ნოდარ დუმბაძეს სასაცილოდაც არ ეყოფოდა ეს პოსტი - რად უნდა ბიჭო ლექსს შესავალი! აბა ნახე ბარათაშვილი - მირბის, მიმაფრენს უგზო-უკვლოდ ჩემი მერანი, სადაა აქ შესავალიო მეტყოდა, მაგრამ ვაჰ მე რომ არც პოეტი ვარ და ის დალოცვილიც, როგორც იტყვიან, გზა მართალს არის წასული.

      რამდენიმე წუთის წინ, ერთი, პატრიოტული ვიდეოპოეზია მოვისმინე. ახალგაზრდა ქართველი კაცი, სამშობლოს სადღეგრძელოს მიირთმევდა და ლექსით აფორმებდა. როგორც აღმოჩნდა, ეს ლექსი გახლავთ, ნანა მეფარიშვილის "მინდა გაგეცნოთ".

      ვუსმენდი ამ ლექსის თითეული კუპლეტის ტაეპებს და სულ სხვაგვარი დაბოლოებები მიტივტივდებოდა თავში. ბოლოს ერთ ვითომლექსად შევკრიბე და გადავწყვიტე გაგიზიაროთ.

მეც რუსთაველის სამშობლოდან ვარ,
მხოლოდ ის ვიცი ამ გენიოსზე,
რომ სამშობლოში არ დააფასეს -
აქ ვერსად ნახავთ, ვერცერთ ფრესკაზე!

ვაჟას მიწაა ჩემი საძვალე,
ვაჟას, რომელიც მსოფლიოს მწყემსდა.
მაგრამ ქართველმა ისე მოაწყო
ერთი ნაციის აქციეს მძევლად.

გოგებაშვილმა აღმიდგა ენა,
მაგრამ ვაი რომ ეს ენაც წახდა,
"დაალაიქე", "დააჩექინე"
ჩვენი საუბრის ფესვები გახდა.

აღმაშენებლის სამშობლოდან ვარ,
კაცმა ჯარისთვის ჩრდილოელთ უხმო,
ახლა ჰგონიათ ომებს იგებდა
სიმღერა, ლექსი, პროზა უნიჭო.

მე სააკაძის სამშობლოდან ვარ,
კაცი, რომელიც გმირად ვაქციეთ,
მხედართმთავარი ჭკვიანი იყო
ამიტომ წრთვნიდა ოსმალთ არმიებს?

თამარის სისხლი გადამდის გულზე,
მისი მეფობა ოქროს ხანაა.
ასწლეულები გავიდა შემდეგ
ქალის ადგილი მაინც "კუხნაა".

უფლის სიყვარულს აქ თავს სწირავდნენ,
ახლა კი რწმენას ზომავს ტაძარი,
რაც უფრო დიდი, ოქრო-შემკული,
უფრო ღიაა ცხონების კარი.

მე ფიროსმანის სამშობლოდან ვარ
სარდაფის ქვეშ, რომ სული ამოხდა,
გალაკტიონი დამყურებს ღამით
ლექსით შეშლილი ჩუმად რომ მოკვდა.

სწორედ იქ არის ჩემი სამშობლო,
დედა ღმრთისმშობლის წილხვედრი მხარე,
და არც კი ვიცი რა ვუპასუხოთ,
რომ გვკითხავს - ხალხნო, რას დაემსგავსეთ?

მე ქეთევანის სამშობლოდან ვარ,
ყორღანაშვილიც აქედან იყო.
მხოლოდ წმინდანებს ნუ მოვიგონებთ,
სხვებიც გვახსოვდეს ვინ და რა იყო.

აკაკის ნასუნთქ ჰაერს ვისუნთქავ,
ილიას გავლილ მიწაზე დავალ,
ერთმა გამზრდელით გვითხრა რანიც ვართ,
მეორე მოვკალთ და არცა ვმალავთ!

ჩემი სამშობლო ვერ ითვლის ასაკს,
თუმცა, სადღაც გზას გადავუხვიეთ.
რაც უფრო მეტად ჩავდივართ ფსკერზე
მით მეტი გვხვდება ლექი და მღვრიე.

დიახ, გახლავართ საქართველოდან,
გენიოსთა და გმირთა ქვეყნიდან,
ეს, როცა ბახუსს ვეძლევი, მაშინ,
თორემ, ისე კი, ხომ იცით ვინც ვართ!

