11 სექტემბერს (ძვ. სტ. 29 აგვისტოს) ქრისტეს ეკლესია იხსენებს თავისკვეთას წმინდისა დიდებულის წინასწარმეტყველისა, წინამორბედისა და ნათლისმცემლისა უფლისა ჩვენი იესო ქრისტესისა - იოანე ნათლისმცემლისა

      გალილეის მთავარ ჰეროდე ატიპას საპყრობილეში ჰყავდა დატყვევებული წმინდა იოანე ნათლისმცემელი. მიზეზი კი ის გახლდათ, რომ იოანე ამხელდა ჰეროდეს - უკანონოა შენი ძმის, ფილიპეს ცოლი ჰეროდია გყავდეს მეუღლედო, მითუმეტეს რომ ფილიპეს და ჰეროდიას შვილიც ჰყავდათ და ფილიპეც ჯერ ცოცხალი იყო. ამ მხილების გამოისობით, როგორც მათე მოციქული წერს, ჰეროდეს სურდა მოეკლა იოანე, მაგრამ ხალხისა ეშინოდა, რადგან უფლის ნათლისმცემელს წინასწარმეტყველის სახელი ჰქონდა.

      წმინდა მახარებლები იოანეს თავისკვეთის ეპიზოდს იწყებენ ჰეროდეს მიერ თავისი დაბადების დღის "გრანდიოზული" აღნიშვნით. გალილეის მმართველმა თავის დაბადების დღეზე მოიწვია და "სერი უმზადა მთავართა მისთა და ათასისთავთა მისთა და აზნაურთა გალილეაისათა" (მრკ. 6, 21). და ამ ლხინის დროს ჰეროდიას ასულმა - სალომემ იცეკვა თანამეინახეთა წინაშე. ჰეროდეს ისე მოეწონა ასულის ცეკვა, რომ დაჰპირდა - რასაც მთხოვ მოგცემ, თუნდაც ნახევარ სამეფოსო.

      მათე მახარებელი წერს, რომ სალომეა წინასწარ იყო დედისგან დარიგებული რაღა იოანე ნათლისმცემლის თავი ეთხოვა, მარკოზ მახარებელი კი აღწერს, რომ სალომე გაიქცა, მივიდა დედასთან და ჰკითხა - რა ვთხოვო, მან კი იოანე ნათლისმცემლის თავზე მიუთითა - "აწვე მომცე მე ლაკნითა".

      როდესაც სურვილი დიდებულთა და აზნაურთა წინაშე გაუმხილა ჰეროდეს, გალილეის მმართველი დაღონდა, მაგრამ პირობა მიცემული ჰქონდა და თანამეინახეთა წინაშე ფიცის გატეხვა მმართველს ეთაკილა. ამიტომ თავისი მეხმლე გაგზავნა და იოანე ნათლისმცემლის თავი მოატანინა. მაცხოვრის წინამორბედის თავი "ფეშხუენითა მისცა ქალსა მას (სალომეს), და ქალმან მან მიართუა დედასა თვისსა (ჰეროდეას)".

      იოანეს მოწაფეებმა რომ გაიგეს მოძღვრის ამგვარი აღსასრულის ამბავი, მივიდნენ და "წარიღეს გუამი მისი და დაჰფლეს იგი და მოვიდეს და უთხრეს იესუს" (მთ. 14, 12).

      იხილეთ, იოანე ნათლისმცემლის თავისკვეთის დღეს საღმრთო ლიტურღიაზე სახარები საკითხავი.

◄ გუშინ | დღეს | ხვალ ►

ტეგები: 11 სექტემბერი, Qwellyland, თავისკვეთა, თვენი, სექტემბერი, ქველი

ნახვა: 592

გამოხმაურებები!

გილოცავთ ყველააას ! :)))

გფარავდეთ დღევანდელი დღის მადლი!

RSS

ღონისძიებები

ბლოგ პოსტები

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

ქართული კოვიდ ინფიცირებულები და წინასწარი ხმები

გამოაქვეყნა Giorgi_მ.
თარიღი: სექტემბერი 14, 2020.
საათი: 10:00pm 1 კომენტარი

      ახალ წელს გილოცავთ! თუმცა, როცა კოვიდი 165 ახალ ქართულ შემთხვევას ითვლის, ჩვენს ქვეყანაში ყველა ნიუსი მის გარშემო ტრიალებს. და მასთან ერთად ჩვენი ქვეყნის პოლიტიკოსებისთვის ყველაზე მნიშვნელოვანი ამბავიც არ ცხრება - არჩევნები 2020 კარზე გვადგება და დღითიდღე აქტიურდებიან ხმების მსურველები. დოლარი სადღა მიფრინავს - 1 აშშ დოლარის ოფიციალური ღირებულება 3.1308 ლარია.

საქართველოს და მსოფლიოს ამბები / 14 სექტემბერი, 2020…

გაგრძელება

Qwelly World

free counters