შენი სხეული ჩემს სხეულზე უფრო გამძლეა, ამიტომ ჩემს ძვლებს შენ გაბარებ სიკვდილის მერე.

      როცა ჩემს თვალებს ცის ნათელი დაეკარგებათ,

      როცა ჩამოვლევ ჩემს წილ საწუთროს,

      როცა ჩემს მუხლებს შენზე დგომა არ შეეძლება,

      როცა ჩავქრები, სამძღორს იქით რომ გარდავხდები...

      გაიხსენი, გაიხსენი ეგ საკინძე და მიმიღე; მიმიღე და შემინახე, შენ ხომ დედასავით გულუხვი ხარ, დედაჩემის გულიც ხომ შენთან არის, დედაჩემის მუხლებიც ხომ შენს უბეში აწყვია. მეც მანდ მამყოფე, მაგრძნობინე მაგ გულის ფეთქვა.

      გაისხენი და მძივებივით ჩაიკრიფე მაგ უბეში ჩემი ძოლმანი.

      ვინ დამაყენა შენს ბეჭებზედ, ვინ მომცა სახე, ვინ გამიმაგრა ეს მუხლები, ძვალი ძვალზე ვინ შემომადგა.

      ვინ მოახვია ჩემს ძვლებს ეგ ხორცი.

      ვის სამსხვერპლოზე ვანთივარ სულით.

      რად ახვევია ჩემს არსებას ეს საწუთრო ნისლივით მღვრიე.

      ეს ყოველივე რატომ ხდება ან რაც არ ხდება, რატომ არ ხდება. სულს ვინ მიწეწავს, ვისი გონით გონივრობს გონი.

      ვისი ხელია, მიწას რომ თხრის და თავისივე ძვლებს ასამარებს.

      მე მესმის შენი იდუმალი ამოძახილი:

      – გაჩუმდიო! – რომ ამომძახი.

      – ღმერთის ნებაა!

      იყო ნება ღვთისა და არარისგან იქმნა რაობა.

      იყო ნება ღვთისა და რაობა იქცა არარაობად.

      შეეთვისა და განეთვისა:

      ცეცხლი ჰაერს, ჰაერი წყალს, წყალი მიწას...

      იშვა ყოველი სახიერი ღვთის არსებაში...

      დავიბადე!

      აჰა, მოვედი ზენაარო შენს საუფლოში:

      – სად ვინა ხართ, გამოიხედეთ!

      მე არავინ შემეხმიანა და ვიდრე გონების თვალს აღმიხელდი, ვტკბებოდი შენით.

      ჩემი სხეული შენით აღივსო და მეც ისევე დამემართა, როგორც უცხო ადგილზე მოხვედრილ დამშეულ მგზავრს ემართება – რომ მოისვენებს, ხორცს განიძღებს, მერეღა ძიობს მისი სული გულუხვ მასპინძელს.

      მე შენ გეძებდი.

      გეძებდი მანამ, სანამ შენ თვითონ არ ჩამოწვდი ჩემს გულ-გონებას:

      – ყველაფერი ღვთის წილია და ყველაფერში ღმერთი სულდგმულობს.

      შენც ხომ ღვთის წილი ხარ, დედამიწავ!

      შენი სხეული ჩემს სხეულზე უფრო გამძლეა, ამიტომ ჩემს ძვლებს შენ გაბარებ სიკვდილის მერე.

      მე სანთელს ვგავარ, შენს ბეჭებზე ორი ფერის ტაბლაზე ვიწვი: დღისით და ღამით.

      უფლის განგებით სავსე არის ორივე ტაბლა:

      ღამე სიზმრებით, ხოლო დღისით სახიერი ცხადი ხილვებით.

      ჩამოდგა ჩემი დღის ტაბლაზე ჩაქრობის ჟამი.

      ღამის ტაბლაზე მოსალხენად მიდის უფალი.

      მე ვიღვენთები და შემოქმედს წყვდიადს ვუნათებ, რომ დღის ტაბლიდან სახიერი სიზმრეულში გადაიტანოს...

      და სული ჩემი ჰგავს ქარბორბალას, ტრიალებს ჩემში და რაც მოაქვს, მიაქვს ისევე.

      შენი სხეული ჩემს სხეულზე უფრო გამძლეა, ამიტომ ჩემს ძვლებს შენ გაბარებ სიკვდილის მერე.

      როცა ჩემს თვალებს ცის ნათელი დაეკარგებათ,

      როცა ჩამოვლევ ჩემს წილ საწუთროს,

      როცა ჩემს მუხლებს შენზე დგომა არ შეეძლებათ,

      როცა ჩავქრები, სამძღორს იქით რომ გარდავხდები,

      გაისხენი, გაისხენი ეგ საკინძე და მიმიღე მე.

