რომელიც 2008 წელს დაიწყო. ლევან გერაძე - სირიის მხრიდან ოკუპირებული აფხაზეთისა და „სამხრეთ ოსეთის“ „დამოუკიდებლობის აღიარება“ საერთაშორისო ურთიერთობებზე დიდ გავლენას ვერ მოახდენს. საქართველოს საგარეო უწყებაში ოკუპირებული აფხაზეთისა და “სამხრეთ ოსეთის“ სირიის მიერ „დამოუკიდებლობის აღიარებასთან“ დაკავშირებით ბრიფინგი გაიმართა. კორნელი კაკაჩია - აქამდე არაბული ქვეყნებიდან დე ფაქტო რეჟიმები არავის უღიარებია, სირიის „აღიარებამ“ კი შესაძლოა, სხვა სახელმწიფოებში ჯაჭვური რეაქცია გამოიწვიოს. სალომე სამადაშვილი - სირიის დღევანდელი რეჟიმი რუსეთის დაკვეთის შესაბამისად მოქმედებს. გედევან ფოფხაძე - არა მგონია, სირიის მიერ აფხაზეთისა და “სამხრეთ ოსეთის“ „დამოუკიდებლობის აღიარება“ საქართველოს დიპლომატიის ხარვეზად ჩაითვალოს. სალომე ზურაბიშვილი - სირია დღევანდელ დღეს ყველაზე სამარცხვინო ქვეყანაა და მისი აღიარება არაფერს ნიშნავს. კონსტანტინე კოსაჩოვი სირიის მიერ აფხაზეთის და „სამხრეთ ოსეთის“ „აღიარებაზე“ - ეს მხოლოდ დასაწყისია. მიხეილ ჯანელიძე სირიის დღევანდელ გადაწყვეტილებას საერთაშორისო სამართლის კიდევ ერთ უხეშ დარღვევად აფასებს. მიხეილ ჯანელიძე სირიის დღევანდელ გადაწყვეტილებას საერთაშორისო სამართლის კიდევ ერთ უხეშ დარღვევად აფასებს. პაატა ზაქარეიშვილი - მნიშვნელოვანია, რომ არაბულ სახელმწიფოთა დარაზმვა მოხდეს სირიის გადაწყვეტილების წინააღმდეგ - თბილისმა ამ მიმართულებით უნდა იმუშაოს. არჩილ თალაკვაძე - რეჟიმმა აღიარა რეჟიმი და ორივე რეჟიმი გახარებულია. რომან გოცირიძე - სირიის დღევანდელი გადაწყვეტილება საქართველოს ხელისუფლების მიერ რუსეთთან წარმოებული უსუსური პოლიტიკის შედეგია. ეკა ბესელია - ისეთ ქვეყანაში, სადაც არ არის დემოკრატიული სისტემა, შეიძლება იყოს მიდგომა, რომელიც ყველა საერთაშორისო პრინციპს და სუვერენიტეტს არღვევს. „ევროპული საქართველო“ სირიის დღევანდელ გადაწყვეტილებასთან დაკავშირებით მიხეილ ჯანელიძის პარლამენტში დაბარებას აპირებს. „სამხრეთ ოსეთის“ დე ფაქტო საგარეო საქმეთა მინისტრი - ცხინვალსა და დამასკოში საელჩოების გახსნის საკითხს განვიხილავთ. თენგიზ ფხალაძე - საქართველოს უპირისპირდება არა სირიის სახელმწიფოს დიპლომატია, არამედ რუსული დიპლომატია. ლაშა დარსალია - არ ველი, რომ სირიის გადაწყვეტილება რამე განსაკუთრებულ დარტყმას მიაყენებს საქართველოს არაღიარების პოლიტიკას. დავით დონდუა - საფრთხე იმისა, რომ სირიის აღიარების გავლენით რომელიმე სხვა არაბულმა ქვეყანამ საქართველოს ოკუპირებული ტერიტორიები აღიაროს, არ არსებობს. მიხეილ ჯანელიძე - არალეგიტიმური ასადის რეჟიმის მხრიდან, რომლისთვისაც საკუთარი მშვიდობიანი მოსახლეობა არანაირ ღირებულებას არ წარმოადგენს, მსგავსი ნაბიჯი გასაკვირი არ იყო. ვახტანგ ყოლბაია - სირიის რეჟიმის გადაწყვეტილება შეიძლება შევაფასოთ, როგორც სირიის მიერ რუსეთიდან პოლიტიკური, სამხედრო, ეკონომიკური, ფინანსური სარგებლის მიღების მიზნით განხორციელებული ქმედება. უკრაინა სირიის მიერ საქართველოს ოკუპირებული რეგიონების „დამოუკიდებლობის“ აღიარებას გმობს. პაატა ზაქარეიშვილი - როცა დანგრეული და განადგურებული სირია დარწმუნდა, რომ რუსეთი მართლა ეხმარება ასადის რეჟიმს, რუსეთის გამო ეს ნაბიჯი გადადგა.

