ცოდნა მისიისთვის, blog, education, experience, god, history, jesus christ, knowledge, mission, post, qwelly, qwellyblog, qwellypost, zimbabwe, აინშტაინი, ბლოგი, გამოგონება, განახლება, დაგროვებული ცოდნა, დამუშავება, დახვეწა, დღიური, ეგზისტენციალიზმი, ენიო მორიკონე, ზიგმუნდ ფროიდი, ზიმბაბვე, იესო ქრისტე, ისტორია, ლაშა ჩილინდრიშვილის ბლოგი, მეტა ტვინი, მისია, მოღვაწეობა, სიახლე, ფროიდი, ქველი, ღმერთი, ყოვლისმცოდნე, ყოვლისმცოდნეობა, შესაძლებლობა, შექმნა, ცოდნა, ცხოვრებისეული გამოცდილება

      ხშირად მაფიქრებენ ადამიანები დიდი ცოდნით, ცხოვრებისეული გამოცდილებით და თავიანთი ყოველდღიურობით. რას ნიშნავს ცხოვრობდე თანამედროვე სამყაროში? ესაა იცხოვრო ინფორმაციის ნაკადის ქვეშ, სადაც ყოველდღიურად, შენგან დამოუკიდებლადაც კი უსარგებლო და ხანდახან სასარგებლო ინფორმაციის მთელი ოკეანე გეღვრება თავზე, მაგრამ ამის მიუხედავად, ადამიაინები მაინც დადიან კონკრეტულ ადგილებში სწავლის მისაღებად, ცოდნის დასაგროვებლად. მაგრამ ყველაფერი აქ როდის მთავრდება, ყოველთვის დგება საჭიროება ეს ცოდნა სადმე გამოამჟღავნო, სადმე გაყიდო. აბა, მაშ რისთვისაა ცოდნა თუ მას არ გამოიყენებ?

      ცოდნა ცოდნისთვის?!

      თქვენი არ ვიცი, მაგრამ მე ხშირად მინატრია "მეგა ტვინობა", როდესაც კაცობრიობის მთელი ნაგროვები ცოდნა ჩემი ტვინის ხვეულებში იქნებოდა, ყველასთან შევძლებდი საუბარს ენის, ეროვნების, ფასეულობების, შესაძლებლობების, პროფესიის მიუხედავად, ვისაუბრებდი თხუნელის ხვრელზე ასტრონომიული ლექსიკით და ამავდროულად შემეძლებოდა აღმეწერა მუმიფიცირებული ძაღლის უკანა კიდურის მყესთან წასმული საცხის ქიმიური შემადგენლობა, ანდა მესაუბრა ეგზისტენციალიზმზე და მცოდნოდა როგორ ამზადებს ზიმბაბველი დიასახლისი ბებია შვილიშვილებსთვის კერძს, მცოდნოდა რა წერია ვეფხისტყაოსნის 796-ე სტროფის მესამე ხაზზე ვახტანგ VI-ის რედაქციით რომ დაიბეჭდა, და შემძლებოდა ტიბეტელისთვის მშობლიურ ენაზე ამეხსნა უახლოესი ხუთვარსკვლავიანი სასტუმროს მისამართი სანტიაგო დე ჩილეს აეროპორტიდან, მცოდნოდა შუმერების ენა და შემძლებოდა ორობით კოდში ტექსტების კითხვა. მესაუბრა მუნჯთან და გამეგო როგორ ხმაზე ბზუის შავი ფუტკარი, კიდევ ბევრი რამე მცოდნოდა, რასაც უბრალოდ ვერ ჩამოვთვლი რადგან არ ვიცი რა ჩამოვთვალო.

      მოკლედ, როდესაც ასეთ რამეებზე მიოცნებია, მერე მიკითხავს, ყოვლისმცოდნეობა მაგარი რამეა და რატომ არ ვარ ყოვლისმოცდნე?

      ჰოდა, მომაგონდა ერთი ადამიანი, რომელიც ყოვლისმცოდნე იყო ამ სიტყვის პირდაპირი მნიშვნელობით. კი, გაიხსენეთ იესო ქრისტე, მოაკელით მას ღმრთაებრივი ბუნება, მათ შორის გულთამხედველობაც, სასწაულები და ა.შ. და დატოვეთ ადამიანი, რომელმაც უბრალოდ ყველაფერი იცის და წარმოიდგინეთ თქვენი თავი მის ადგილას.

