სტენდალი - პარმის სავანე

ომი და მშვიდობა, ლევ ტოლსტოი, ტოლსტოის წიგნები, ელექტრონული წიგნები

წიგნის დასახელება: პარმის სავანე

ორიგინალი დასახელება: La Chartreuse de Parme

ავტორი: სტენდალი

ჟანრი: ისტორიული, რომანი

ფაილის ტიპი: PDF, ონლაინ საკითხავი

გამოცემის წელი: 1839

ავტორის წინასიტყვაობა

      ეს წიგნი დაიწერა 1830 წლის ზამთარში, პარიზიდან სამასი მილის დაშორებით. ამიტომ, ცხადია, აქ გაკვრითაც არაფერია ნათქვამი 1839 წლის ამბებზე.

      დიდი ხნის წინათ, როდესაც ჩვენმა ჯარებმა მთელი ევროპა მარშით განვლეს, შემთხვევის წყალობით ერთი კანონიკისას დავბინავდი. ეს იყო პადუაში, იტალიის თვალწარმტაც ქალაქში. იქ ყოფნა ოდნავ გამიგრძელდა და მე და კანონიკი დავმეგობრდით.

      როდესაც 1830 წლის დამლევს ისევ პადუაში მოვხვდი, კვლავ კეთილი კანონიკის სახლს მივაშურე. ვიცოდი, თვითონ მოხუცი ცოცხალი აღარ იყო, მაგრამ ერთხელ კიდევ მინდოდა მენახა ის სასტუმრო დარბაზი, სადაც მრავალი სასიამოვნო საღამო გავატარე, შემდეგში რომ ხშირად სინანულით ვიგონებდი. ახლა იქ ცხოვრობდნენ განსვენებულის ძმისწული და მისი ცოლი, რომლებმაც ძველი მეგობარივით მიმიღეს. იმ დღეს რამდენიმე სტუმარიც შემოვიდა და გვიანობამდე ვისაუბრეთ. მასპინძელმა პედროტის ყავახანიდან საუცხოო Lambaione მოატანინა, მაგრამ მათთან ჩვენ დიდხანს დარჩენის მიზეზი უმთავრესად ჰერცოგ სანსევერინას მეუღლის ისტორია იყო. რომელიღაც სტუმარმა სხვათა შორის ახსენა იგი და კანონიკის ძმისწულმაც ჩემს სასიამოვნოდ ეს თავგადასავალი თავიდან ბოლომდე მოგვითხრო.

- ქვეყანაში, სადაც ახლა მივემგზავრები, - ვუთხარი ჩემს მეგობრებს, - სხვა ასეთ საზოგადოებას ვერ ვნახავ, და საღამოს დაუსრულებელი საათები რომ შევიმსუბუქო, წიგნს დავწერ თქვენი ჰერცოგ სანსევერინას მეუღლის ცხოვრებაზე.

- რაკი ასეა, - მომიგო კანონიკის ძმისწულმა, - ბიძაჩემის ჩანაწერებს მოგართმევთ, სადაც იმ თავში, პარმის აღწერას რომ შეიცავს, ეხება პარმის სამეფო კარის ზოგიერთ ინტრიგას, რომელთაც ადგილი ჰქონიათ იმ ხანებში, როცა ჰერცოგის მეუღლე იქ ყველაზე გავლენიანი პიროვნება ყოფილა. მაგრამ გაფრთხილებთ! ამ ისტორიაში ბევრი არაფერია მაღალზნეობრივი და ახლა, როდესაც თქვენ, ფრანგებს, ასე მოგაქვთ თავი ევანგელური უბიწოებით, ასეთი წიგნი ნამდვილი კაცისმკვლელის სახელს შეგძენთ.

      ამ ნაწარმოებს შეუცვლელად ვაქვეყნებ, ისე, როგორც 1830 წელს დაიწერა, თუმცა ამას ორგვარი უხერხულობა შეუძლია წარმოქმნას.

      პირველი მკითხველს ეხება: მოქმედმა პირებმა, როგორც იტალიელებმა, შესაძლებელია, ნაკლებად დააინტერესონ ის, იმიტომ, რომ ამ ქვეყნის ადამიანები თავისი ხასიათით საკმაოდ განსხვავდებიან ფრანგებისაგან; იტალიელები გულახდილნი და კეთილნი არიან და არაფერი აშინებთ; ამბობენ იმას, რასაც ფიქრობენ; პატივმოყვარეობა გატაცებად იქცევა ხოლმე, რასაც puntiglio-ს ეძახიან. დასასრულ, სიღარიბის გამო ისინი ადამიანს აბუჩად არ იგდებენ.