      ბანკი, ლომბარი, ვალები და სხვა ფულიანი თემები - მამუკა ბახტაძე - ჭარბვალიანობა მოსახლეობის სიღარიბის ერთ-ერთ მთავარ წყაროდ იქცა. მამუკა ბახტაძე - ლომბარდი ნაქურდალი ნივთების რეალიზაციის ერთგვარი საშუალება გახდა. ზვიად ძიძიგური - ფინანსთა მინისტრის ახალი ინიციატივების შედეგად მაქსიმალურად იქნება დაცული ჩვენი მოქალაქეების უფლებები. დიმიტრი ქუმსიშვილი - ახალი წესები საბანკო ჰოლდინგებსა და ეკონომიკის რეალური სექტორის კომპანიებს უფრო მკვეთრად გამიჯნავს. დიმიტრი ქუმსიშვილი - ნაბიჯები, რომელიც საბანკო სექტორში იდგმება, ჩვენი მოქალაქეების დაცულობას ხელს შეუწყობს.

      წამება თუ კანონმოქმედება - შინაგან საქმეთა სამინისტრო სოციალურ ქსელში გავრცელებულ ვიდეო-ჩანაწერთან დაკავშირებით განმარტება გააკეთა - იმ ჩანაწერში ჩანდა რომ მსჯავრდებულს აწამებდნენ, აღმოჩნდა რომ დნმ-ს ანალიზს უღებდნენ ნერწყვისა და ოფლის სახით. ნათია მეზვრიშვილი - არ შეიძლება პოლიციელების დისკრედიტაცია, განსაკუთრებით მაშინ, როცა ისინი კანონის სრული დაცვით მოქმედებენ.

      მერია განაშენიანების გეგმებით, შენების და არშენების მცდელობებით - სამების ტაძრის მიმდებარე ტერიტორიაზე, ძველ თბილისში და რამდენიმე ქუჩაზე თბილისის მერია პროექტების განხორციელებას გეგმავს. ფრაქცია „ქართული ოცნება - ძლიერი საქართველოსთვის“ - ნინო ჟვანიას ქუჩაზე და მიმდებარე ტერიტორიაზე მშენებლობის ნებართვების გაცემა უნდა შეჩერდეს. „მენაშენეთა ასოციაცია“ თბილისში ღამის ეკონომიკაზე, სწორ მიდგომებსა და დედაქალაქის პერსპექტივაზე საუბრობს.

      ძიუდო - მირიან წიკლაური - შოთა ხაბარელს ძიუდოს სფეროში ჭკუას სხვა ქვეყნების ფედერაციები ეკითხებიან, ქევხიშვილმა კი დარბაზის დატოვებისკენ მიუთითა. მიხეილ გიორგაძე - ძიუდოს ფედერაციის პრეზიდენტის გადადგომის აუცილებლობას ვერ ვხედავთ. „ქართული ოცნების“ წევრი შოთა ხაბარელი თანაგუნდელ თამაზ ნავერიანს უპირისპირდება.

      მუხთარლის საქმის ერთწლიანი გაურკვევლობა - ელენე ხოშტარია - ერთი წელი გავიდა, რაც მუხთარლი გაუჩინარდა, არ არსებობს არგუმენტი, რატომ არ უნდა შეიქმნას საგამოძიებო კომისია.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 322

ტეგები: qwellynews, ბლოგი, მაისი, ნიუსები, სიახლეები

George: მაისი 30, 2018||12:36am

სირია ასეთი ბუნჩულა ქვეყანაა - ვინ მოელოდა მათგან ?

ლაშა: მაისი 30, 2018||11:10am

არაუშავს, ჩვენმა გენიოსებმა დაგვამშვიდეს, მაინც არაფერს წარმოადგენს, ეგ ძალიან არადემოკრატიული და თავადაც სეპარატისტული სირიაო. 

ლაშა: მაისი 30, 2018||11:34am

უკვე აქციები დაიგეგმა - აიკრძალოს სირიელი მიგრანტების საქართველოში შემოსვლაო )) დაადარდიანეს ასადი. 

George: მაისი 30, 2018||12:48pm

ტყუილად ხუმრობ, კახა, სირიისნაირი სირები - სომალი და ლიბია, რომ მზადყოფნაში არიან ეს არაა პრობლემა, არამედ სირიის მეორე სპონსორმა - ირანმა (ჩვენ მეგობრებში დადის) დაუუშვა პირველი სპონსორის ზეწოლა 

George: მაისი 30, 2018||1:08pm

წაგებული რატოა ? კი რუსეთის თვითმფრინავებია და სხვა იარაღიც, მაგრამ ჯარი რეალურად ირანისაა სირიაში - მათ გარეშე ასადი დიდი ხანი იქნებოდა კადაფივით ! 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters