ზოგადი ცნობები ანგია წინასწარმეტყველის შესახებ

       ანგია - ამ სახელით ბიბლიური წიგნებიდან ოდენ ერთი პიროვნებაა ცნობილი (იგულისხმება წინასწარმეტყველი ანგია). მის შესახებ ცნობებს ვხვდებით ეზრას წიგნში, სადაც ანგიასა და ზაქარიას ასპარეზზე გამოსვლის შესახებაა ნაუწყები . იგი ტყვეობის შემდგომი, სპარსეთის პერიოდის პირველი წინასწარმეტყველია, რომელმაც წერილობითი მემკვიდრეობა დატოვა. მისი წიგნი სამშობლოში ახლადდაბრუნებული იუდეველი ერის ყოფა-ცხოვრებას გადმოგვცემს. ფსევდო ეპიფანეს, ფსევდო დოროთესა და ფსევდო ევსუქის ცნობებით, ანგია ბაბილონიდან საკმაოდ ახალგაზრდა ასაკში დაბრუნებია აღთქმულ ქვეყანას და თვისტომთა ჩამოსვლაც უწინასწარმეტყველია. იგი მომსწრე ყოფილა ტაძრის აღდგენისა და ამავე ტაძარში პირველს უგალობია ალილუია. გარდაცვლილა იერუსალიმში და სამღვდელო სამარხთან ახლოს დაუკრძალავთ.

ნეტარი ავგუსტინეს ცნობით, ანგიასა და ზაქარიას წინასწარმეტყველება ჯერ კიდევ ბაბილონში დაუწყიათ. ადრეულ საუკუნეებში კომენტატორთა ერთი ნაწილი ანგიას წიგნზე დაყრდნობით მიიჩნევდა, რომ წინასწარმეტყველი არათუ ადამიანი, არამედ განკაცებული ანგელოზი იყო .

ნეტარი იერონიმე: ზოგიერთები თვლიან, რომ იოანე ნათლისმცემელი, მალაქია, რომლის სახელიც უფლის ანგელოზს ნიშნავს, და ანგია, ვისი წიგნიც ამჟამად ხელში გვიჭირავს, ანგელოზები იყვნენ, მაგრამ ღვთის განჩინებით ადამიანური სხეულები შეიმოსეს და კაცთა შორის მიმოიქცეოდნენ). მოხმობილი აზრის განსამტკიცებლად ხსენებული ეგზეგეტები შენიშნავდნენ, რომ წიგნში არაა ნახსენები წინასწარმეტყველის მამის სახელი, რაც მის არაამქვეყნიურ წარმომავლობაზე მიუთითებს. ეკლესიის მამათა კომენტარი ამ საკითხთან მიმართებით რადიკალურად განსხვავდება. ისინი დარწმუნებით გვაუწყებენ, რომ ანგია ჩვეულებრივი ადამიანია, ვისაც უზენაესმა აღმატებული მსახურებისკენ მოუწოდა.

       იერუსალიმის ტაძრის მიმდებარე ტერიტორიის არქეოლოგიური გათხრებისას აღმოაჩინეს ბეჭედი, რომლის ზედა მხარეს იკითხება შემდეგი წარწერა: ‘ანგიასი, შევანიის ძისა". მკვლევარნი ვარაუდობენ, რომ აღნიშნული ბეჭედი წინასწარმეტყველს ეკუთვნოდა და, სავარაუდოდ, ტაძრის სიახლოვეს დაკარგა, სადაც ხშირად უწევდა ყოფნა, ადევნებდა რა თვალყურს მშენებლობას. ბიბლიური ცნობების თანახმად, ანგიას საწინასწარმეტყველო მოღვაწეობამ სულ რამდენიმე თვე გასტანა. რიგ ფსალმუნთა დასათაურებებში ანგიასა და ზაქარიას სახელს ერთად ვხვდებით . აღნიშნული სათაურები მოცემულ შემთხვევაში მათში წარმოდგენილი პირების არათუ საავტორო უფლებებს გვამცნობენ, არამედ მითითებული ფსალმუნების ანგიასა და ზაქარიას მოღვაწეობისას ტაძარში ლიტურგიკული გამოყენების შესახებ გვაუწყებენ.

        538 წელს სამშობლოში დაბრუნებულმა იუდეველმა ხალხმა იმავე წელს სამსხვერპლო ააგო და მოსეს რჯულით გათვალისწინებული მსხვერპლშეწირვები განაახლა, ხოლო მეორე წელს საღვთო მოშურნეობით აღძრულმა მოსახლეობამ ტაძრის საფუძველი განამზადა. დიადი მშენებლობის წამომწყები იუდეველი ერი თავიდან საქმეს დიდი ენთუზიასმით შეუდგა, თუმცა სახალხო კრებულში დისონანსმა მალევე იჩინა თავი: ახალი ტაძრის საფუძვლის მომზადებისას ახალგაზრდა თაობის სულიერი სიხარულით გამოწვეულ ოვაციებს ძველი თაობის ადამიანთა ტირილი და მოთქმა შეერია, რომლებსაც ძველი ტაძრის დიდებულება კვლავაც ახსოვდათ. პირველი მძლავრი დარტყმა საერთო სახალხო განწყობას სწორედ ამ მოვლენამ მიაყენა.

