დათაშკა კავსაძე • Tavit Kavsadze

დავით კავსაძე, დათაშკა კავსაძე, davit kavsadze, datashka kavsadze, changing, chant, chanters, folk, galoba, georgian chant, qwelly, ბიოგრაფია, ბიოგრაფიები, გალობა, მგალობლები, ფოლკლორი, ფონდი ქართული გალობა, ქართული გალობა, ქართული ფოლკლორი, ქველი, ქართლი, კასპი, kartli

1709 - 1952

      კავსაძეების ოჯახიდან გამოსულს ბავშვობიდანვე იშვიათი მუსიკალურობა და უბადლო სმენა დაჰყვა. ერთი მოსმენით შეეძლო საქართველოს ყველა კუთხის ხალხური სიმღერის დამახსოვრება, სამივე ხმის დაუფლება.

      დავით კავსაძე დასავლეთ საქართველოში აღიზარდა, საშუალო განათლებას იქვე ეზიარა, თან მუდამ მამის, ცნობილი სანდრო კავსაძის, გუნდებში მღეროდა. სანოტო სისტემა მამისაგან აითვისა, მაგრამ ამას როდი დასჯერდა. სამამულო ომის წინა წლებში ჩაირიცხა კონსერვატორიის სადირიჟორო კლასში, სადაც მას სპეციალობას ცნობილი ალ. გაუკი ასწავლიდა.

      უფრო ადრე, როდესაც იგი კონსერვატორიის საკომპოზიციო კლასის სტუდენტად ითვლებოდა, სიმღერებს თხზავდა. მაშინ შექმნა «მოწინავეთა სიმღერა», «მუხამბაზი», «საკოლმეურნეო», «შაირული შეკამათება» და სხვა, რომელთაც გუნდები დღესაც წარმატებით ასრულებენ.

      1937 წლის იანვარ-თებერვალში მოსკოვსა და ლენინგრადში ქართული ხელოვნების პირველი დეკადა ბრწყინვალედ რომ ჩატარდა, ამაში საგრძნობი წვლილი ძმებს, გრიგოლ (გიგუშა) და დავით (დათაშკა) კავსაძეებს, მიუძღვით. მსმენელები იხიბლებოდნენ ძმების მიერ შესრულებული სოლოებითა და დუეტებით. ერთ რამედ ღირდა მათ მიერ ნამღერი «მეტივური», სადაც ძმები ოსტატურად იყენებდნენ როგორც პირველ, ისე მეორე ხმის ხვეულებს და ხალხური კოლორიტის სრული დაცვით აწვდიდნენ მსმენელებს ამ შესანიშნავ ხალხურ პოლიფონიურ სიმღერას.

      დავითი კარგი ლოტბარიც იყო; ხშირად მამას ეხმარებოდა. წინასადეკადო მუშაობის დროს სიმღერას ასწავლიდა ანსამბლის წევრებს, ხშირად ცვლიდა კიდევაც თავის მამას; კონცერტებს ხელმძღვანელობდა, ლოტბარობდა.

      დეკადის შემდეგ დავით კავსაძეს სავსებით მიანდეს აღმოსავლეთ საქართველოს სიმღერისა და ცეკვის სახელმწიფო ანსამბლის გაძღოლა. 1938-1940 წლებში მისი ხელმძღვანელობით ანსამბლმა მთელი საბჭოთა კავშირი მოიარა და გააცნო მშრომელებს ქართული მუსიკალური ფოლკლორის სიდიადე, მელოდიურობა, პოლიფონიურობა.

      აღმოსავლეთ და დასავლეთ საქართველოს ცალცალკე არსებული ანსამბლების ერთ – საქართველოს სიმღერისა და ცეკვის სახელმწიფო ანსამბლად გარდაქმნის შემდეგ (ხელმძღვანელი კომპოზიტორი გრიგოლ კოკელაძე), 1940 წელს დავით კავსაძეს მიენდო აღმოსავლეთ საქართველოს სიმღერების ლოტბარობა, რასაც იგი ჩვეული ოსტატობითა და უდიდესი მონდომებით ასრულებდა.

      მუსიკალურ ფოლკლორზე დაყრდნობით, როგორც აღვნიშნეთ, დავით კავსაძე მრავალ ახალ, თანამედროვე ყოფის ამსახველ სიმღერებს თხზავდა, ეწადა ფართო მუსიკალური ტილოს შექმნაც. საამისოდ კალამიც მოიმარჯვა, მელოდიებს მოუხმო, მრავალხმიან ჰანგებთან შეჭიდება სცადა, მაგრამ დაიწყო დიდი სამამულო ომი და სხვებთან ერთად ისიც სამშობლოს დამცველთა რიგებში ჩადგა.

      დავითი ფრონტიდან ჯანმრთელობაშერყეული დაბრუნდა. იგი ადრე, ორმოცდახუთი წლის ასაკში რომ არ გარდაცვლილიყო, დღეს ერთ-ერთი უდიდესი ძალა იქნებოდა ხალხური შემოქმედების სარბიელზე.

"ფონდი ქართული გალობა"

ტეგები: Qwelly, ბიოგრაფია, გალობა, კავსაძეები, ფოლკლორი, ქართლი, ქველი

ნახვა: 204

ღონისძიებები

ბლოგ პოსტები

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

Qwelly World

free counters