ინფორმაცია

ლიტერატურა

ლიტერატურა!

ვისაუბროთ ქართულ და მსოფლიო ლიტერატურულ შედევრებზე და არამარტო შედევრებზე

საიტი: http://www.qwelly.com/
ადგილი: Qwelly
წევრები: 532
უკანასკნელი აქტიურობა: 16 საათის წინ

ლიტერატურა

კვირის საკითხავი ლიტერატურა, მიგელ დე უნამუნო, ქველი, ლიტერატურა, qwelly, literature, migel de unamuno, miguel de unamuno

წაიკითხეთ:

ამონარიდები, ლიტერატურა, ქველი, literature, qwelly, amonaridebiდეტექტივი, ლიტერატურა, ქველი, literature, qwelly, deteqtivi
ეპოსი, ლიტერატურა, ქველი, literature, qwelly, eposiზღაპრები, ლიტერატურა, ქველი, literature, qwelly, zgaprebi
კომედია, ლიტერატურა, ქველი, literature, qwelly, komediaლირიკა, ლიტერატურა, ქველი, literature, qwelly, sxvadasxva
მოთხრობები, ლიტერატურა, ქველი, literature, qwelly, motxrobebiნოველები, ლიტერატურა, ქველი, literature, qwelly, novelebi
რომანი, ლიტერატურა, ქველი, literature, qwelly, romaniსათავგადასავლო, ლიტერატურა, ქველი, literature, qwelly, satavgadasavlo
სატირა, ლიტერატურა, ქველი, literature, qwelly, satiraტრაგედიები, ლიტერატურა, ქველი, literature, qwelly, tragediebi
ფენტეზი, ლიტერატურა, ქველი, literature, qwelly, sxvadasxvaსხვადასხვა, ლიტერატურა, ქველი, literature, qwelly, sxvadasxva

მოძებნეთ სასურველი:

ავტორები, ლიტერატურა, ქველი, literature, qwelly, avtorebi

აუცილებელი •

 


ახლობელი ჯგუფები

ახალი ჩანაწერი!


ყველა სტატიის ნახვა

ფორუმი

საცდელი ნომერი

ავტორი Kakha, 16 საათის წინ. 0 გამოხმაურება

უმბერტო ეკო -  საცდელი ნომერი (საცდელი ტირაჟი)ანიტასშაბათი, 1992 ზლის 6 ივნისი, დილის 8 საათიამ დილით ონკანში წყალი არ მოდიოდა.ორჯერ ახალშობილივით ამოაბოყინა და მორჩა.მეზობელთან დავაკაკენე: მათთან ყველაფერი რიგზეა. - ცენტრალერ ონკანს გადაკეტავდით. - მე? არც კი ვიცი, სად არის, აქ ცოტა ხნის წინ გადმოვედი, ხომ იცით, თან სახლში საღამომდე არ ვარ. - ღმერთო ჩემო, ერთი კვირით სადმე რომ მიდიხართ, წყალს და გაზს არ კეტავთ? - არა. - რა ეპასუხისმგებლო ყოფილხართ, შემომიშვით, გაჩვენებთ, სადაც არის.ნიჟარის ქვემოთ კარადა გამოაღო, რაღაც გადაატრიალა და წყალი წამოვიდა. - ხედავთ? დაკეტილი იყო. - მაპატიეთ, ძალიან ეყურადღებო ვარ. - რა ხართ ეს სინგლები! მეზობელი EXIT ეჰ, ამასაც სცოდნია ინგლისური.ნერვები დავიწყნაროთ. პოლტერგეისტი არ არსებობს, მხოლოდ ფილმებშია. მთვარეული არ ვარ, მქინარეს რომ გადამეკეტა. ამ სახელურის არსებობა რომ მცოდნოდა, მღვიძარეც ხომ გამოვიყენებდი: საშხაპეს წყალი ეპარეგა და წვეთების ნკაპუნი ხელს მიშლიდა დაქინებაში. ასე მგონია, ვალდემოსაში (ვალდემოსა - დამა კენძულ მაიორკაზე. აქ იგულისხმება შოპენის პრელუდია 28, ნ. 15, "წყლის წვეთი") ვარ. ხშირად მეღვიძება, ვდგები და არა მარტო აბაზანის, არამედ საძინებლის კარსაც ვხურავ, ის წყეული წკაპუნი რომ არ გავიგონო.გამორიცხულია, ელექტროკონტაქტი ან რაღაც ასეთი ყოფილიყო, რადგან თვით სიტყვა სახელური გვეუბნება, რომ ხელით უნდა აამუშაო. ვერც თაგვი იზამდა, კიდევაც რომ გაეგონა იქ. იმ რაღაცას ვერ მოერეოდა. რკინის ძველებერი რგოლია (ამ სახლში ყველაფერი ორმოცდაათი წლის წინანდელი მაინც იქნება) და, რაც მთავარია, დაჟანგულია. ესე იგი, ხელი იყო საჭირო. ჰუმანოიდი. არც ბუხარი მაქვს, საიდანაც მორგის ქვჩის ორანგუტანი ჩამოძვრებოდა.მოდი, კარგად დავფიქრდეთ. ყოველ შედეგს თავისი მიზეზი აქვს, ყოველ შემთხვევაში, ასე ამბობენ. სასწაული უნდა გამოვრიცხოთ, არ ვიცი, რატომ უნდა დაინტერესდეს ღმერთი ჩემი საშხაპით, წითელი ზღვა ხომ არ არის. ჰოდა, ბუნებრივ მოვლენას ბუნებრივი მიზეზი აქვს. გუშინ საღამოს, დაწოლის წინ, სტილნოქსი დავლიე ერთი ჭიქა ნყლით. ესე იგი, წყალი მაშინ ჯერ კიდევ იყო. ამ დილით კი აღარ მოდიოდა. ესე იგი, ქვირფასო უოტსონ, სახელური ღამით გადაატრიალეს და ეს შენ…გაგრძელება

