22 მაისს (ძვ. სტ. 9 მაისს) ქრისტეს ეკლესია იხსენიებს წინასწარმეტყველ ესაიას!

ესაია წინასწარმეტყველი, წმინდათა ცხოვრება, თვენი, მაისი, ქველი, qwelly, may

     ქრისტეს შობამდე VIII საუკუნეში მოღვაწეობდა წინასწარმეტყველი ესაია, რომელიც სამეფო გვარის შთამომავალი გახლდათ. მისი ოჯახი ღვთის სიყვარულით გამოირჩეოდა და ესაიაც ბავშვობიდანვე სჯულის ერთგულებით გაიზარდა. ხოლო, როდესაც სრულწლოვანი გახდა, დაქორწინდა ასევე ღვთისმოსავ ქალზე და ეყოლა ვაჟი.

     უფლის ნებით, ესაია წინასწარმეტყველურ მოღვაწეობას იწყებს, ქრისტეს შობამდე 759 წელს, მეფე ოზიას ხანაში.

     სასწაულებრივად მოხდა ესაიას წინასწარმეტყველად მოხმობა. მან იხილა უფალი, მთელი თავისი დიდებით და ასევე მის ირგვლივ მყოფი სერაფიმები, ექვს-ექვსი ფრითით, რომლებიც შეუჩერებლად ადიდებდენ ღმერთს. ყოველივე ამის ხილვით ესაია შეძრწუნდა თავისი ცოვილი ბუნების გამო. მაშინ ერთმა სერაფიმმა ზეციური საკურთევლიდან მარწუხით ნაკვერცხალი აიღო და მის ბაგეებს შეახო, რაც მის განწმენდას ნიშნავდა. ამის შემდეგ უფლის ხმამ წარავლინა წინასწარმეტყველი მხილებად და მოწოდებად იუდეველთა, რათა კერპთაყვანისმცემლობა და ბიწიერება დაეტოვებინათ და სინანული შეემოსათ. ის, ვინც მოინანიებდა უფალი წყალობას და ცოდვათა მიტევებას ჰპირდებოდა, ურჩებს კი სათანადოდ დასჯიდა. ესაია დაუფრარავად ამხილებდა კერპთმსახურ მეფე აქაზს, ხოლო მეფე ეზეკია სიყვარულით ეპყრობოდა წმიდა წინასწარმეტყველს და პატივს სცემდა მას. მეფე ეზეკია ესაიას ლოცვით განიკურნა სენისაგან და მისივე ლოცვით მოსრა ანგელოზმა იერუსალიმის კედლებთან მომდგარი მტრის ჯარი.

     წინასწარმეტყველმა ესაიამ იწინასწარმეტყველა იუდეველთა ბაბილონში დატყვევება და ისიც, რომ ეს ტყვეობა კიროს მეფის დროს დასრულდებოდა. მის წინასწარმეტყველებაში შედის ასევე წინასწარმეტყველება, იერუსალიმისა და სოლომონის ტაძრის დარბევისა და აღდგენის შესახებ. გარდა ამისა, მან იწინასწარმეტყველა იუდეველთა მეზობელი ხალხების მომავალი.

     თუმცა ყველაზე მნიშვნელოვანია ესაიას წინასწარმეტყველება მესიის შესახებ: "აჰა, ქალწულმა მუცლად იღოს და შვეს ძე და უწოდიან სახელი მის ემანუელ", რომ მას ექნება ორი ბუნება და იგი იქნება სრული ღმერთი და სრული კაცი; ესაია საუბრობს მაცხოვრის მიერ მოხდენილ სასწაულებზე, მის მიერ განკურნებულ და მკვდრეთით აღმდგარ ხალხზე. ასევე იმაზეც, რომ ის ეწამება და მოკვდება კაცთა ცოდვათათვის და შემდგომ აღდგება მკვდრეთით. წინასწარმეტყველებათა სიზუსტისა და სიცხადის გამო ესაიას ძველი აღთქმის მახარებელს უწოდებენ.

