ღმერთის ნათლული
საპყარ!
გწერს შენი ბაყდარი
საპყარ!
ჩემო საპყარ!
როგორ გახარებული ვარ, რომ იცოდე.
- რა მიხარია?
- რა მიხარია და ის, რომ ღმერთის ნათლული გავხდი, მართალია სიზმარში, მაგრამ სიზმარი და ცხადი ვინ გაყო ერთმანეთსგან. გინახავს და გინდა - ცხადში. შენ თვითონ არ მომწერე: იმაზე მეტი ბედნიერება რა არის, როცა მძინარეც კი არ გააგდებ ხელიდან ბარძმს, მაშინა ხარ ჭეშმარიტი ქრისტიანიო. ხოდა, მეც მჯერა, რომ ჭეშმარიტი ნათლული ვარ ღვთისა.
დიდება ღმერთის მადლსა და ძალას!
მძიმე ბრძოლით დაღლილს, ის იყო სანგარში ჩამეძინა, რო არააამქვეყნიური ნეტარება ვიგრძენი. ვხედავ, მწვანე მოლზე მივდივარ ჩემთვის ლაღად. უცებ გალავნით შემოზღუდულ ბაღს მივადექი. ბაღის შესასვლელში ანგელოზები იდგნენ. იქითა მხრიდან შემოვუარე და შევიხედე შიგნით. რას ვხედავ - თხილის ბაღია. ხეებს დახუნძლული ტოტები მიწაზე აქვთ ჩამოშვებული. შეუაგულ ბაღში ოქროს ეკლესია დგას. უცებ იმ ეკლესიიდან თეთრი ღრუბელი გამოვიდა და ირგვლივ ისეთი სურნელი დადგა, ვერ აგიწერ. ღრუბელი რომ გაიფანტა, თვითონ ღმერთი გამობრძანდა ეკლესიდან. მე ჩავიმალე, ღმერთს სად დაემალები, მაგრამ ჩემთვის მაინც ჩავიმალე. თან თვალს ღმერთისაკენ ვაპარებდი.
ღმერთმა თხილის ბაღში გაისეირნა, ანგელოზები ბროწეულივით წითელ თხილს უკრეფდნენ და ღმერთს თავაზობდნენ.
დიდხანს არ დარჩენილა ღმერთ ბაღში. ისევ ის თეთრი ღრუბელი გამოვიდა ეკლესიიდან და ღმერთიც შებრძანდა ეკლესიაში.
ჩამოვარდა სიჩუმე.
ვდგავარ და ვფიქრობ. სიზმარში რას არ იფიქრებ, ხოდა, მეც ღმერთის ბაღში შესვლა გადავწყვიტე. ქურდულად ხომ არ გადავახტებოდი გალავანზე, მაგის ნამუსი მაინც უნდა ჰკმაროდეს კაცს, რომ ღმერთის ბაღში არ შეიპაროს, თუნდაც ე სიზმარში იყოს; მაგრამ მე რა ვიცი, რომ სიზმარში ვარ, შიგნით შესვლა მინდა და მორჩა, იქ მინდა ფეხი დავდგა, სადაც ღმერთი დადიოდა. შემოვუარე ისევ გალავანს, მივადექი ჭიშკარს და ანგელოზს ვეუბნები:
- შიგნით უნდა შემიშვა.
- რას ამბობ, ღმერთის ბაღში შესვლა ვის გაუგია?! - გაოცდნენ ანგელოზები.
- მე ღმერთის ნათლული ვარ და თხილის დასაკრეფად უნდა შევიდე - ვიცრუე უცებ.
იმათ გულუბრყვილოდ გამიღეს კარი და შიგნით შემიშვეს.
შიგნით იმ თეთრი ღრუბლის ისეთი სურნელი დგას, ასე მგონია, ხორცი არა მაქვს და მარტო სული ვარ. დავდივარ და თხილს ვკრეფ. ორივე ჯიბე გავივსე და ის იყო წამოვედი, რომ ეკლესიიდნ ისევ გამოვიდა ღრუბელი, ღრუბელს ანგელოზი გამოჰყვა და ეუბნება.
- წამოდი, გამომყევი, ღმერთი გიხმობს!
მე ავკანკალდი.
- გამომყევი! - გაიმეორა ანგელოზმა.
ეკლესიის შესასვლელთან რომ მივედით, მიბრძანა:
- ფეხთ გაიხადე!
მე ჩემი დაგლეჯილი ჯარისკაცის ჩექმები უცებ გავიძრე და ასე ფეხშიშველა შევყევი შიგნით ანგელოზს.
- მოდი, ჩემო ნათლულო, მოდი! - კეთილად გამიღმა ოქროს ტახტზე მჯდარმა ღმერთმა.