       მორიგ დაბრკოლებად მეზობელი ხალხების მხრიდან ტაძრის მშენებელთა წინააღმდეგ მიმართული ქმედებები აღმოჩნდა: სამარიტელებმა მშენებლობაში დახმარება შესთავაზეს იუდეველებს, რაზეც უარი მიიღეს. ამის შემდეგ ისინი მთელი ძალით შეეცადნენ ტაძრის აღდგენისთვის ხელი შეეშალათ. აღნიშნულ მოვლენას მეფე კიროსის მასაგეტებთან ომმაც შეოწყო ხელი, ხოლო იმავე კიროსის გარდაცვალებისთანვე (529 წ.) სამარიტელებმა სპარსეთის სამეფო კარისგან იერუსალიმის ტაძრის მშენებლობის შეჩერების ოფიციალური უფლება მოიპოვეს. შეწყვეტილი საქმიანობა არც კიროსის მემკვიდრის - კამბიზის მეფობისას (529-521 წწ.), არც მისი მემკვიდრის ლჟესმერდიზის მმართველობისას განახლებულა (521 წ.). ასე გაგრძელდა დარიოს გისტასპის გამეფებამდე (521-485 წწ.). თუკუ სამშობლოში დაბრუნებული იუდეველნი ტაძრის მშენებლობის საქმეში ენითგამოუთქმელ მოშურნეობას იჩენდნენ, ხსენებული მოვლენების ზემოქმედების შედეგად ერის ადრინდელი მდგომარეობა რადიკალურად შეიცვალა და დადგა ჟამი, როდესაც ხალხმა ტაძარი საერთოდ დაივიწყა და ჩათვალა, რომ ‘არაა დრო უფლის სახლის შენებისა" . იუდველებმა საკუთარი საცხოვრისების აგება დაიწყეს და მთელი ყურადღება პირადი, მერკანტილური სურვილების დაკმაყოფილებისკენ მიმართეს.

       რაჟამს მძლავრი დარტყმის ქვეშ აღმოჩნდა არა მარტო ტაძრის მშენებლობის საკითხი, არამედ ერის ზნეობრივ-რელიგიური მდგომარეობა, უფალმა საწინასწარმეტყველო ღვაწლით თანატომელთა შორის ანგია მიავლინა. მისი მიზანია, გააგებინოს ერს, თუ რა არის უბედურებებისა და წარუმეტებლობების მთავარი მიზეზი; კვლავ განაახლოს ხალხში დაშრეტილი სულიერი ძალები დაარწმუნოს ადამინები საღვთო მზრუნველობის უეჭველობაში; ტაძრის მშენებლობის გაგრძელების აუცილებლობაში; იწინასწარმეტყველოს იმის შესახებ, რომ სწორედ ამ განახლებულ ტაძარში შევა მესია და დასაბამს დაუდებს ახალ, ზეციურ სამეფოს.

წმ. კირილე ალექსანდრიელი: ოსია და მისი თანმდევი ყველა წინასწარმეტყველი იუდეველი ერის მომავალი უბედურებების შესახებ იუწყებოდნენ და მოახლოებული უდიდესი განსაცდელების უწინარეს ცდილობდნენ, შეეშინებინათ ისინი. სწორედ ამ მიზნით საუბრობდნენ იუდეველთა ქალაქების გაძარცვის, გადაწვის, განადგურების... შესახებ. წინასწარმეტყველები ფიქრობდნენ, რომ თუკი ებრაელები თავიანთი კეთილი ნებით არ მოიქცეოდნენ, ამას განსაცდელების შიშით მაინც აღასრულებდნენ.

       ანგიამ საწინასწარმეტყველო სიტყვები მაშინ წარმოთქვა, როდესაც სამოცდაათწლიანი ტყვეობა დასრულდა და იუდეველები საკუთარ სამშობლოს დაუბრუნდნენ. კიროსმა ებრაელებს ტაძრის აგების ნება დართო. გავიდა გარკვეული დრო და მშენებლობა შეჩერდა. სპარსეთის სამეფო ხელისუფლებაში ახალი მეფე - დარიოსი აღზევდა და სწორედ მისი შემწეობით განახლდა შეწყვეტილი საქმე. ანგიას მოღვაწეობა დარიოსის მეფობის დასაწყისს უკავშირდება).

♦ წინასწარმეტყველი ანგია ♦

ტეგები: prophet, prophet_haggai, qwelly, прарок, ანგია, დარიოსი, ეზრა, იერუსალიმი, კირილე_ალექსანდრიელი, მცირე_წინასწარმეტველი, მეტი...ნეტარი_ავგუსტინე, ნეტარი_იერონიმე, ოსია, რელიგია, ძველი_აღთქმა, წიგნი, წინასწარმეტყველი_ანგია, ხსნა

ნახვა: 546

გამოხმაურებები!

ეზრა კი არის მონიშნული, მაგრამ ცალკე მის შესახებ არაფერი წერია. ასევე ვერც ნეემიას შესახებ მოვიძიე მასალა წმინდა წერილის ფორუმში. (იქნებ უბრალოდ ვერ ვიპოვე?)

მოკლედ, შრომა დიდი გაგიწევიათ წინასწარმეტყველების შესახებ ინფორმაციის შეკრება-ატვირთვისას. კარგი იქნებოდა ეზრას და ნეემიას წიგნების შესახებაც ყოფილიყო ცოტა მეტი მასალა და არა აქა-იქ გაბნეული ინფორმაცია. 

P.S თუ მე ვერ მივაგენი, გთხოვთ ლინკი გამომიგზავნოთ :)

RSS

ბლოგ პოსტები

Three ways to get Final Fantasy XIV Gil for players

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება - 3.0867 ლარია.

საქართველოს და მსოფლიოს ამბები |…

გაგრძელება

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 1 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

Qwelly World

free counters