ივანე მჭედლიშვილი • Ivane Mchedlishvili

ვანო მჭედლიშვილი, vano mchedlishvili, changing, chant, chanters, folk, galoba, georgian chant, qwelly, ბიოგრაფია, ბიოგრაფიები, გალობა, მგალობლები, ფოლკლორი, ფონდი ქართული გალობა, ქართული გალობა, ქართული ფოლკლორი, ქველი, კახეთი, kakheti

1903 - 1970

      მიხო ჯიღაურის ოსტატობას გვერდით ამოუდგა ვანო მჭედლიშვილის ახალგაზრდული აფეთქება, მეორე ხმა, რამაც ყოფილი ასოთამწყობი პროფესიონალი მომღერლის გზაზე დააყენა. ვანო მჭედლიშვილი დაიბადა 1903 წლის 10 ოქტომბერს. სიმღერის ეშხით გატაცებული მალულად სწავლობდა ხალხურ ჰანგებს. ქორწილების დროს ფარულად სახლის კედლის მიღმა ან სარდაფში დაიმალებოდა, რომ სიმღერები ესწავლა. ერთხელ ნიჭიერმა ბავშვმა დიდხანს სდია უკან სამ მომღერალ გლეხს, რომლებისგანაც შეუმჩნევლად სამივე ხმა შეითვისა. ლევან მუღალაშვილისაგან ისწავლა «დიამბეგოს» ძველი ვარიანტი და როცა გურჯაანიდან სხვა სოფელში ჩავიდა, სიმღერის ერთი ადგილი გადაავიწყდა; არც აცივა, არც აცხელა და იმავე წუთას ათი კილომეტრი გზა გაჭიმა, რათა ლევანისაგან ისევ მოესმინა და აღედგინა დავიწყებული ადგილი.

      სიმღერით გატაცება, მახვილი სმენა ხელს უწყობდა დასავლეთ საქართველოს, კერძოდ კი, გურული რთული სიმღერების შეთვისებაში. ამ მხრივ იგი მართლაც უნიკუმი იყო. ამიტომაც ბავშვობაშივე ჰყავდა მომღერალთა გუნდი.

      დიდხანს მოღვაწეობდა დასავლეთ საქართველოს და შემდეგ საქართველოს სიმღერისა და ცეკვის სახელმწიფო ანსამბლების სოლისტ-მომღერლად.

      ომამდე გაწვრთნა საგარეჯოს რაიონული გუნდი და მეხუთე რესპუბლიკურ ოლიმპიადაზე წარმატებით გამოიყვანა. ომის დროს მეტად ნაყოფიერი მუშაობა აქვს ჩატარებული, დაჯილდოებულია მედლებით «კავკასიის დაცვისათვის» და «მამაცური შრომისათვის».

      მეშვიდე რესპუბლიკურ ოლიმპიადაზე წარსდგა მცხეთის კულტურის სახლთან არსებული ანსამბლით, აქვე გამოიყვანა საგარეჯოს კულტურის სახლის ანსამბლი. 1954 წლის მერვე რესპუბლიკურ ოლიმპიადაზე მცხეთის, საგარეჯოსა და კაჭრეთის სარაიონო გუნდებს ხელმძღვანელობდა.

      ხანგრძლივი და ნაყოფიერი მუშაობისათვის 1951 წლის 7 დეკემბრის ბრძანებულებით ხელოვნების დამსახურებული მოღვაწის საპატიო წოდება მიენიჭა.

      1963 წელს კულტურის სამინისტრომ, საგუნდო საზოგადოებამ და ხალხური თვითმოქმედების სახლმა საზეიმო ვითარებაში აღნიშნა მისი დაბადების სამოცი და მოღვაწეობის ორმოცი წლის იუბილე. 1970 წლის 12 ოქტომბერს, ვანო მჭედლიშვილმა ბოლოჯერ მოავლო თვალი ცას.

ვანო მჭედლიშვილის შესრულებული გარეკახური საჭიდაო

"ფონდი ქართული გალობა"

ტეგები: Qwelly, აუდიო, ბიოგრაფია, გალობა, კახეთი, ფოლკლორი, ქველი

ნახვა: 323

გამოხმაურებები!

ჭიდაობა მოგინდება კაცს, ისეთია )) 

RSS

ღონისძიებები

ბლოგ პოსტები

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

Qwelly World

free counters