     ესაია წინასწარმეტყველს გარდა წინასწარჭვრეტის უნარისა, სასწაულთქმედების ნიჭიც მიმადლა უფალმა. იერუსალიმის ალყის დროს მისი ლოცვით სიონის მთიდან აღმოვიდა წყარო, რომელსაც სილოამი, ანუ „ღვთისგან გამოგზავნილი" ეწოდა. სწორედ ამ წყაროს წყლით განკურნა მაცხოვარმა ბრმადშობილი.

     ცნობილია, რომ წინასწარმეტყველი აღესრულა კერპთმსახურმა მეფე მანასეს დროს, რომელმაც მოისურვა მისი მოკვლა და ბრძანა, დაეჭირათ იგი. ესაია ხის ფუღუროში დაიმალა, მაგრამ მტანჯველებმა იპოვეს, დაუწყეს ხეს ხერხვა და ხესთან ერთად წინასწარმეტყველიც გადახერხეს შუაზე. ესაია დაასაფლავეს სილოამის აუზთან. მოგვიანებით კი იმპერატორმა თეოდოსი მცირემ გადაასვენა კონსტანტინეპოლში. ამჟამად წმიდა ესაიას თავის ნაწილი დაცულია ათონზე, ხილენდარის მონასტერში.

◄ გუშინ | დღეს | ხვალ ►

ტეგები: 22 მაისი, Qwellyland, თვენი, მაისი, წინასწარმეტყველი

ნახვა: 624

გამოხმაურებები!

გილოცავთ, ესაია წინასწარმეტყველის ხსენებას, მრავალს დაესწარით ))

RSS

ღონისძიებები

ბლოგ პოსტები

ელჩებთან შეხვედრა და არადიპლომატიური ცემა-ტყეპა

გამოაქვეყნა Giorgi_მ.
თარიღი: სექტემბერი 23, 2021.
საათი: 11:30pm 0 კომენტარი

      რაც უფრო ახლოაა ოქტომბერი, უფრო მეტად იძაბება პოლიტიკური ველი. მართალია ტემპერატურა კლებულობს და კიდევ რამდენიმე დღე წვიმები და ნიაღვრები გველის, მაგრამ პოლიტიკაში დაპირისპირებები აქტიურდება - ცემა-ტყეპა, ლანძღვა-გინება. დღეს აქტუალური იყო კვლავ დმანის-რუსთავი და ახლა უკვე ელჩების წინ გამართული ცემა-ტყეპა. ვალუტის კურსი - 1 აშშ დოლარი - 3.1179 ლარია.

საქართველოს და მსოფლიოს ამბები | 23…

გაგრძელება

გადასახლების საფასური (თამაშობანი)

გამოაქვეყნა Selena_მ.
თარიღი: სექტემბერი 23, 2021.
საათი: 8:30am 0 კომენტარი

Path Of Exile is full of many complicated mechanisms. As players travel through Wraeclast, they will encounter damaged gems. If they see these unique gems for the first time, they may be a little confused. Below we will unlock some basic information about the corrupted gems in Path Of Exile.



Corrupted gems are actually gems with modifiers. If the gem is damaged, the player will not be able to use the synthetic ball to further modify it, except for items that modify slots and POE…

გაგრძელება

კანონიერების გამოკვლევა, დაპირისპირება დმანისში და ბერობიდან განყენება

გამოაქვეყნა Giorgi_მ.
თარიღი: სექტემბერი 21, 2021.
საათი: 11:00pm 0 კომენტარი

      უპირველესად გილოცავთ ღმრთისმშობლის შობას. დღის მთავარი პოლიტიკური ამბები კი უკავშირდება საარჩევნო დებატებს. დღეს მეინსტრიმში იყო ასევე სისხლიანი ბანერები, დმანისში არეულობა, ფარული ჩანაწერების კანონიერება თუ უკანონობა, მგზავრობა თბილისში და სივერაგე ოკუპაციაში. ვალუტის კურსი - 1 აშშ დოლარი - 3.1163 ლარია.

საქართველოს და მსოფლიოს ამბები | 21 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:00pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

Qwelly World

free counters