მერე რაღაც ანიშნა ანგელოზებს და იმათ ოქროს ტაშტით წყალი მოიტანეს.
ახლა რომ შევუდგე იმის აღწერას, როგორ მომნათლა ღმერთმა, ალბათ მთელი წიგნის დაწერა დამჭირდება და ისე ვერც დავწერ, როგორც იყო. რო ჩამოვალ, მაშინ მოგიყვები, თუმცა რა ენა აღწერს იმას, როგორი იყო ღმერთი და როგორ მნათლავდა. ღმერთის სახეს კაცის სიტყვები ვერ აღწერს.
ნათლობა რომ დამთავრდა, თავზე ხელი დამადო და მითხრა:
- წადი, ჩემო ნათლულო, ახა და მშვიდობით იარე!
ანგელოზები და თეთრი ღრუბელი გამომიძღვნენ ეკლესიიდან.
გარეთ რომ გამოვედი, უცებ შევკრთი.
ავტომატების სროლის ხმა მომესმა. ვაიმე, ვფიქრობ, ღმერთის სამფლობელოშიც ისვრიან ტყვიებს?!
- ვსტავაი! ვსტავაი! - ხელი მკრა ვიღაცამ.
გავახილე თვალი და ჩემს სანგარში არ ვგდივარ ისევ. გერმანელები შეტევაზე გადმოსულან და ესენი იგერიებენ.
რაღაც მინდოდა კიდევ მეთქვა, მაგრამ ახლა ისე ვარ ბრძოლით დაღლილი, ერთი სული მაქვს დავიძინო. იქნებ ამაღა კიდევ მოვხვდე ჩემ ულამაზეს და უსაყვარლეს ნათლიასთან, რომელსაც ვერასოდეს ვერაფერი შეედრება და რომლისნაირადაც არაფერი აღარ მიყვარს დღეის მერე.
იმედით ვიძინებ.
ბაყდარი
ფრონტის სანგარი
1944
"ღმერთის შვილები", გოდერძი ჩოხელი
შენიშვნა: პოსტის სათაური არ შეესაბამება მოთხრობის ავტორისეულ სათაურს. პოსტის სათაური არის პოსტის ავტორის მიერ თემატურად შერჩეული სათაური
ტეგები: Qwelly, ლიტერატურა, მოთხრობები, ქველი, ღმერთის_შვილები, ჩოხელი
Welcome to
Qwelly
ღონისძიებები
ბლოგ პოსტები
Master The Art of Moral Hacking
გამოაქვეყნა EFTcheat_მ.
თარიღი: მარტი 21, 2025.
საათი: 9:30pm
0 კომენტარი
0 მოწონება
Within an period of escalating cyber threats, the Certified Ethical Hacker (CEH) certification happens to be a coveted credential for cybersecurity specialists. CEH teaching equips people with the skills to Assume and act like hackers—but for moral purposes. This manual dives to the essentials of CEH education, its benefits, and how it prepares you to secure techniques and networks properly.
What's CEH Certification?
The Licensed Ethical Hacker (CEH)…
The Most Powerful Perks and Gear
გამოაქვეყნა BennieJeansg_მ.
თარიღი: მარტი 20, 2025.
საათი: 5:00am
0 კომენტარი
0 მოწონება
New World, players find themselves in the mystical land of Aeternum, a place rich in lore, exploration, and combat. One of the game's most compelling features is its character progression system, centered around various archetypes. These archetypes define how players can build their characters, offering unique skills, abilities, and playstyles. Understanding these archetypes is crucial for anyone looking to master the game and fully experience its offerings. This article delves into the…
გაგრძელებაThe Best Weapons and Builds
გამოაქვეყნა BennieJeansg_მ.
თარიღი: მარტი 17, 2025.
საათი: 5:00am
0 კომენტარი
0 მოწონება
Amazon Game Studios’ “New World” has captivated players with its immersive open-world experience, blending elements of exploration, combat, and survival in the mystical land of Aeternum. One of the most significant decisions players face upon entering the game is which faction to join: the Marauders, the Syndicate, or the Covenant. Each faction not only provides a unique identity but also influences gameplay, alliances, and player experiences. This article delves into the characteristics of…
გაგრძელებაDavid Hoffmeister’s Route To Spiritual Awakening
გამოაქვეყნა EFTcheat_მ.
თარიღი: მარტი 14, 2025.
საათი: 2:00am
0 კომენტარი
0 მოწონება
David Hoffmeister, a renowned spiritual Instructor and creator, has motivated numerous men and women globally by means of his teachings and the worldwide Residing Miracles Local community. Rooted during the principles of A Program in Miracles (ACIM), David’s perform centers on useful resources for spiritual awakening and living a daily life guided by divine enjoy and internal peace.
What Is Living Miracles?
The Living Miracles community is an…
Qwelly World
© 2025 George.
•
