შტეფან გვაიგი - ნიჩბის საბედისწერო დანაკრავი


   1848 წელი, იანვარი, მოულოდნელად ზუტერთან ცხადდება ჯერ მარშალი, მისივე დურგალი. მღელვარებისაგან ჭკუიდან გამოსული სახლში ფეთიანივით იჭრება, - რაღაც ძალიან მნიშვნელოვანი მაქვსო შესატყობინებელი. ზუტერი გაოცებულია; მხოლოდ გუშინ გაგზავნა თავის ფერმაში, კოლომაში, სადაც ახალი სახერხი შენდება, და ის კი აგერ უკან დაბრუნებულა უნებართვოდ, დგას ბატონის წინაშე, ცახცახებს, თავს ვერ იკავებს, ხელის კვრით ოთახში შეჰყავს, კარს კეტავს და ჯიბიდან იღებს მთელ მუჭა ქვიშას - ამ ქვიშაში ციმციმებენ ყვითელი მარცვლები. გუშინ, მიწას რომ თხრიდა, ლითონის ეს უცნაური ნატეხები იპოვნა და გადასწყვიტა, რომ ეს ოქროა, მაგრამ ყველა დანარჩენებმა სასაცილოდ აიგდეს. ზუტერი მაშინვე ყურებს ცქვეტს, იღებს ქვიშას და რეცხავს. დიახ, ეს ოქროა, და ის ხვალვე გაემგზავრება მარშალთან ერთად ფერმაში. მსხვერპლი კი, - პირევლი მსხვერპლი ციებ-ცხელებისა, რაც მალე მოედება მთელ ქვეყნიერებას, - დილას არც კი დაელოდა, ღამითვე, თავსხმა წვიმაში გაეშურა უკან.
მეორე დღეს პოლკოვნიკი ზუტერი უკვე კოლომაშია. არხი დააგუბეს, დაიწყეს ქვიშის გამოკვლევა. საკმარისია აავსონ ცხრილი, მსუბუქად შეარხიონ, და მოციმციმე ქვიშის მარცვლები შავ ბადეში რჩებიან. ზუტერი უხმობს მასთან დარჩენილ რამდენიმე ევროპელს, სიტყვას ართმევს, რომ ენას კბილს დააჭერენ, ვიდრე არ ააშენებენ სახერხს. მის გონებაში გრანდიოზული გეგმები იბადებიან. არასოდეს არ მოუპოვებიათ ასე იოლად ოქრო, არასოდეს არ ყოფილა ოქრო ასე ღია ცის ქვეშ დაყრილი, თითქმის მიწის ზედაპირზე, - და ეს მისი მიწაა, ზუტერის მიწა. ასე ეჩვენა, ათეულმა წელმა გადაიქროლა ამ ერთ ღამეშიო - და აი, ზუტერი უმდიდრესი ადამიანია დედამიწის ზურგზე.
ოქროს ციებ-ცხელება
   უმდიდრესი? არა, უღატაკესი, ყველაზე უფრო უიღბლო ღატაკი დედამიწის ზურგზე. ერთ კვირაში საიდუმლოებას ფარდა აეხადა. ერთმა ქალმა - ყოველთვის ქალმა! - საიდუმლო გაანდო რომელიღაც გამვლელს და რამდენიმე ოქროს მარცვალიც აჩუქა. აქ მოხდა რაღაც გაუგონარი - ზუტერის ადამიანებმა სამუშაო მიატოვეს: მჭედლები მოსცილდნენ გრდემლებს, მწყემსები წავიდნენ ჯოგიდან, მევენახეებმა ზურგი აქციეს ვაზებს, ჯარისკაცებმა დაყარეს იარაღი. ყველამ მოჩხიბულივით დაიტაცა ცხავები, ტაშტები, სახერხს მიაწყდნენ და ოქროს მოპოვებას შეუდგნენ. ერთ ღამეში მხარე გაუკაცრიელდა. ძროხებს არავინ წველის, და კვდებიან, ხარები ბაკებს არღვევენ და თელავენ ადრევე გაოხრებულ ნათესებს, წყდება ყველის ამოყვანა, ინგრევიან ბეღლები. ჩაკვდა უზარმაზარი მეურნეობის მთელი რთული მექანიზმი. ტელეგრაფის მავთულებმა ზღვებსა და ოკეანეებზე გადაატარეს მაცდური ცნობა ოქროზე. და უკევ ჩამოდიან ადამიანები ქალაქებიდან და ნავსადგურებიდან, მეზღვაურები ხომალდებს ტოვებენ, მოხელეები სამსახურს. უსასრულო კოლონიებად მიემართებიან ოქროსმაძიებელნი დასავლეთიდან და აღმოსავლეთიდან, ფეხით, ცხენითა და ფორნებით - ადამიანთა