ტეგები: Qwelly, პატრიოტიზმი, პოეზია, სამშობლო, საქართველო, ურაპატრიოტიზმი

ნახვა: 424

გამოხმაურებები!

ყურადღება რატომაც მიიქცია ვიდეომ, მის აღწერაში ეწერა - "სასულიერო სემინარიის კურს დამთავრებულები" )) 

ალბათ სემინარია დააჩექინა და იქიდან ვიცით რომ იქაურია ))

ლაშა_მ თქვა:

ყურადღება რატომაც მიიქცია ვიდეომ, მის აღწერაში ეწერა - "სასულიერო სემინარიის კურს დამთავრებულები" )) 

ნამდვილად რუსთაველის სამშობლოდან! ))

RSS

ღონისძიებები

ბლოგ პოსტები

დაბარებული პრემიერის ვრცელი გამოსვლა, ლუგარის რუსული რევიზია და გამოხმაურებები

გამოაქვეყნა Giorgi_მ.
თარიღი: მაისი 28, 2020.
საათი: 11:25pm 1 კომენტარი

      გილოცავთ ამაღლების დღესასწაულს! დამოუკიდებლობის დღე გადაგორდა თუ არა, კვირის მთავარ ამბად იქცა პრემიერ მინისტრის საპარლამენტო სტუმრობა. ბოლო ორი დღეა ყველა სიახლე ამ სტუმრობის გარშემო იტრიალებდა, რომ არა ჩრდილო მეზობელი და მეორე მთავარი თემა - ლუგარის ლაბორატორიის რუსეთული ჩაკირკიტება. კოვიდ სტატისტიკა - საქართველოში: 738 შემთხვევა, გამოჯანმრთელებული - 573, გარდაცვლილი - 12. მსოფლიოში: დადასტურებული შემთხვევა - 5 929 312, გამოჯანმრთელებული -…

გაგრძელება

დამოუკიდებლობიდან 102-ე წელი!

გამოაქვეყნა Giorgi_მ.
თარიღი: მაისი 26, 2020.
საათი: 10:53pm 2 კომენტარი

      წვიმები წვიმებს მისდევენ მიდიან, მაგრამ ამ სიმღერის გაგრძელება არ გამოვა, რადგან დღეიდან, დაპირებისამებრ გამოიდარა. ახლა მთავარი ამბავი - კორონა უკან დაიხიე! საქართველო დამოუკიდებელია! გილოცავთ დამოუკიდებლობის დღეს! თვის ბოლომდე კოვიდ სტატისტიკა - საქართველოში: 732 შემთხვევა, გამოჯანმრთელებული - 537, გარდაცვლილი - 12. მსოფლიოში: დადასტურებული შემთხვევა - 5 643 071, გამოჯანმრთელებული - 2 408 433, გარდაცვლილი - 349 940, სამკურნალო - 2 990…

გაგრძელება

ჩალის ლუდი

გამოაქვეყნა CSCCA_მ.
თარიღი: მაისი 26, 2020.
საათი: 1:00pm 0 კომენტარი

Animal Crossing New Horizons has been loved by players since its initial release. Players can cultivate and maintain ideal villages on desert islands. In the game, players no longer need to be disturbed by epidemics and can also obtain a considerable number of Animal Crossing Bells in new ways. Players can make handicrafts by shopping. In addition, players can also plant fruit trees to obtain fruit outside the island at a very low price of 500 ACNH Bells. Like the real world, players also…

გაგრძელება

რწმენის ფერადი ადგილები

გამოაქვეყნა Tamila Moshiashvili_მ.
თარიღი: მაისი 24, 2020.
საათი: 9:19pm 1 კომენტარი

      მეჩეთების ფერადოვნებასა და სიჭრელეზე სტატიები არ აკლია ინტერნეტს, მაგრამ ასჯერ გაგონილს ერთხელ ნანახი სჯობსო. ვიდრე პირდაპირ ნახვას შეძლებთ, იქამდე სჯობს კარგი ფოტოგრაფის კარგი ფოტოხელოვნება იპოვოთ - ფატემ ჰოსეინ აღაი (Fatemeh Hosein Aghaei) მეჩეთების სილამაზესა და მრავალფეროვნებას ირანში დაჰყვება. ისპაჰანი ამ მხრივ გამორჩეული ქალაქია ამიტომ ფოტოების უმრავლესობა სწორედ ამ ქალაქიდანაა. სპარსული კულტურა და აღმოსავლური ფერები დღევანდელი…

გაგრძელება

Qwelly World

free counters