ტეგები: books, Qwelly, წიგნები, ნოველები, ეკო

უნამუნო - ესეები ფლობერს რომ ვკითხულობ

ავტორი Kakha. ბოლოს გამოეხმაურა: თამარი, სექტემბერი 13. 1 გამოხმაურება

       ყველაფერს აქვს თავისი კარგი მხარეც და ცუდიცო, - უთქვამს ჩვენ სასიქადულო პერო გრულოს, ვინც ჩემდათავად კლასიკოსად მიმაჩნია და ვინც გაუგებარ, ანდა უფრო სწორად, გასაგებ მიზეზთა გამო, - როგორც თვითონ ფიქრობდა, - დაუმსახურებლად გაკილეს. ჯერ კიდევ იმ წლებში, როცა ის-ის იყო ვიწყებდი წერას საზოგადოებისათვის, ვთქვი: გაცვეთილ ჭეშმარიტებათა გადამღერება მათი გაუვნებელყოფის საუკეთესო საშუალებაა-მეთქი. იმხანადვე იყო, მადრიდის ყოველკვირეულმა „გედეონმა“ მიზანში რომ ამომიღო - ეტყობა, მახვილგონიერებაში გაწაფვის მიზნით, - და განაცხადა, ამგვარი სენტენციები გონებისათვის მიუწვდომელი ღვლარჭნილი პარადოქსების მეტი არაფერიაო. და რაკი ცოცხალი აღარ ბრძანდება ის, ვინც ამტკიცებდა, ესეც და სხვა მსგავსი გამოთქმები, -თუმცა კი ცხადზე ცხადი, - გაუგებარიაო, ვერ დავიჯერებ, მისი დღემდე კარგადმყოფი კოლეგები მაინც თუ გაიგებენ. ჩემთვის კი დღესაც ისევე ნათელია, როგორც მრავალი წლის წინათ იყო, მაშინ, როცა ეს აზრი გამოვთქვი. ასე რომ, თუ კარგად ჩავუკვირდებით ამ ძველ, პეროგრულოსეულ გაცვეთილ ჭეშმარიტებას, რომლის თანახმად, ყველაფერს აქვს თავისი კარგი მხარეც და ცუდიც, დავინახავთ, რომ სრულიად დაეკარგება ის მნიშვნელობა, რაც ჩვენი გონებრივი სიზანტის გამო შეიძინა, ანუ, როცა აზრის ადგილს ფრაზა იკავებს.       ისეთ ცხოვრებასაც კი, როგორითაც მე ვცხოვრობ - მთავარი მიმოსვლის გზებიდან კარგა მანძილით დაშორებულ ძველთაძველ პროვინციულ ქალაქში, სადაც შედარებით ადვილია განმარტოება - ამისთვის კი შინ დარჩენაც კმარა, - უთუოდ აქვს კარგი მხარეც და ცუდიც; მე თუ მკითხავთ, კარგი უფრო. თითო-ოროლა მეგობარი მაინც გამოჩნდება ხოლმე, ვისაც შეიძლება ფიქრი გაუზიარო; ან ვთქვათ, ზაფხულობით, კარგი ამინდისას მინდორში, მთებში, მუხნარში სეირნობას რა სჯობს; ხანდახან ქალაქის ჭორებს ანდა მუნიციპალიტეტის საქმეებზე მსჯელობას გადააყოლებ გულს. მართალი გითხრათ, ნაციონალურ თუ ინტერნაციონალურ საკითხებზე მოსაბეზრებელი მაინც არ არის, ბოლოს და ბოლოს. შემოდგომაზე, დღეები რომ მოკლდება, თან ამინდიც წამდაუწუმ იცვლება, ხშირად წვიმს, შინ ყოფნას არაფერი მირჩევნია, ჩემს შვილებსა და ჩემს დიდებულ ნეტარხსენებულებთან. კაცობრიობის საამაყო გენიოსებს ვგულისხმობ.სწორედ ასე…გაგრძელება

ტეგები: უნამუნო, ფლობერი, ნოველები, მოთხრობები, ესეები

გამომშვიდობება ყველაფერთან?