      მიმიღე და შემინახე, შენ ხომ დედასავით გულუხვი ხარ, დედაჩემის გულიც ხომ შენთან არის, დედაჩემის მუხლებიც ხომ შენს უბეში აწყვია. მეც მანდ მამყოფე, მაგრძნობინე მაგ გულის ფეთქვა...

      გაიხსენი და მძივებივით ჩაიკრიფე მაგ უბეში ჩემი ძოლმანი.

      მე რომ ჩამომძახებენ:

      – მიწა ხარ და მიწად იქეც!

      – მიწა ხარ და მიწად იქეც!

      აი, ეგ სიტყვები დაიჭირე, შიგ ჩემი ძვლები გამოხვიე და შემინახე, რომ არ დაგეკარგო. გამომალიჭისთავე, რომ შემდეგ, როცა დაგჭირდე, ადვილად გამომხსნა.

      შემინახე, დედაო მიწავ!

გოდერძი ჩოხელი

ტეგები: Qwelly, დედამიწა, ლიტერატურა, მოთხრობები, ნოველა, ქართული, ჩოხელი

ნახვა: 1080

გამოხმაურებები!

guli sevdit amevso...arachveulebrivia )))

გოდერძი <3 

zalian  momewonaaaaaa  ))))))

ნუ, შესანიშნავია, მაგრამ  - იყო ნება ღმრთისა და რაობა იქცა არარაობად, ამან დამაფიქრა :) 

შენც ხომ ღვთის წილი ხარ, დედამიწავ!

უდიდესი პიროვნება იყო და იმიტომაც ვერ უძლებდა დედამიწის ზედაპირზე ამდენ უსამართლობაში ცხოვრებას(((((

სათუთი ადამაინი იყო მარიამ, სათუთი! 

mariami_მ თქვა:

უდიდესი პიროვნება იყო და იმიტომაც ვერ უძლებდა დედამიწის ზედაპირზე ამდენ უსამართლობაში ცხოვრებას(((((

ბავშვური, სუფთა ადამიანი იყო გოდერძი...

RSS

ღონისძიებები

ბლოგ პოსტები

Rsorder- The quests will only be available when the game launches

გამოაქვეყნა millan Myra_მ.
თარიღი: თებერვალი 19, 2025.
საათი: 5:19am 0 კომენტარი



Everything is tied to it. Skills integrate and flow together in a way that all of it helps develop your character. I'm not sure any other game can do this better OSRS gold than Runescape and it's likely to be beneficial, considering that because an experience that's been in existence for as long as Runescape has to have a motive for its longevity in the category. Its Ironman mode is a great new feature in an old game. Long may it…

გაგრძელება

Purchasing A Home in Phuket: A Guidebook in your Desire Island Property

გამოაქვეყნა EFTcheat_მ.
თარიღი: თებერვალი 19, 2025.
საათი: 4:33am 0 კომენტარი





Phuket, Thailand's biggest island, is renowned for its stunning shorelines, vivid lifestyle, and relaxed lifestyle. It’s no shock that buying a home in Phuket is becoming a top preference for individuals and family members searching for a slice of paradise. Irrespective of whether you’re trying to find a holiday retreat, a long-lasting residence, or an financial commitment assets, Phuket provides some thing for everybody.…



გაგრძელება

The Ranger has absurd ranged harm with bows in combination

გამოაქვეყნა millan Myra_მ.
თარიღი: თებერვალი 18, 2025.
საათი: 5:00am 0 კომენტარი

The Ranger: The Guy With A Gun In A Knife Fight A lot of people are calling the Ranger the strongest class in the sport, and whilst this is a chunk of an exaggeration, there may be some reality to these claims . The Ranger has absurd ranged harm with bows in combination with their Perks, super vicinity-denial options with bear traps and Quick-Shot, and even innate restoration with Rations. An archer elegance with get entry to to infinite arrows in a sport in which both the protective…

გაგრძელება

How the Story Continues in the World

გამოაქვეყნა BennieJeansg_მ.
თარიღი: თებერვალი 17, 2025.
საათი: 5:00am 0 კომენტარი

Path of Exile 2 introduces a vast array of quests, storylines, and items, creating an immersive world full of complexity and challenge. Among the many intriguing quests and narrative elements in the game, one of the most fascinating is The Lost Lute. This quest not only offers players a deeper look into the lore of the game but also provides them with the opportunity to gain powerful rewards.

 

In…

გაგრძელება

Qwelly World

free counters