      მეორე უხერხულობა ავტორს შეეხება: ვაღიარებ, რომ სითამამე მეყო, რათა ყოველი მოქმედი პირისათვის მისი ხასიათის სიმკაცრე შემენარჩუნებინა. სამაგიეროდ, და ამას გაბედულად ვაცხადებ, მაღალი ზნეობის თვალსაზრისით ბევრ მათ საქციელს ვკიცხავ. რად უნდა დამეჯილდოებინა ისინი ფრანგთა ხასიათის უმაღლესი სათნოებითა და სიმშვენიერით? ფრანგებს ხომ ყველაზე მეტად ფული უყვართ და არასოდეს არ სცოდავენ სიყვარულისა და სიძულვილის კარნახით? ამ რომანში გამოსახული იტალიელები მათგან ძლიერ განსხვავდებიან. თუმცა, ჩემის ფიქრით, საკმარისია კაცმა სამხრეთიდან ჩრდილოეთისკენ ორასი მილით გადაინაცვლოს, რომ მის წინაშე ყველაფერი შეიცვლება: პეიზაჟიც და რომანიც. კანონიკის თავაზიან რძალს კარგად სცნობია და ძალიან ჰყვარებია ჰერცოგ სანსევერინას მეუღლე, და მთხოვა, არაფერი შევცვალო მის თავგადასავალში, თუმცა საძრახისი ბევრი რამ არის.

1839 წლის 23 იანვარი

f

ტეგები: Qwelly, ელ.წიგნები, ისტორიული, მხატვრული, სტენდალი

ნახვა: 119

ღონისძიებები

ბლოგ პოსტები

კონგრესმენის კრიტიკა, ჩინური ვირუსი და ხორავას ქუჩაზე დაპირისპირებულები

გამოაქვეყნა Giorgi_მ.
თარიღი: იანვარი 23, 2020.
საათი: 11:42pm 2 კომენტარი

      ჩვენი სწრაფვა დასავლეთისკენ იმდენად დიდია, რომ საკმარისია რომელიმე კონგრესმენმა 535_დან, რამე დაწერს ჩვენზე, მთელი დღის მეინსტრიმი სწორედ კონგრესმენის წერილს ეძღვნება - ასე იყო დღესაც, როდესაც კონგრესმენისგან კრიტიკული წერილი დავიმსახურეთ ბევრი სხვადასხვა მიმართულებით. დღის ამბებში აქტიურად დაბრუნდა სარალიძე-კალანდიების ამბები, ასევე, ავსტრალიიდან უკვე ჩინეთში გადავიდა მსოფლიო ყურადღება და ამჯერად ახლადგამოჩეკილი ვირუსის…

გაგრძელება

მონატრება

გამოაქვეყნა nunu qadagidze_მ.
თარიღი: იანვარი 22, 2020.
საათი: 5:00pm 0 კომენტარი

გაცოცხლებული ქარაგმა (დასასრული)

      უკვე მერამდენედ ვინატრე გველთან საუბარი... სიზმრად ნანახმა ფრინველ-ღრუბელმა ძალიან დამაფიქრა.

      უპირველეს ყოვლისა, იმის შესახებ ვკითხავდი, თუ რად განშტოვდა სიზმარ-ცხადი ამ ზომამდე, რომ ხანდახან სრულებითაც აღარ ჰგვანან ერთმანეთს.

      თუნდაც ის საშიშარი ფრინველ-ღრუბელი ვთქვათ, სიზმარში რომ ვნახე... ფრინველ-ღრუბელის მსგავსი არსება,…

გაგრძელება

პოლიტიკოს ქალთა დაპირისპირება და ევროპარლამენტარების კითხვები

გამოაქვეყნა Giorgi_მ.
თარიღი: იანვარი 21, 2020.
საათი: 7:00pm 3 კომენტარი

      დღის მთავარი ამბავი, ერთმნიშვნელოვნად, ომბუდსმენისა და მინისტრ წულუკიანის საპარლამენტო გამოსვლები და დაპირისპირება გახლდათ. კომპეტენცია, ცოდნა, საქმიანობა, რეფორმები, პრობლემები - ეს ის საკითხებია, რომლებსაც ეს ორი ქალბატონი დიდის მონდომებით უწუნებდა ერთმანეთს. დღის ერთ-ერთი ხმაურიანი თემა შორიდან, ევროპარლამენტიდან ისმოდა - პარლამენტარებმა კრიტიკული კითხვებით, შეფასებებით დახუნძლეს ქართული წარმომადგენლობა. კალაძი ისევ თბილისის ტრანსპორტსა და…

გაგრძელება

გაყოფილი სამინისტრო, პროკურორობა, მთავრობა და ტიტულატურა

გამოაქვეყნა Giorgi_მ.
თარიღი: იანვარი 20, 2020.
საათი: 11:00pm 2 კომენტარი

      როგორც ჩანს წყენამ წყალბურთელებსაც ავნო - დღეს ის იყო წარმატებას ულოცავდნენ ქართველ წყალბურთელებს, რომ საღამოს ტრაგიკულად დამარცხდნენ რუსეთის ეროვნულ ნაკრებთან - ანგარიშით 14 - 13. თუმცა დღის მთავარი ამბავი, განათლებისა და კულტურის სამინისტროების განყოფა იყო, სავარაუდო სამთავრობო ცვლილებები, სტატისტიკა, და სხვა წვრილ-მსხვილი ამბები.

საქართველოს და მსოფლიოს ამბები / 20 იანვარი, 2020

     …

გაგრძელება

Qwelly World

free counters