ქაშუეთის წინ, ლოთმა სანდროამ
არაყის ფული მთელ დღეს აგროვა,
მერე დაუსხეს დიდ ჭიქაში და...
ადამიანი მაინც მარტოა!
მიდგა კუთხეში სიტყვის უთქმელად
და სავსე ჭიქას ცოტა ადროვა,
მერე გადაჰკრა სულმოუთქმელად,
ადამიანი მაინც მარტოა!
ნუ მეკითხებით ასე რატოა,
ვინ-ვინ ჩაწიხლა, ვინ-ვინ დატოვა,
როგორც კი ცოტას წაიფორთხილებს
ადამიანი უკვე მარტოა!
არ უნდა ამას დიდი მიტინგი,
ჭკუათმყოფელმა ვინც კი სანდოა,
იცის ყალბია ბევრის ტიკტიკი
ადამიანი მაინც მარტოა!
მავანნი ისევ ფეხს აბაკუნებს,
მავანნი ისევ მხოლოდ ღადოა,
დრო მაინც ყველას კუთვნილს არგუნებს
ადამიანი მაინც მარტოა!
ზოგს ნინო უყვარს, ზოგს ქეთევანი,
ზოგისთვის გონჯიც - ბრიჯიდ ბარდოა,
ვის დაფნა ერგო, ვის სატევარი,
ადამიანი მაინც მარტოა!
ზოგს აიაზმა ასვეს, აპკურეს,
ზოგს დავიწყების თოვლმა ათოვა,
სიბერე კარს რომ მოგიკაკუნებს,
ადამიანი უკვე მარტოა!
ქვეყნად რამდენმა ხატა, აშენა,
სიტყვა და ფერი მოაჯადოვა,
ისევ ოცნების გადასარჩენად
ადამიანი მაინც მარტოა!
თუ ვინმე დიდი კაცი გამოჩნდა,
თუ ვინმე ერის სადიადოა,
გახსოვთ პოეტი როგორ გადმოხტა?
ადამიანი მაინც მარტოა!
წუთისოფელი თავის გზით მიდის,
თვალსაწიერიც უფრო ფართოა,
ყველამ ჩახედოს საკუთარ სინდისს,
ადამიანი მაინც მარტოა!
ჭიქა ღვინოზე თავის შექცევით,
ფიქრებს რომელიც სახიფათოა
ვაიმ რომ მაინც ვერ გაექცევი
ადამიანი მაინც მარტოა!
მე ჩემის თავის არც რა დარდი მაქვს,
მაგრამ რა ახსოვს მრავალ დარდიმანდს.
დრო იყო, ძმა ძმას საფლავს უთხრიდა
დრო იყო, კლიტე ეპყრა შადიმანს.
ვის რაში უნდა ჩემი ტრაბახი.
ან აყვირებით, ან გაყუჩებით,
გაჩხერილი ვარ ქვებში კალმახი,
და ახეული მაქვს ლაყუჩები.
განწმინდეს, ნათლეს, რა არ იღონეს,
ეშმაკმა მაინც არ მიატოვა,
ვწერ უკვე ბევრჯერ ნათქვამ სტრიქონებს,
ადამიანი მაინც მარტოა!
რაც უნდა აშრო ბედის ხორბალი,
ბოლო არჩივი მაინც ქატოა,
ფიცარი ფუყე და გამომპალი
ადამიანი მაინც მარტოა!
მე ჩემსას ვიტყვი გინდა მომკალი,
სამყარო - აი, რაც უზადოა,
ცაზე ოცნების ვარსკვლავთ მომკელი
ადამიანი მაინც მარტოა!
ქაშუეთის წინ ლოთმა სანდროამ,
არაყის ფული დიდხანს აგროვა
მერე..., რა მერე, მერეს ლოდინში
ადამიანი მაინც მარტოა!
ცა მოქუფრული და საავდროა
დგას მობუზული მთვრალი სანდროა,
და ეკითხება გამვლელ-გამოვლელს,
ახლა, რა დროა? ახლა, რა დროა!?
არც მიფიქრია თქმა რამე ახლის,
მე რა თავს ვახლი ასე რატოა,
მიდის ქუჩაში კაცი და ძაღლი,
ადამიანი მაინც მარტოა!

რევაზ ამაშუკელი

ტეგები: Qwelly, ადამიანი, ამაშუკელი, პოეზია

ნახვა: 2461

გამოხმაურებები!

ჰო...

va es rogor gaakete ?  xmacaa ..

HTML რედაქტორის დახმარებით გოგა ;) მერე აგიხსნი :D

Goga Karaberishvili_მ თქვა:

va es rogor gaakete ?  xmacaa ..

წევს მობუზული მთვრალი სანდროა,

და ეკითხება ნაცრისფერ კედლებს.

ადამიანი მაინც მარტოა???

RSS

ღონისძიებები

ბლოგ პოსტები

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

Qwelly World

free counters