გიორგი ლეონიძემ ლექსების წერა 12 წლის ასაკიდან დაიწყო. 1911 წელს გამოქვეყნდა მისი პირველი ლექსი "მცხეთას". ლეონიძის შემოქმედების საწყისი ეტაპი ხასიათდება ორი მიმდინარეობის არსებობით. მის ადრინდელ ლექსებში გამოხატული იყო უიმედობა და სევდა, რაც სიმბოლისტურ-დეკადენტური გავლენით იყო გაპირობებული. თუმცა, ამავე დროს, მის ლექსებში მომავლის რწმენისა და მებრძოლი განწყობილების მოტივები შეიმჩნეოდა. ამ მხრივ, იგი აგრძელებდა ქართულ რეალისტურ ლიტერატურას.

      ეროვნულ-პატრიოტულ გრძნობებს ზოგჯერ ჩრდილავდა მისტიციზმის ელემენტები. ადრეულ პერიოდში იგი იზიარებდა სიმბოლისტურ-დეკადენტურ მიმდინარეობას და 1918 წელს "ცისფერყანწელთა" ჯგუფსაც შეუერთდა. შთაგონების წყაროს ეძებდა, როგორც ფრანგულ სიმბოლიზმში, ისე საქართველს ისტორიულ წარსულში და უპირატესობა მაინც უცხოურს ენიჭებოდა. ასე გაჩნდა ლეონიძის შემოქმედების ადრეული პერიოდის ნაწარმოებებში შინაგანი გაორება.

      გიორგი ლეონიძის გარდატეხის მიჯნად შეიძლება მივიჩნიოთ მისი ლექსი "მხარე ვაზებში გამოხვეული", სადაც აღარ ვხდებით განზრახ გაბუნდოვების გზებს. ეს ხაზი მის შემდგომ დაწერილ ლექსებშიც გრძელდება. ამის შემდგომ წერს ლეონიძე მთელ რიგ უმნიშვნელოვანეს ლექსებს - "ყივჩაღის პაემანი", "სიმღერა პირველი თოვლისა", "მყვირალობა", "ნინოწმინდის ღამე" და ა.შ. ამ ლექსების ლაიტმოტივი სიყვარულის თემაა.

      განსაკუთრებით ყურადღებას იქცევს გიორგი ლეონიძის ლირიკული ლექსი "ოლე", რომელშიც არა მარტო მშობლიური ქვეყნის ალეოგორიული სახეა გამოხატული, არამედ ზოგადკაცობრიული, ფილოსოფიური პრობლემატიკა. ჩანს მარტოობის, ტრაგედიის სიმბოლოც. ასევე მნიშვნელოვანია მისი ლექსი "არ დაიდარდო, დედაო", სადაც მიცვალებულის ცოცხალთან გასაუბრების ცნობილი ქართული ხერხი აქვს გამოყენებული.

      გიორგი ლეონიძე ასევე მუშაობდა ეპიკურ ჟანრში, რომლის ძირითადი თემატიკა ისტორიულია. მან შექმნა არაერთი ლირიკულ-ეპიკური და წმინდა ეპიკური ნაწარმოები. "ქართლის ცხოვრება" ლექსების ციკლის გამაერთიანებელი სახელწოდებაა. აქ ლეონიძე საქართველოს ერთიან სურათს ქმნის წარსულისა და თანამედროეობის კონტრასტული დაპირისპირების გზით. ლირიკულ-ეპიკურ პოემაში "ფორთოხალა" ასევე წარსულისა და აწმყოს სურათებს გვიხატავს. ფორთოხალა კოლხეთის მშრომელი ქალის პოეტური სახეა, რომელიც ხალხის ტკივილს გამოხატავს. ვრცელის ისტორიული პოემაა "სამგორი", რომლის სიუჟეტიც კონკრეტულ-ისტორიულ ფაქტს ემყარება. ესაა ვახტანგ გორგასლის მიერ თბილისის დაარსება, მისი გაშენება, სატახტო ქალაქად გამოცხადება და ბრძოლა სპარსი დამპყრობლების წინააღმდეგ, ბრძოლა თავისუფლების შენარჩუნებისთვის.ნატვრის ხე". 1962 წელს გამოქვეყნდა გიორგი ლეონიძის მოთხრობების წიგნი "ნატვრის ხე". ამით იგი ერთიანად მოევლინა ქართულ ლიტერატურას პროზაიკოსის როლში. ლეონიძე ჩვენ თვალწინ აცოცხლებს ბავშვობაში ნანახ და განცდილ სურათებს, რომლებშიც იხატება ადამიანთა სხვადასხვა ტიპი და ხასიათი, ადათი და ჩვეულება.

      სიჭაბუკის დღეებზე დაწერილ მოგონებებს სიმბოლურად წარმოგვიდგენს ნატვრის ხედ. წიგნის ყველა ნოველა, ეკიზი თუ მოთხრობა ქმნის ერთი მთლიანი კრბულის შთაბეჭდილებას. ამ კრებულში ჩვენ ვხედავთ პატარძლეულის პეიზაჟურ სურათებს.