კალიის ნაყარი, შეპყრობილი ოქროს ციებ-ცხელებით. აღვირახსნილი ტლანქი ურდო, რომელიც არა ცნობს სხვა უფლებას, გარდა ძლიერთა უფლებისა, სხვა ძალაუფლებას, გარდა რევოლვერის ძალაუფლებისა, თავს გადაევლო აყვავებულ კოლონიას. ყველაფერი მათი საკუთრება გახდა, ვერავინ ბედავდა ამ ყაჩაღებთან შედავებას. ავაზაკები კლავდნენ ზუტერის ძროხებს, ამტვრევდნენ მის ბეღლებს და იგებდნენ თავისთვის სახლებს, თელავდნენ მის ხნულებს, იპარავდნენ მის მანქანებს. ერთ ღამეში ზუტერი იქცა ღატაკად. ისიც, როგორც მიდასი, საკუთარმა ოქრომ დაახრჩო.
   მერე და სულ უფრო ძნელი ხდება ამ უმაგალითო გატაცების დაოკება. ცნობამ უკვე მთელი მსოფლიო გადაიქროლა. მხოლოდ ნიუ იორკიდან ჩამოვიდა ასი გემი, გერმანიიდან, ინგლისიდან, საფრანგეთიდან, ესპანეთიდან 1848-1851 წლებში მოზღვავდა თავგადასავალთა მაძიებლების ურიცხვი ურდო. ზოგიერთები ჰორნის კონცხის შემოვლით მოეშურებიან, მაგრამ მოუთმენელთ ეს გზა მეტისმეტად გრძელი ეჩვენებათ, და ირჩევენ უფრო საშიშ გზას - ხმელეთზე, პანამის ყელის გავლით. ერთ გამბედავ კომპანიას სასწრაფოდ გაჰყავს იქ რკინიგზა. ათასობით მუშა იღუპება ციებისაგან იმის გულისათვის, რომ ორი-სამი კვირით შეამოკლოს გზა ოქროსაკენ. კონტინენტზე გაჭიმულან ყველა ტომისა და ყველა კილოზე მეტყველი ადამიანების უზარმაზარი ნაკადები და ყველანი კი ზუტერის მიწაში იქექებიან, თითქოს ეს მათი იყოს. სან-ფრანცისკოს ტერიტორიაზე, რაც სახელმწიფი ბეჭედდასმული აქტით ზუტერს ეკუთვნის, საზღაპრო სისწრაფით იზრდება ახალი ქალაქი. ჩამოსულები პატარა ნაკვეთებად ყიდიან ერთმანეთს შორის ზუტერის მიწას, ხოლო მისი სამეფოს სახელწოდება „ახალი ჰელვეცია“ მალე ადგილს უთმობს მაგიურ სახელს „ელდორადო“ - ოქროს ქვეყანა.
   ზუტერი, ხელახლა გაკოტრებული კაცი, თითქოს გარინდული შესცქეროდა, როგორ იზრდებოდნენ მიწიდან დრაკონის კბილები. თავდაპირველად თავისი მსახურებისა და ამხანაგების დახმარებით თვითონაც შეეცადა ოქროს მოპოვებას, რათა ისევ გამდიდრებულიყო, მაგრამ მალე ყველამ მიატოვა. მაშინ გაერიდა ოქროს მხარეს, მთების სიახლოვეს წავიდა თავის განმარტოებულ ფერმაში - „ერმიტაჟში“, წყეული მდინარისა და საბედისწერო ქვიშისაგან მოშორებულ ადგილზე. იქვე იპოვნეს ცოლმა და სამმა უკვე მოზრდილმა შვილმა, მაგრამ ქალი მალე მოკვდა, მომქანცველი გზის სიძნელეებმა გატეხეს მისი ჯანი. მაინც ახლა გვერდით, რაც უნდა იყოს, სამი შვილი ჰყავს, და ორის ნაცვლად რვა ხელი იმუშავებს. ზუტერი ისევ ჰკიდებს ხელს საქმეს. ხელახლა, მაგრამ უკვე შვილებთან ერთად, თანდათანობით დაიწყო წინ წაწევა, ამასთან სარგებლობდა ამ მიწის საარაკო სიუხვით და გულში ატარებდა ახალ გრანდიოზულ ჩანაფიქრს.

გაგრძელება → 

ტეგები: Qwelly, cvaigi, literatura, ლიტერატურა, ნოველები, ცვაიგი

ნახვა: 163

ღონისძიებები

ბლოგ პოსტები

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 10 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

Qwelly World

free counters