ავტორი nika grani. ბოლოს გამოეხმაურა: ლაშა, ივლ. 21. 1 გამოხმაურება

   ერნესტ ჰემინგუეის "მშვიდობით, იარაღო" იმდენად უზადო ნაწარმოებია, რომ ისღა დაგვრჩენია, ვიკითხოთ, შეიქმნება თუ არა ამავე თემისადმი მიძღვნილი სხვა მსგავსი რომანი?დასაწყისში ავტორი აღწერს იტალიური არმიის მოხალისის, ლეიტენანტ ჰენრის გატაცებას გორიციის ჰოსპიტლის ინგლისელი ექთნით, ქეთრინ ბერკლით. ეს გატაცება მალე ჭეშმარიტ სიყვარულად იქცევა.ქალაქ პლავასთან ჰენრი მუხლში დაიჭრება. საველე ჰოსპიტლიდან მას მილანის ინგლისურ ჰოსპიტალში აგზავნიან. აქ ვითარდება ლეიტენანტისა და ქეთრინ ბერკლის სასიყვარულო ურთიერთობა.ფრონტისა და საავადმყოფოების აღწერა, საუბრები ოფიცრებთან, რიგით ჯარისკაცებთან და ექიმებთან ბუნებრივი და დამაჯერებელია, თუმცა ახალგაზრდა გმირი, ალბათ, ზედმეტად შორსმჭვრეტელი და გამოცდილია. ქეთრინის (რომელიც, შეიძლებოდა, "ფიესტას" გმირი ქალის და ყოფილიყო) სახე უფრო სრულყოფილია. მასში ხორცშესხმულია მარადიული ქალური საწყისი.მილანის ჰოსპიტალში შეყვარებულთა გრძნობები ძალზე მძაფრდება. ნაწარმოები არნახულ სიღრმეს აღწევს, როდესაც მეტ-ნაკლებად განკურნებული ჰენრი ბრუნდება იზონცოს ფრონტზე. სწორედ ეს ფრონტი გაარღვია გერმანელთა არმიამ კაპორეტოსთან.წიგნის მესამე ნაწილის ბოლო ორმოცდაათ გვერდზე ასახულია იტალიის არმიის დახევა. ძირითადი მაგისტრალები გადაჭედილია ტრანსპორტით. ჰენრის ავტომანქანები ტალახში ჩაეფლობა და ლეიტენანტი, სამ მძღოლთან ერთად, მათ გზის პირას ტოვებს. ჰემინგუეი ხაზგასმით აღნიშნავს, როგორ სძულთ იტალიელ ჯარისკაცებს ომი. შთამბეჭდავია საველე ჟანდარმერიის მიერ დეზერტირობაში ეჭვმიტანილი უფროსი ოფიცრების დახვრეტის სურათი – ესაა ოსტატურად დაწერილი გვერდები.ლეიტენანტი მდინარეში გადახტება, რათა მასაც დეზერტირი ოფიცრების ბედი არ ეწიოს. შემდეგ ის სატვირთო ვაგონით ჩადის მილანში. ჰენრი აქ სამოქალაქო ტანსაცმელში გამოეწყობა და სტრეზაში ხვდება ქეთრინს. შეყვარებულები შვეიცარიაში მიემგზავრებიან. ამასთან, იტალიისადმი მიძღვნილი სცენები უფრო საინტერესოა, ვიდრე – ჰენრისა და ქეთრინის შვეიცარიაში ცხოვრების ეპიზოდები, მაგრამ მწერალს არასოდეს ღალატობს შეუცდომელი მხატვრული ალღო.ჰემინგუეის ქმნილებაში ომის აღწერა ისევე გასაოცრად შთამბეჭდავია, როგორც – ქალ-ვაჟის სიყვარულის ისტორია. შემოქმედის უტყუარი…გაგრძელება

ტეგები: სადისკუსიო, ჰემინგუეი, ცნობილი_ავტორი, ბიოგრაფია, Qwelly

ღამით მესიზმრა...

ავტორი ლაშა, ივნ. 5. 0 გამოხმაურება

      1917 წლის დეკემბრის ღამეებო! ლაზარეთის კვნესითა და განწირული გოდებით სავსე ღამეებო! რა აზრი აქვს თქვენს გახსენებას დღეს, იმ დროში, რომელიც ისევ ომისკენ ლტოლვითა და შეურიგებლობითაა აღსავსე! ხომ არ დაგვავიწყდა ყველაფერი, რაც ფერფლისა და უბედურებისაგან აღდგა. ისევ ხომ არ წაიშალა ის წლები, როდესაც მიწაში წვიმის წყალს სისხლი ჭარბობდა.      ღამეებო, როდესაც ტანჯვა, სიკვდილი, ნოსტალგია და უიმედობა ყველას საერთო, შავბნელი თანმხლები იყო! ღამეებო, როდესაც სიტყვებს „მშვიდობა დედამიწაზე“ ბრალეულობის და საშინელი სევდის ელფერი დაჰკრავდა! თქვენი დავიწყება არაფრით არ შეიძლება. ამ არეულ-დარეულ დღეებში არ უნდა განელდეს თქვენი ფიქრი მუდმივ საფრთხეზე, არასოდეს!..      წითელი გამომწვარი აგურით ნაშენი საავადმყოფო ღრმად იყო თოვლში ჩაფლული. ქარი ფანჯრებს აზანზარებდა, დერეფნებში ლამპის სუსტი შუქი ბჟუტავდა, გათბობის მილებში წყალი ჩხრიალებდა, ჩემ გვერდით პალატაში კი უკვე რამდენიმე კვირაა კვდებოდა უნტერ-ოფიცერი გერჰარტ ბროკმანი, რომელსაც ჭრილობიანი ზურგის ქვეშ ბალიშები ჰქონდა შეწყობილი.      ომამდე სტეპის პატარა სოფელში მუშაობდა მასწავლებლად. სანამ ლაპარაკი შეეძლო, ხშირად გვიყვებოდა იმ პერიოდზე. მაშინ პალატაში ოთხნი ვიწექით და ბროკმანს ჯერ კიდევ სჯეროდა, რომ რამდენიმე თვეში გამოჯანმრთელდებოდა და სამხედრო სამსახურიდან დაითხოვდნენ. სკოლაში აპირებდა დაბრუნებას, რომელიც სოფლის ძველი სასაფლაოს გვერდით, დაბალ შენობაში იყო განთავსებული, სადაც ფუტკრები ბზუოდნენ, პეპლები კი ორდენებივით ისხდნენ საფლავის ქვებზე. უნდოდა, დაჰბრუნებოდა არყების ხეივნებს, ზაფხულის ნათელ საღამოებს, მასწავლებლის ოთახს, სადაც პიანინო იდგა და წიგნებით სავსე თაროები ეწყო, დაჰბრუნებოდა ადრინდელ მშვიდობიან ცხოვრებას.      - ბავშვები და კიდევ სიმღერის გაკვეთილები! - ამბობდა ის და იდაყვებზე დაყრდნობილი ზევით იწეოდა. პერანგის რუხი სახელოები გამხდარ მკლავებზე ეშვებოდა, - ეს საუკეთესო რამაა. ერთ სიმღერას ვსწავლობდით... სამ ხმაშიც კი ვიცოდით... გინდ დამიჯერეთ, გინდ არა. ჩვენს სკოლაში მხოლოდ ერთი კლასი იყო, მაგრამ ისე ვმღეროდით სამ ხმაში, როგორც პროფესიულ სიმღერის გუნდში. არ ვიცი, იცით თუ არა ეს სიმღერა „ღამით მესიზმრა...“.…გაგრძელება