      წიგნის უმთავრესი ღირსება მისი ლექსიკის ხალხურობასა და სიმდიდრეშია. თხრობის ლირიკულ მანერას ენაცვლება იუმორის სიმსუბუქე, დიალოგის ლაკონურობა და სიმსუბუქე. ლეონიძე პერსონაჟების მეტსახელებით მათ შინაგან ბუნებასაც გადმოგვცემს, რისი მეშვეობითაც უფრო ღრმად გვაცნობს მათ. იგი დეატალებს, სიტუაციებს, ქცევებს და მოქმედებებს ცოცხლად გვიჩვენებს. იგი აშუქებს ცხოვრებისეულ, მორალურ-ეთიკურ საკითხებს.

      "ნატვრის ხეში" წარმოდგენილ თითოეულ მოთხრობას თავისი დატვირთვა აქვს. იგი ცალკეულ პერსონაჟებს გვაცნობს, წარმოაჩენს მათ შეხედულებებს ცხოვრებაზე, მორალურ პრინციპებს, მათ ხასიათებს. წარმოაჩენს მათ ცხოვრებისეულ პრინციპებს. თითოეულ ადამიანს აქ უდიდესი მნშვნელობა ენიჭება და თითოეული მათგანი ამბობს თავის სათქმელს.

ტეგები: qwelly, გიორგი, ლეონიძე, ლირიკა, ქართული

ნახვა: 1723

ღონისძიებები

ბლოგ პოსტები

დამოუკიდებლობიდან 102-ე წელი!

გამოაქვეყნა Giorgi_მ.
თარიღი: მაისი 26, 2020.
საათი: 10:53pm 2 კომენტარი

      წვიმები წვიმებს მისდევენ მიდიან, მაგრამ ამ სიმღერის გაგრძელება არ გამოვა, რადგან დღეიდან, დაპირებისამებრ გამოიდარა. ახლა მთავარი ამბავი - კორონა უკან დაიხიე! საქართველო დამოუკიდებელია! გილოცავთ დამოუკიდებლობის დღეს! თვის ბოლომდე კოვიდ სტატისტიკა - საქართველოში: 732 შემთხვევა, გამოჯანმრთელებული - 537, გარდაცვლილი - 12. მსოფლიოში: დადასტურებული შემთხვევა - 5 643 071, გამოჯანმრთელებული - 2 408 433, გარდაცვლილი - 349 940, სამკურნალო - 2 990…

გაგრძელება

ჩალის ლუდი

გამოაქვეყნა CSCCA_მ.
თარიღი: მაისი 26, 2020.
საათი: 1:00pm 0 კომენტარი

Animal Crossing New Horizons has been loved by players since its initial release. Players can cultivate and maintain ideal villages on desert islands. In the game, players no longer need to be disturbed by epidemics and can also obtain a considerable number of Animal Crossing Bells in new ways. Players can make handicrafts by shopping. In addition, players can also plant fruit trees to obtain fruit outside the island at a very low price of 500 ACNH Bells. Like the real world, players also…

გაგრძელება

რწმენის ფერადი ადგილები

გამოაქვეყნა Tamila Moshiashvili_მ.
თარიღი: მაისი 24, 2020.
საათი: 9:19pm 1 კომენტარი

      მეჩეთების ფერადოვნებასა და სიჭრელეზე სტატიები არ აკლია ინტერნეტს, მაგრამ ასჯერ გაგონილს ერთხელ ნანახი სჯობსო. ვიდრე პირდაპირ ნახვას შეძლებთ, იქამდე სჯობს კარგი ფოტოგრაფის კარგი ფოტოხელოვნება იპოვოთ - ფატემ ჰოსეინ აღაი (Fatemeh Hosein Aghaei) მეჩეთების სილამაზესა და მრავალფეროვნებას ირანში დაჰყვება. ისპაჰანი ამ მხრივ გამორჩეული ქალაქია ამიტომ ფოტოების უმრავლესობა სწორედ ამ ქალაქიდანაა. სპარსული კულტურა და აღმოსავლური ფერები დღევანდელი…

გაგრძელება

ბოლო კორონასებური წყნარი საღამო და ტყეების საპატრიარქოს

გამოაქვეყნა Giorgi_მ.
თარიღი: მაისი 22, 2020.
საათი: 10:30pm 0 კომენტარი

      დღის ყველა ამბავი საღამოს სიგრილემ გადაფარა და თორმეტი საათის მოლოდინმა, რომლის შემდეგ კვლავ გაიგონებთ ქუჩებში ავტომობილების ხმას. იქამდე კი ისიამოვნეთ. დღის მთავარია ამბები სწორედ ამ შეზღუდვების მოხსნა-დატოვებას ეხებოდა და პროექტის მესამე მოსმენით დამტკიცებას, რეზიდენტისგან ხელმოწრას და საბოლოოდ გაკანონებას. ხმაურიანი გამოდგა საპატრიარქოს ბალანსზე ეკლესიების გადაფორმების გამარტივებული წესებიც და პრემიერსაც, თავის მხრივ, აქტიური დღე…

გაგრძელება

Qwelly World

free counters