      ყოველ წარმოდგენაზე მე სულ ახალ-ახალი იდეები მომდის. მაგალითად, არ დაველოდებოდი შუა საუკუნეებს, არამედ პირველივე საუკუნეში გამოვიგონებდი ტელესკოპს. როგორ? ნუ, ოდესღაც ხომ გამოიგონეს? მოიპოვეს, გადაადნეს, დაამუშავეს, მიეკერეს-მოაკერეს, ჩადგეს, ჩაამატეს ამოაკლეს, გაწმინდეს. მოკლედ, გამოიგონეს სამყაროდან და არა სამყაროს მიღმიერიდან. საოცარი სწორედ ესაცაა, რომ კაცბიორიობა არასოდეს, არასოდეს ახალს არაფერს ქმნის! ის უბრალოდ უკვე შექმნილს ფორმას აძლევს და... ვოლაა, ჩვენ გვაქვს ბორბალი, არადა არც ხე შეუქმნია ადამიანს, არც ქვა და არც რკინა. ყველაფერი უკვე დახვდა ბუნებაში, უბრალოდ დროთა განმავლობაში ცოდნა დააგროვა და მივიდა ბორბლამდე. ასეა ყველგან, ყველა სფეროში. მეტიც, როდესაც ხელოვნური ინტელექტის გამოგონებას ცდილობენ, ისიც არ შეუძლიათ სრულიად სხვა, არაადამიანური შექმნან, ინტელექტიც კი რაღაც კანონებს ემორჩილება. რადგან უბრალოდ ადამიანიები არიან ამ სამყაროდან და ახალს ვერ ქმნიან, უბრალოდ ამუშავებენ. ჰოდა, ახლა აგერ ჩვენს წინაშეა ის ადამიანი, რომელსაც დრო არ სჭირდება ცოდნის დასაგროვებლად, არამედ მან იცის როგორ გააკეთოს. მას შეუძლია მამამისისთვის ელექტრო ხერხიც კი შექმნას, მეტიც ისიც იცის, საუკუნეების შემდეგ, ტრაქტორად წოდებულ ხისმჭრელ მანქანებს რომ გამოიგონებენ და თუ კარგად მოაძებნინებს საჭირო მასალებს, მას შეუძლია ეს ყოველივე პირველ საუკუნეში შექმნას. წარმოგიდგენიათ? 16 საუკუნით ადრე დაიბადა ადამიანი, რომელსაც ტელესკოპის გაუმჯობესება გალილეოზე უკეთ შეუძლია, 20 საუკუნით ადრე ცხოვრობდა და იმაზე მეტი იცოდა, ვიდრე აინშტაინმა, ადამიანებში იმაზე კარგად ერკვეოდა ვიდრე ფროიდი და იმაზე უკეთ კურნავდა ვიდრე დოქტორი ჰაუსი და ისიც იცოდა ჰაუსს რომ გადაიღებდნენ და გენიალურ ფილმს უწოდებდნენ. წარმოიდგინეთ, ენიო მორიკონე 20 საუკუნე რომ ისმის სამყაროში და... ჩაკრულო ათწლეულებს კი არა, საუკუნეებს რომ ითვლის კოსმოსში. მოკლედ, ეს ყველაფერი ძალიან მაგარია. მე პირადად აღფრთოვანებული ვარ, რადგან ჩვენ ხშირად ვდარდობთ დაკარგულ დროზე, ხშირად ვწუხვართ იმაზე, რომ დრო დავკარგეთ, როგორც მიკრო დონეზე, ასევე გლობალურად, სახელმწიფო ანდა სრულიად მსოფლიოს ხედვიდან. ჩვენ დრო დავკარგეთ, ვიდრე გამოვიგონებდით ასპირინს, ჩვენ დრო დავკარგეთ და კაცობრიობა გავწყვიტეთ ვიდრე მივხვდებოდით, რომ ატომური ბომბით თამაში არ შეიძლებოდა. არადა ამ ადამიანს შეეძლო პირველივე საუკუნეში ყველა ეს ცოდნა ჩვენთვის დაეტოვებინა. ეს კი არა, რაც ჯერ არ აღმოგვიჩენია, ის ცოდნაც კი დაეტოვებინა.

      გიფიქრიათ ამაზე? ისიც ვიფიქრე, რომ ამის გამო ის ყველას ეყვარებოდა და ყველა დააფასებდა მას. მაგრამ მისია სულ სხვა იყო და ამ მისიამ პილატესგან (რომელიც ჭეშმარიტებასაც კი ვერ ხედავდა) გაროზგვა, ჯვარზე გაკვრა, სიკვდილი და აღდგომა არგუნა.

      ვფიქრობ არაფერი შეცვლილა, დღემდე ასეა, ადამიანები ბევრს სწავლობენ და ცოდნას აგროვებენ, სწორედ იმისთვის, რომ სამყარო უკეთესი იყოს. შეკითხვა კი კვლავ ერთია - და რისთვის? მისია რა არის?

ნახვა: 531

ტეგები: Qwelly, ბლოგი, განათლება, ქველი, ღმერთი, ცოდნა

ლაშა: ივლისი 6, 2015||6:41pm

დამავიწყდა "მეგა ტვინს" რომ უკვე ვიცნობ, უბრალოდ ინტერვიუ უნდა ჩამეწერა :D 

შავი ფუტკარი მართლა დიდი სიბრძნეა, თუ არსებობს საერთოდ ))) 

ლაშა: ივლისი 7, 2015||6:33pm

შეიძლება ვმეგატვინობთ, მაგრამ ნამდვილი მეგატვინები იშვიათობაა კახა და ნუ თავმდაბლობ ახლა )))

რაც შეეხება თეთრი თოვლივით თეთრ ფუტკარს, სადმე ჩრდილოეთში იქნება, ან პირიქით ანტარქტიდაზე ))

ლაშა: ივლისი 8, 2015||9:30pm

ფუტკრები ყველანი ცივსისხლიანები არიან? რომ გავათბოთ? :D 

ლაშა: ნოემბერი 7, 2015||9:28pm

რამე აპოკალიპტური ფილმი ნახე სადაც კაციჭამია ფუტკრები მოვიდნენ? ფუტკრებმა ხომ კბენაც არ იციან, შენ როგორ ნახე "მჭამელები"? :D 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

Qwelly World

free counters