ტეგები: რემარკი, ნოველები, მოთხრობები, ლიტერატურა, Qwelly

იოჰან ბარტოკის უცნაური ბედი

ავტორი ლაშა. ბოლოს გამოეხმაურა: Kakha, მაისი 24. 1 გამოხმაურება

      ომი რომ დაიწყო, სანტექნიკოსი და მემონტაჟე იოჰან ბარტოკი ხუთი თვის დაქორწინებული იყო. მაშინვე ომში გაიწვიეს და საზღვართან, ავსტრიულ გარნიზონში გაგზავნეს. გამგზავრების დღეს თავისი საქმეები მოაწესრიგა და პატარა მაღაზია ცოლსა და თავის ქარგალს გადააბარა. ისიც კი მოახერხა, რომ ორი დამატებითი შეკვეთა მიეღო. ამ ყველაფერს ნაშუადღევამდე მოუნდა, კმაყოფილი იყო, რომ შობამდე მაინც, ყველაფერი მოგვარებული ჰქონდა. როდესაც მოსაღამოვდა, თავისი საუკეთესო კოსტიუმი ჩაიცვა და, ცოლთან ერთად, ფოტოგრაფთან წავიდა. აქამდე ვერ მოუხერხდათ სურათის გადაღება. თავი რომ გაეტანათ, მძიმე მუშაობა უწევდათ. ამიტომ ამისათვის ფულის დახარჯვა ზედმეტ ფუფუნებად ეჩვენებოდათ. მაგრამ ახლა ამ საქმეს სხვა თვალით შეხედეს. ფოტოგრაფმა მეორე დღეს ფოტოები მატარებელთან მიუტანა. მიუხედავად იმისა, რომ სურათები ცოტა უფრო დიდი ზომის აღმოჩნდა, ვიდრე ბარტოკი მოელოდა, ის შეეცადა, ისე ამოეჭრა ორივეს სახე, რომ ფოტო საათის თავსახურში ჩატეულიყო, მაგრამ არ გამოუვიდა. ამიტომ თავისი დანა აიღო, საკუთარი სურათი მოაჭრა და მხოლოდ ცოლისა დაიტოვა. ახლა ის ზუსტად ჩაეტია თავსახურში.      ბარტოკის პოლკი მალე ფრონტზე გადაისროლეს. 1914 წლის ზამთარში შეტევაზე გადავიდნენ და ღამით გააფთრებულ ბრძოლაში ჩაებნენ. მტერმა საფლანგო მანევრი შეასრულა და სამ ასეულს ალყა შემოარტყა. მთელი დღე თავს იცავდნენ. როდესაც ტყვია-წამალი გაუთავდათ, იძულებული გახდნენ, მტერს ტყვედ ჩაჰბარებოდნენ. მათ რიგებში ბარტოკიც იყო. ტყვეებმა რამდენიმე თვე ბანაკში გაატარეს. ბარტოკი მთელი დღეები ქოხში იჯდა ჩაფიქრებული. აინტერესებდა, როგორ იყო მისი ცოლი, შეძლო თუ არა ახალი შეკვეთების მიღება, რადგან ახლა ამით უნდა გამოეკვება თავი. მაგრამ მთელ ბანაკში წერილი არავის მიუღია. ბარტოკს ერთადერთი იმის გაკეთება შეეძლო, რომ თვითონ გაეგზავნა სახლში წერილები, რომლებშიც ცოლს რჩევებს მისცემდა და ასევე, იმ ადამიანების მისამართებს აცნობებდა, რომლებსაც, შესაძლოა, მაგალითად, ახალი რკინის კარი ან უნიტაზი დასჭირვებოდათ. აპრილის დასაწყისისთვის 1800-კაციანი რაზმი შექმნეს და სანაპიროზე გადაისროლეს. მათ შორის ბარტოკი და მისი ამხანაგებიც იყვნენ. ისინი გემის ბორტზე აიყვანეს. გავრცელდა ჭორი, რომ აღმოსავლეთ…გაგრძელება

ტეგები: რემარკი, ნოველები, მოთხრობები, ლიტერატურა, Qwelly

ეშმაკეულნი

ავტორი ლაშა, თებერვალი 24. 0 გამოხმაურება

აქ მოთხრობილია, ტყუპებმა როგორ დაღუპეს საქმის მწარმოებელიI - 20 რიცხვში მომხდარი ამბავი      იმ დროს, როცა ხალხი ერთი სამსახურიდან მეორეში გარბი-გამორბოდა, ამხანაგი კოროტკოვი ასანთმასალმთავარცენტრ ბაზაში (ასანთის მასალათა მთავარ ცენტრალურ ბაზაში) უცვლელად მსახურობდა საქმისმწარმოებლის საშტატო თანამდებობაზე და მთელი 11 თვე იმსახურა.      ასანთმასალაში მოკალათებულმა, წყნარმა, ქერათმიანმა კოროტკოვმა გულიდან სამუდამოდ ამოიგდო აზრი, რომ ამქვეყნად არსებობდა ეგრეთ წოდებული ბედის უკუღმართობანი და ამის ნაცვლად რწმენა ჩაინერგა, რომ ამ ბაზაში იმსახურებდა დედამიწაზე სიცოცხლის დასრულებამდე, მაგრამ ყოველივე სხვაგვარად წარიმართა.      1921 წლის 20 სექტემბერს ასანთმასალის მოლარემ საძაგელი ყურებიანი ქუდი დაიხურა. პორტფელში ზოლებიანი ასიგნობა(ასიგნობა – დოკუმენტი, რომლის მიხედვითაც ბანკი თანხას აძლევს.) ჩაიდო და წავიდა. ეს იყო ღამის 11 საათზე.      იგი ნაშუადღევს, ხუთის ნახევარზე, მთლად გალუმპული დაბრუნდა, ქუდი დაფერთხა, მაგიდაზე დადო, ზედ პორტფელი ჩამოდო და თქვა:      – ბატონებო, ზედახორას ნუ გამართავთ.      მერე რატომღაც მაგიდის უჯრა ამოქექა, ოთახიდან გავიდა, თხუთმეტი წუთის შემდეგ დიდი, კისერმოგრეხილი მკვდარი ქათამი მოიტანა, პორტფელზე დადო, მარჯვენა ხელი დააყრდნო და წარმოთქვა:      – ფული არ იქნება.      – ხვალ? – ერთხმად შეჰყვირეს ქალებმა.      – არა, – თავი გააქნია მოლარემ, – არც ხვალ იქნება და არც ზეგ. ბატონებო, ზედახორას ნუ გამართავთ, თორემ მაგიდას გადამიბრუნებთ.      – რაო? – შესძახა ყველამ, მათ შორის მიამიტმა კოროტკოვმაც.      – ამხანაგებო! – ტირილნარევი ხმით ამღერდა მოლარე და კოროტკოვი იდაყვით მოიცილა, – გთხოვთ!      – ეს როგორ შეიძლება? – ყვიროდნენ ყველანი და ყველაზე ხმამაღლა – კომიკოსი კოროტკოვი.      – აი, ნახეთ, – ჩახრინწული ხმით თქვა მოლარემ, პორტფელიდან ასიგნობა ამოიღო და კოროტკოვს აჩვენა.      იმ ადგილას, სადაც მოლარე ჭუჭყიან ფრჩხილს უსვამდა, წითელი მელნით ირიბად იყო წარწერილი:      „გაეცით. სუბოტნიკოვის ნაცვლად – სენატი“.      უფრო ქვემოთ იისფერი მელნით ეწერა:      „ფული არ არის. ივანოვის ნაცვლად – სმირნოვი“.      – რაო? – მარტო კოროტკოვმა შეჰყვირა, ხოლო დანარჩენები…გაგრძელება

ტეგები: ნოველა, მოთხრობები, ლიტერატურა, ბულგაკოვი, Qwelly

სიკეთესა და ბოროტებას მიღმა

ავტორი Kakha, თებერვალი 21. 0 გამოხმაურება

ფრიდრიხ ნიცშე - სიკეთესა და ბოროტებას მიღმანაწილი პირველი:ფილოსოფოსთა ცრურწმენების შესახებ 1ნებამ ჭეშმარიტებისკენ, რომელმაც ჩვენ ჯერ კიდევ არაერთი გაბედული ნაბიჯი უნდა გადაგვადგმევინოს, იმ სახელმოხვეჭილმა უტყუარობამ, რომლის შესახებ ყველა ფილოსოფოსი დღემდე ღვთისმოსავად საუბრობდა, - რა კითხვები არ წამოგვიყენა ასეთმა ნებამ ჭეშმარიტებისკენ! რაოდენ უცნაური, მზაკვრული და ყურადღების ღირსი კითხვებია! დიდი ხანია უკვე ეს ისტორია გრძელდება - და მაინც გვგონია, თითქოს ეს-ესაა დაიწყო. მაშინ რაღაა გასაოცარი, თუ ჩვენ საბოლოოდ უნდობლები ვხვდებით, ვკარგავთ მოთმინებას და ზურგს ვაქცევთ? თუკი ჩვენ, ჩვენის მხრივ, ამ სფინქსისგან ვსწავლობთ კითხვების დასმას? საკუთრივ ვინ არის ის, ვინც აქ კითხვებს გვთავაზობს? საკუთრივ რა არის „ნება ჭეშმარიტებისკენ“ ჩვენში? მართლაც, დიდი ხნით შევყოვნდით ამ სურვილის მიზეზის კითხვის წინაშე, სანამ არ შევჩერდით მეორე, უფრო ფუნდამენტური კითხვის წინაშეც. ჩვენ ამ სურვილის ღირებულება ვიკითხეთ. ვთქვათ, ჭეშმარიტება გვსურს, რატომ არა სიცრუე? ეჭვი? სულაც უმეცრება? წარმოგვიდგა ჭეშმარიტების ღირებულების პრობლემა თუ ჩვენ მივედით ამ პრობლემასთან? რომელი ჩვენგანია აქ ოიდიპოსი? სფინქსი ვინ არის? ჭეშმარიტად, ეს ყველაფერი კითხვებისა და კითხვის ნიშნების შეხვედრას ჰგავს. და დაიჯერებს ვინმე, რომ ბოლოს და ბოლოს მოგვეჩვენება, თითქოს ეს პრობლემა არასოდეს ყოფილა წამოჭრილი, თითქოს პირველებმა ჩვენ აღმოვაჩინეთ ის, მივაქციეთ ყურადღება, და მისი წამოჭრა გავბედეთ? რამეთუ, ამაში არის რისკი, და შესაძლოა უფრო დიდი რისკი არც არსებობდეს. „როგორ შეიძლებოდა რაიმე შექმნილიყო მისი საწინააღმდეგოდან? მაგალითად, ჭეშმარიტება ცდომილებიდან? ან ნება ჭეშმარიტებისკენ ნებიდან სიცრუისკენ? ან უანგარო საქციელი ანგარებიდან? ან წმინდა, მზისდარი ჭვრეტა ბრძენისა დაუოკებელი სურვილიდან? მსგავსი ქმნადობა შეუძლებელია; ვინც მის შესახებ ოცნებობს, ბრიყვია, ბრიყვზე უარესიც; უმაღლესი ღირებულების საგნებს სხვა, საკუთარი წარმოშობა უნდა გააჩნდეთ, - ამ წარმავალ, ცდუნებითა და სიცრუით გამსჭვალულ უმნიშვნელო სამყაროში, შეშლილობისა და გულისთქმის ამ გორგალში შეუძლებელია მათი წყაროს ძიება! პირიქით, ყოფიერების წიაღში, წარუვალში, ფარულ…გაგრძელება

ტეგები: nicshe, Qwelly, ნოველები, ნიცშე

შიში და თრთოლვა (დასასრული)

ავტორი Kakha, თებერვალი 18. 0 გამოხმაურება

სიორენ კირკეგორი - შიში და თრთოლვა (დასასრული )← დასაწყისი    მე შემიძლია გავიგო წყლის კაცის მოძრაობები, თუმცა ვერ ვიგებ აბრაამს; მხოლოდ და მხოლოდ პარადოქსის მეშვეობით მიდის წყლის კაცი ყოვლისმომცველის განხორციელების წერტილამდე. რადგან, თუ ის დაფარულია და საკუთარ თავს მონანიების ტანჯვას უძღვნის, ის დემონად იქცევა და, როგორც ასეთი, განადგურდება. თუ ის ფარულობაში დარჩება, მაგრამ ცბიერად არ იფიქრებს, რომ მონანიების მონობაში ტანჯული შეძლებს აგნესის გათავისუფლებას, რასაკვირველია, სიმშვიდეს მოიპოვებს, მაგრამ სამყაროსთვის დაკარგული იქნება. თუკი ის გააცხადებს საკუთარ თავს და აგნესის მიერ იქნება დახსნილი, ის უდიდესია ადამიანთა შორის, რომელიც კი მე შემიძლია წარმოვიდგინო; რადგან მხოლოდ ესთეტიკოსი მწერალი ფიქრობს წინდაუხედავად, რომ სიყვარულის ძალას განადიდებს, როდესაც საშუალებას აძლევს დაკარგულ კაცს, უყვარდეს უბიწო გოგონას და ამ გზით იქნას დახსნილი, მხოლოდ ესთეტიკოსი მწერალი ხედავს პრობლემას და სწამს, რომ გოგონა - გმირია, მაშინ, როდესაც მამაკაცია გმირი. ამგვარად, წყლის კაცი არ შეიძლება ეკუთვნოდეს აგნესს, თუ, უსასრულო მოძრაობის შესრულების შემდეგ, მონანიების მოძრაობისა, კიდევ ერთ მოძრაობას არ ასრულებს აბსურდის ძალით. მონანიების მოძრაობის შესრულება მას საკუთარი ძალებით შეუძლია, მაგრამ ამისათვის ის მთელ თავის ძალას იყენებს და, შესაბამისად, აღარ ძალუძს რეალობაში დაბრუნება და მისი მოხელთება. თუკი ადამიანს არ გააჩნია საკმარისი ვნება, რათა ერთი ან მეორე მოძრაობა შეასრულოს, თუკი ის უქმობს ცხოვრებაში, მცირედ ინანიებს და ფიქრობს, რომ სხვა ყველაფერი თავისთავად მოგვარდება, მან ერთხელ და სამუდამოდ თქვა უარი იდეაში ცხოვრებაზე - რის შემდეგ მას საკმაოდ იოლად შეუძლია უმაღლესის მიღწევა და სხვათა დახმარება მის მიღწევაში, ანუ შეცდომაში შეიყვანოს საკუთარი თავი და სხვები იმ აზრით, რომ სულის სამყაროში ყველაფერი ისევე მიმდინარეობს, როგორც ბანქოს ცნობილ თამაშში, სადაც ყველაფერი შემთხვევაზეა დამოკიდებული. ამგვარად, განყენებაც შეიძლება იმაზე დაფიქრებით, თუ რაოდენ უცნაურია ჩვენს საუკუნეში, როდესაც ყველას…გაგრძელება

ტეგები: kirkegori, Qwelly, რწმენა, ლიტერატურა, კირკეგორი

რევიზორი (დასასრული)

ავტორი Kakha, თებერვალი 9. 0 გამოხმაურება

რევიზორი← დასაწყისიგამოსვლა XIIხლესტაკოვი და მარია ანტონოვნა.მარია ანტონოვნა.აჰ!ხლესტაკოვი.აგრე რამ შეგაშინათ, ქალბატონო?მარია ანტონოვნა.არა, მე არ შემშინებია.ხლესტაკოვი.(მანჭვით). მერწმუნეთ, ქალბატონო, ძლიერ მესიამოვნა, თქვენ რომ იმისთანა კაცად მიმიღეთ, ვისაც... გავკადნიერდები და შეგეკითხებით - სად აპირებდით წაბრძანებას?მარია ანტონოვნა.გარწმუნებთ, არსად არ მივდიოდი.ხლესტაკოვი.მაგალითად, რატომ არსად არ მიდიოდით?მარია ანტონოვნა.ვიფიქრე, დედიკო აქ ხომ არ არის-მეთქი...ხლესტაკოვი.არა, მე მინდა გავიგო, რატომ არსად მიდიოდით?მარია ანტონოვნა.მე ხელი შეგიშალეთ... თქვენ დიდი საქმეებით იყავით გართული.ხლესტაკოვი.(მანჭვით.) თქვენი თვალები კი მე დიდ საქმეებს მირჩევნია, ან როგორ შემიშლით ხელს. პირიქით, თქვენ შეგიძლიათ სიამოვნება მომანიჭოთ.მარია ანტონოვნა.მართლა დედაქალაქელივით ლაპარაკობთ.ხლესტაკოვი.მხოლოდ თქვენისთანა მშვენიერი არსებისათვის... შემიძლია გავბედო და სკამი შემოგთავაზოთ? მაგრამ არა, თქვენ სკამი კი არა, ტახტი გეკადრებათ.მარია ანტონოვნა.ღმერთმანი, არ ვიცი, რა ვქნა... ისე კი მეჩქარება (დაჯდება.)ხლესტაკოვი.რა საუცხოო მანდილია!მარია ანტონოვნა.თქვენ მხოლოდ დაგვცინით პროვინციელებს.ხლესტაკოვი.ოჰ, როგორ მინდა, ქალბატონო, თქვენი მანდილი ვიყო, რომ მაგ შროშან ყელს შემოვეხვიო.მარია ანტონოვნა.სრულებით არ მესმის, რაზე ლაპარაკობთ: რაღაც მანდილიო... რა უცნაური ამინდია დღეს!ხლესტაკოვი.თქვენი ბაგენი, ქალბატონო, ყოველ ამინდს მირჩევნია!მარია ანტონოვნა.თქვენ სულ ამგვარებს ლაპარაკობთ... მე გთხოვთ სამახსოვროდ რაიმე ლექსი ჩამიწეროთ ალბომში. უეჭველია, ბევრი ლექსი გეცოდინებათ.ხლესტაკოვი.თქვენთვის, ქალბატონო, ყველაფერზე მზადა ვარ. ბრძანეთ, რანაირი ლექსები გნებავთ?მარია ანტონოვნა.რანაირიც არ უნდა იყოს, ოღონდაც კარგები და ახლები.ხლესტაკოვი.ლექსები რაა? მე ბევრი ლექსი ვიცი.მარია ანტონოვნა.აბა თქვით, რომელს ჩამიწერთ სახსოვრად?ხლესტაკოვი.თქმა რა საჭიროა? მე ისედაც ბევრი ვიცი.მარია ანტონოვნა.მე ძლიერ მიყვარს ლექსები...ხლესტაკოვი.მე ბევრნაირი ლექსი მაქვს. აი, თუნდაც ეს:„გაჭირვების ჟამს…გაგრძელება

ტეგები: Qwelly, gogoli, ნოველები, გოგოლი

რევიზორი (გაგრძელება)

ავტორი Kakha, თებერვალი 6. 0 გამოხმაურება

ნიკოლაი გოგოლი - რევიზორი← დასაწყისიგამოსვლა IXიგინივე და ტრაქტირის მსახური, რომელსაც ოსიპი მოჰყვება.ბობჩინსკი კარიდან იჭყიტება.მსახური.თქვენ გიბრძანებიათ მოსვლა?ხლესტაკოვი.დიახ, მოიტა ანგარიში.მსახური.წეღან მოგართვით მეორე ანგარიში.ხლესტაკოვი.მე არ მახსოვს შენი სულელური ანგარიშები. თქვი, რამდენი გერგებათ?მსახური.პირველ დღეს მოითხოვეთ სადილი. მეორე დღეს ისაუზმეთ გოჯით. შემდეგ კი სულ ნისიად მიირთმევდით.ხლესტაკოვი.ბრიყვო! დამიწყე აქ ანგარიში. სულ რამდენი გერგება?გოროდნიჩი.თქვენ რადა სწუხდებით, მოიცდის. (მსახურს.) წადი, გამოგიგზავნიან.ხლესტაკოვი.მართლაც და სწორი ბრძანდებით. (ფულს ჯიბეში ჩაიდებს. მსახური გადის. კარებში ბობჩინსკი იჭყიტება.) გამოსვლა Xგოროდნიჩი, ხლესტაკოვი, დობჩინსკი.გოროდნიჩი.ხომ არ ისურვებდით ახლა დაგეთვალიერებინათ ჩვენი ქალაქის ზოგიერთი დაწესებულება, მაგალითად, საღვთო-სამადლო დაწესებულებანი თუ სხვა?ხლესტაკოვი.მერე იქ რა არის?გოროდნიჩი.ნახავთ, როგორაა ჩვენთან საქმეები, რა წესრიგი სუფევს...ხლესტაკოვი.დიდი სიამოვნებით, მე მზადა ვარ... (ბობჩინსკი თავს შემოყოფს კარებში.)გოროდნიჩი.თუ თქვენი ნებაც იქნება, იქიდან სამაზრო სასწავლებელს ვეწვიოთ, რათა გაეცნოთ, როგორ ასწავლიან ჩვენში მეცნიერებას.ხლესტაკოვი.ინებეთ, ინებეთ.გოროდნიჩი.მერე, თუ ინებებთ, დაათვალიერეთ ციხე და ქალაქის სატუსაღოები, ნახავთ, როგორ ვინახავთ ჩვენში პატიმართ.ხლესტაკოვი.რა საჭიროა სატუსაღოების ნახვა? სჯობია საღვთო-სამადლო დაწესებულებები დავათვალიეროთ.გოროდნიჩი.როგორც გენებოთ... საკუთარ ეტლს ინებებთ თუ მე წამომყვებით დროშკით?ხლესტაკოვი.ჰო, სჯობს თქვენ წამოგყვეთ დროშკით.გოროდნიჩი.(დობჩინსკის). პეტრ ივანოვიჩ, ახლა თქვენთვის ადგილი აღარ მექნება.დობჩინსკი.რა მიშავს, ისე წამოვალ.გოროდნიჩი.(ჩუმად დობჩინსკის). გამიგონეთ. გასწით, გაფრინდით ახლავე და ეს ბარათები წაუღეთ ერთი საღვთო-სამადლო დაწესებულებაში ზემლიანიკას, მეორე კი ჩემს მეუღლეს. (ხლესტაკოვს). ნებას ხომ დამრთავთ, ჩემს მეუღლეს მივწერო თქვენი თანდასწრებით ერთი სტრიქონი, რათა მოემზადოს დიდად პატივცემული სტუმრის მისაღებად.ხლესტაკოვი.რა…გაგრძელება

ტეგები: Qwelly, gogoli, ნოველები, გოგოლი

კომენტარების დაფა

Rati Inashvili: მაისი 4, 2012||1:44pm

ანუ, ყველა შემოქმედს თავისი თემა ჰქონდეს?

ლაშა: მაისი 4, 2012||2:05pm

:) :) :) :) ჩილინდრიშვილის ლექსები და გალაქტიონი??? :) :) :)

კარგით მე და ლექსები? :) 

ჰო, რატი დავყოთ თემებად. ლექსები, ფილმები და ა.შ. ახლა გავაკეთებ მე ფილმების ჯგუფს და იქ განვატავსოთ ჩვენი საყვარელი ფილმების ან ტრილერები ან თუ შეგვიძლია სრული ვერსიები, მცირე ინფორმაციებით... :) მე პირველი ვიქნები... :P :P :P

ლაშა: მაისი 11, 2012||3:21pm

კახა რატომ შეუცვალე ჯგუფს სახელი? შენი აზრით რაც ახლა აქაა განთავსებული რომელიმე მსოფლიო დონის ლიტერატურილი შედევრია? :D :D :D :D 

Kakha: მაისი 11, 2012||5:03pm

ხელოვნების ჯგუფი ვერ შეითვისებდა ლიტერატურას

ამიტომ სხვა ჯგუფის შექმნა გადავწყვიტე რაც შეეხება მსოფლიო შედევრებს ამას დრო გამოაჩენს :))))))

ლაშა: მაისი 11, 2012||5:15pm

მე შენ გეტყვი ისეთი აქტივობა შეიმჩნეოდა აქ გინდა ხელოვნების გინდ ლიტერატურის რომ აუცილებლად უნდა გაგეცალკევებინა... :(

აუ რა განხილვა წაგვიშალე კახუჩელა რა... :(

markozashvili: მაისი 23, 2012||7:15pm

me ar var cinaagmdegi chilindrishvilis da galaktionis leqsebi gverdi gverd iyos :):)  romelsac minda imas wavikitxav ra problemaa :D :D

markozashvili: მაისი 23, 2012||7:16pm

ise cisia bevrjer minaxavs rom xatav saintereso  iqneba sheni shemoqmedebis xilva didi siamovnebit davatvalierebdi :): )

nini: მაისი 3, 2013||2:56pm

kaxa drom ukve gamoachina msoflioshedevrebi literaturis dargshi  chven unda chavwvet axla amas

ლაშა: მარტი 30, 2015||3:21pm

მერიმეს კვირეული გვქონია! :) 

Kakha: მარტი 30, 2015||6:31pm

ლიტერატურაში საინტერესო კვირა გველის ))

კომენტარი

თქვენ უნდა გახდეთ ლიტერატურა_ს წევრი რომ შეძლოთ კომენტარის გაკეთება!

 

წევრები (532)

 
 
 

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters